|
2005 年 9 月 23 日 星期五 【微雨】
今朝搭 lift o個見到李太,,,佢問我又轉左邊間
我話皇仁..佢問我當初最咩入顧超文...林護出黎應該出善德呢 d
雖然都係英文教..但係唔係好難..入顧超文真係晒時間.
唉..超講越心酸....算啦..都過左去..當拎個教訓..
返到去...話要交咩..班會約章
則係每個同學寫一個我地班房既規條~
主席睇到覺得合理既就要黎做班會約章..我都係仲未寫架=.=
第一堂上 中文...我地後面呢班又響到掟紙團=.='''
又係攻郭頌=.=''~~
我已經用本書遮住我塊面費是比佢地掟到..
之後郭頌一野將舊紙團掟上提風扇
點知係一野飛返落我個頭到@@'''!! 我勁無奈
佢地就響到笑> ................ < 冇陰公呀 . . . . ..
上bio...黃透明..雖然佢讀書幾好笑,,,但係望望下佢我最後都係訓著左..
中史..ms.mak入到黎班房..去到我個位
即刻話我：嘩~~~做咩咁亂架?!!
唉~算啦~~你遲早都會習慣架啦~~
你都唔知係第幾個 miss呀 sir 話我亂=v=''唔好咁出奇
lunch 之後o個個班主任時間...
話主席睇左o個 d 班會約章..
決定左,,,
1) lunch 同小息時間唔可以有其他班既人入黎..
2)要保持班房清潔
3)考試平衡合格率要超過 70%
我聽到要 保持班房清潔
我第一時間問有冇得否決!!!!
ms.cheung 就話舉手睇下否決既人多唔多..
第一條係lunch 同小息時間唔可以有其他班既人入黎..
差唔多成班都否決..
之後就問邊個否決要保持班房清潔..
我第一個舉手!!!!
大佬~!!!!要班房清潔則係要趕絕我??!!!我唔可以俾呢 D 事發生架>.....<
跟住ms.cheung 好奇怪咁問,,'' 邊個唔鐘意班房清潔架 ?! ''
''我呀我呀~!!! '' o個個咪我囉~!! 我係即時俾反應佢我係唔鐘意班房乾淨架!!
最後我都唔記得左有冇否決到..
放學,, 冇野做...同 judy,,bel佢地企左響到睇江生佢地猜波
點知見到有個20 幾歲幾靚仔既話同江生佢地猜
嘩~~係勁掂~!!! 後尾先知原來佢係學校社工黎架@@'''
嘩嘩嘩!!咩我地學校有個咁靚仔既社工咩?!
哈哈哈!!真係得閒要扮下問題少女同佢傾下計!!XDD ( 咩我宜家唔係問題少女咩?! XDD)
跟住又響到昅籃球隊 d 人~~ 佢地話我係金魚婆~~
哈哈..雖然我冇否認過~~~XD
差唔多走o個陣,,judy 話佢地話個靚仔社工響社工室呀~~
之後仲拉左我去社工室門口=.='''''
痴線咩~真係入到同佢傾計~~
其實..其實我好怕羞架>........<哈哈哈哈哈!!!!
( 笑咩呀你> < ....唔俾笑... 雖然我都忍唔住笑自己>v<'' 真係講出黎我都唔信 )
你試下聽日落雨唔俾我比賽?!!我仲唔砍人0.o?! 雖然我唔會= =''
>>September 23, 2005 at 6:56:50 PM GMT+8
2005 年 9 月 22 日 星期四 【寒冷】
琴晚9點幾同呀 por 落左樓下飲野~
順便拎住 d maths 叫佢教~真係順便~~哈哈哈~
11點番返上去,,同亨少,,長毛哥哥傾完電話就訓啦~
都講緊係三點既事=0=''
今朝搭 407 o個陣..聽緊 mp3,,無啦啦ms.a wong上左車@@''
用0.幾秒速度除低個 mp3..
佢坐我前面再前面..我諗緊佢都見到我，我無理由唔叫佢架喎?
