Showhappy.net - Members diary

日記

日記主簡介

<< 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 >>

2005 年 5 月 18 日星期三【微冷】

是日在Leeds考Mock，是考牌試的Mock。
兩份卷。
卷一，MCQ，90條，Close Book。
卷二A，MCQ，60條，Open Book。
卷二B，MCQ，20條，Calculation。
卷一加卷二要70%以上。
卷二B calculation另計，亦都要70%以上才是Pass mark。
其中一份低過70%都不合格。

本小姐之成績:
Close book: 66%
Open book: 42%
Calculation: 50%

本小姐之賽後檢討:
Close book最高分，因為題目最容易。
Open book最低分，因為題目最難，每一條都要搵書，慢慢已經沒有心機做，
最後20條已經全面放棄，不是填B就是C。
Calculation只有50%，因為卷二是lunch time後考，本小姐先做calculation就一邊做一邊恰眼訓。
不過總括來說都很好呀~ Jenny Firmin都覺得本小姐考得不錯。
都未畢業!! 讀左一半之麻~ 係咁架啦~~~ 呵呵～ ^^

>>May 21, 2005 at 4:43:02 AM GMT+8

2005 年 5 月 17 日星期二【颳風】

明天要到Leeds考Mock。
是模擬本小姐兩年後考牌才考的試。
連四個月前就要考的healthcare exam本小姐都未考....
兩年後才考的試of cos本小姐將會考天才~
雖然Jenny Firmin說我可以不去，因為我又不是今年要考牌。
我知道呀～不過去leeds考試比去ilkley上班的時間短麻～ ^^

是日怪客...
「一日唔好食多過兩粒，ok?」
「點解呀?」
下?! 點解?! 玩野咩......?! 不過仍然微笑回答:
「因為食多過兩粒會過量」
「咁過量會點呀?」
#$%*$^!@#!...
勁想大大聲聲講「不如你試完之後話我聽發生咩事Ｙ」！
不過得個想字....
「唔知呢，不如你去同藥劑師傾下啦，我見習生黎架喳～我幫你叫佢黎你慢慢問呀～～～」

re: ball，仲要讀多年半，實習多半年，所以仲有兩年啊～
你可以唔洗驚住啦～哈哈～

re: 華，度一兩次唔夠架，而且有冇每次都係同一時間度架?
佢有冇戒口呀? 如果戒左口兩三個月之後都係咁就應該要食藥架喎...

>>May 18, 2005 at 4:16:36 AM GMT+8

2005 年 5 月 14 日星期六【微冷】

今天那些不負責任的人上機之後就將女友留下來交給我照顧。
自己就回香港風流快活啦! 哼~ hehe
幸好今天我們都有收鑊，和zoe兩個在曼城行街街～
人很多不過更好，令本小姐更有shopping的意慾+氣氛。
雖然最後只買了一件外套，而zoe小姐則買了3條褲。
(原本打算買褲的是我，zoe是想買外套的...-.-")
左逛右逛，累得很，結果5時左右就放棄回bradford了。
先回hall，然後再和Rachel, Rebecca, Terence, Kaka一行六人到international吃飯。
zoe來bradford麻! 怎能不試吃巴基斯坦菜呢!
吃得飽飽回hall又打牌。(不能唱K啦!! 因為昨晚唱至0200的時候被投訴了。) hehe
竟然樓下兩層都聽到我們那悅耳的歌聲! 呵呵~
想起security來歊門的時候在忍笑的樣子! ^^"
打了四圈就洗白白去睡了，實在很眼訓。
不過.......睡了半小時後fire alarm!!!!!!!!!!
聽到的時候都不知發生什麼事...只覺得呢個咩聲呀? 咁熟既??
迷迷糊糊，慢慢才記起是fire alarm!!!
叫醒zoe然後夢遊一樣行落去，下樓時雙眼還是閉著的。
如rebecca所說...為什麼每次本小姐有人蛇在房的時候都會fire alarm的?!!?
對上一次就是爸爸媽媽在英國的時候!! 有冇咁翹呀?!?!!?

re: rebecca，唔知點解我真係好鐘意呢輯相呀!! ^^

re: ball，咁你表姐畢左業，有牌架麻!! 唔小心會賴野架!!
我連書都係讀左一半喳...有排都未畢業....唔計既～
私家ｄ護士會唔會靚ｄ真係唔知呀，不過好人ｄ真係唔奇
佢地應該冇咁忙，同埋私家ｄ病人應該大部分都講道理有禮貌ｄ，咁佢地唔會咁燥麻，可能因為咁而靚ｄ都唔出奇!! 哈哈～
其實呢...之前個d唔係誇張版黎架..care plan我真係咁作，執錯藥都真係有～
不過我通常都會俾我tutor double check個陣「周」到架... hehe ^^"

>>May 15, 2005 at 11:27:14 PM GMT+8

2005 年 5 月 13 日星期五【颳風】

有人今晚就要係機場過夜啦...
聽日返香港之麻!! 我冇唔抵得呀!!
超超超!!!! 我都就返啦!!!!!
唉...

