2005 年 12 月 30 日 星期五 【雷雨】

今日wing 打黎叫我起身..
之後去睇跌打，因為時間既關係求其 full 左d藥先
但後尾發現係著唔到鞋，所以就整走左 . . . .= =好晒氣 . . .

跟住就去楊屋道睇男乙石天，點知去到網到未開 . . .
原來改左期= ='''但係蘇德佢地下一場打 . . .
等我仲腳痛拐下拐下都走去睇 . . . = =

之後即去青衣到搵偉 sir 佢地~
今日我地去石圍角到做義工~同 d 智障既小朋友玩遊戲~
今日有易文、tobe、呀公、黑me、伍子、wing、mani、jenny~
所以我地要10點幾返去預備 . . . . 我地響到整曲奇~ 好靚=v= ( 都幾好味tim~ )
跟住好趕咁食飯盒 . . . 之後1點就出發喇~ 坐我地租既車去~!

去到石圍角..原來 d 小朋友都到左 . . .
話晒第一次帶 d 智障既小朋友,, 唔多習慣 . .不過大家都做得好好呀我覺得=v=
但係原來佢地一唔坐響到就真係唔定，周圍走 . . . .
其實佢地有 d 都幾醒，因為有一個仲玩返呀公轉頭XDD笑死！

最精彩既就係有一個無啦啦飛鞋,, ''拋物''線過左一個人，之後易文一手接住左@@!!! 我目睹整個過程!! 真係笑死我~! . . 易文你好勁，哈哈哈！
因為佢地一唔坐響到就周圍走，所以原本玩既麻鷹捉雞仔就唔可以玩喇，不過我即諗到第二個遊戲頂住先 . . . .玩完就派野俾佢地食 . . .
4:00 就完喇 . . 嘩,,個個都身心疲倦 . . . .>......<
跟住做左陣檢討，就番返青衣個中心喇,,,做左陣檢討就返屋企喇

臨走之前偉 sir 仲要我除左隻鞋俾佢睇下我隻腳消腫未
佢仲成個呀媽咁一輪咀講我要介食咩...聽到我 O 晒咀,,, 哈哈.你明知我為食，點講都冇用=P

返到葵芳，睇跌打
我一除襪，嘩@@ 紫到嚇死左人 . . . ..超痛
仲話我可能骨裂 . . . . 要照 X光,, 仲話我好野，今日仲行到咁多路= = 叫我唔想再行咁多，就黎返學都唔知點死= = 好彩唔係傷返以前 d 舊''幻'' . . . .

返左屋企一陣，就過左舅母到一陣睇BB . . . .

跟住訓左陣，走去沖涼 . . .full 左野都唔知點沖 =.=沖得勁辛苦,,
之後就同喬 por 傾電話..

琴日預備今日做義工 d 野o個陣，唔知偉 sir 叫我地做乜
偉 sir ：你地女仔黎既~一定識做~
我：下,,從來冇人當過我女仔喎
偉 sir：哦，咁我宜家開始當你係女仔喇
我：咁多謝?

其實冇乜特別，淨係覺得好好笑姐 . . . .

彩排o個陣~超好笑

我整既其中一塊曲奇，焗之前同焗之後~ 之後入袋>v<


整緊曲奇~ 有幾塊係我整既,,因為大家都要整

小妹妹~

包到成隻豬蹄咁既腳=0='''


>>December 31, 2005 at 2:36:11 AM GMT+8

2005 年 12 月 29 日 星期四 【晴】


有時我好鐘意一日打兩篇 diary . . . ( 我係講有時.. )
我想問下自己

我係幾時間始討厭你?!

我真係好討厭男仔婆媽，平時扮到好勇，乜都唔怕
但係要你開句聲都唔敢，仲要扮蠢，我真係唔信你''當時''突然變蠢

05 年呢一年入面，我見過太多呢 d 人
亦都明白點解自己咁討厭某 d 男仔
_____________________________________________

有時我真係好想試驗下我既靈感準唔準

有時有 d 人，第一眼落去
你o個刻就會知道'''某 d 野'' . . .

如果第一眼落去，你既注意力響佢身上既
你就試試你既直覺準唔準

但如果第一眼落去，你既注意力根本冇留意過佢既
甚至，你都唔記得佢係邊個
咁，好大機會，係乜野都冇

其實你明唔明我講緊乜?
唔明? 算..冇所為
有 d 野我明就得架啦
唔需要你去明白
因為你係你，我係我
_____________________________________________
講開琴日食飯,,返黎睇返天恆個 diary..

