Showhappy.net - Members diary

日記

日記主簡介

<< 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 >>

2005 年 11 月 15 日星期二【颳風】

今日ｌuｎcｈtｉmｅ的時候寶寶來電～
雖然要返學，只傾得半粒鐘。
不過真係好好既慰藉~ 我好掛住你啊!!
真係撐得好苦．．．
只係11月，不過為讀書都唔知喊過幾多次..
今日..心跳既感覺又返黎...
好怕..11月中only...好怕...要考試...
除左盡力撐都唔知仲可以做咩。
真係好想可以順順利利好好地去考試...
我唔想再係咁...壓迫感真係好大...
而家已經唔至講一定得一定得，
仲會同自己講，佢地得我都得!!
究竟幾時先學識唔好睇得咁重要??

原來甘大支內有乾坤again!! >3<
白痴婆x2!!

晚飯後坐新牌仔去ASDA。
６個人，後排４個要爭安全帶+扶手! ^^"
its so nice being crazy wif u guys。
it helps a lot. thz!
xoxox

>>November 16, 2005 at 9:10:32 AM GMT+8

2005 年 11 月 14 日星期一【微冷】

收到啦～收到啦～
好意外呀～
明明係寶寶問我有咩想食，佢仲叫我記住check信箱!
但原來係vannie寄既?? 收包裹好開心呀～
不過見到郵費就心痛!! 用公文袋寄麻!! 然後貼１０蚊郵票！
用盒當包裹寄，貴過用公文袋當信寄好多架!!
不過有包裹收真係好開心!! 即係你兩個係香港風流快活都有掛住我!!
不枉我一向以黎咁錫你地，咁照顧你!! >3<
miss you guys LOADS!!
shame dat i got lectures til 5pm 2day n tmr, jst back 4 lunch only..
hopefully can catch u guys on wednesday la!!
esp vannie, i want 2 b updated ar!
luv u babes, spk soon!!

>>November 14, 2005 at 8:51:56 PM GMT+8

2005 年 11 月 13 日星期日【颳風】

今日妹妹終於出完trip啦~
７日６夜早機去晚機返，零費用...正過跟團。
「你個妹呀! 買左條千幾蚊既皮帶俾你老豆做手信呀!」<--媽媽強烈眼紅中。
「千幾蚊泰紙呀?」
「港紙呀!! ６千幾蚊泰紙呀!」<--媽媽超眼紅中。
「哦~ 算啦~ 佢下個月唔夠錢找卡數，咁老豆就蝕突啦～」
好心安慰媽媽...點知媽媽爆響口出賣我...蚊左個耳塞等當事人聽到...
即刻....踩哂屎啦．．．
「你估係你呀?! ８千幾蚊卡數自己又唔找!! 返左去英國剩低俾我!!!」
「阿媽呀，我唔傾喇，溫書啊」
９秒９收線。
暑假既事....竟然仲記得...?!!

11月，ｂdａy　ｍoｎtｈ。
由踏入11月開始，身邊就有不少朋友仔生日。
11月生日，有點全城盡興既感覺～ yｅaｈ～ ^^/
「快生日喇喎~」
「咁你係咪請我去味千? 我想食拉麵」
「好! 七點半body shop等!」
哈～Ｐ先生，我地都冇講日期～
我返黎你接我機去食呀!!
不過唔要機場個間～要返番沙田個間!
再係body shop企15分鐘先過去!! 哇哈哈～

雞翼人，你地同文仔餐bday din記住要影多ｄ相呀!!!!!!
幾時先可以文仔+阿腎+我３個一齊慶祝呢??

Stefan來電。
「喂! 你想要咩生日禮物?」
「冇呀~ 除左冇得賣個件tee都冇咩野想要~」
「咁你呢排有咩想要架?? 男朋友除外!」
.....呢樣item我由頭到尾都冇話過要。
今期最需要既....其實係MD!!
係隻碟，唔係部機。
係英國我唯一一隻既MD聽到由尾背返上黎都得。
仲要...隻碟最新個首係...１６號愛人//假如讓我說下去～死未??

