2003 年 10 月 10 日 星期五 【陰】

好喇好喇... 寫明D law... ...
今日番學訓覺訓0左兩堂... 走堂走0左兩堂...
咁就放學喇... ...
番到屋企好悶... 冇野做... 想篤波... 又冇人去...
仲煩緊考車條數... 追糧又追唔到...
好煩呀))))))))))))))))))))))))))))))))))))))))))))))))))))))))))))))))))

(夠短未? 明未?!!! 唉...)

自從尋日放學做傻佬後... 今日尤如見鬼... 唉...
keran姐尋晚同我傾0左陣電話... 佢都算係罕有咁打黎唔係因為唔開心...
進步0左... 唔錯!!!...
發覺而家同佢傾電話... 係佢教訓番我轉頭law...
唉... 算喇... 或者呢D叫做... 今時唔同往日... ...


轟轟烈烈 風風光光
我又曾經擁有甚麼
來來去去 過過往往
真心付出結果又如何
請告訴我...?

>>October 10, 2003 at 2:14:29 PM GMT+8

2003 年 10 月 10 日 星期五 【晴】

頭先同阿聲+lerry去睇無間道2...
齣戲都ok啦... 好耐冇睇戲喇... 對上一次睇咩都唔記得0左...
戲中吳鎮宇有句讀白成日講... "出黎行... ... ... 終有一日要還...!"
其實係咪出黎行... 所有野係咪都一定要還?...
如果係... 咁... 我唸我一世都還唔完... 還唔清...
對於我... 我欠一女仔0既野已經太多喇... 還佢一個我世都還唔到啦...
每一次同佢一齊0既時候都同自己講今次要對佢好D...
結果咪一次又一次咁欠佢更多更多0既野...
或者佢唔稀罕我還佢D乜... 又或者我唔係咁愛佢我都唔會將佢放個位置咁重要...
但係有時D野... 唔係你時就唔係...
點解佢咁重要...? 佢唔單只係普通女朋友咁簡單...
有好多好多可以回憶0既野... 除0左佢... 我係另外一個人身上搵唔到... 遇唔見...
相識8年... 未做過朋友... 呢個記錄... 去邊搵?
佢教0左我好多做人0既道理... 同佢一齊學到好多野... 見識到好多野...
你女朋友會唔會周圍同人講佢會同你結婚?... ...
我更加夠膽講一句... 冇佢... 冇今日0既我...!
一個可以改變你一生0既人... 佢係你心目中0既地位... 會有幾高呢?...
你遇到一個咁0既人未呀?... 遇到0既... 而又仲係你身邊... 請珍惜...
遇到但又失去0左?... 對唔住... 放係心中留戀把啦...
而仲未遇到0既... 留意一下身邊0既人... 或者個一個人已經出現...
今日10月10日... 我又再次係到唸起佢... 但係我唸起佢0既夜晚...
又點只得今日10月10日丫... 而佢... 又會係邊年邊日... 記得起... 有我?...
『一個天空... 兩個世界...』~~~ 我同佢就係一對咁0既人...
雖然我曾經妄想咁跳進佢0既世界... 可惜... 跳0左9次... 我都係捱唔到第10次...
我唔係累唔係唔想跳... 只係... 一切都徒然...
亦只有認命... 我係唔甘心... 但只可聽天由命...
如果有人問我一句仲係咪鐘意佢... 我會答:『我永遠都會咁愛佢!』
而呢一種愛... 已經由男女朋友0既愛昇華到... 另一個更高層次...
唉... 唔知... 佢而家... 點呢?... ... ...

>>October 10, 2003 at 1:39:36 AM GMT+8

2003 年 10 月 9 日 星期四 【晴】

Mini妳唔係蠢... 只係我0既功夫仲未到家0者... 我會努力改進0架喇...
妳要多D黎呀!!! 到有一日妳睇得明就一定要同我講... 嘻嘻...
好耐冇見0既和和... 近排點呀??? 有時間就搵下我啦!!!
得閒再上黎留言比我喎... ...