之後差唔多落車o個陣諗住叫佢啦,,點知佢奔跑落車咁=.=''
想叫佢都叫唔到 . . . .無奈
今朝返到學校~
見到 SC o個大大張既宣傳海報
真係嚇死~晨早樓樓見鬼咁[email protected]
上 Physics~去 laboratory 上~
呀黃嘉樂同學唔識答問題~比呀顏 sir 罰抄
之後唔知黃嘉樂講咩，佢話 " 我信佛架~!! ''
我話 '' 信耶穌啦~耶穌打救你呀~ . . . . . . .打完之後救你~ ''
'' 耶穌?! 都俾人釘左啦~都唔知去左邊?! ''
'' 你信佛?! 咁你死返去罰抄啦! ''
哈哈..之後佢冇晒野講
跟住又不停響到傾計~
黃嘉樂又話
" 你郁親我一條毛都唔放過你呀~!! "
我話 '' 下?! 咩你咁多毛架 ?! ''
哈哈哈哈!!!真係笑到我同劉同學肚痛喇~!!!太可愛喇佢 >3< !!!!XDD
跟住上中文,,默書~
要我背佢 d 書..?! 佢就想喇~
成班都出貓~費是理個 miss=.=
跟住陳麒康同呀甘潤豐響到拋o個 d 廢紙彈~
無啦啦差 d 整到我..跟住就掟返過去
之後呀佢地兩條友圍攻郭領@@''''''''
成堂後面呢埋都響到掟紙=.='''
最後o個堂搞班會 d 野~!!幾想鬧佢地=.='''
我真係覺得個班會係廢架囉 . . . .
正副主席兩個都係女仔..謝同學類似好溫柔咁..我想講既係佢講野好細聲
出到黎都聽唔到佢 up 乜 . . .
我唔係話想話女仔真好冇用..但係我覺得正副主席是但一個要係一個男仔囉..~
宜家搞到個班會不倫不類 . . . . . . . . . . . .
真係我搞好過=0=
放學就去打 fdly ,,對迦密 . . .
我同 tobe 響隔離玩和音..哈哈哈
之後我又昅個球證~好可愛呀佢>v<''呵呵~
佢地個11號好勁@@''
我最後出左去一陣就夠鐘喇..~
七點就返屋企~
我對你好失望!!!!!
因為你真係好冇用呀!!!
>>September 23, 2005 at 6:14:02 PM GMT+8
2005 年 9 月 21 日 星期三 【晴】
今日響 OK 等呀 wing同埋呀 yu o個陣
見到呀豪~佢話等緊人
o個刻諗緊係咪呀 key 呢?!
跟住佢問我係唔係等緊呀 key
我話唔係,,呀 key 應該搭左車走左
過左陣 . . . . .key 黎左 . . .同佢講左陣 . . ..
佢同左呀豪走左~都話呀豪等緊佢架啦~~
我太聰明喇>v< !!
之後返到學上 maths . . . .眼訓到我 . . .
訓下醒下訓下醒下..
英文..我比面ms.cheung~我堂堂訓佢都冇點叫醒我~
今次比下面佢就唔訓啦~
但係我真係好眼訓囉. . . .
雖然冇著長袖冷衫都照聽 mp3 . . .如果唔係我又忍唔住訓著~
我隔離o個個又比糖我食~~
History . . .訓左陣就去左洗臉 . .
我真係覺得 ms.呂好陰濕=.=''''
lunch 同呀 wing 買 M 記上呀 yu 屋企食~
見到謝生@@''初頭都以為我認錯~但係應該係佢 . ..
點解佢會響 M 記到做 . . .佢唔駛返學咩 . . . . .=.=
返到黎上劉珮珍堂 . . .
頂..死忍爛忍都費是訓~唔想再比佢煩住晒=0=
所以係咁同 ada ,,cindy 佢地傾計~
" 呢個世界有兩種人
第一種係仆街,,
第二種係好仆街
例子說明：第一個係街劉珮珍
第二個亦係劉珮珍,,所以第三個都係劉珮珍架~
可想而知~劉珮珍係幾咁仆街?! ''
XDD哈哈...所以話呢..宜家 d miss 真係心理變態架 !
係咪連個天都玩野呀?!
獲獲比賽先想黎落雨!!
唔鐘意咪出聲囉!!落咩雨姐?!!
