2003 年 12 月 31 日 星期三 【乍暖還寒】


今日...係除夕, 係２００３年0既最後一日,
唉...唔好講 la, 盡在不言中 ar....
正當全世界都慶祝緊0既時候, 我都不愁寂寞,
因為我有一大堆 chem notes陪住我過渡難忘0既２００３,
除夕梗係溫書 la, ＡＬ la！依家唔溫唔通等考完先溫咩？
潮流興大事回顧 ar, 咁我係咁依都要講0下0既.....

記得...上年0既今日同豬豬, 虫, 山根, Ben, Lok, 叮叮出左蘭桂芳倒數,
HIGH到爆！倒數左起碼廿次！最頂癮係叮叮同個鬼佬 say happy new year！
個鬼佬望一望叮叮, 再轉180度見到三個 low cut, 即刻同佢地講happy new year！
叮叮 law爆！勁冇面！而我地則笑到肚攣！

今年年頭, 年廿八0個朝去0左石排灣打羽毛球,
有我, 郭, 展, 山根, ben, fion, bernard & Emily,
之後Emily, 展同我去0左fion屋企玩倉鼠, 夜晚有好多人去行花市,
有我, 展, 劉備, ben, fion, bernard, 豬, virginia, Ca姐,
李景, Kerry, 仲有豬個外甥女葦葦...
其間有人送氫氣球俾 virginia, 仲話唔係個個都送,
好似當佢係細路女先送, 勁好笑....

情人節 SU送花, 我訂0左五支白玫瑰俾何靄琪,
佢就0係我 locker放0左盒包得好靚0既朱古力,
不過佢厄我話唔見 passport, 要留0係韓國.....＞．＜

第一次解剖老鼠, 勁好玩！D老鼠仲集體番生tim！
皆因開到七七八八時, Ca姐, Emily, Ivana, 劉備等0既老鼠個心跳番.....＾＾"

姚啟文結婚, 我地班都有好多人去, 有我, bernard, dennis, 團長,
kerry, 黃敬岳, 王浩賢, 張婷婷, 黎香琪, 展, 陳霆熙伉儷, virginia, 劉備,
我地仲見到姚健文ar！姚啟文細佬又勁似馮德倫wo！仲靚仔過姚啟文！
我地入到聖堂, 勁多聖安當女生！個主禮神父又成日搞gags.....

英文堂 stephen同王浩賢同 miss ma嗌交, 上演 [ 無間道4 之肥婆發爛渣 ],
係有史以來最激一次, 係肥婆撩 stephen先, 肥婆話 stephen冇番成班乖好多,
之後就展開罵戰, 肥婆話 stephen冇番, 王浩賢都靜哂, 今日一番0黎就同王浩賢傾偈,
但係王浩賢幫 stephen wo, 肥婆又鬧埋王浩賢, 仲話知哂王浩賢0係聖類斯D 0野,
又話自己係 st.mary出身, 比st jo 0既好好多, 仲話佢地同老師作對冇好結果, 會落地獄wo.....
又話要自己用中文鬧人好粗鄙, 用英文斯文好多,
之後俾 stephen串佢係唔係中國人, 成班坐哂0係度睇戲, 好好睇！
高潮係肥婆話王浩賢冇家教, 王浩賢即刻發火拍檯, 勁大聲鬧肥婆, 全班冇人敢出聲.....
最好笑係肥婆叫美美起身, 問佢 stephen冇番成班係咪靜好多,
我地心諗因為美美都係st mary人, 肥婆以為佢會撐自己......
結果美美起身話自己對此事冇意見wo.....我地當然0係度忍笑！
最正就係肥婆話st jo 0黎0既, 一個招積, 一個訓覺,
stephen 即刻指住 bernard話係佢招積, 自己訓覺, 全班即刻爆肚大笑！

bio出 field trip, 勁好玩！我地落到 fion隻遊艇後, 就開餐食麥記,
之後有 D上0左露天上層, 有 D出0左船頭吹風, 上岸後, 我地攀山涉水, 終於到0左目的地,
我地分組做, 結果肥波組揀落水, 我地揀中間, fion 組做最上,
我地見到蟹 la, 螺 la..肥波組仲正, 有五六條肥大海參, 仲有海參BB....
快樂不知時日過, 話咁快就要回程, 臨走前影番張團體相,
之後我地搭番 fion隻遊艇回程....同kitty, 郭sir, kevin, dennis, fion 0係船頭吹水,
送完 miss麥去淺水灣後, 架遊艇駛過赤柱, 之後0係海中心停0左,
kerry出埋0黎同我地吹水, 真係想日日都去遊船河吹水.....

會考放榜, 何靄琪, 黃偉隆, 黃志榮, Ｍ信, joey,
婧兒, 娟娟, 吳偉洭, 超哥, 黎宏, 小馬, 翠儀....好似有份考0既都中舉....

九月一日唐 sir講0左一則勉勵我地0既說話：
「一隻海龜, 至少可以活上千年, 但牠的背後卻負上過無數的疤痕,
百萬多隻龜仔, 有的未破蛋而出已經被海鷗搞掂0左.....
努力弄破蛋殼後, 面對的是茫然的海洋....不過佢地0既目標只有一個-----衝落海！」
幾百萬隻海龜仔不顧一切衝入危險重重的大海,
為的是甚麼？既然已是天生天養, 仲點解咁執著要衝入大海？
可能....這就是宿命, 冇得解釋, 由宇宙初開開始, 便是不會改變的法則,
你冇得揀, 你更加冇得去問點解, 因為這就是命中注定....悲哀的宿命.....