今日mini問0左我一個問題... 佢問我D日記係寫比水... ...
其實我唔係針對住某D人去寫... 只係我將遇到0既事... 加上自己0既感覺寫出黎...
可以同任何人無關... 任何人亦都可以對我寫0既有共鳴<---呢個係我最想0既law...
但的而且確... 所有我寫0既野... 都係因為每日發生0既事情... 而得出黎0既一個題材...
而今日我又想寫D乜?... ... 先講下我今日做過D咩先啦...
今日一放學... 我就自己一個百無聊賴係學校到行出行入... 不停行入行出...
我自己都唔知點解咁做... 結果... 比我係一次"度步"... 見到喇...
見到D乜野? 哈哈... 唔係咁方便講... 我可以講0既係有人個傻傻地0既人係條街到揮手...
個種心情... 好"肉酸"... 我開始睇到一D將來... ...
曾經有一個時期我成日都同人講我有三隻眼...
而呢第三隻係可以黎到好多人0既前景... 好多人都中過招...
但係其實我睇自己睇得更準...
我可以係街到做D冇意思0既野... 我偏偏一句再見到講唔出口...
就正如我成日一番到屋企把口係咁叫肚餓... 到開飯0既時候阿媽叫四五次我都唔出去食飯...
或者大家可能感覺兩件事完全冇關... 但係... 我想講0既係...
我想做... 而我怕做... 呢個事實...
我可以係日記到講其他事同物講到自己都有所感動...
但係... 我竟然叫唔郁自己做D成日叫人做0既事...
呢D就叫冇用喇... ...
見到阿強阿yan0既所作所謂... 唉...
越覺得自己冇用... ...

(怕琛琛話長喇... 又怕mini唔明... 今日打少0左... 算對妳地好啦^^)

>>October 9, 2003 at 9:38:35 PM GMT+8

2003 年 10 月 8 日 星期三 【晴】

今日係學校又打波又踢波... 好有feel呀...
本來我都冇唸住踢波... 不過見隊波係咁比人攻... 阿揚受好大壓力...
係輸一球之後我就出場(踢兩球)... 結果形勢即係唔同0左...
起碼都多0左D進攻... 雖然到最後都輸0左2:1... 不過夠啦...
跟住去0左打籃球... 仲開心呀... 連續激戰三場先輸...
有阿德係到果然唔同D... 佢有能力一打三... 阿yan都唔錯(意料之外)...
我都做到D野0架~^^哈哈...

頭先有人問0左我一個問題... 問我知唔知阿邊個邊個係咪真係鐘意佢...
呢個問題或者每一個人都可能問過... 亦都可能比人問...
其實大家係問人同比人問0既同時... 心目中其實係咪已經有0左個答案呢?
呢個問題如果只係純粹打情罵悄咁問... 當然理解...
但係如果真係出自問題者真心想知... 咁... 事實上又會唔會得到一個真相呢?
答題者可以答一千一萬個答案... 而無論就算佢答咩答案...
到最後選擇相唔相信0既都係問題者... ...
對於一個背叛自己0既情人... 佢再講一千一百萬次我愛你...
對自己黎講都可能係一千一百萬句謊言...
或者係一對熱戀中0既情侶黎講... 如果答案係:"冇呀... 係你鐘意我ja... 我冇0架..."
換黎0既可能係好甜蜜0既追打場面(唔排除有血案出現)...
種種答案... 唔係話講得出口就係真...
最重要0既... 係問題者自己有深切0既體會...
你總唔可以同一部測謊機去測試一下...
一切都全憑你自己... 自己0既感覺...
路係自己揀... 最後唔可以怨D咩...
但係起碼... 你真係為自己作過決定...
或者... 會後悔自己揀錯... 但係... 你已經無憾...
因為... 所有野... 都係自己揀... 自己做... 自己受...
做所有野都對自己有信D... 咁或者每個人0既前景... 就唔會咁迷茫... ...