典解硬係要凍冰冰先黎走fｉrｅ　ａlａrｍ架呢?!!?!
落到去發現褸袋有相機，不過原來冇電架喎...=.="

其實我只想開開心心食餐飯。
問題唔係我地度，唔好俾野我聽。

re: 依莎，咁咪好囉～
期望唔高，到時唔會太失望麻!!
你地同文仔慶祝會唔會去番上次moe bday din個度呀??
佢講到好得好正喎!! 我返到去陪我食多次Y!!

>>November 14, 2005 at 4:52:16 AM GMT+8

2005 年 11 月 12 日星期六【乍雨乍晴】

昨晚0３00才睡，今早0６就要起床。
凍冰冰，天黑黑，heater唔work的早上...
對穿短褲的人來說，離開張帔需要莫大的勇氣。
短褲都唔夠...都唔知點解琴晚會著埋短袖衫去訓...
始終都係典到last min先肯起身，趕頭趕命dress up+call cab。
現用的士公司很好，每次都一call即到。
繼續上火車先make up+breakfast，訓練有素。^^v

為左補鐘，８點已經返到去。
一返到去steve就彈出黎....
對望....唉...估到啦...
"go on, say it~ jst tease me as usual!!"
"ooops! well...Kia, ur not suppose to be here! ur not suppose to work until 12pm~"
"HA HA HA, very funny~"
繼續cut lunch，cut break x2，終於還哂啦.....!
不過全ｄaｙ 0８00至1７3０，只有lunch time cut剩30mins的時候坐低過...
９小時....OneDayStand...好累。
有點後悔今朝婉拒Anne S.說由佢唔洗補...!! 死蠢。><"

放工，空曠無蓋火車站北風凜凜，天黑黑月亮高高掛，火車delayed...
更覺凍。><"
今日真的冷了很多，連鬼都穿避彈衣。
早幾日明明還是短袖衫的..
１１月初only...今年好像真的會是da worst winter ever...。

今晚還是早點睡吧...
DNA//RNA//HIV&AIDS，聽日先KO你！

新換的ｗaｌLｐaｐeｒ，好喜歡。>3<

毛衣皮褸樽領衫
多稱身都不暖身　
我也發病全身抖震

>>November 13, 2005 at 9:31:20 PM GMT+8

2005 年 11 月 11 日星期五【雷雨】

原本星期五day off架麻，不過今日下晝要補堂!
２至５，還要被迫看video。
是關於瘧疾的，應該是BBC program吧??
內容大概關於研究&開發瘧疾新藥．．．一聽就知悶。=.="
基於瘧疾靠蚊傳播既關係，video一開始就影住隻蚊。(配異形's bg music..)
然後有一個reseacher捧住一個裝滿蚊既箱行出黎。
個professor話研究最難既一part係日日都要餵佢地..仲話男蚊易餵ｄ，女蚊就難喇~
心諗...餵蚊好難咩??
轉頭跟Terence說:「好難咩? 佢伸隻手入去咪餵到囉～」
個頭講完就發現...佢真係咁做...＠.＠
唔係阿fa?!! 日日都咁餵法?! professor先生，你可唔可以用ｄ pro ｄ既方法啊!?
鏡頭仲影住ｄ蚊真係一窩蜂飛哂埋去吸...
好勁...竟然忍到痕...不過隻手咪好多蚊眼?!
「查無比膏查死佢啦!」
....well...我覺得呢個唔係main pt囉...=.="
佢既餵蚊行為令我諗番起以前上堂睇過既videos...
諗番起上年睇劏屍，呢度ｄ人唔帶手套，隻手仲伸埋入去揸住條含哂膿黑哂既小腸...嘔。
仲有前年既video...竟然搵隻勁肥勁大隻既貓做實驗...!
始終到而家都仲覺得隻貓係因為捉唔到老鼠交唔到差，所以俾人用左黎頂硬上..
做實驗要用白老鼠架麻...而且通常做完都會死左唔要既...
不過個次隻貓只係麻醉..做完實驗幫佢連番個肚就OK唔洗死...
留番黎捉老鼠等下次?!
今日個video...愕然之後睇到後面就真係呆哂...
佢竟然影毛澤東....仲有十萬九千七個中國人一齊揸住本紅簿仔嗌口號...
之後先知原來個本係毛語錄...well...我地唔係睇緊瘧疾片架咩....?! =.="
然後旁白話中國唔知幾多年前已經有醫瘧疾既藥...(以為佢讚中國啦..)
點知佢話不過中國收埋唔肯話其他國家知，even瘧疾一年殺好多人，好多小朋友...
咁都仲未夠.....佢之後訪問研發呢隻藥0個個女教授....
個教授竟然話人地眼紅中國，話人地唔服氣，唔抵得，勁踩人地...
Ｏ哂咀．．．你覺得係都唔好咁答啦!!
講ｄ咁既野!! 嚇到我同Terence兩個即刻勁驚俾人打...
一個讀咁多書既人竟然答得咁唔得體...
究竟你知唔知訪問緊你個班人就係你踩緊既人??
究竟你知唔知你咁講....身在外國同ｄ外國人一齊睇緊呢條片既chineses會好危險?!!?!
放學...好明顯地BBC已經扮唔識我地啦..回hall路程至少相距１５個身位!!
冇朋友仔架喇而家~

