Showhappy.net - Members diary

日記

日記主簡介

<< 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 >>

2005 年 6 月 10 日星期五【晴】

終於都到了期待已久的BBQ day。

雖然只得12-16度，還有點風。第一次BBQ不是除褸，是著褸。
不過幸運地沒有下雨，幸運地有陽光，幸運地不用走鬼。^^v
晚上七時放工回來後才開始燒，一直到差不多九時半才燒完，幸好天還未黑。
郭小姐始終都沒有計數，全數包起了我們是日的BBQ費用。Thank you U！
吃飽飽後就乖乖地輪流洗白白，然後開始我們這個sem最後的齊人Friday Night。
首先在廚房玩剩餘物資....
將辣椒醬，果醬，鹽，麵包，提子，蒜蓉豆豉醬，胡椒粉，沙律醬，咖啡等等等撈埋一碟。
幸好本小姐只輸了兩次，吃的是還可以的利賓納加鹽和麵包&提子朱古力芒果雲呢拿雪糕。
至於連輸四局的stefan先生，應該將以上所有的都一樣不漏照單全收～呵呵～ ^^
之後繼續玩七級豬，Killer和七，上年考試到而家本小姐竟然仍然忘記了七四不是二十一...
玩玩玩，一直到0600才去睡。
最後一晚了.....

re: zoe，真係可惜啦..你而家dayday都要返工麻??

>>October 1, 2005 at 9:38:03 PM GMT+8

2005 年 6 月 9 日星期四【炎熱】

今天放工準時1730就一支箭走了。
(平常會做埋cashing up等齊人才閃的)
趕火車去Leeds，因為今晚我們一行9人在彩龍補祝Ken少生日。
吃飽飽後就分兩架車回bradford。
回來就立即急不及待為明天的BBQ做準備。
發現了晚上10時才天黑的好處 --> 可以等本小姐明天放工回來後才開始BBQ。
準備完後，半條走廊的人都不停執執執。
一箱二箱，大大行李geap，紅白藍sss。
人執我又執，好似我都有份今個weekend走咁...
唉...發夢冇咁早。

這幾晚都睡得不好，常常半夜三更就醒了。
超眼訓。今天test tutor test到七彩。

今天去Leeds食飯，明天BBQ，後天到Manchester行街街。
果然「好戲在後頭」。
終於...全世界都考完試了。
考完，就不要再想喇。
Everything will be fine。

朋友仔，已經一星期啦，上班順利麻?

re: LionDog，hehe，唔知點解琴日睇唔到你個msg啊!
找你?! 你玩野呀?! 你出名難搵架啦!!! 會唔會你搵我易好多?!!
上年呀成日都話黎搵我食lunch，都唔知搵左去邊!!!
btw，你今年間公司又係邊??

re: 依莎，佢講咩令你有咁大反應啊??
你咁多年既利是你媽都幫你儲起哂呀??
我細個0個陣，我媽都有幫我入銀行架，不過係佢個戶口。

>>June 10, 2005 at 7:22:06 AM GMT+8

2005 年 6 月 7 日星期二【炎熱】

10個假到無人有，但全世界父母都會講既呃細路大話:

1.唔聽話會俾警察叔叔拉

2.食蔥會聰明ｄ

3.食唔乾淨ｄ飯第時會娶個豆皮老婆

4.裝人沖涼會生眼挑針

5.講大話會甩大牙

6.唔可以玩橡筋，因為橡筋吸血

7.0係街周圍走會比鴉污捉

8.你係由石頭爆出黎／你0係街執返黎

9.同你儲埋ｄ利是錢入銀行

10.頭大係冇腦既

心情依然係差差差。
唔想諗，唔想理。
please stay away。
please stop asking。

re: 依莎，咁你大叫左未??
我仲未....只係不停依依哦哦...
心頭一震...? 會唔會係憤怒個隻啊??

>>June 8, 2005 at 6:50:32 AM GMT+8

2005 年 6 月 6 日星期一【微冷】

為什麼人人都認為醫藥分家對本小姐會有好處呢??
醫藥分家對弱雞ｃ是沒有什麼特別好處的。至少我不見得有。
如果一定要表態的話，基本上我是不贊成的。(但又不至於反對...)

星期一......we r in final week了。

今早在公司有想喊的衝動。
其實沒有什麼特別事，不過近來所有事加起來就令人心情很憂鬱沮喪。
好想大喊大叫一場。
好想placement快點完。
好想返屋企。

唔好惹我。

re: LionDog，你今年暑假take幾多科都好...
我都可能見你唔到...
今年返去有冇兩星期都係一個問題...

