2006 年 1 月 15 日 星期日 【晴】

HAPPY BIRTHDAY TO IVY~

利生贏波出線四強，加油呀!!!

睇完波之後就搭車去apm同ivy慶祝生日，我地去左chris介紹果間日本餐廳，有好多野想食，不過我地太少人，試唔到好多，有機會都想再去多次!食食下講開睇戲，原來chris都想睇<情義我心知>，實在太好喇~~~於是我地就拿拿臨食完野過戲院買飛!我終於明白點解ecstacy話想睇多次，套戲真係超正，爆笑+感動兩方面都做得好好，簡簡單單既一個動作或者一句說話已經好到位!!!chris睇完之後話呢套戲一定會拎好多獎，我當然希望係啦~哈哈!!!

ivy終於firm左畢業旅行去英國、法國同德國，希望佢買到世界盃入場券啦!!!真係好羨慕佢，我都好想有呢一日~

>>January 16, 2006 at 4:04:41 AM GMT+8

2006 年 1 月 14 日 星期六 【晴】

個個都話<情義我心知>好睇，我又要睇!!!

>>January 14, 2006 at 11:13:51 PM GMT+8

2006 年 1 月 12 日 星期四 【晴】

知道自己既成績之後，終於鬆左一口氣!!!全部合格，唔駛再retake喇~~~

坦白講，我今次真係好感恩~雖然唔係話咩好好既成績，但對我黎講絕對係一個鼓勵!!!一開始已經知道自己唔係讀電腦既人，不過呢條路係自己揀既，既然返唔到轉頭就唯有繼續行落去!!!下個sem要再努力D~

衷心感謝每一個組員，冇你地我一定冇咁既成績!!!thx so much~

>>January 14, 2006 at 2:19:13 AM GMT+8

2006 年 1 月 6 日 星期五 【乍雨乍晴】

5/1-6/1 「利生幹線」澳門之旅

第一次同莊員去旅行，感覺好新鮮!!!澳門雖然細，但我每一次去都總會發掘到D新野~估唔到我地去到澳門一樣照唱通宵K，雖然比唔上香港既K房，不過都唔算太差，D野食都幾好味~除此之外，我地又去左剛開幕既漁人碼頭，好鍾意果度既歐陸式建築，真係好靚~~~可惜我地去到果陣已經好夜，周圍既鋪頭都收晒，所以只係行左好少地方，下次一定要再去先得!!!基本上我地兩日既行程都係圍繞住食，原來我地成班莊員都係咁為食，哈哈...個個都行到邊食到邊~今次又食左好多之前冇食過既野，我最鍾意就係個水蟹粥喇，真係超級好味，諗起都想食呢~~~第二次去「金沙」，同酸梅夾份玩左一百蚊，我地竟然有錢贏，LUCKY~ ^_^

臨返香港之前，我地去觀光塔兜左個圈，估唔到有意想不到既收穫---treasure hunt!!!可能係o'camp後遺症，大家對treasure hunt都有個情意結，一見到有得玩就超級興奮，我地好認真咁周圍搵答案，然後答晒D問題去換獎品，點知果個人竟然睇都唔睇，真係.........哈哈~~~雖然好白痴，不過真係玩得好開心!!!

期待下一次台灣之旅~

>>January 11, 2006 at 4:39:06 AM GMT+8

2006 年 1 月 3 日 星期二 【晴】

o係2005年1月1日既日記入面，我話過2005年將會係先甜後苦既一年，結果我真係冇講錯!!!上半年真係過得好開心，一月同阿拔去左韓國旅行，第一次見到真雪，超級興奮~短短既5日4夜卻係我全年最開心既日子，因為我真係好鍾意去旅行!!!二月又同阿拔去左澳門，雖然唔係第一次去，但今次又係另一種體驗，試左好多新野，第一次入賭場!!!ivy有得住hall，做我toiletmate，真係超級開心，日日都可以同佢一齊行街一齊食飯!!!三月正式上莊，寫下大學生活新一頁，「利生幹線」俾左我好多難忘既回憶!!!五月既final，雖然唔算係考得好好，但已經比sem1進步左好多!!!下半年開始轉差，先係唔見左隻帶左成3年既介指，到而家都仲好唔開心，永遠係一個遺憾!!!ecstacy同ivy都先後搬走，得返自己一個人，summer遇著一個怪roommate，成日俾佢鬧，果兩個月完全唔想返自己房!!!九月開學之後，日子更加難過，因為我呢個sem要讀7科，再加上一星期7日不停補習，一D私人時間都冇!!!十月inter-hall比賽，幾經辛苦殺入決賽，但始終都逃唔過宿命!!!成個十二月都過住非人生活，6 projects + 6 exam同步進行，捱到不似人形，最慘係要對住一D自己完全冇興趣既野，真係痛不欲生!!!
踏入新一年，最希望屋企人同朋友都身體健康，少D煩惱，開開心心!!!