琴晚趁心情好，終於都send左2nd round hospital choice啦~
Ｇoｄ　ｂlｅsｓ　ｐlｓ！

張提款卡幾經辛苦收到既同時，張信用卡就無啦啦失效!
HSBC！#$(^^*(@$#()@^*$)@$_)%)
又遇岩wkend...睇怕最快都要下星期３先可以去攪...

ｈaｌl轉左公司之後真係不知所謂...
有cleaner等於冇cleaner已經夠討厭!
仲要炒哂之前既垃圾佬...要我地自己買垃圾袋，自己一大袋垃圾拎去dump!
早兩日仲要出通告預先講定如果hall有老鼠係因為出面天氣開始凍!!!!
你痴線架!?!?!!!? 咁全世界既屋企都有啦!?!!?!?!
到今日仲冇人性到全日唔開heat!! 今日５度仲落雨喎!!
好彩我呢邊走廊唔係好似電車男個邊咁漏水法!!
倒水咁漏!! 影哂相report完都竟然夠膽死唔理由得佢...＠.＠
仲好意思貴過上年!!!!
下年under你既hall都唔住呀!!!

wings話聽日最低零度....
不過仲欠boots 1.5個鐘............唉。
未還哂都唔好意思射波.......>_<"
希望聽日醒醒定定啦!!

re: 依莎，我都知啊!! 我真係寧願佢唔減!!
香港disney既票已經係最平架啦~ 而家仲肯自動減價!
佢話唔係因為冇客喎~ 我真係唔信!!
而且佢減得50蚊不如唔好減好過啦!!!! 係唔去既話都唔會因為50蚊而去啦!!
咁樣只會更人覺得佢更降價求客....減得少少又幫助唔大!
不過..始終香港人都應該去下既...問題係幾時先會去同埋會唔會去多過一次囉...
btw，你唔係11月去架咩?? 去左未??

>>November 12, 2005 at 3:08:28 AM GMT+8

2005 年 11 月 10 日星期四【暴雨】

今朝上0９，Prof. Barry趕車。
兩堂竟然可以教哂intranasal, pulmonary, intravaginal & intrauterine四隻mode..
繼續英國culture不印notes，手斷抄抄抄...一堂好像過足一日。
第３堂上Med.Chem更不濟，Dr.Wheelhouse怪口音+喉嚨發音+唔郁嘴講野法...聽到頭都側。
wk 7....終於知道之前教的原來是病毒藥和愛滋藥的structures!!!
還有今堂開始的抗癌藥structures...!!
真係好想知究竟我讀structure有咩用啊?!!!!?

