2003 年 10 月 21 日 星期二 【陰】

今日番學... 特別過得慢長...
唉... ... 所有風風雨雨... 究竟... 我幾時先可以捱過...
而今日我作0左個決定... 就係剪頭髮...
一直以黎要我剪頭髮就好似要我去死咁...
但係今次呢... 或者... 可能... 既然要做... 就唔爭在做到低...
值唔值得...? 對一個普通人而言剪頭髮係一件小事...
對我黎講剪得頭髮... 就即係有一D重要0既事發生...
阿揚覺得我冇必要咁做亦唔好咁做...
不過... 頭髮可以再留過...
有D野過0左... 就係過0左...
雖然我對結局一D信心都冇... 亦覺得無論做幾多結局都係咁...
但係我總想... 係過程中... 做番一D野...
起碼我唔駛真係會比"祭司"講中我丫...
如果命中注定我會白廢心機...
請大家... 由得我... 白廢所有野... 白廢我0既心血...
因為... 難得... 我有心做咁多而又無謂0既野ma...


妳夠好... 我不夠好...
仍然相信我會 有好心得好報...
可能... 到某日會知道... ...


(汶汶同雯雯係兩個人黎呢...^^ 請唔好搞錯呢... heehee...)

>>October 21, 2003 at 6:39:22 PM GMT+8

2003 年 10 月 21 日 星期二 【陰】

琛琛... 我夠知"祭司"啦~~~~~~
但我仲有咩辦法... ...
我夠想一鼓作氣啦...
只怕再而衰... 三而竭0者...
我而家"拿手唔成勢"呀...
仲可以點?...
比下意見丫妳... ...

>>October 21, 2003 at 1:00:23 AM GMT+8

2003 年 10 月 20 日 星期一 【晴】

今日... 放早... 番到屋企... 都係5點0既事喇...
不過... 開心0既係... 嘻嘻... 同ema玩0左icq一段時間law... 哈哈...
heyhey... 大家都唔好誤會呀...
今曰ema問我係咪有lover...
我當然係有啦... ... 佢仲話要我比張相佢睇喎...
我都想有佢張相... ... 可惜我冇...
如果我真係有而又send比佢睇... 我怕佢真係會打我law...

其實lover呢個字... 係咩定義呢?...
鐘意一個人愛一個人... 咁個一個就係自己0既lover?...
比我去定義的話... 係我心目中...
永遠都會係有兩個...
唔係因為我個心太大可以容納兩個人...
只係... 有一個人...已經刻劃0左係個心裡面...
抹唔走... 洗唔去... 永遠都跟隨住我... 寄居係我心中...
呢個人0既地位... 連一個已經唔存在0既人... 都及唔上佢(對唔住)...
問我係咪仲鐘意佢... 我已經都答唔出... ...

而今時今日呢個... 同佢0既距離真係好遠...
遠到... 鐘意0既感覺係番到好耐好耐以前... 冇拍過拖之前鐘意人個種感覺...
唔再係有咩企圖... 每一日都知道係我身邊出現... 係我身邊略過...
已經足夠... ...
我怕再行前多一步... 我怕一切0既事都比我個一步改變哂...
或者我真係失敗而又冇用...
但係... 自己會知自己0既事...
襯唔襯... 有冇可能... 係唔係自己0既... 睇到0架... feel到0架...
我唔怕再次失敗... 我怕我冇時間再失敗...
21歲仔都黎緊頭... 已經再冇咩時間比我輸落去...
鐘意唔係我可以控制... 但係我可以控制0既... 就係我失敗0既次數...
我再唔係以前十靚歲... 仲可以屢戰屢敗... 屢敗屢戰...
女性可以係身邊不停... 但時間唔會為我去停留...
留唔住... 停唔到... 惟有享受每一刻...
希望唔好再成日同自己講今日又白過... ...<---未做到...-.-
或者我可以再將自己期望0既再次降低...
但係... 又有咩意思呢...
所以... 而家0既我... 會承受心裡面隱居0既個一個女仔比我0既個一種痛...
亦會享受今時今日... 僥倖咁仲識點鐘意人...
『人生得意須盡歡... 莫使金樽空對月』 <---今時今日邊到仲work呀...?
大家記住... 可以努力0既即管努力...
好似我呢個人版咁... 只會多一個失敗者... ... ...

