2003 年 10 月 4 日 星期六 【晴】

等0左成個星期終於等到放假喇...^^
開學第二個星期... 我仍然係一堂都冇走到一日都冇遲到過...
真係覺得自己好"近"呀!!! 哈哈...
下午去0左踢波... 踢到自己都"慶慶地"... 之後連佐治都發嬲埋...
唉... 究竟我D火幾點先可以按得住呢...
而佐治個方面... 希望佢真係冇事啦...
夜晚走0左去同molly佢地打牌... 三英戰呂布... 我當然係呂布啦^^
其實我只係終於試過咩叫三娘教子... 實力都係一般...
或者係對手太弱啦... ... 真係冇乜壓力...

蜜蜂飛0左入黎我個日記到呀... 多謝你呀... 得閒多D上啦玩啦^^
汶汶佢病0左... 希望佢快D冇事啦... 小心身體!!!

無無聊聊就咁又一日... 就咁又一星期...
究竟幾時先可以過得有意義D... ...?

>>October 4, 2003 at 2:43:16 AM GMT+8

2003 年 10 月 3 日 星期五 【晴】

首先我要多謝我位好大佬黎留言先...^^
其次... 大佬講0既野... ... 如果真係咁... 我會去探討下啦...
我都想做到冇愧於心... 但係... 有幾多人做到? 點樣先可以做到丫...
點都好... 我都會盡力0既... 放心啦...
倞個餐K lunch... 我一定會還0既... 等我呀!!!

>>October 3, 2003 at 1:45:28 AM GMT+8

2003 年 10 月 3 日 星期五 【雷雨】

小蚊姐... 我icq係46550970... 等住妳add我呀!!!... ...^^ 知道ma???!!!
快呀... 我性子急呀... 嘻嘻...

今晚冇啦啦比阿民阿傑呃0左落去...
冇啦啦比人逼下兩星期去玩...
冇啦啦又比人逼酒...
冇啦啦飲0左兩罐之後自己又買多幾罐黎飯...
其實點解要飲酒呢?... 我怕我又似當年食煙咁... 因為心癮!!!
我想戒煙已經好耐... 而家我都想多一樣戒酒呀... 咁我又可以點?~...
今日阿揚比0左個消息我... 話佢失敗0左...
我先知道... 佢唔係我想像中咁好!... ...
佢失敗0左原因我都知道...
其實講真... 如果係我... 呢個根本唔係原因...
因為我一定收哂風先... 而家講乜都冇用...
我至怕係佢因為咁而唔開心...
希望佢唔好啦... 我又真係對佢唔住0既... ... ...
呢D係咪叫我睇佢好... 佢睇我好呢?~...
我今日都只係想同邊個邊個講一句拜拜0者...
都等唔到... 唉... ...
其實我日日都想講... 可惜冇一日講到...
究竟點解???!!!... ... 有冇人話我知€???!!!...
我每日番學都都講句拜拜... 都係咁難...???
唉... ... 希望有一日我可以講得出口啦... ... ... ...


呢首歌送比我好兄弟阿揚... ... 希望佢隨遇而安... 而我就得過且過... ... ... ...!!!

"回答我可不可以
暫時讓我講出感覺後
才直說妳有男朋友 現在就要走
回答我可不可以
暫時讓我牽牽手
我妄想的不會有
牽一牽妳手 我便甜蜜夠... ...!!!"

>>October 3, 2003 at 1:33:47 AM GMT+8

2003 年 10 月 2 日 星期四 【陰】

咁又一日喇... 唉... 過得好冇意義... 好唔知點...
今日阿高問0左我一個問題... 佢問我今日放假唔駛陪女朋友咩?...
唉... ... 年中有唔少人會講一句咁0既說話...
相信大家都會咁比人問過...
但係... 唔知點解今日聽完呢句會有咁大0既... 感覺啦...
女朋友喎... 唉... 我0既女朋友去0左邊呀???!!!))))))))))))))
係啦... 去0左邊我都唔知... 陪乜鬼...
幾時先比番個我... 我要求一直都唔係好高丫...
如果呢個時候karen姐聽到我咁講... 佢一定會話係我自己0既問題...
或者佢真係講得冇錯0既... 問題真係係我身上面...
但係其實我真係好想同karen姐講一句...
我已經再唔係以前0既"陳青蛙"喇!
雖然我再冇辦法令karen姐感受到...
不過... 起碼我自己知道丫... ...
但係自己知又有咩用?... 有人會知咩?... 有咩人會感受到咩?...
我夠想有至少一個人可以比我做得好丫...
人呢?... 我去邊到搵?... 唔通真係行前一步... 開句口... 就有咩?...
我自知冇咁0既能力...
我可以做到0既又係乜丫... ...
我唔咁心而家咁樣... 但係... 我又可以點做...
有冇人可以為我指路呢?...

