2005 年 6 月 23 日 星期四 【雨】

呢幾日係咁落雨，每次出街都搞到周身濕晒，真係好討厭....

今日補完習之後去市中心同阿爸阿媽飲茶（哈哈~~~原來我都不知不覺咁愛上左飲茶），之後行左陣街，因為我想買牛仔褲，最後佢地買左絛Type 1俾我，超級開心呀！thx dad n mum!!!

maggie返左黎喇，好快就可以見到佢，真係好！

>>June 24, 2005 at 12:10:45 AM GMT+8

2005 年 6 月 19 日 星期日 【晴】

15/6
今日落好大雨，幾經辛苦先可以由hall行到返百利，條牛仔褲同對converse都濕到可以扭出水，搞到我要赤腳看鋪，真係慘！夜晚訂左位同阿爸阿媽食buffet，因為要就阿媽休息，所以提早慶祝父親節！我知道佢地兩個今日好開心，所以我都好開心！
P.S. 唔該晒酸梅今晚幫我看鋪~thx!!!

16/6
今日依舊都係落大雨，個場好靜，我仲差D食白果，好彩臨收鋪前有對情侶黎買左條鍊，如果唔係都唔知點同老闆交代！

17/6
HAPPY BIRTHDAY TO CHRIS!!!
最近好似幾開心喎，咁咪好囉，哈哈！

18/6
去看鋪之前收到chris既電話，佢話剛剛整完蛋糕想俾我試下，於是我就去左搵佢！我地都好耐冇見喇，佢又轉左style，佢話今次兩個都好滿意喎，哈哈！跟住佢陪左我去看鋪，實在太好喇，終於唔駛自己一個！收鋪之後返hall同莊員食飯，哈哈~多謝肥仔！^^

19/6
HAPPY FATHER'S DAY!!!
開O'Camp會，進度唔錯，大家努力呀！

>>June 20, 2005 at 2:02:14 AM GMT+8

2005 年 6 月 14 日 星期二 【晴】

feel upset......

>>June 15, 2005 at 11:38:51 PM GMT+8

2005 年 6 月 13 日 星期一 【晴】

G5 Gathering

今日約左阿愉, cicx, kylie and joanna食飯，真係好開心，因為已經好耐冇見佢地，尤其係cicx啦！我地去左食「豐」日本料理，我都係第一次去，感覺上好high，D野食都幾貴，不過joanna有coupon就抵好多，哈哈~~~我地食完之後去左諾士佛臺飲野，可惜cicx好早就要走，下次一定要留耐D呀！記得上年生日果陣，我地五個又係食完飯之後落pub飲野，咁就一年，真係好懷念~估唔到當時cicx既問題到而家都仲存在，真係希望佢可以快D解決到，拍拖應該係開心架，知嘛？仲有阿愉, kylie and joanna，佢地三個都畢業喇，無論係諗住出黎做野定繼續讀上去，我都會支持你地架！



>>June 23, 2005 at 10:38:35 PM GMT+8

2005 年 6 月 12 日 星期日 【晴】

個頭由星期五晚開始一直係咁痛，原本以為訓下就會冇事，點知訓醒之後仲痛，痛到乜都做唔到，真係好辛苦！

尋晚頭痛到訓唔到，食左藥好左D但都仲係痛，究竟咩事呀？今朝起身好似冇訓過咁，同阿爸飲完茶之後就去補習，跟住返hall！返到hall見到大門口出面泊滿晒車，因為今日係最後一日check out，ecstacy都係今日搬，幫佢搬完野落樓下之後，我就一個人返1532，突然間覺得好冷清同寂寞，roommate走左、toiletmates走左、好多莊員同hallmates都走晒，雖然話好快會再見，但始終都有D唔捨得，好討厭呢種感覺......