佢寫：
「我發現：
Jessica___________雙魚座。 (頭髮變曲左)
Judy_____________雙魚座。 (變得最多~kaka~ 個樣完全同性格相反~超乖)
自已_____________雙魚座。(唔知呢~)
Karean____________天蠍座。(長頭髮左 lo)
Susan_____________天秤座。(哈~肥左****)
cherry_____________山羊座。 (ka~最靜係你啦)咁又難怪的~kaka

哈。唔知點解無咩點食過野！怪住傾…
呢一刻真係好有衝動搵番大家 3年前 ge相出黎 ~ 實 gag 爆！」

因為當時係邊傾邊食飯既，
天恆無啦啦講話拎返3年前既相出黎..
嘩. . . . .o個刻好有衝動掟筷子阻止佢咁做 . . . .大家都唔敢再睇返大家 3 年前響澳洲個樣，因為真係笑大人個口 =口='' XDDD . . . .

最估唔到既係我既初戀會o係澳洲,,哈 . . . .好好笑..
其實3年以黎，大家都各自生活
一年先會見得o個一、兩次
仲要次次都唔會齊人，不過見到你地都幾開心 . . .

除左長毛哥哥佢地之外，去澳洲呢班其實仲係叫我 Cherry 既其中一班.. 因為我3年前，小五、六o個陣仲未叫呀 man,, 佢地當時仲叫我''車里子'' . . . . 因為團內30幾40人都係咁叫我，宜家聽返佢地咁叫我，我都忍唔住笑左出黎XD . . . .

anyway,, 希望大家生活.....快樂!

>>December 30, 2005 at 3:05:16 AM GMT+8

---

2005 年 12 月 29 日 星期四 【晴】

琴晚 同敬傾電話 . . . .傾到5點= =
今朝電話係咁響 . . . 叫我記得去打波 . . .

3點幾落去 44m 個站到接易文佢地成班,,
跟住響我樓下個街場到等偉 sir~
今日偉 sir 約左 fdly 俾我地打，但係要o係葵芳我樓下勁多人勁街場打囉
我覺得勁樣衰囉 . . .我第一次響我樓下既街場跑圈,,叫我以後點樣響葵芳生存=.='''''''''''
但係睇返我地對o個隊，佢地真係唔講唔知係女仔- -''''
特別既係..今日偉 sir 好似好開心咁,,唔知係咪因為我地今日差唔多齊晒人~
但係..見佢鬧人都笑住咁鬧...個心好寒=.='''' 哈哈- -
我出左場一陣,, 我返去防守..企左響到，我自己退後 . . . .退左幾步，我隻左腳無啦啦側左一邊 . . .

搞到拗柴，成個人仆住咁坐左落地下= =''

所以被呀 sir 稱為''無名英雄'' . . . .-.-. ..
隻腳勁痛！- - . . . . .行路都要拐下拐下 . . . .
之後，俾我見到好多人 ( 響呢個街場 . . . .一定會撞到d熟人= = )

跟住我就拐下拐下咁同 wing佢地幾個去食野 . . . .
之後伍子話想去買衫，咁我地就陪佢去睇 . . .去到一間舖,,, wing 拎起左件衫睇，
易文就無啦啦話''有曱甴呀'',,我以為佢講笑 . . . .點知原來真係有隻曱甴響件衫到!! 嚇死左我=口=''
隻曱甴既最後下場就係俾人踩死- -

跟住我地要趕去青衣到搵余姑娘準備聽日做義工既野 . . . .
我就犧牲左我隻手= =
講講下偉 sir 話我打左十次俾我先拎到張身份証副本俾佢 . . .但係見我今次咁''奮''勇受傷仲入黎青衣就算 . . . 余姑娘話我精神可嘉呀(有冇打錯字@@?)受左傷都入黎青衣=v=咁係咪應該叫偉 sir 車我返葵芳= = . . .

