2007 年 3 月 20 日 星期二 【晴】

非一般情侶 --- 陳大 win與傻佬陳 話說有一日我們去了掘蜆, 眾人去了換衫的時候, 我地就無聊望下天望下地, 突然間win叫我 win: 喂 j: 咩ar win: 睇下我 j: wakakakakkakaka~~你個樣好白痴ar 之後我就影左佢個樣, 笑死我 試問天下間還有比我們更白痴的情侶麼? 後話。。。win:乜我做D甘無聊既野????我點都唔信幾個月前。。。我甘白痴>O<

>>March 21, 2007 at 5:14:24 AM GMT+8

2007 年 3 月 19 日 星期一 【晴】

今天跟初中生補習時~發現自己再不明白他們~ 不明白為何能為小事開懷大笑~更不明白幹麼要失控大叫~ 原來。。。不明白。。。只是因為長大了~ 早就錯過了開心的年代~現在跟學生們隔了幾代(三年一個gap)~ 他們說:不能想象二十歲是多久候的事情~ 就像在說我是千年老妖一樣(-_-)~我也不是那麼老吧。。。 將時間撥回十年前~當時的我與小小的amy每天放學後也一起步行回家~ 有一次我們在街邊買了軟雪糕吃~可是那些雪糕竟然是酸的!!! 當時我和amy兩個很憤怒~即時將"證物"(壞了的雪糕)放進三文治袋裡~ 我們還說:一定要告訴科學老師~讓他分解壞了的雪糕~看看會否吃得我們壞肚子! 現在想起~不免傻笑~就是這些傻傻的舉動~告訴自己~原來我也當過小朋友~ 原來。。。懷念的並不是當時的人和事物~ 而是。。。那個在年月裡消失了的自己~ PS~今天讓christine學懂factorization的秘訣~雖然不是甚麼難的數學題~ 但當她跟我說你讓數學題變容易得多~我也甚有滿足感~

>>March 21, 2007 at 3:00:30 AM GMT+8

2007 年 3 月 12 日 星期一 【炎熱】

還是不行~對自己信心還是不夠~ 其實很開心他會跟我說在校的趣事~ 但我還是很容易呷醋~想起他身邊一個個的女孩~ 總是幻想自己也能夠跟他一起上學~ 其實對陳生系有百份百信心架~ 知不過聽到拒講亞芝亞哩既野~ 依然會問拒會唔會鐘意人地架XD唔系唔信拒 而系鐘意聽拒講話唔會!!!呵呵呵呵~ 我都知我好膚淺架喇~但系聽完拒講真系安心好多~ 同埋好sweetsweet! 但我絕對唔係想拒柄埋系企唔出街唔同朋友去玩~ 反而系想拒去玩完同我講XD點都唔及同我周圍去甘好玩!!! ~~~~~~~~~~~~~~~~~~~~~~~~~~~~~~~~~~ 朋友問:拒系香港做咩你都唔知架喇~甘信得過拒? 但系就算你男朋友系你身邊~一個人要厄你~同拒個人系唔系身邊~ 根本無關係~況且XD拒話既~我甘好~拒唔會走禍XD 自認系一個好笨既人~但系拒話咩就咩喇~我願意去相信~ ~~~~~~~~~~~~~~~~~~~~~~~~~~~~ 早兩日同個朋友仔去食飯~提起暑假既事~ 講起jason唔識游水都肯陪我玩香蕉船﹐一齊遊出去浮台~ 如果唔系聽番第三者既序述~我都唔知原來jason個樣系甘驚! 但系就算拒點驚水都好~都陪我一齊顛~ 突然間覺得自己好幸福~ 因為我唔需要一個運動健將做男朋友~ 我之系需要一個以我為先既男朋友嗟XD ~~~~~~~~~~~~~~~~~~~~~~~~ 未諗到有咩可以做得到令jason開心D! 諗起拒要面對既壓力~又咩都做唔到禍! 有時真系覺得幾泄氣XD 不過jason話~之要我好似平時甘喪笑~ 拒聽到我既笑聲就會開心番禍XD~ ~~~~~~~~~~~~~~~~~~~~~~ 好啦~寫少少系暑假時候系jason屋企既趣事喇XD 話說有一日半夜﹐我喇﹐jason喇﹐同埋拒細佬係導砌砌圖~ 因為悶既關係拒細佬囉左隻系上海買大陸版既harrypotter DVD出黎睇~ 原來隻dvd除左有得睇重有得玩XD 可以囉起個remote打怪物XDDDDDD!!! 最好笑既系當你打死左隻蜘蛛怪物既時候~ 電視入面既harrypotter會用國語大叫"紛紛倒地" 當時笑到我地三個死甘濟XDDDD 甘年wii出既時候~我地不禁想起....呢個harrypotter遊戲~ 相信日本仔系玩過呢個"funfun豆D"先設計得出wii係列既遊戲XDD ~~~~~~~~~~~~~~~~~ 提外話~最後一個midterm竟然pass左~ zoo346要讀落去喇>O<本來重諗住肥佬就drop! 點知無得啦!!!呢個term!希望全部有七字!!!!!!!!加油喔陳生~ 我而家以經plan緊呢個\暑假去邊玩~ 用果大家有興趣同我同陳生去玩就msg喇XD