>>October 8, 2003 at 5:54:03 PM GMT+8

2003 年 10 月 7 日 星期二 【晴】

今日突感覺到自己愛上係日記到打D又長又冇人睇0既... ... 散文啦...!
唔知點解0架... 感覺黎0既... 同鐘意一個人咁... 係冇得解...
上堂個時都好想拎起支筆黎寫... 當然啦... 怕比人笑冇寫啦... 嘻嘻...

今日上堂同Ema傾0左幾句傾... 好開心呀... 不過我開心0既唔係可以同佢Ema傾計(sorry^^)...
開心0既係因為我見到少少曙光... 覺得自己行近0左少少^^哈哈...
呢種感覺... 好奇妙... 我唔知應該用咩字可以形容到... 總之正啦...
就唔係好似前幾日係到苦等而又乜都等唔到0既日子... 酸溜溜0既感覺差好遠...
唔知今日呢種feel可以維持幾耐呢?~^^

大家有冇唸過... 點解每一日都會有人係身邊擦過?...
一日24個鐘... 點解要係個一秒個一達地方相遇呢?...
有人話兩個唔相識0既人... 要擦身而過數百萬次... 先可以成為朋友...
每一對情人... 係上一生一定遇過... 今世再次見面...
只係比負個一方... 一個償還0既幾會...
要成為一對夫婦... 就要唔知幾多生0既修道...
如果係咁... 呢D算唔算係... 緣呢?
大家又有冇珍惜過呢D緣份呢?
記得有一次... 係學校到鐘意0左一個女仔...
可惜連同佢講一句說話都怕... 迎面見到都會掉頭走...
其實我又邊想錯失每一次相見0既機會...
結果我只係歸咎於有緣無份...
呢件事我同0左一個朋友講...
佢只有送0左一句說話比我:『緣係天註定... 份係自己爭取...』
最後我0既故事係點唔重要...
重要0既係我想話比大家知... 遇到自己想要想擁有0既...
又何況行前一步... 開口講一句?...
唔通行前一步就係懸崖... 開一開口會有隻"烏英"飛入口?
我亦知呢一步呢次開口... 要好大氣力好困難...
隨緣... 盡力... 問心無愧... 啦~
對於一D已經有另一半0既人黎講... 我上面可能係一堆廢話...
但係其實你地又有冇珍惜你身邊0既人呢?
到失去個一日... 唔好問點解緣份話黎就黎話走就走...

(琛琛話唔鐘意睇最後個段歌詞... 咁我就唔打歌詞啦^^
只係今次ja.. 下次呢... 睇情況啦... 嘻嘻)

>>October 7, 2003 at 9:45:04 PM GMT+8

2003 年 10 月 7 日 星期二 【雨】

唔開心... 好唔開心...
好耐都未試過發咁大脾氣... 發到連自己都有D想喊...
今次亦都應該係我第一次向我老豆發脾...
唸番起頭先佢個樣... 好係話0左我知... 佢有D驚我...
當我發脾氣個時佢竟然有一時0既唔知講咩... 啞0左咁口...
而家唸番... 有D覺得對佢唔住...
唉... 為0左D咁少0既事... 第一次發脾氣鬧番老豆轉頭...
突然間覺得自己好... 好羞家...
咁係事實係到一刻... 我真係好嬲...
點都好啦... 唔係我0既... 點都唔係我... 我點叫點哎... 都唔會有... ...