>>October 21, 2003 at 12:35:19 AM GMT+8

2003 年 10 月 20 日 星期一 【陰】

今日隊波又輸喇... 開始質疑自己對踢波0既觀感...
我係咪鐘意踢波... 係咪適合踢波... 又或者... 係咪想踢波呢...
其實我已經好盡力喇... 我好耐都冇踢到抽筋喇...
仲要比人踢到隻腳腫0左...
唉... 心傷呀... 係未調整到個心情之前...
打後幾次0既波隊訓練... 暫時停止先...

而我0既巨著... 都就快寫好...
寫多兩日... 執番好個D setup... 希望下個星期可以放到上網啦...
其實... 8年0既感覺... 8年0既感情... 8年0既歷史...
又點可以係短短個幾星期就寫得完... 講得哂...
只係未寫出黎個D... 會儲存係我腦海之中...
每一日... 總會有機會望到某D野... 而記起種種0既事...
一切都好似... ... 溶入0左我0既生活中...
無時無刻... 衝出黎嚇我咁... 唉... ...
算啦... 慣喇...


又點幾鐘喇... 聽日又6點幾起身...
都係早D訓算喇... 話唔定... 今晚0既女主角... ... 嘻嘻...
差唔多日日見都唔夠... 間中夜晚都遇到先奇...
慘... 思覺失調... ...


偉哥同陳子都係19日生日... 係到祝佢地生日快樂先啦...

>>October 20, 2003 at 1:41:51 AM GMT+8

2003 年 10 月 19 日 星期日 【陰】

尋晚搞0左成晚... 都寫唔到日記... 都唔知個網咩事...

尋晚去0左打波... 一落場就咬到條"利"...
D血呀... "把把聲"流出黎... 等到2個幾鐘頭先完全止到血...
跟住個肚又變成成肚血law... 仲未完喎...
番到屋企沖完涼... 玩icq啦... 玩玩下... 就"無啦啦"流鼻血...
慘慘慘... 尋日... 遇上血光之災... ... 冇0左好多血...
唉... ... ... ... 而家條"利"又痛喎... 食野飲野都要小心喇... ...
今日又勁早起身... 做下中文功課都唔錯...
就咁決定... ...^^

>>October 19, 2003 at 11:56:14 AM GMT+8

2003 年 10 月 18 日 星期六 【陰】

尋晚4點鐘先走上床... 仲要訓唔著...
個腦裡面不停係到唸點解自己會咁失敗...
而尋晚同阿強玩0左陣icq... 真係越覺自己真係失敗...
點好呢... ... 今朝無啦啦9點幾就醒過黎...
一唸到自己失敗... ... 就訓唔番... ...
唉... ... 其實唔只失敗law... 仲係好冇用tim...
結果... 我就利用0左今朝0既空閒... 開始我寫0既第二集...
其實... 我自己知道... 呢輯第二集係比唔起第一集寫得咁好...
而我遲遲都唔寫第二集... 相隔第一集2年幾先再動筆...
係因為... 我怕完成第二集0既時候...
我同"佢"0既結局... 就真正地完結...
我唔係妄想可以再續D咩前緣...
只係我唔想承應... 佢係我人生之中... 已經劃上句號...
唔想承認... 我今生人要行0既路上... 佢已消息得無影無蹤...
但係我知道... 呢編第二集我一定要完成...
為0既唔單只比自己一個交代... 我仲想話比自己聽...
佢係我人生中有一個幾深刻0既位置... ...


而今日下午去0左同廢溫偉哥去篤波...
因為幸運之神0既眷顧... 令到我唔需要全敗...
篤完行番屋企0既時候... 見到我位好大佬...
我地已經好耐冇見過喇...
數數手指... 我同佢都識0左15年喇... ...
如果要數我呢廿年黎有咩係冇變0既...
我第一樣一定係數我同佢...
就算我地幾耐冇見... 我都知道... 大家0既感情都係唔會變...
其實如果我地事但一個係女仔... 對我黎講(係對我^^)... 會唔會好D呢... 嘻嘻...
又或者... 呢個世界上面... 有冇一段愛情可以歷久彌新... 永恆不變呢?...
有的話... 要去到邊... 做D咩... 先追求到呢?...
好大佬呀好大佬... 預祝您下星期見工成功呀!!!