落堂，去Richard W.家跟他，Philip和Lois開會。
又要做Presentation啦...group presentation好麻煩。
死Philip又推我做present..(由yr 1開始呢個已經係佢既嗜好)。
當然打死都唔制~ 傻架?! 你先係mother language喎!!
最後都係Philip & Lois負責Present~
不過唔present既後果係....到時要負責答問題。
死得啦...雖然６個人一組，除左我地４個，仲有Umer(叉仔) & KG(黑鬼)。
不過旨意佢兩個既話....即係我同Richard W.要識答哂啦!!
最慘既係今次present既case係女人，膀胱炎，大肚，再加HIV positive...
仲要...個BB出世後想餵人奶囉.....=.="
.....明明一早決定左今個sem放棄HIV & AIDS唔理佢架麻.....................!

散會，返hall join Kat，KaKa，Ken & Terence去行街街。
因為stefan先生有堂上，就將K字頭既身家性命財產交哂俾新牌仔．．．
每次上「正羊號」第一時間都是扣安全帶! (還要超快手，係佢撻匙前就綁好~)
然後大家都會好安靜...緊握扶手。
跟Kat坐後面，完全係越礦飛車feel。
哈哈，完全唔關司機事(司機均速40咪)，係乘客問題。
「唔好開住呀! 我未扣好安全帶呀!」
「死啦!! 我搵唔到條安全帶呀!! 唔好開住呀! 唔好開住呀!」
「拉下條安全帶睇下綁緊未啦!!」
「點解工作人員仲唔睇下我綁好未架!」
「開車喇!! 快ｄ捉實個扶手啦!!」
最慘既係...過山車係唔會行錯路架囉..
不過「正羊號」...
「ｅ？! 呢條係巴士專線黎架!!」
「都入左啦!」
「呢度轉左出返去啦!」
「但係呢度俾唔俾轉左架?!」
「唔知呀!」
「咁點呀?!」
「你鐘意啦~」
「你問我..我實話想架!」
坐後面...真係好難唔驚...!!
再想起出門口時..
「你揸住個ｄ咩黎架??」
「哦~ 保單個ｄ之麻~」
「下...?!」
「冇啊~ 咁炒左都有得證明我有買全保cover埋你地麻~」
「...........」

最衰今日相機無電...＠.＠

今日，放縱日。
買鞋，買衫，買body care，全日見岩即買。
tee...一模一樣唔同色，難抉擇，唔好煩，買哂。
「你發左達呀...?!」
我都想．．．不過你都知我想行街買衫好耐!!
積壓得太耐...而且shopping真係有效舒緩depression。
行完天黑，一行人仲要去食埋KFC繼續放縱先肯歸hall。
KFC family bucket meal ＝「冚家餐」，鳴謝Kat小姐作出中文翻譯。
食食下有怪女人想搭訕，大家有默契地一輪嘴講唔停，唔俾佢插嘴當佢透明。
然後闊佬懶理乞人憎地成為全店唯一一台嘈嘈閉。^^"

好耐冇試過係街度逗留咁耐，得閒行下街街真係好～ ^^
今日身心舒暢。^^/

re: 華，唔至冇時間觀念啦....仲有樣野你都冇架~ hehe

re: Vannie，你冇陪過我幾多個生日...我咪冇陪你幾多個生日囉...
最快都要等我25th bday or 你26th先可以...
Disney唔可以放棄架~ 至多拖下遲ｄ先囉~
香港人點都要去過香港Disneyland既~
雖然我愛米奇，不過都唔係好有意慾...

>>November 11, 2005 at 5:37:40 AM GMT+8

2005 年 11 月 9 日星期三【晴】

好多米奇，不過這間房不是我的。
是屬於不愛米奇老鼠既貓的。=.="

已經想剪頭髮好耐。
不過跟阿貓溝通溝通過後...不得不猶豫。
「喂.你要剪頭髮啦~」
「我知啊..不過你又話剪髮人一睇電視就大鑊既?!」
「係啊.你睇stefan個阿旺頭.咪就係佢睇千杯不醉既時候剪架囉~」
.....槓典算啊..?!