>>October 2, 2003 at 12:53:55 AM GMT+8

2003 年 10 月 1 日 星期三 【晴】

香港輸比南韓... 好正路啦...
今日就係睇0左場波... 放假真係冇野好做...
一個字~"悶"...
見到小蚊姐留言... 叫唔好飲唔多酒...
我希望可以啦...^^
小蚊姐叫唔好叫佢做姐... 哈哈...
妳有幾大先... 妳又知唔知我幾大呀?~
不過小蚊妳又估下我幾大...

>>October 2, 2003 at 12:54:12 AM GMT+8

2003 年 10 月 1 日 星期三 【晴】

頭先同vivia飲完酒... 都唔係飲0架喇... 條友飲幾飲就話唔飲...
搞到我拎哂D酒番屋企自己飲... 而家一路寫日記一路飲啦... ...
成半年冇見佢... 今日見番... 慶幸0既係佢冇乜點變...
仲係咁傻下傻下... 十下十下... 不過係開心喎...
本來想同佢訴下苦... 但係佢就雞咁腳走... 算啦... ...
佢同佢男朋友始終未搞掂... 我只有祝佢好運啦...
今晚飲酒... 又唔知飲到幾點喇...
聽日又唔知會唔會頭痛喇...
唉... ... ...



>>October 1, 2003 at 12:39:32 AM GMT+8

2003 年 9 月 30 日 星期二 【晴】

嘻嘻... karen姐妳又點知我近況呢...
妳有事先打比我0者... ... 然之後過兩日就乜事都冇...
原來妳都有睇我日記先奇喎... 多謝妳先啦...!

仲有仲有... 原來我一直有個忠實fan---小蚊姐, 睇我日記0架!!!
好開心呀! 咁講... 我地算唔算係朋友呢?!^^
其實我唔係樂觀... 如果我係樂觀...
就唔駛打極日記都多數係係到"申"啦...
本身我都真係怕打得長冇人睇...
不過而家知道有人睇咁我打多兩隻字仔都唔驚啦...

講番今日D野丫... 今日想講下番學上堂...
今日有一堂中文補堂... 搞到遲0左成個鐘先放學...
個中文阿sir好勁0架... 上佢堂好似睇"楝篤笑"... 仲好笑過張達明...
點知上到堂先知今日冇得笑... 因為唔記得0左原來今日中文堂係睇戲...
仲要係一套好有教育意義0既笑片...
我心唸笑片就笑片啦... 有咩教育意義... 仲要話殘缺0既人都應該睇過...
唉... 真係比佢激死... ...
點知一睇... 個一套竟然係... "少林足球"... ...
呢套戲都有教育意義?... ...
結果... 睇完之後(當然只係睇部份有用啦)...
呢套戲真係的而且確有教育意義(邊部份有都唔係到講喇^^)...
係我心目中仲多0左份人生意義...
阿sir同0左一個詞語形容戲裡面0既人... "位置交錯"...
佢話如果一個人無論幾有才能幾有天份... 但係係錯0既地方運用... 係唔會有成功0既一日...
要成功一定要係一個適合自己0既地方... 發揮最大0既能力...
如果每個人都有潛力有能力... 咁... 可以比我發揮0既地方又係邊呢?
如果話而家我生活方式係錯0既... 去邊我可以搵到0岩0既呢?
我唔需要好似戲中主角佢地咁咁有成就...
我都只係搵到一樣自己想有... 而又成功0既野...
唉... 冇呀... 唔知點先有呀... 見住一齊起跑0既阿揚都準備轉入直路0既時候...
我仲係係起點到度步呀... 屎唔屎...
希望一日會比一日好D啦...
不過都難D喇...
世事0既野真係難料... 一齣笑片... 睇第一次係開心...
睇第二次都係開心... 第三次唔知點解可以睇到有野屈住屈係個心到...
厲害... ... 厲害... ...