>>October 18, 2003 at 8:20:44 PM GMT+8

2003 年 10 月 18 日 星期六 【晴】

係國語版戀之風景...
唔係廣東版呢... 嘻嘻...
但點都多謝汶汶啦~

>>October 18, 2003 at 3:01:07 AM GMT+8

2003 年 10 月 18 日 星期六 【晴】

唔駛sorry喎琛琛... 要睇0既始終都係會睇...
而我就已經睇完呢... ... 我個人認為係一齣唔錯0既戲...
的而且確係一齣感人0既戲... 可惜我0既眼淚唔夠多...
如果我多眼淚... 都會流番兩滴0既...
唔知點解... 我好鐘意見到人喊個一個樣...
或者... 可能因為... 見到人喊就會當自己都係喊緊...
好奇怪呵?... 係呀... 有D人唔鐘意喊...
但係我鐘意... 不過... 上一次喊係幾時我已經唔記得...
我只係記得近排... 近排我應該有喊... 係訓覺中喊...
呢個一件好難幻想0既... 我其實都唔係太明... 但事實應該係咁...
... ... ...
齣戲一完0既時候... 蜜蜂就係到問:『完喇?! 完0左喇?!...』
係呀... 齣戲係可以話冇結局... 或者話... 其實結局係每一個觀眾0既心裡面...
有時... 如果每一件事... 都有結局0既時候... 係唔係好事呢?
咩結局先叫做一個好0既結局呢? 而每一個結局又係唔係你心目中想要0既結局呢?
又或者... 係你心裡面最好0既結局又會唔會係對方心中所想要0既結局呢?...
其實可以有好多問題... ...
但如果冇一個結局... 人可以憑自己所想自己所要... 去創造出自己0既結局...
話唔定... 每事都可以更完美... 亦不必傷害任何人...
只可惜係現實生活中... 每件事都必定有結局...
就因為必定有結局... 先至會有逃避呢個問題出現...
(今日唔係講逃避呢個問題... 下次再講...)
而呢D必然0既結局... 有幾多個係可以合乎每人0既心意...?
所以... 當有機會努力0既時候... 就好努力...
努力完唔一定可以做到自己所想0既結局... 但起碼... 問心無愧...
呢個係一個現實0既世界... 就應該做一D現實0既野...
只有自己先知道自己最需要乜野... 既然係咁...
就去做一D自己想做0既野...
結局係點... 最後... 或者已經唔再重要...
唔係所想... 亦都唔重要... ... ...


沿著牆壁 去搜索妳的遺跡
那天妳我不認識 看不見絕不心息
沿路演 沿路將感情重演
誰在這裡留下剪影 誰給妳虧欠
但最可惜我還未見過的不可再一起目擊 跟妳有關的回憶... ...

(其實我較為喜歡國語版0既戀之風景... 如果有人有mp3 or 歌詞... 希望都可以send比我丫... thx
亦係到多謝蜜蜂唔怕比人懷疑我地係搞基... 同我去睇齣咁0既戲...
唔係佢... 我真係一入場喇... 多謝哂...!)

>>October 18, 2003 at 1:28:24 AM GMT+8

2003 年 10 月 17 日 星期五 【陰】

無論發生咩事情... 我都想... 我都要做到自己想要想得到0既野...
一陣間我就會去睇"戀之風景"... 即係琛琛個D呢... 係阻唔到我0既...
雖則係咁講... 如果樣樣都可以隨心而做... 咁我就唔駛係咁愁啦...
今日學開以黎好接近0既一日... 接近到只係一個身位...
感覺係... 窒息... 我連一堂都捱唔住... 要閃去第二到...
真係失敗... 失敗... 失敗... 唉... ... ...


>>October 17, 2003 at 9:29:02 PM GMT+8

2003 年 10 月 17 日 星期五 【陰】

若緣份 易來又易去...
結伴大概只因 暫時被配對...
在人際裡 誰才是被愛的根據...?~

>>October 17, 2003 at 2:37:58 PM GMT+8