>>January 14, 2006 at 3:14:39 PM GMT+8

2006 年 1 月 1 日 星期日 【晴】

06年的第一天，不是太好.........

身體越來越差......

=======================================================

31/12

第一次去蘭桂芳倒數，雖然迫左好耐，但都係值得既~

HAPPY 2006!!!

>>January 4, 2006 at 11:25:03 PM GMT+8

2005 年 12 月 30 日 星期五 【晴】

29/12
今日一訓醒就去補習，之後出左旺角同ecstacy睇"harry potter"!!!可能個個都話今集差過前果幾集，所以我對佢都冇乜期望，結果又反而覺得幾好睇，哈哈...世事往往就係咁奇怪~不過D主角個個都大晒lu，好難叫人相信佢地得14歲!!!原來我都有好多年冇同ecstacy一齊睇戲喇，我地通常都係唱k多，嘻嘻~~~自從佢冇住hall之後都少左機會見佢，所以我地今日傾左好多野，不過佢下個sem就會搬返黎喇，我地又可以再做roommate，真係好!!!我地食完野之後行左陣街，原來大家都有好多野想買，不過我最後都係空手而回，因為今個月已經洗左好多錢!!!
睇黎睇去，始終都係覺得longchamp個袋最好，唯有努力賺錢啦!!!

夜晚返左屋企，繼續做埋最後一個project~

我終於o係2005年12月30日完成晒sem1既所有野!!!

準備迎接新一年既來臨!!!

P.S.收到個靚靚蠟燭，超鍾意呀~多謝酸梅!!!

>>December 30, 2005 at 3:47:23 AM GMT+8

2005 年 12 月 25 日 星期日 【颳風】

Merry Christmas~

24/12

本來諗住同酸梅去蘭桂芳倒數，可惜我地遲左一步入唔到去，唯有o係附近既一條街倒數，氣氛差好遠!!!之後行過去皇后像廣場，我地影左好多相~




返到hall見到信箱有份禮物，我仲以為要聖誕之後先收到添，香港D郵差果然有效率呢~UM...睇到封信同張咭既時候，我感動到喊左出黎.......你真係好好，唔駛講對唔住，我明白架，我知你為左要2月返黎已經好辛苦~你講得冇錯，"Christmas is cold but our heart is warm!" 咁已經足夠喇~ 你記得要保重身體呀!!!

25/12

今日一起身就返左poly做COMP302，今日個lab好冷清，真係有D驚!夜晚等酸梅放工之後同佢一齊食飯，跟住搵埋阿強睇「四眼雞丁」，因為好想睇D開心既戲，佢果然冇令我失望，笑足個半鐘，雞丁真係超得意!!!呵呵~~~

>>December 30, 2005 at 3:04:24 AM GMT+8

2005 年 12 月 23 日 星期五 【晴】

YEAH~~~終於firm左喇!!!

呢份已經係最好既聖誕禮物~

2006年2月10日

See u~

=========================================

終於買左個新電話，哈哈~~~

不過我都係鍾意而家果部多D!^^

>>January 14, 2006 at 4:24:44 PM GMT+8

2005 年 12 月 21 日 星期三 【颳風】

而家係凌晨4點鐘，我o係library溫緊COMP311，已經係第5科喇，溫到冇晒心機，本來呢科應該係我最後一科，可惜我要retake，都怪自己上年冇努力......真係好想快D考完試，雖然考完之後都冇乜特別野做，只不過係唔想再過而家既生活，晚晚「蒲24」真係一D都唔好受!!!

>>December 21, 2005 at 4:26:10 AM GMT+8