之後去左 band 房玩左一陣就走喇~
9點幾返到屋企 . . . . .睇跌打都冇時間呀=0=


有相睇喇：

用左我隻手...做呢張卡 for 聽日做義工 =P 俾 d 小朋友架~

交接義式XDD 原來呀 sir 影相o個陣係好小朋友架@@

我地打完波既死樣= =

我隻拗柴腳...腫晒@@ ( 籃圈o個到 )

大家唔好以為呢個真係一舊蛋糕 . . .呢舊 . . .其實係一舊''番簡'' !! 我返黎o個陣我呀媽無啦啦問我呢舊乜野黎，原來佢今朝見我放響''本台''到.以為蛋糕，食左一啖，即去廁所洗口!!XDD笑死我!!
呢舊''番簡'' 係琴日食琴 Susan 俾我既禮物 . . .哈哈,,原來真係玩到人!!


>>December 30, 2005 at 12:49:05 AM GMT+8

---

2005 年 12 月 28 日 星期三 【雷雨】


今日係我舊歷生日~=v=
今日..10點幾 key 打黎叫我起身
跟住換衫出門口
同 key 出旺角買野，我順便去拎埋相機.. 拎完..第一件事想做既..就係''掉''左部相機，因為真係好樣衰= =
跟住 winnie 都黎埋，我地就去左朗豪坊,,
key 要趕住返大陸，就走先
我同 winnie 去左水道橋到食野,,
之後二佬打黎話唔駛練波 . . . 所以winnie就陪我去買禮物,,
買完無啦啦落雨，就返左葵芳
佢陪我去葵興之後再行返葵芳去銀行禁錢
行左陣新都會就走喇

我返左屋企一陣就過左去舅母到 . . . .
幫佢抱住 BB，佢去煮飯 . . .
跟住舅母叫我落去華潤幫佢買啤酒同米酒..
我就好''順便''咁買左成車既朱古力 . . . .哈哈！不久既將來就會死 . . . 成為香港第一個食成車朱古力而死既人. .
跟住去俾錢 . . .個職員將 d 啤酒入晒膠袋先走黎問我夠 18 歲未
我頂.. 你係要問就早問啦，入晒膠袋先黎問，吹到漲晒 = = . . . .
跟住佢拎走埋枝米酒.. 跟住我好驚訝咁問佢：下,, 唔係連米酒都唔買得?!
個職員聽到我咁問先放返落個膠袋到.. 真係好想打爆你個頭- - . . . . .

之後返上舅母到，返左屋企換衫
8點幾就出去銅鑼灣打邊爐,,, 同之前去澳洲o個班..
則係天恆、keren,,jessica,,susan,,Judy 佢地.. 當然 . . .我又係早遲o個個- -'''
不過今日鑾兄，謙佢地冇黎 . . .
搞到我成餐都冇咩點講野 . . .其實係唔多想講- -''' ( 其實今日為係susan就黎返英國而食既一餐飯,,, )
食完去左影貼紙相..
差唔多走o個陣同jessica 講左兩句，佢問我宜家幾歲.. 仲話記得我o個陣仲係小學..哈哈..諗返起以前響澳洲都好笑 . . . 話我冇乜點變，其實個個既樣都冇乜點變，同3年前都差唔多~
( 同埋我出親去，最細o個個一定係我- - )

o個陣都成12點幾喇，要趕住落去搭地鐵，如果唔係冇車,, 所以同天恆跑咁濟行落去地鐵
我都係第一次趕地鐵=.=
同天恆傾左陣... 佢無啦啦話唔鐘意人馬座既人，我話我幾鐘意
佢陰我話.. ：梗係啦..因為呀馬 ar ma.. 哈哈,,你仲放唔底佢 . . .
點解我要記底佢同我講過呢句?? 因為覺得佢真係兜得好勁 = ='''
講開俊，我真係已經唔多記得我同佢一齊左幾耐 . . .哈哈 . . .真係覺得好兒戲- -

跟住1點緣3就返到屋企喇~

而家 0246.. 好''支力'' . . .成日都冇停過=0= ''
快 d 沖涼死去訓覺 . . . .

>>December 29, 2005 at 2:47:16 AM GMT+8

---

2005 年 12 月 27 日 星期二 【晴】

今日係我二哥生日~! 第一年同佢講生日快樂..但係o係 ICQ = =''

今日依然訓到12點1點
一起身就對住部電腦
跟住媽買左個蛋糕返黎
因為聽日係我既舊曆生日..
所以就叫左 lala 黎食蛋糕..
4 點就走喇佢，我又繼續對住部電腦

6點幾出旺角拎返部相機，之前冇貨，落左訂..
點知冇開門
所以返屋企..

我想講..