吳家威番0左0黎, 仲有陸俊偉, 翁立珩,
陸俊偉話佢以前中七一日溫五個鐘頭書, 兩三點先訓,
佢話五個鐘係 basic, 出面溫到六點0既, 大有人在,
佢地當年0既老師組合, 同我地一模一樣,
翁立珩話已經係 dream team, 除0左英文0個個....hahaha！
家威話依家咁努力, 只係為一張大學入場卷.....

lunch留低溫 bio, 不過郭 sir唔0係度, 唔知點解講講0下講0左鬼故,
仲係關於聖心0既, 係話聖心 bio lab有八樽藥水瓶,
裝住未出世一個月至八個月0既 BB胎兒,
ivana同 virginia都係0黎自聖心0既, ivana竟然唔知有此 BB胎兒標本,
virginia就話佢中二時唔知乜0黎, 0係度敲個藥水瓶,
仲話 D BB胎兒造得幾似, 點知有人話：係真 ga....
個鬼故係話有晚個校工發現第八個月0既 BB胎兒唔見0左,
地上又有腳印, 就傳出個 BB出0黎搵媽媽0既鬼故....
ivana越聽越驚, 而 virginia就越聽越興奮,
之後 virginia話以前有人跳樓, 個頭入正個籃球架....
又有個鬼故係0係 st.peter男廁0既, 不過 fion叫我唔好講,
因為依家 D女廁係男廁改過0黎0既,
ivana又話驚, 不過 virginia就好興奮叫我快 D講,
個鬼故係四樓男廁 last一格永遠都開唔到,
但係就有怪聲出, 之後有班人踢開隊門看個究竟,
講到呢度 viginia已經忍唔住爆笑, 我問佢：妳知道？
結果0個班人見到個校工0黎度食飯.....
最好笑係 virginia話講鬼故時人數唔好係三0既陪數, 唔係會撞鬼,
我地當時有 fion, cathy, ivana, dennis, kerry, virginia, 劉健男同我共八人,
之後榮叔走入0黎, 0岩0岩九人！跟住 Ca姐, ruth同 emily三個一齊入0黎！
隔0左一陣, 又有三個入0黎！勁好笑！

英文堂 miss ma搞 gag, 佢見 ivana爬0係檯度好似唔舒服咁,
就問佢要唔要定唔知咩 man scout, 超爆笑！
成班笑到七個一皮, 我仲笑到標眼水 tim....呢個值六個笑！
因為 miss ma好似問 ivana要唔要「MAN's 鳩」咁, 勁好笑！

七月一日五十萬人遊行反廿三條, 七．九集會黃宜弘舉中指,
醒目仔田北俊抽董廢帝後腳辭行政會議職務,
三百八十名0架仔珠海集體叫雞, 沙士全港學校停課, 逾千人染病近三百人死,
一代巨星張國榮墮樓身亡關 sir冒雨致祭, 中國人做烈士失敗捧紅楊利偉,
科學館好多人通宵排隊入場睇烈士太空囊,
太空人楊利偉訪港同成龍合唱＜男兒當自強＞雙雙走音,
元旦日文化中心變垃圾中心, 香港淪落到要靠番大陸自由行救市,
太空館逾千人排隊睇蚊滋咁大0既火星, 平機會主席王見秋被迫辭職揭大劉風流史,
２００３罪魁禍首冇頸何志平為香港求得「凡事不吉」下下籤,
政府削減大學經費沙皇玩謝大學生, 我六月六日生日首批換智能身分證,
皇馬夫添來港六條煙贏港聯４：２, 香港「一定得」奪２００９東亞運動會主辦權,
ＩＣＡＣ舞影行動陳少寶 juno楊受成祖兒霆鋒被拉,
飛人小黑柯受良中酒精毒猝逝上海, 梅艷芳臨尾香,
名填詞人林振強患血癌病逝在他方與家駒合作,
一個作曲一個填詞俾梅艷芳羅文張國榮合唱,
區議會選舉民建聯輸到爬街, 路遙知「馬力」接任掌門,
陳鱷鱷遊憩南生圍, 鱷魚先生同鱷魚釗束手無策,
維港爛星匯政府做水魚包底一億, 賭波規範化落實劉備肥波阿敬有話題,
仲有.....太多, 不能盡錄....

個個都想２００３快 D過, 梗係 la, 發生咁多事....
其實今年起伏都幾大, 年頭「天地不容」事件將一切推向頂峰,
之後行花市去旅行, 不過自以為是而引起好多誤會,
將一切推向谷底, 三月至七月係最唔開心0既時間,
期間學曉0左好多人生0既道理, 當下即是, 道家莊子隨緣學說....
明白凡事順其自然, 既來之則安之, 緣督以為經, 唔好執著.....
之後唔知點解一笑泯恩仇, 所有事都好似冇發生過一樣....
明白到有時強求一 D 0野, 個天偏偏玩0野唔俾你,
當你愛理不理, 順其自然0既話, 個天又偏偏俾你個 wo....
算 la, 一命二運三風水, 四積陰德五讀書,
命裡有時終須有, 命裡無時莫強求....

>>January 3, 2004 at 8:08:22 AM GMT+8