>>June 7, 2005 at 4:49:36 AM GMT+8

2005 年 6 月 5 日星期日【微冷】

ｄ血．．．流得仲少過駱應鈞隻手啦!!
哼！TVB次次都係咁！

>>October 1, 2005 at 9:35:54 PM GMT+8

2005 年 6 月 4 日星期六【微冷】

這陣子都在想....
不是因為placement的話，下星期就可以回家了...!
再加上那三隻惡魔不停在plan回香港後相約要做的事。
很想很想placement快點完啦!!!
再加上遲一些還要搬hall...好麻煩...
這陣子膝頭又getting worse...
placement啊...在我對你反感前快點完吧!
唉。

re: LionDog，玩都玩20筒?! 你幾時開始有d咁車似既嗜好?

re: 華，唔好以為唔認就得! 係唔識就認左佢麻~ 我不嬲都唔會笑你!

re: rebecca，見到個幾句對白，真係好"解目驚心"。
你真係認為我可以比你應付得好?!!
anyway, 你都final yr啦! 唔好諗咁多! 畢業，拎牌，走人返香港!!!

>>June 5, 2005 at 10:11:52 PM GMT+8

2005 年 6 月 3 日星期五【微冷】

今天一直都很順利，一次"im testing u"都沒有。
順順利利一直到......放工上火車。
今天在火車上沒有睡覺，還乖乖的在看BNF。
去到不知那個站的時候(我太專心溫書)，突然有個男人在我對面坐了下來...
是一個滿身酒氣的男人...這時才想起今天是friday night! 應該已經喝了不少吧..?!!
那個男人拿著一個好大好大的手提袋，當然還拿著一支至少有1L的酒。
左看右看，這卡車只有我一個...!
即刻心想點走好呢?! 立即起身走又太顯眼...我不想刺激他!
一邊想他那大袋裡裝的是什麼，一邊想應該怎樣走。
還要一邊應付他(因為他不停跟我說話)，還慷慨地請我喝他那支酒!
幸好我醒，即刻跟他說"不用了，我走的啦，我約了朋友下一個站在隔離卡等。"
一邊扮鎮定，一邊等下一個站快些來吧!!
本小姐有想過在下一個站下車的，不過又怕他會跟著來...
而且車站永遠都不會多人，車又要半小時才一班!!
左想右想，還是留在火車上好一點，至少會比車站人多。
終於到了下一站的時候，就即刻走人去下一卡，一坐下來就看到他也跟著來!
"唔係阿fa?!" 即刻跟坐在我對面那個女仔說:"你一陣扮識我Y唔該。"
結果，他在我們前一排坐了下來，跟他身旁的男乘客搭訕。
聽到他說:"why is everyone avoiding me? am i that scary?"
應該有說給我聽的意思，不過你真的很scary喎...
看到他跟那個男乘客傾得那麼起勁，才定一定就想起...個女仔邊個站落車架?!
問一問...大鑊...仲有兩個站就落...我要坐到去總站喎...一齊落定繼續坐好呢?!
結果到她下車的時候，發現整卡人連同那個男乘客都下車啦! 即刻9秒9落埋一份!!!
幸好他沒有跟落車...更幸好的是這個站有很多去bradford的車，4分鐘後就有車了。
不過始終整個車站得本小姐一個在等車....
依然好怕，不過很幸運地遇到班上的兩位男同學!!
呼～

不知所謂的culture!
討厭英國的friday night!

應該不會再遇上吧？！
touchwood!!!!!!

常常都遇到怪人...(-.-")
是八字麻..?!

>>June 5, 2005 at 9:59:02 PM GMT+8

2005 年 6 月 2 日星期四【晴】

收到<<小時候的無聊小玩意>>...
看完覺得好得意! 原來以前細個無意識做既無聊野，同一時間原來都有好多小朋友係唔同地方一齊做緊架喎!!