( 個頭已經有 d 水蒸氣噴出喇 . . . . )
唔該唔好再無啦啦一野兩野咁拍人啦!!
頂胃,,好鬼死痛架你知唔知..我驚我有一日忍唔住
真係遲擊呀..到時有邊個傷有唔好怪人啦
唔好再覺得好好笑啦..我講真架..
同埋你呀..必要時真係要識講唔好又或者比行動佢叫佢停止啦
你再係咁比人熔左都唔知咩事啦~!! 要識保護自己架
>>September 21, 2005 at 6:11:18 PM GMT+8
2005 年 9 月 20 日 星期二 【晴】
今日真係好多野發生 . . . .=.=''
今朝一朝早就上左蔡留屋企整野~~
去到青衣,,..響 OK 同陳詠儀等呀 yu . . . . 點知同我地講佢仲未做完功課 . . .=.='''無奈囉
早會~兩個學生會內閣勁搞野XDD
友人係最好架~~~( 詳細我已經唔係好記得~ )
男１：呀~lunch 好悶呀~
男２：呢位"小妹妹"~不如我地玩智力問題啦
男１：好呀~
男２：唔..一隻母雞同一隻公雞 猜三個字丫~
男１：我唔知呀~
男２：就係兩隻雞喇~~
男１：哦~~
男２：咁 du du du du du du du du du 猜一個字
男１：我知~!!係個 du 字~
男２：係喇~~岩晒喇~~送份禮比你啦~~
睇到我地個個 o 晒咀~~哈哈哈
仲有扮龍咁威 . . . . .
返到去第一堂上 P.E ，今堂又係游水~
今堂游背泳
個救生員真係超正~!!!XDD哈哈哈~~
之後係咁游,,上水訓響到踢水 . . . . . .之後又要落返去游來回 . . .
連續係咁幾廿次 . . . .
所以周不時都聽到我 d 慘叫聲=.=
好鬼死痛架隻腳陰公>..........<
沖身o個陣 . . . .Tobe 跌左我條裙落地下 . . .嘩 . . .濕晒啦死火!! > <
之後上完就上中文 . .. .唉 . . . .抹鼻涕都抹左我成兩堂 . . . .
我又唔記得帶冷衫喎. . . . .唉 . . . .好似經過左十年大風霜就死咁~
跟住 lunch 比我知道左件事
真係呆左呀我 . . .我之前都諗緊會唔會
點知我 d 第六感真係咁準@~@ ( 只限feel 人地 d 野 . . . . .=.='' )
唉 . . . .你咁做,,同佢上次 hurt 你又有咩分別?
劃清界線把啦 . . .
返到去上 ENG . . .我又響到訓
訓左差唔多堂幾
之後我都起左身
跟住見到成班人都望住陳X善( 唔記得左佢個名 )
佢趴左響到郁都唔郁
好似喊緊又好係訓緊 . . .唔知做乜 . . .之後打鐘放學仲趴響到
d人係咁拉佢都唔起=.=''超無奈 . . . .真係唔知佢做咩事
跟住落去練排球 . . .
陪易文返屋企換衫 . . . .
練練下陳詠儀比呀 yu 一野踩後爭..飛魚式仆落地下@@''
成個過程睇晒 . . . .呆左
陳詠儀隻腳傷晒
之後練完返更衣室
我見到我個袋開左 . . .但係我明明係拉左拉鍊 . . .
易文個袋又係咁 . .後尾呀 yu 發現唔見左部電話同唔見左張廿蚊@@ . . . . .
好彩我個電話袋左響條裙到 . . .冇唔見
易文就咁放左響個袋到都冇比人偷
之後我地打去呀 yu 手提..睇下邊個拎左
點知條友陰濕到飛左條線去皇仁@@'''
勁奸 . . . . .呀 yu 之前已經唔見左兩部電話
點解唔偷我地既..係要偷佢既=.=''?!
我都忍唔住要唱句 " 也許衰開有條路 "~~~哈哈哈 . . . .
八點先返到屋企 . . . . .好"支力"=.=''
>>September 21, 2005 at 1:17:23 AM GMT+8
2005 年 9 月 19 日 星期一 【晴】
琴日同12點同 CK,,李銘,,維維,,李富輝,,呀杜,,呀聲上 winnie 屋企~
買左酒上去~
玩玩下CK同李富輝走先~
之後我地本來睇咒怨架..