黑色星期五真係幾黑下....

re: ball，嘩?! 出院就黎睇??
你咁緊張.....即係仲好擔心啦....唉..
我諗我要挽回番弱雞ｃ既專業形象...-.-"
放心啦～藥房真係會double check先會出藥架!! ^^
我好少同護士有contact架，要contact都係要同醫生。
不過香港ｄ護士唔係多數都好惡架咩？？

>>October 1, 2005 at 9:41:34 PM GMT+8

2005 年 5 月 12 日星期四【颳風】

喜歡steve。
喜歡annie。
喜歡在556上班。
喜歡實習。
喜歡做弱雞ｃ。
喜歡不用考試的日子。

是晚又是無牌Noway卡拉OK開房的日子。
在C16冇冷氣，冇風扇，冇開門，冇開窗，完全封閉的密室內(因為唔可以嘈到隔離鄰舍)，
對著16寸mon開KTV唱，都可以令我們一眾人興奮莫名，樂而忘返!
究竟幾時我地先可以齊齊整整，正正經經去正牌Neway唱??

唔唱K都唔發現自己ｄ廣東話原來咁唔掂．．．．

re: 路ball，哇哈哈，唔洗驚喎!! 我對做assignment先咁求其者～
做得弱雞ｃ就唔會對病人求求其其架。
如果真係有個病人俾我in想我幫佢做care plan，我會好認真架。
不過...冇病人願做之麻。(或者你早ｄ留msg，咁我就可以搵你做啦!!)
仲有呀～藥房係會double check哂所有野先出錯架~ 所以至少會經兩個人手!
何況我仲係實習生～有少少唔sure我都會搵我tutor出馬既～
你真係唔洗咁驚喎！！！ ^^"

re: 華，高血壓可以係家族性架，而且個人好健康都唔出奇。
根本高血壓都唔會有咩病徵，除非你去度，唔係都好少會發現自己高血壓。
高血壓同普通人都咩冇分別，除非佢因為高血壓而攪到有心臟病or腎病。
不過170/180都幾高，度左幾次都係呢個數麻?

>>May 13, 2005 at 6:12:58 AM GMT+8

2005 年 5 月 11 日星期三【微冷】

要做care plan，首先就要interview patient，看看他的medication。
check一下他的藥有沒有問題，例如份量啦，食法啦，副作用啦。
還要check他祖宗十八代，看看有什麼病他大機會會有，然後又要和醫生討論吃什麼藥來預防。
還要知道他的病和藥對他日常生活有什麼影響。
最後就要幫他設計一個plan，目的.......總之就要令他的生活easy一點啦!
聽完都覺得煩。
還要做兩個加presentation！

不過明天交，又如何？
本小姐連一個patient都冇in過，因為．．．hehehe
結果...昨晚十點被迫坐定定玩「原創」。
1. 作病人食煙，飲酒，成日夜訓食快餐，總之有咁唔健康得咁唔健康。
2. 作病人高膽固醇，高血壓，糖尿病，家族有人柏金遜，羊癇加心臟病。
3. 再搵埋呢ｄ病應該食咩藥，然後就話醫生開左呢幾種藥。
4. 又要作得有ｄ位值得商確改善，但係又唔可以錯得太嚴重喎，咁張單係醫生開架麻...
5. 作病人食好多種藥，咁會多ｄ野講，不過又唔知呢咁多隻藥ｄ醫生會唔會一齊開喎！
anyway，唔理，是但求其做完就算，一次practice, timing都冇做。
好眼訓。^^"

今早一早就要到Leeds present，由1000到1600，坐足全日1530才到本小姐。
悶到痺，勁想舉手話自己唔舒服可唔可以早ｄ present然後早ｄ返屋企休息...
一路坐，一路叫自己唔好咁衰女，唔好咁衰女。
在我前面present的，一聽就知準備充足，有位小姐連x-ray片都帶埋黎。。。
好明顯每個人都想拎高分可以拎今年的pre-reg of the year。
我真係完全冇意慾or興趣去做，唔合格都冇所謂，橫掂唔影響我考牌or學校分既～
不過在我present前，他們發現原來等人present後問問題是有分加的。(加俾問個個)
玩野..竟然係我present前發現!!
結果，他們當然揀本小姐開刀啦!! present完後不停問問問。
不過幸運地都識得答～連原創醫生單都順利過骨～ ^^V
呵呵～我覺得自己好有potential做醫生囉～哇哈哈哈哈～
辛辛苦苦挨到1600就出去Leeds行街街，要慰勞下自己琴晚唔夠訓做野麻～
快ｄ到weekend啦!! 咁就可以同Zoe去曼城行街街咯～ p^^q

re: vannie，我仲有兩年先畢業～
而家學左一半之麻! 到時就得架啦!!

re: 車車，知你就返香港喇!!!! 仲提!!! 哼!!
你呀! 問心個句Y!! 我介紹你個隻咳藥水係咪平靚正先?!