>>March 14, 2007 at 1:08:22 AM GMT+8

2007 年 3 月 6 日 星期二 【晴】


u go to class, u make notes, u study, and u go to a test
do u think you have done enough to deserve a decent mark?
sadly, it's never enough
u thought u can manage even if you leave the studying for last minute
you thought u still have time to catch up
you thought u were on top of things
and one day, you woke up knowing you lagged behind
if only you had started earlier, rite?
if only.... it's still not too late. let's run to the finish line together!
no matter wat, i gotta finish this race! even if i finish last!

>>March 7, 2007 at 12:19:41 PM GMT+8

2007 年 3 月 2 日 星期五 【晴】

《wake up call》 in this past week, many friends commented "You are one lucky girl, you know!" reason? They were praising the one and only jason XD for some odd reason they all see him as god now some say he's a good looking guy, others say he has a good heart to share, still others say he is willing to go that extra mile to see a smile on my face some say he has the best family, and i am lucky to have in laws like that others say he just spoils me like crazy still other say he cares a lot about me... the list goes on and on we have been together for almost two years, time flies when you are having fun a friend commented that i was much happier after i was with jason it's true, now that i look back, there's so much more he brought into my life he showed me new values, new ways of looking at things, he brought joy to the tiniest things, he even gave me the confidence which i lacked after all these months, i have actually started to take jason from granted, i noe it's bad >< i was horrible, i kind of thought he's so gd to me and took it all for granted and i stop thanking him for all he has done for me, i remembered those tears he shed, i rmb how frustrated he got when i was in trouble, i rmb he called hp just coz i wasn't answering the fone, it's all these little things he does that makes him so special, he never failed to surprise me, everyday i would find something new to love about him although we are 13 hours apart, it never seemed dat way i have never stopped smiling after i met jason a friend wondered how a long distance relationship could be kept i rilly had no answers, i thought every boyfriend was like mine who cared for you like you were a delicate managerie another friend said she would never go for another long distance relationship again then she added: not every guy is as perfect as jason! wow! I was stunned to hear this, not once, but twice from another girl as well then it finally hit me, my boyfriend is great! I just wish I am his perfect match. the girl that he will spend his entire with. thx guys, for reminding me how lucky i was