後尾都係睇回魂夜算=.='''
6個人逼埋一張梳化床~雖然唔係咁舒服
但係好好玩~
之後四點幾睇完就響到吹水玩左陣 . .
朝早七點就一齊落去食早餐 . . . . .
七點幾就返屋企訓覺@@
返到去訓到兩點比舅父嘈醒左 . . . .
頂,,,,訓得好地地 . . . . . . . .
跟住四點落左樓下茶餐廳食野
再返上去訓過~
訓到真係好似死左咁=.='''
>>September 20, 2005 at 2:59:10 AM GMT+8
2005 年 9 月 18 日 星期日 【雨】
中秋節快樂~!!
今日成日都響屋企
勁唔想出街 . . . . .~
6點幾睇無線新聞~
我表哥柏期響保齡球「亞洲巡迴賽香港站賽事」拎左冠軍~超勁~!!
但係呀康就四強已經out 左~ ( 呀康係胡兆康..我二哥個 fd~ )
好慘呀佢..失水準!
7點,,,柏期,,叔叔,,呀姨,,健健,,國清,,舅父,,舅母上黎做節~~
佢係地咁講o個場保齡球賽~
食完..叔叔就車我同柏期出去~
低 b . . . . . .叔叔就渣太盤..柏期入波 . . . .好恐怖 . . . .=.='''
上到車，見到柏期個獎..哈哈,,拎左黎影~~ ( 最下面有得睇 )
去到青衣..就 join 佢地喇~
今日有好多人呀~~
有我,,winnie,,samaine,,李銘,,維維,,聲,,呀杜,,禧叔,,軒,,李富輝,,文子傑,,key,,KC,,yuki,,賴杰朗,,呀ling,,仲有幾個女仔,,兩個男仔 ( 豬頭同 por 放飛機... )
響出面玩玩下,,去左長發商場到鋤dee~
佢地話我係強姦犯 > <....XD
跟住仲見到 miri,,euling~~哈哈
係咁匿埋大叫佢地,,
呀 key 就跟左易文佢地
過左陣無啦啦條友走過黎~喝到醉晒
我望住 key 我真係想一把星落佢到囉
我好憎 d 人響我面前成塊面紅晒醉到就訓底囉 . .
之後都費是理佢,,由得佢飲飲死佢 . . .
跟住見到希~原來書嬈同左佢一齊@@?! 真係估唔到=.=''
十二點就同 CK,,李銘,,維維,,李富輝,,呀杜,,呀聲上 winnie 屋企~
續,,,
相：
勁多記者
柏期拎獎
我拎左柏期個獎黎影相~~
>>September 20, 2005 at 2:56:48 AM GMT+8
2005 年 9 月 18 日 星期日 【微雨】
頭先訓左響間房到..
望到我以前兩套掛左響到既校服..
突
然
覺
得
好
﹁
心
酸
﹂
轉校..
原來我一直都冇真正諗過呢個問題 . . . . .
我係唔係要用呢兩套校服記底我過去係幾咁失敗
我淨係知道
我想搵一間學校係真適合我
我只要讀得開心，就可以
但係..點解可以咁難?
定係我要求高?
上年入顧超文..我真係覺得自己係多餘
白費左一年既時間
咩都冇做過
我唔想再轉校..好"支力"好厭倦 . . . . .
希望係咁啦..
帶眼識人呢句係岩架..
>>September 18, 2005 at 12:59:48 PM GMT+8
2005 年 9 月 17 日 星期六 【綿綿細雨】
今日十一點幾起左身 key 打黎話岩岩返完學叫我同佢出去行
跟住mani 佢地又打黎叫我去青衣一齊食野 . . .
但係我真係唔想再去青衣囉=.= . . . . ..我唔想日日都入去
之後陪 key 響葵芳買衫
跟住就一齊入青衣 join mani,,tobe,,yu食野
我真係發現呀yu佢係真係乜都唔識架囉=.=''
可以連筷子都唔識拎囉 . . . .嚇親我@~@
之後撞到易文同伍子
行左陣就上左去伍子屋企打牌~~
第一鋪打左十番XD...哈哈哈
七點就返屋企 . . . .