>>May 12, 2005 at 2:41:08 AM GMT+8

2005 年 5 月 10 日星期二【微冷】

今天在藥房不停做錯事。
執錯藥，睇錯單，俾錯藥，找錯錢，寫錯字。
基本上可以錯的本小姐都錯哂。
睡眠不足果然會錯漏百出!
昨晚睡了4小時only啊~
「oh my god! u stayed awake for ur audit, presentation & care planss?」
「hmmmm...yes..(勁細聲)」
真的不敢告知其實是因為打牌打到0200，care plans昨晚一隻字都沒有寫過。

所有assignments明天就要交啦！
不過今晚還是不願做...still not the last min yet ma～
放工回來吃飽飽後，繼續學警雄心。
苗僑偉～苗僑偉～

>>May 12, 2005 at 1:48:49 AM GMT+8

2005 年 5 月 8 日星期日【微冷】

。Ｍaｍi，Ｈaｐpｙ　ｍoｔhｅrｓ　ｄaｙ。

Ｌoｖe　ｙoｕ　aｌwａyｓ！

>>May 8, 2005 at 10:27:10 PM GMT+8

2005 年 5 月 7 日星期六【颳風】

死火，頭先執錯藥tim。
eee? 原來佢要112粒喎，我俾左56喳。
一日唔好食多過8粒。呀! 唔係! 唔好多過4粒先arm。
大鑊，我好似俾左許生份藥阿李生。
呢兩隻藥應該可以一齊食掛。
我好似俾多左一盒佢啊。
佢要50mg架咩?? 我俾左100喎。
呢隻藥應該係空肚食。

信我啦～
我到時會考到牌架喇！！！

>>May 9, 2005 at 3:54:59 AM GMT+8

2005 年 5 月 6 日星期五【颳風】

上班。已經上了13 weeks，第一期的placement已經完成了一半。
除了tutor對本小姐不錯之外，公司的同事都很照顧本小姐。^^V
每天上班都很enjoy，很nice。(除了每天的travelling。)
很喜歡ilkley這個地方，很美，很乾淨，這兒的人也很有教養。
(事實上這兒的人不是醫生就是professor。。。)
來了ilkley工作後，就更加對bradford這個地方反感。
ilkley是跑馬地的話，bradford不是深水埗就是砵蘭街！
隨地吐痰已經夠討厭！這兒的人還要不理會身旁有沒有人！
看見那些全身污糟辣撻隨地吐痰拋垃圾的，真的會全身打冷震。

今天上班有個客問我:「近排點?」。
看一看她，好像初初頭一星期來做placement的時候跟她說過話。
隨口問句:「好似好耐冇見過你既?」。
「係呀! 我去左美國渡假兩個月呀! 你係咪仲住係bradford呀? 你係度做到幾時呀? 你summer返唔返屋企呀? 你幾時畢業呀? 你仲要讀多幾多年呀? 你summer之後幾時返黎呀? 你返黎係咪仲會住係bradford呀? 你仲會住係hall呀?」。
只係一個問題，就換來了ｎ個問題 in return......好抵。
逐一解答了之後，她竟然叫我summer回來後要去她家坐坐。
「我俾我個地址你，如果你覺得寂寞想搵人傾下計，或者你係bradford住得唔開心，你黎搵我Ｙ!」。
下?! 即刻心諗你講笑喳?? 第2次見面喳喎!?!
結果，她在她的手袋裡找了一個印有她地址+電話的label給我!! (好像預備定會派那樣子。)
然後不停很熱情地叫本小姐回來後一定一定要找她....
她一邊說，一邊流露"i feel so sorry for u that ur from braford"的眼神+口吻。
受寵若驚，唯有不停轉話題說:「你記住aspirin一日食一粒好喇～食飽飯先食呀～有冇食緊其他藥呀? 下～冇呀? (原本以為佢會答有，咁我就可以走左去話double check下先)，冇咁你一日食一粒食飽飯食啦～」
non-stop go on again & again。
待她走後，立即捉住steve問: 而家我個樣好depress咩?!!
還沒趕及告訴他發生什麼事，又看到她折返。
原來她忘了告訴我她的名字．．．．．．
原來我連人地個名都未有就有左電話地址先．．．．．．．．．．．．

re: 車車，鬼叫你早我咁多!!!!
如果佢兩個接你機我實殺左佢地架！
特別係阿鄺生！佢之前兩年點得我幾慘呀!!

re: 家俊，你又蒲頭喇??
我唔中意ipod shuffle呀..ipod mini都唔中意...
我好白痴地看上了最大部，最阻掟個部...
我呢幾日諗緊...買個比自己部MD機仲大既mp3係咪好白痴呢?! 好似係啊..呵? ><"
thank you你個日打俾阿亮呀~ 我都唔記得哂ｄ日子!! hehe thanks! ^3^

>>May 7, 2005 at 4:38:22 AM GMT+8