>>March 4, 2007 at 12:59:55 AM GMT+8

2007 年 2 月 27 日 星期二 【乍雨乍晴】

《歌名大串燒》 「如果只得一星期改造人於遊樂場開放日仍然非走不可的話, 早知於末世紀的呼聲下無聲仿有聲地渡過愛後餘生....」 「十六月六日晴, 今日最佳損友與我常在抱擁這分鐘過著低等動物的新生活, 當這地球沒有花時孤兒仔想在 2001太空漫遊開展我的快樂時代, Katrina大個女後時光倒流二十年去到 1874這黃金時代見到貝多芬與我在黑暗中漫舞孤獨探戈, 終於一百日後他一個人騎上單車浮誇地過 Lonely X'mas收到天使的禮物預感大得太快的阿牛失戀太少, 每一個明天人工智能的怪物都會十面埋伏給愛麗絲一粒天下無雙的阿士匹靈, 專家話第五個現代化是不良嗜好, 傷信明年今日夕陽無限好但黑夜不再來, King Kong送院途中看到 K歌之王在熱帶雨林的幸福摩天輪上忘記歌詞感到大開眼戒！ 葡萄成熟時兄妹人來人往, 兩名男子街頭相遇得到婚禮的祝福後衝口而出一句：『Shall We Talk？』」