請勿擋我去路

同我出過街既人都會知道，我行得比一般女仔快..快好多..
所以我前面就會有人行得好慢阻住我，好討厭呢種情況
條路不是你..

我講完喇..


係呀..唔記得提..就係我今晚趕工..幫 key 整返個結婚禮物..終於俾我完成左..過程中，我差 d 整到我發脾氣..唔好睇以為好易整..其實好高難度 . . . .我寧願整十個公仔都唔想再整心心= =






睇完 por diary..諗返起上年好開心既平安夜..

「可能真係學man話齋 大家心態都唔同左
有d已經由開心變得唔開心 有d就由想出去"玩樂"ge心態變到出去"墮落"(我話心情je) = ="

舊年雖然都係無咩野好做...但就即席識到另一班人 影晒相、一齊倒數、搞事、傾計呀咁

個時大家企ge地方好迫好迫 十幾個人痴埋一齊ge少少位置 但都勁開心
今年 不知幾鬆動 但...好似真係唔覺得開心 = = 完全感受唔到"merry" xmas...

個時我地因為一齊hur d差人封路...跟住兩班人吹下水 笑下
o係咁迫ge情況底下影晒相咁(比人望住晒XDD)~再成班人搭住膊頭"衝破警方防線"XD
一齊衝前左好多路 都一齊決定開條路返轉頭 仲交換左禮物(佢地o係隧道扯落黎ge聖誕裝飾XD)
直到今日都仲擺左o係我台面...然後約定明年今日ge十二點
同樣地o係返呢兩條燈柱中間~~即係我地識ge地方再聚~~

姑勿論佢地今年記唔記得 或者有無心搵我地 但舊年真係玩得好開心....」
form por's diary..有 d cut 左


上年我地仲同新識o個班交換晒 icq..

por 想問返其中一個人佢地有冇出去尖咀搵我地
但睇佢xanga先知佢同佢男朋友分左手無耐
所以估佢地都係無出黎 亦都冇send msg問佢 費事佢要答既時候諗起唔開心

「原來佢地已經人面全非喇.....可能無原班人馬出返黎玩添~

今年ge呢一刻你可能好開心 但你又敢擔保下一年都係咁咩？」



唔好怪我 copy 晒你篇 diary.. 因為有 d 就正係我想講既野


有好多事、環境同人物令一個人既心情改變

就好似
細個講過既笑話，今日唔再識笑

>>December 28, 2005 at 2:44:15 AM GMT+8

---

2005 年 12 月 26 日 星期一 【晴】

琴晚 5 點幾先訓=0=
今日成1點先起身，
起身左先知道媽同爸今朝上左廣州探我二哥,,
今晚返黎，
成日屋企得返我一個..

落左去買野食就響屋企呆 . . .

掃完地之後拖地，之後俾我係咁跳黎跳去整返污''租''個地
跟住又拖返個地,,跟住之後又掃地..跟住又俾我 d 多多一枝倒左落地下
之後又掃過地，跟住仲用條毛巾抹地 . . .

你睇..你睇..我幾得閒= =

到左夜晚九點幾媽爸仲未返黎，我已經佢地就返，就等 . . ..勁餓 . . .
11點半先返到葵芳叫我落去下面食飯- - . . . . .

一係飽死，一係餓死 . . .
快死 . . . .

>>December 27, 2005 at 2:05:42 AM GMT+8

---

2005 年 12 月 25 日 星期日 【晴】


Ｍｅｒｒｙ Ｃｈｒｉｓｔｍａｓ～＊
聖 誕 快 樂～


琴晚唱通宵K . . . . 3 點唱到朝早 9 點,,
死左喇..

之後陪 por、肥超同呀磊去麥當當食早餐,,
跟住我就返屋企，呀磊同肥超就繼續流浪= =

返到屋企訓，係咁訓..訓到下晝6點,,
本來 key 話想出去，但係個個都好''支力''，所以冇出到

所以成晚就響到整 diary . . . .




突然之間覺得


聖誕節 。已經變得唔再重要


過去同一班人，一年前我地玩得好開心

一年後 . . . .


重要既係，各人既心態

已經
唔同。


好想快 d 到 06年
我唔想再停o係 05 年，停多一秒

都覺辛苦。


記憶，太清楚

點解唔可以唔清醒咁做人？

就讓聖誕靜靜地走過。

經過一晚之後：


>>December 26, 2005 at 2:01:05 PM GMT+8

---

<< 201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  >>