今日想講下一個題目...
遊戲二個人玩好D... 定三個人玩好D呢?... 抑或... 一個已經足夠?
相信好多男生都會打機... 女生亦都會接觸過...
有冇問過自己... 知道自己鐘意點樣打機?
一大班人? 兩個人? 一個人?...
基本上無論你幾多人一齊去機鋪打機... 或者係係屋企打家庭機...
相信大陪份都會係兩個人或者一個人同時對戰...
大家又會唔會係遊戲進行緊0既時候中途插入... 或者係一開始已經三個玩呢?...
如果你會... 咁就証明到... 你有能力控制到三人賽事...
對於勝負唔太著緊0既人... 輸0左... 咪輸law... 至多入錢玩過....
但係對於睇勝負睇得重0既人... 兩打輸0左... 佢輸比一個...
如果三個人0既遊戲... 咁... 佢已經係輸比兩個喇...
大家可能話... 打機0者... 有冇咁嚴重???...
係0既... 打機要只係種娛樂... 冇必要睇得咁重...
之但係... 如果呢個遊戲係一個感情遊戲呢? 你玩唔玩得起...
兩個人0既感情都處理唔到... 點去控制三個人0既遊戲?...
未開始過0既人可能會話:"得啦... 放心喎... 我識點做0架喇!"...
而大家有冇唸過係呢個三人遊戲裡面你處於一個咩角色???
一人分演兩角個二方0既伴侶? 定係同對方分享自己0既情人個個膽怯0既角色?
不過無論你演出0既咩角色... 我相信呢齣戲... 都唔會有個好0既結局...
曾經試過問朋友點解要甘心咁做?... 一句因為鐘意...
係... 我承認鐘意一個可以做一D自己都唔信0既野...
但係再問... 好唔好受?... 唔好!
有一個情景... 有三個人... 左面係你... 中間係你伴侶... 右面係你伴侶另一個伴侶...
你鐘意0既人係到同佢左手拖住你0既同時... 佢用佢右手輕撫緊佢個飲醉酒0既男朋友...
大家有D咁0既經歷ma?... 仲未有???... 唔會有??? 恭喜哂...
當大家擁有類似0既經歷... 我相信你一世都唔會再咁挑戰呢個遊戲...
縱然我係呢到一再用遊戲形容一段三角戀為遊戲...
但係事實... 比戰爭更殘酷... ...
做每一樣野之前... 唸一唸自己有冇把握做到... 有冇能力承受失敗...
如果有人話我知兩個人一齊每人都有一半機會輸...
咁我可以話比大家知... 三個人一齊輸0既機會唔係三分一... 反而比一半更大...
『如果 多他一位會多一點愛 兩個人被憐愛 一點都不勉強...』
世界上唔會有呢D歌仔唱... ... 亦都唔好相信呢個係事實...


如何調校 相識相愛 的次序
今天碰上 愛上你 便有罪
毫無邪惡 真心的愛 都顧慮
光陰錯過 我與你 沒法追... ...