>>February 27, 2007 at 9:41:19 PM GMT+8

2007 年 2 月 14 日 星期三 【乍雨乍晴】

《梁琬婷, 你「窿」左未？》 梁琬婷話我之前既經歷好夢幻, 每段經歷都好神奇, 生活好多姿多采, 發生過好多好多事, 反而佢自己就好平凡, 所以好自卑, 佢成日都怕自己比唔上我以前既對象, 好怕我會走.... 梁琬婷話如果我仲掛住以前鍾意過既人, 佢可以扮她們... 我覺得佢好傻, 我同佢講, 你係宇宙唯一的, 是尊貴, 獨特, 有價值的, 我最愛的人是你, 你不是她們的代替品, 看看我為了你學織頸巾, 為了你學整朱古力, 條頸巾織左三個月先織好, 仲有好多好多為你而做的事, 難道不是為你而做的嗎？梁琬婷聽過後便哭了, 我說過我要梁琬婷成為世界上第二幸福的人, 因為有了梁琬婷, 我就是世界上最幸福的人, 能夠遇上梁琬婷, 真是我的福氣, 我就是世界上最幸運的人... 同梁琬婷傾左好多個鐘偈, 咩都講, 講下秦始皇, 又講三皇五帝, 講下金庸陶傑, 有時又嗲下我, 又講下日本侵華, 又講下我地日常發生的瑣事, 唱下情歌, 又 rap下癲歌, 又唱下 D兒歌... 「粉紅粉紅趣緻的臉, 我叫一聲即可飛上天, 赤色底褲圍在肩, 凝望鏡盒身體會變, 隱藏隱藏少女的臉, 我對他不可講出半點, 蘋果圓被 tum tum轉, 太多珍珠怎計算？ 也許 win的身體不優美, 長鼻短尾, 但是別人不可天空裡高飛, 是我心, 無限的純真, 珍珠珍貴像信心, 使我極動人異常吸引, 願你知, 勇敢的孩子, 應該加點真意和誠意, 愛心不止一百次 一身好本領和才智, 愛心不只一百次..」 時下年青人的愛情觀, 多數的都是合則來, 不合則去, 現今的愛情比較粗糙, 比較兒嬉, 比著從前的情侶, 捱到最後一口氣都不會放手, 比方說, 男女朋友去外國讀書三五七年, 初初都會話等你返黎, 但係不到三個月就分手另覓對象, 現在資訊發達, 情侶多數會以 email, sms, icq, msn說「我愛你」,「我好掛住你」, 說算是夫婦, 都很少親口說聲「我愛你」, 多數都以「心照」迴避了... 唔知點解, 同梁琬婷拍左差唔多一年拖, 我地都仲好煙「UN」, 好癡纏, 仲係好似岩岩拍拖咁, 梁琬婷話, 照情況睇, 我地既熱戀期, 會係一世, 我地拍左拖差唔多一年, 差唔多每一日都會親口同對方說幾百聲「我愛你」, 「我好掛住你」就更加每日幾千句, 可能因為我地分隔二地 la, 記得梁琬婷同我講： 『飛返黎香港, 帶住你比我既頸巾, 我先明兜兜轉轉左咁多年, 飛過半個地球咁遠, 都只係要我儲夠能量去同你講：「我愛你！」』 都拍左拖差唔多一年, 傾電話都仲要收成粒鐘先收到線, 雙方都話：「你收先 la, 我唔捨得啊...」 結果收收下又傾多陣, 兩個都唔肯收, 話就話收線, 但結果成個鐘後先真係收到線.... 我係 pandaZ, 我依家要飛去加拿大 la！byebye！ 最大係 pandaZ, 所以先放入箱.... 梁小婷一直都很想要《finding nemo》裡面隻雞泡魚毛公仔, 但係搵左兩三年都搵唔到, 佢從來都冇講過我知, 但憑我的讀心術, 俾我知道左 (我真係可以睇穿哂梁琬婷個心), 某日我無端端話, 你咁乖, 就送你《finding nemo》裡面隻雞泡魚毛公仔 la, 佢好驚訝點解我會知, 仲喊埋 tim, 點知梁琬婷話原來佢已經搵左兩三年, disneyland store一出佢已經想買, 但係一直以來都搵唔到, 我話我幫佢去搵, 之後買黎送俾佢時, 佢已經爆喊, 叫我唔駛, 因為梁琬婷話佢每次去 disneyland store, 都會去睇下有冇隻雞泡魚毛公仔, 但係已經絕左版幾年, 冇可能會搵到, 我叫佢信我, 我一定會搵到, 之後佢竟然唔信我會搵到, 仲敷衍我話：「信....」 結果我搵過銅鑼灣, 尖沙咀, 玩具反斗城, 香港 disneyland store, 搵左好多地方都搵唔到, 加拿大同香港既 disneyland store都斷左貨幾年, 咁點算呢？最後我唯有出絕招, 系英國 disneyland store買！！！ 我拜託人系英國買左之後寄返黎香港, 我話俾梁琬婷聽我已經買左, 佢呆左, 以為我講笑, 之後就好似隻小綿羊咁話： 「點解我搵左咁耐都搵唔到, 而你一出手就搵到咁犀利既...？」 至於點解我會知道佢好想要, hehe~呢個係商業秘密.... 因為梁琬婷咳左好耐, 所以我買左樽京都念慈菴川貝枇杷膏, 寄過去加拿大, 佢本來叫我唔駛寄, 佢有藥食, 但係我見佢好耐都唔好, 所以我就買支川貝枇杷膏寄過去, 要寄八日先寄到, 果然寄到過去加拿大後佢仲咳, 但當佢飲左兩三日後, 即刻好返哂, 冇咳 lu, 果然「喉嚨痛, 聲音啞, 一樽攪掂哂」... 加拿大去到四月都仲好凍, 因為四月先溶雪, 所以我寄多五個暖蛋過去, 梁琬婷仲有十幾廿個未用, 應該夠用到回暖, 記得每日返學都要帶啊！ 呢隻係我隻六月六日生日熊, 等我寄埋過去先... 我阿媽買左對手襪同腳趾襪送俾佢新抱仔, 我阿媽話見到 D圖案好得意, 所以買黎送俾梁琬婷, haha, 睇下我阿媽對你幾好.... 好, 入哂箱, pack好哂, 上機 la！ 老婆仔同雞泡魚既合照, 雞泡魚會陪住梁琬婷返學.... 我既六月六日生日熊同梁琬婷既九月廿六日生日熊好 sweet嗡！ 梁琬婷將佢地掛左系筆袋度帶返學, 佢地可能會系書包度依泣 ga！ 老婆同火柴人既合照, 火柴人係上年梁琬婷系香港時, 我系銅鑼灣突破買俾佢既, 所以呢一年來, 梁琬婷晚晚都攬住佢訓, 貪佢似攬枕, 好好攬, 可以用腳翹住火柴人訓... 老婆同 pandaZ既合照, 佢姐姐同佢講：「嘩！隻公仔個頭仲大過你個頭 wo...」 梁琬婷日日都會拎隻 pandaZ出廳攬住黎睇電視, 而佢阿媽行過時就會篤一篤隻公仔塊面, 梁琬婷就話： 「隻公仔我 ga！你要篤就自己買隻黎篤！」 pandaZ之神像, 好大隻啊！！！ 火柴人之神像, 好有威嚴啊！ 雞泡魚之神像, 但係因為細得滯所以要梁琬婷托起... 火柴人、pandaZ同雞泡魚飛到去加拿大後的全家幅, 好頂癮！ 梁琬婷之前對我說了一段令我很感動的話... 「你有冇聽過三葉草既故事？普遍黎講, 多數都是三葉草的, 好難得先有一塊係四葉草, 所以大家搵到四葉草, 都會覺得非常幸運... 但係尋尋覓覓當中, 我地冇留意, 三葉草既花語係『幸福』.. 有時我地為左尋找運氣, 反而將身邊既幸福丟得老遠, 你..就係我的三葉草...」 她的一席話, 令我想起大宋詞人辛棄疾系《青玉案》中膾炙人口的一句... 「眾裡尋他千百度, 驀然回首, 那人卻在燈火闌珊處....」 其實幸福早就在身旁, 但我們偏偏沒有察覺到, 更糟的是, 有時當你察覺到時, 已經太遲了... 好好抓緊屬於自己的三葉草, 錯過了就不能挽回了.... 「梁琬婷, 你「窿」左未？無理由架, 我咁都未錫到你「窿」！？」