一切到此 心也倦了
等了多年 等個開始
非常凌亂 再沒話說
可惜始終 為妳停住

>>September 30, 2003 at 7:49:49 PM GMT+8

2003 年 9 月 28 日 星期日 【晴】

今日有兩件事好想講下...
第一件事...
阿媽今日同我講佢比我個條帶係手上面0既珠... 個名叫虎眼石(我一早都知道)...
但係佢講0左一樣我唔知0既野比我知...
佢話虎眼石係可以增強攜帶者0既信心(佢講我咁聽)...
聽完之後冇乜特別... 之後再消化下...
其實我帶0左都唔覺有信心0左...
反而越唸越遠... 唸番早期自己做咩野... 都橫衝直撞... 唔理後果...
明知有D野做唔到... 都要做0左先算...
仲記得當年我有句座右銘... 個時同我傾計傾得多0既人都可能話過...~
『如果有D做0左而後悔同冇做到都後悔0既... 我寧願揀做0左而後悔...!』
結果就係... 屢戰屢敗... 屢敗屢戰...
而家呢... 唉... 船頭驚賊船尾驚鬼...
做乜都呢到驚個到驚...
係唔係真係人越大... 做咩事都會有顧慮呢?...
應該放手... 就唔識點放... 應該向前行... 就連一步都行唔到...
唉... 唸番中學個時... 而家... 唉(擰頭中)... 真係差天共地...
細茵姐, CATHY姐都成日叫我決斷D... 我又何嘗唔想咩?...
今時今日... 我再瀟洒唔起... 再輸唔起喇...
究竟我點先可以搵番... 失去0左0既信心呢???...
第二件事...
今日係周文條女YVONNE(唔知個字係咪咁串^^)生日...
係到祝佢生日快樂...
一班人同佢去0左石澳沙灘慶祝... 之後佢地去0左唱K... 我就番歸食飯...
阿揚阿蛇佢地游水游得好開心...
阿琛就唔知點解可以企係岸邊睇住佢地玩水睇0左半個鐘law-.-
我就因為唔鐘意游水... 所以都只係坐係到坐0左兩個幾三個鐘...
一路坐一路唸... 曾幾何時... 記得我問過女朋友... 其實兩個人拍拖...
除0左唱K睇戲食飯... 仲有咩野可以做...
跟住佢就同我講0左句話佢想聖誕節去行沙灘...
佢話佢好想去... 不過如果我唔想就可以唔去...
其實去邊又有咩所謂... 只要女朋友鐘意... 邊到都可以去啦...
可惜... 仲有冇機會去... 我已經唔知...
一直以黎我都對沙灘同泳池冇乜好感...
今日去完... 更加唔會想點再去呢D地方...
我想0既係... 可以同自己鐘意0既人... 去好多好多處...
而家呢?... 唉... 唔好話係咪沙灘丫...
邊到都唔駛去... ...
究竟幾時我先有好日子過... 幾時我先有自己鐘意0既日子過...
什麼有危先有機... 唔好同我黎呢套丫...
有邊個想過住D唔好0既生活丫...
而家我只係逆來順受... 我唔想0架...
今日我又同我阿媽講我今年犯太歲... 叫佢整個牌仔黎擋一擋...
佢就話... 仲有兩個月都過年啦... 而家先黎講... 問我幾時變到咁八婆...
有D野唔到我唔信邪囉...
或者... 我可以做0既... 就係呢D...
唉... ... 好日子... 去0左邊... ...???!!!
我搵得"你"好辛苦呀!!! !!!
幾時... 先可以... 回光反照呀... ???!!!


借問世上滿是太多意外 問題話題突然自己蕩來
招架不了只有付出能耐 感慨...
快樂故事似在遠古世代
動人話題若然令我心開 很想愛
相戀像種花 還是結疤
能綻放希望 也讓我驚怕... ... ... ...

>>September 29, 2003 at 12:37:23 AM GMT+8

2003 年 9 月 28 日 星期日 【陰】

煩煩煩... 愁愁愁... 點算好...


望了妳很久 但我從未開口
路上 讓我在妳七尺以外陪妳走
走到妳街口 對著背影揮手
並沒運氣共妳拖過手
然而在暗地裏跟妳遊過街 也就夠... ...


>>September 28, 2003 at 3:17:09 AM GMT+8

2003 年 9 月 28 日 星期日 【晴】

琛琛... 妳果然係我紅顏知己...
我都知妳會關心我0既^^
不過妳仲更加會關心... 阿邊個啦... 嘻嘻...
我冇事0既... 比人鬧都鬧0左廿年...
唉... 唔開心還唔開心... 但係都慣喇...
我已經冇出聲喇... 我都唔敢頂佢咀...
但係算啦... 多謝妳留言呀...
真係難為0左妳喇^^

>>September 28, 2003 at 12:54:29 AM GMT+8