今年回來後已經有不少朋友仔跟我說過今年冬天會是da worst winter EVER!
不是麻!? EVER?! 很難想像。
說得那麼誇張...你們是ｌoｃaｌ來的啊!!
上年11月中已經落雪了，４月才落最後一次..。今年還要更差嗎?!
從來都不覺得落雪有什麼好浪漫?! 一點也不期待。
冬天唯一一樣能令人興奮期待的就只有XMAS SALE麻！ ^^v

人好像還是呆呆，無所事事的...。

>>November 10, 2005 at 6:42:46 AM GMT+8

2005 年 11 月 8 日星期二【乍寒還暖】

始終久不久都會感受到考試那種壓迫。
不過又可以怎樣? EQ跟考試一樣都是要靠自己的。
學習放鬆，說服自己一定得。
上堂看到不聽書的，告訴自己他們可以，我都得。
遇到每次resit都榜上有名的，他們可以捱得過，我都得。
知道有還未開始溫書的，我wk 3已經開始了，他們可以，我都得。
還有那些學極都唔明的，他們可以，我都得。
那些每次考試都只是剛剛合格的，他們都不擔心，我究竟在擔心什麼?
雖然好像有點將人看低，覺得他們可以做到的，自己都可以。
不過眼見那些完全不是讀書的同學仔.....考試...應該我都可以吧?!
油可以加...信心可不可以?? 積多點信心，告訴自己一定得..希望到時會輕鬆一點吧!
已經努力勸導自己忘了first hon吧!! 特別是知道上年全年都沒有一個人拿得到之後..
藥劑師，要first hon有什麼用?! 都沒有人看的...個個都只在乎你有沒有牌。
很早就知道，不過我好勝吧?! =.="
其實能順利畢業，順利拎牌返香港和你們，和屋企人一起就已經很好了！

終於都拿到提款卡了．．．
我不去追問都不會給我的提款卡!!
５星期! 幸好之前懂得先用信用卡找街數!!
ｎ次電話追問! ５working days x ｎ!
英國！

夜晚跟郭小姐gossipsss。
扯東扯西傾了兩小時til da fones die.
究竟幾時先有番個墟??

re: Vannie，見到你msg前已經應承了stefan去Easter trip喇..
返香港個個都要返工...而且留到４月尾先走...6月中又返去..
算啦...你記唔記得你年年生日打俾我，我都easter trip-ING...?
Disney＠Paris好似比Disney＠HK吸引多一點點...
近期HK Disneyland太旺..我唔想見到有人抱住小朋友係洗手盤大便便....=.="

re: 華，你幾時見過時針鐘有寫ａｍ//ｐｍ架...?!
呢邊慢８個鐘啊....要你你估係朝早定夜晚會唔會太難??
你當相反啦~ 你有太陽我就冇~
ps. 警告你唔好同我玩野晴天陰天計呀!!

>>November 10, 2005 at 12:42:25 AM GMT+8

2005 年 11 月 7 日星期一【晴】

好掛住呢句咒語呢。
但都要過多32wk先可以聽..
不過雖然唔係老時間老地方，星期四都被阿貓dated了去body shop。^^
事實上我們真的是去body shop，不是meeting point來的。
英國...去town，去body shop都是一個活動，一項節目。^^"
我好期待星期四~

有學返有ｄ世藝!
希望唔洗再渾噩啦～

妹妹今日出ｔrｉp，一星期＠Thailand!
我都好想去啊!!!!!
Boots..不如你都出機票我免費同你去香港視察業務Y...