我唔想過一個落緊雨既中秋囉=.=''
>>September 18, 2005 at 11:10:45 AM GMT+8
2005 年 9 月 16 日 星期五 【晴】
「分開 假如難為誰 一起一樣是負累
相戀仿如懸崖懸著 離合都太累」
>>September 17, 2005 at 11:45:26 AM GMT+8
2005 年 9 月 16 日 星期五 【晴】
今日排隊竟然係冇流汗@@'''
今堂上 art~勁速畫左個著住"媽"煙通既超人~哈哈哈!!好搞野架~
上中文o個陣~
我左邊o個個 ( 我唔記得左佢叫咩名.. ) 唔記得帶書~
咁我就拍埋張" 木台 " 同佢一齊睇~
我同佢都掛住搞部電話~
佢開左個喇叭聽歌~~
哈哈~~超正~ 加上ms.蘇 講野勁大聲..佢聽唔到~
之後又響到傾計 . . .
lunch 同陳詠儀係咁然究淫野 . . . .=.=我地最後得既結論係..死喇..我唔記得左=~=
算喇~
上Eng . . . . . .我叫呀陳同學同林華仔同學貼張烏龜落佢地前面o個個到..
笑到我 . . . .哈哈..
"我是龜
我是蛋
我是龜蛋"XDD
放學就同 tobe ,,江生,,foem 3 既兩個男仔同另外一個女仔打排球~
五點就走喇~
出左荃灣搵 key ,,chanlee 同 winnie~
七點就返屋企~~
>>September 17, 2005 at 11:44:18 AM GMT+8
|
![]()
|
|
「我們不把遺忘當作遺憾
我們 年月裡任青春荒蕪生活放任
蝴蝶離開 盛夏不再 成長的路上佈滿青苔
若有所失的年紀我們不懂去愛」
這個世代的人，是不是都忘了？
紙飛機 總會飛回來
廣告 |
|
|
讀者留言 |
| 路人留言
|
 好啦我終於忍唔住留言比你個衰人-
>>December 12, 2009 at 4:05:33 PM GMT+8
上你的網站 會令到成個IE輕了!
>>March 26, 2009 at 8:30:31 PM GMT+8
仲咩無左我同你影個張相嫁??-,
>>December 14, 2007 at 12:52:43 AM GMT+8
你個background mus
>>January 16, 2007 at 5:44:40 PM GMT+8
三唔識7都食飯？？
<br>＠＠
>>August 24, 2005 at 10:37:27 PM GMT+8
天呀!!!!!!
<br>唔係呀
>>August 22, 2005 at 1:56:57 PM GMT+8
hihi!!!
<br>你都知我
>>April 9, 2005 at 12:32:24 AM GMT+8
你篇日言己女子似論文ａ]]]]]
>>April 1, 2005 at 4:28:29 PM GMT+8
好似好耐冇見咁........>
>>December 8, 2004 at 5:52:14 PM GMT+8
我係金魚佬law-.-
<br>
>>November 24, 2004 at 6:26:48 PM GMT+8
-0-wa
<br>你都好有ta
>>November 21, 2004 at 7:03:49 PM GMT+8
咦~好似好耐都無人黎留言既？
<
>>September 11, 2004 at 8:22:32 PM GMT+8
嘩嘩嘩.....
<br>冇野呀
>>July 30, 2004 at 11:54:02 AM GMT+8
其實女仔都有優點ga~
>>June 17, 2004 at 3:21:32 PM GMT+8
牛牛....今天哭了
>>March 19, 2004 at 6:08:21 PM GMT+8
who is 霍龍日 ?????
>>February 7, 2004 at 5:57:27 PM GMT+8
係一借冇回頭呀
>>January 27, 2004 at 6:19:42 PM GMT+8
聽日考EPA la~!!
<br
>>January 15, 2004 at 9:56:12 PM GMT+8
hihi............
>>December 19, 2003 at 7:36:36 PM GMT+8
|
人氣: 83505
Design & Scripting by ShowHappy.Net
| |