>>June 13, 2005 at 12:52:46 AM GMT+8

2005 年 6 月 10 日 星期五 【晴】

睇左bonnie's diary，覺得好有同感！雖然明白世界上係冇兩全其美，但始終都希望可以做到！當初考慮左好耐先決定上莊，既然上左就要對支莊同我既莊員負責，因為一生人只有一次上莊既機會，所以我要好好珍惜，唔想hae過！但另一方面，有得必有失，真係好難做到兩全其美......不過我係絕對唔會咁輕易放棄，我會盡我能力去做，就算幾辛苦都係值得，因為各方面對我黎講都好重要！

今朝一早同ivy去黃埔睇"Mr. and Mrs. Smith"，我地睇1210果場，但1140先起身，都得架喇我地，哈哈~於是唯有拿拿聲衝出去，趕到我地死死下，不過套戲真係好好睇，我roommate話係一套笑片，但其中一幕令我有想喊既衝動，好奇怪，原來我真係咁眼淺！angelina jolie超sexy，又型喎，好鍾意佢呀！ivy聽日去北京喇，希望佢有一個愉快既旅程啦，不過記住要小心呀！

夜晚返到屋企之後即刻上網check成績，睇完之後都幾失望，好唔開心，雖然進步左但比預期中差，考得最好既始終都係business既科，唉...我真係唔應該讀comp，之後既路會越黎越難行，真係好想好想轉科呀！>_<

>>June 11, 2005 at 10:32:09 PM GMT+8

2005 年 6 月 6 日 星期一 【晴】


首先要同jelly講聲"HAPPY BIRTHDAY"，每日都開開心心~雖然今日同唔到佢慶祝，不過遲D一定會補返！

今朝同阿爸阿媽飲茶果陣傾起星期日搬返屋企，點知佢地竟然叫我住埋summer，本來唔住summer係因為想多D時間陪佢地，不過佢地話住hall會方便我返工，佢地都講得o岩既，我一樣可以成日返屋企架嘛！哈哈~~~好傻呀！

飲完茶之後就去百利看鋪，原本帶左隻DVD去睇，點知睇唔到，勁灰！好彩armi黎探我，佢幫我買野食又陪我傾左陣，我先冇咁悶ja~今日做左好多生意呀，armi話係佢帶旺個場喎，哈哈~點都好啦，總之好開心啦！

之後ivy黎等我收工食飯，我地去左食板前壽司，因為ivy話想食左好耐，所以就去試下！結果我地等左一個鐘先食到，D野食都ok既，不過就幾貴囉，都唔明點解日日都排晒長龍！食完再行返紅磡join garen食糖水，好肥呀！

>>June 8, 2005 at 5:29:38 AM GMT+8

2005 年 6 月 4 日 星期六 【晴】

病左幾日都未好，仲反而嚴重左，都怪自己冇好好休息同食藥啦！因為呢兩日都要開會，我唔想食左藥眼訓，所以就淨係臨訓前先食，原來咁樣真係無效架！

>>June 5, 2005 at 12:09:10 AM GMT+8

2005 年 6 月 2 日 星期四 【晴】

好失落....

唔想俾人睇死，但偏偏又唔爭氣！

上莊講得好o岩，我地真係有好多不足之處，如果再唔改善既話，只會造成更多遺憾！

呢一刻係好灰、好唔開心，相信其他莊員都會有同我一樣既心情！不過未來仲有好多挑戰等住我地，千祈唔好放棄呀！我地要證明俾各位支持我地既hallmates睇，佢地冇選錯我地！大家都要俾心機呀！

>>June 3, 2005 at 4:33:04 AM GMT+8

2005 年 6 月 1 日 星期三 【晴】

played msn for the whole night, felt so warm and close! haha~~

終於病了.........最慘就係仲要訓唔到，尋晚三點幾訓落床，但等到六點幾先訓得著，訓到今朝十點幾就醒左，究竟點解會咁架？醒左之後唔知做乜，於是就打俾阿Sa，點知連佢都嘈醒埋，對唔住呀~哈哈！我地出去食完野之後返左poly睇醫生，唉......而家D醫生真係越黎越hae，同俾錢買藥冇分別！同阿Sa傾左成個下晝，發覺佢都開始病病地，死啦~我傳染左俾佢喇！希望佢冇事啦！

今晚既farewell飯係利生o係十五十六樓既最後一個function，真係有D遺憾......

>>June 1, 2005 at 11:19:03 PM GMT+8