1. 玩米缸, 將手插入米缸裡面o既米裡面 <--好中意! 所以試過有一排自動請纓洗米。
2. 在百貨公司入面「篤」扶手電梯的吊牌 <--呢個做過一兩次only。
3. 地下有階磚特登隔一格一格黎行(不可踩界, 要完全在格內) <--勁中意，而家有時開心都會無意識地咁做，唔知點解。
4. 用錶面反射陽光, 照黎照去 <--冇，因為試過有人因為咁而俾先生鬧。
5. 跳樓梯 (愈多級愈勁) <--冇。我怕死。
6. 行路上高起左地方(例如高起左o既長條型石博, 好似玩平衡木咁行法) <--大個都仲有。
7. 鋪張紙在硬幣上面, 然後用鉛筆係上面油, 油返個形出黎 <--梗係有玩過啦~
8. 食完瑞士糖之後, 將糖紙包番個原本四四方方果個形 <--有呀不過發現係摺唔到既。
9. 超級市場踩住架購物車黎行 <--有，好似到中一，二都仲有。
10. 踩水tum, 係好特登果隻 <--哈哈! 有呀!! 肯定中二都仲有!!! 阿生仲中招tim! 之後佢仲學我~

11. 吹口水波 <--冇啦梗係!! 好怕人玩口水。
12. 搣牆上的乳膠漆或牆紙 <--冇! 明知會俾人鬧既野，我細個個陣係唔會做架。
13. 係平滑o既地面上面「冼」下「冼」下 <--而家係公司都仲有。
14. 整濕d紙巾,掟上學校廁所天花頂 <--冇! 小學未識楊中人個陣好乖架。
15. 食完綠箭香口膠, 一定摺返成張包裝紙再放返入個大套入面. <--有! 因為呢個好易摺。
16. 讀幼稚園放痾尿, 一定同隔離果個同學仔玩"交叉光線"!!! <--女仔點玩啊..?!
17. 響課室玩過俄羅斯輪盤, 將玩粉刷霑滿粉筆粉放係風扇上面,等個風扇轉轉下轉得快個時飛出黎睇下個粉刷中邊個 <--哈! 中五個年你地好似玩過~ 我就冇。
18. 圍閹 <--你地就有! 我只係旁觀者乙個。
19. 放膠袋 (當風爭甘放) <--有呀!! 我記得係0係房個窗放出去架!
20. 呵尿時出力射走 D 屎積 <--男仔先得架?!

21.膠袋裝滿水掉落樓下 <--冇用膠袋架~ 好細個0個陣同d表姐一齊直接倒d水落街, 玩過一次。
23.將紙碎或者紙飛機撒落街 <--有。
24.將bubble紙氣泡逐粒"鏈"爆 <--哈哈~ 早兩日先係公司玩完。
25.o係屋企走廊玩"壁虎功 <--冇，細個太矮，對腳唔夠長。
26.走到開動緊電風扇面前:"呀~~~~~~~~!" <--有呀~~~ 上年暑假都仲有試。
27.用間尺好似 "搖搖板"咁彈起舊擦膠 <--小學上堂玩過一兩次。
28.寶貼當泥膠,用間尺整pizza <--玩過，不過覺得唔好玩。
29.係屋企撩鼻屎然後抿落牆 <--梗係冇啦!!
30.將 d 擦膠碎用尺切粒粒 <--玩過一次之後冇擦膠用就冇再玩。

31.膠水搽係手/筆盒上 , 等佢乾之後成塊 met 出黎 <--搽白膠槳係d兩蚊銀度，乾左再met出黎就有。
32.洗手時用手頂住個出水位,用d水去射周圍d人 <--有~ 好似中學都仲有玩。
33.同隔離位鬥快開哂筆盒d機關 <--冇! 小學上堂好乖架。
34.飛拖鞋 <--而家都有啦! 拎起手就掟架啦~ 應該第時都仲會。
35.在扶手電梯反方向行 <--玩過一次俾人發現左之後鬧到七彩...
36.特登將飲完的紙包飲品吹脹然後放在地上，大力地踩爆佢 <--有呀! 不過唔知點解竟然好遲先學識玩..
37.用泥膠塞電制/電話插蘇 <--冇! 好細個已經知插蘇會死人唔玩得。

22 out of 37 only。
我都唔係好無聊0者~ ^^

Ken仔，生日快樂啊～

re: LionDog，有呀～不過好似都唔係好多相咁既...
而且...都係冇你既?!!!!

>>June 3, 2005 at 3:45:25 AM GMT+8

2005 年 6 月 1 日星期三【暴雨】

要加油啊！

re: snake，唔好提喇...問第二樣先啦...

>>June 2, 2005 at 6:36:33 AM GMT+8

2005 年 5 月 31 日星期二【微冷】

大鑊！
我好想返屋企。好想返屋企。好想返屋企。好想返屋企。好想返屋企。(>.<)

你好唔好唔好再煩呀?!!?

舒舒，Happy Birthday啊!

re: LionDog，LOMO係好靚，不過好似得好少相?!

re: snake，我估....你係....姓痾既...?

>>June 1, 2005 at 3:32:26 AM GMT+8