>>October 7, 2003 at 1:44:07 AM GMT+8

2003 年 10 月 6 日 星期一 【晴】

多謝芝士先... 仲有呀... 我之前有寫我icq no. 係日記到0架...
妳睇番會見到... 如果妳想add我就add我啦...^^
多謝妳先啦...^^

>>October 6, 2003 at 12:50:50 AM GMT+8

2003 年 10 月 5 日 星期日 【晴】

今日意外地係樓下7仔見到消防邦...
都係好似平時咁啦... 講下D人生問題...
同佢傾計其實都幾好... 幾舒服...
有時唸唸下... 佢讀書讀到中3... 但係好彩咁比佢做到消防員...
三餐無憂... 係呢個咁0既時勢真係好過好多人...
唸番自己... 讀書讀到今日都係不知所謂... 仲要繼續讀都唔知想點...
係呀... 我做人係有目標... 咁又點?... 目標永遠都去唔到...
話戒酒... 係戒0左呀... 而家又飲番ja ma...
話戒煙... 講0左9萬幾年... 最成功都只係戒0左3個月到...
話希望下一個女朋友會好D啦... 結果呢... 唉...
要講真係有排都講唔完...
其實都做0左廿年人... 都仲係未明自己追求0既係咪0岩0既...
我追求D咩?... 如果你問我點解讀咁耐書我都唔願做野...
好多人話我係唔想做野先讀書... 不過我自己會知...
係因為我唔想第二時個老婆跟住我捱苦...
我唔想見到我老豆老母0既情景係我身上再出現...
大家明未呀?... ...
但係人越大... 好多好多野都變0左...
唸番轉頭以前一直都係過住唔開心0既日子...
雖然今時今日都係咁唸... 不過... 如果有得揀...
我寧願番去過個D唔開心0既日子...
而家我先知... 係呀... 係唔開心... 但係係有意義...
tobey... karen... elaine... 個D日子一D都唔好過...
但比到一份有意義0既feel我...
點解今日搞到咁?... 我都想知...
所以有D人問點解可以同邊個邊個8年分手9次...
我唸就係因為... 只有某D人... 對自己係特別重要...
就係咁... 我唔介意有9年10次0既出現... ... 可惜我知呢個記錄唔會再有... ...
又或者呢D人係我上世我欠0左佢地...
"既然上一世係我唔要妳, 今世妳唔要番我... 都好應該丫... 正所謂... 萬般帶不走... 惟有業隨身..."<---改版^^
事實如果真係咁... 我都會衰格咁話... 我唔想上一世我欠過0既人今世已經比我遇番過哂...
我成世仔都做唔到咩大事... 係我心目中... 呢D就係我0既大事...
如果有一日我唔係到... 我想我可以係合上眼個一刻同自己講我0既大事已經完成...
所以... 而家我好怕屎... ...
因為... 我仲未... 做到... 遇到... 我0既大事... ... ...


我不知妳貢獻過我什麼!
而天知道我欠了妳什麼!
結局還有很多 為何只得這個後果
劫難還有很多 何必太心急去害我... ...

>>October 5, 2003 at 11:08:54 PM GMT+8

2003 年 10 月 5 日 星期日 【晴】

尋晚同阿蛇阿揚去0左阿邦到吹水... ...
4點幾鐘比到屋企... 一撻落就訓著...
好明顯今朝起身個頭又係痛啦... ...
所以我決定再訓過... 一訓就到4點幾...
又訓0左12個鐘喇... ...
每一個人都有每一個0既煩惱...
其實有冇人真係可以冇煩惱呢???
冇煩惱... 又會唔會唔係人呢???

尋日下午我悶到屎... 係屋企睇電視...
有線播0左齣叫"龍在江湖"0既戲...
裡面有一段對白... ...
劉德華:"妳男朋友唔食煙0架咩?"
梁詠琪:"我唔想個老公50歲因為cancer拋低0左我呀!"
係0既... 0岩0既... 希望有一日...
會有一個咁0既女仔同我講呢一句說話啦...



>>October 5, 2003 at 5:54:48 PM GMT+8

2003 年 10 月 4 日 星期六 【暴雨】

好黑仔... 好唔開心... 好痛呀!!!
一起身發現牙痛... ... 痛到唔知點咁... ...
今日仲要去到唱K... 唉... 拎起支咪就痛到冇比心機唱...
唱完K喇... 唔知點解好有mood篤波...
我足足打0左比7個人... 7個都冇一個聽我電話...
係冇聽到而唔係話唔去呀... ...
我真係以為係自己電話壞0左tim...
結果最就只有廢溫一個打番黎話唔篤波...
仲未計有2,3個電話打去只係想吹下水都唔聽我電話個D人... ... 阿琛個D呢... 唉...
就係咁我今個下午就係屋企坐0左係到睇電視...
悶到屎0左... ... ...
今個周末真係冇意義之中好冇意義... ...
究竟我可以點???<---呢句係我日記都出現好多次...
唉... 都係算把啦...

係到好高興芝士上黎... 我唔係咩明星... 不過有人支持我已經開心...
如果我真係似小說中0既天命... 咁我應該開心定唔開心好呀?...
小說0既天命同天定都好靚仔下... 不過結局天命就乜都得唔到...
點都好啦... 多D上黎啦^^

汶汶~~~我會小心身體... 但係我都仲頂得住... 妳就病0左喇... 休息多D把啦... 仲成日online^^

>>October 4, 2003 at 8:25:46 PM GMT+8