「點呀? 星期六返工有冇瘀野?」
「咪就係多得你囉! 個個星期五叫我估下聽日會瘀咩! 星期日就問琴日瘀左咩!! 我係你個女黎架!!! 邊有阿媽睇死自己個女一定有野衰!!」
「咁即係琴日瘀左咩者?!」
「..........琴日唔記得返工遲左3粒鐘囉......」
「哈~ 都話你架啦! 請全公司食tea啦~」
「食你個頭呀!! 冇break冇lunch補番數呀! 仲點出去買野呀?!」
「都可以行開一陣去買架?!」
「有時間行開我都食lunch先啦! 而家仲差個半鐘要下個星期六先還得到呀!」
「哈~ 你下星期六又會番11點架啦~」
「以後都唔好再講呢個話題呀!!!!」
「你阿E話就你同表姐，表哥Easter先結婚呀!」
「下..我早幾日先同屎糞plan緊今年既easter trip喎」
「咁即係點呀?!」
「而且easter都冇人有假放....返到去都冇人陪我玩!!」
「咁咪岩囉~ 陪我!」
「.......我放一個月喎....又唔係咩節日......返到去都唔知做咩..」
「咁你去旅行啦~」
「但係而家又俾你撩起左想返去喎....」

wedding dinner VS easter trip。
１nite VS ５days。
HK VS Paris。
點解成日都要２揀１?!
我要２ in １啊!!

re: 舒舒，你估唐詩咩...問我作者...!
唔記得係邊度聽架喇~ 你咁鐘意又咁岩你~
你拎去用啦～哇哈哈哈哈～ >v<
我hallssssss ｄ fire alarm好堅架...shower room既蒸氣都可以trigger到...
其實嚴格黎講個日都唔可以叫火觸既~ 至多叫有野燒著左~

>>November 8, 2005 at 3:59:19 AM GMT+8

2005 年 11 月 6 日星期日【颱風】

你話我個腦and個心係咪唔見左Y...
計清楚原來琴日無lunch無break都只係扣番一個半鐘喳..
即係仲有一個半鐘要扣啊..
唉...咁死得啦...即係下個再下個星期六都仲扣緊..

目光呆滯..毫無智慧。

今朝仲火捉都唔知...好彩claire睇到d火燒緊然後大嗌!
不過我依然係好「冷靜」架下...都唔係好大火0者...
淋水落去?! 你咪攪!!! 倒水落去咪勁大煙?!
橫風橫雨走fire alarm我被人殺死都似...!!

btw，我想話...我琴日唔係唔知醒個隻囉..
係唔知自己有咩要做，要做ｄ咩個種..
醒左都唔會記得返工個隻啊..
唉..算啦..唔明就算..我都唔想再講。

DNA！DNA！DNA！！
#$%(*^%$!$(#@*%
DNA已經成為本小姐強烈認為應該BANNED既topic！
抗生素你排第二啦！

好呆既同時亦都好燥狂...=.="

有人話唔開心時諗到個個先係最愛既人，並唔係開心時會想起個個。
又好似幾岩，因為開心既野我實在想講俾太多人知....
唔開心會想起邊個?? 想返屋企囉．．．

呢幾日開番friendster。
開左年幾，除左join個陣玩過，呢幾日先第２次上。
其實幾buy friendster既idea，發現原來同朋友仔識同一個人架喎～
就好似原來楊中丹丹都識得雞翼阿屎，雞翼Brian又識得楊中尹子咁喎～
幾得Y~ ^^b
話唔定原來你表哥個姑姐個舅仔都識得我媽個舅父個堂姪女架～

原來討厭bon fire night既並唔至我一個~
郭小姐，開個anti 啦!!

轉時間．轉天氣．轉心情。
choc craving AGAIN。=.="

Do you ever ask about me?
Do your friends still tell you what to do?
Every time the phone rings,
Do you wish it was me calling you?
Do you still feel the same?
Or has time put out the flame?
I miss you
Is everything okay?
Brian McKnight ㊣㊣㊣

Leon話：忘記一個電話號碼，要比記住一個電話號碼還難。
thats so true....>0<"
不過好彩冇忘記到...

好想大叫大嗌，發脾４發爛咋啊！！！！！

re: 車車，你食哂係因為我煮得好食之麻!!
無話照顧唔到既～不過Zoe靠自己會有安全感ｄ囉～ wakakaka
你記住summer前要知佢住邊喇!!
仲有，個日係邊個叫你去的??
我原本以為係愛人同你一齊去...
但原來愛人個日只係陪第２個女人去...=.="

>>November 7, 2005 at 8:50:45 PM GMT+8