>>February 27, 2007 at 9:36:28 PM GMT+8

2007 年 2 月 12 日 星期一 【晴】

本年度我最喜愛的十首歌： 1. 葡萄成熟時 - 陳奕迅 冇得傾, 呢首一定係本年最好聽, 最正, 最到, 最有共鳴的歌, 陳奕迅的歌聲加上黃偉文的詞等於無敵, 好耐都冇出現過一隻歌, 句句歌詞都咁「到肉」.. 黃偉文寫呢首《葡萄成熟時》真係句句都係金句, 句句都令人有共鳴, 之前幫謝霆鋒填既《巴斯光年》, 幫 shine填既《燕尾蝶》, 同埋幫 swing填既《帝國大廈》, 都係我最喜愛的詞, 好正, 唔係白紙黑字講到明你知, 而係內含有深既喻意, 但係個個又 get到佢個意思 ga wo, 就係唔駛下下都講到咁白, 好似中國山水畫咁「留白」, 俾返 D想像空間俾聽眾, 之前要作篇描寫文, 俾左阿郭同 dennis評評先交, dennis話完全係我既風格, 阿郭就話我寫到描寫文的描寫, 有抒情, 感覺抒情部份比描寫仲多, 但係篇文少左一樣野, 就是要讀者思想的空間.... 我諗阿郭所指既, 就係黃偉文所寫的詞, 真係冇人可以寫到咁靚, 夕爺依家 D詞太玄 la, 兩個風格唔同, 夕爺係出世, 黃偉文係入世, 加上夕爺 D詞真係太悲 la.... 葡萄成熟時真係好歌之中既好歌, 幾廿年之後, 當葡萄成熟時, 拎返出黎聽, 唔知會唔會有另一番味道, 另一番體會呢？ 2. 眼睛想旅行 - 杜汶澤 系叱吒頒獎典禮, 林海峰串杜汶澤咁話：「人唱黎明, 你唱黎明....」 當然林海峰系度講緊衛蘭拎女新人金獎, 但係杜汶澤就.... 不過我覺得杜汶澤唱得好正, 陳奕迅都話佢唱得好放, 正如阿郭所說, 每次聽到都好開心, 好精神！ 唔好講笑, 杜汶澤首歌有埋 MV添, 包保笑到你碌地！ 個 ending仲出人意表, 我俾五個笑！ http://www.youtube.com/watch.php?v=9V5e6TNoU7g 3. 童話 - 光良 我每次睇《童話》既 MV, 聽住《童話》, 眼淚都會不停咁流, 唔怪得之琬婷成日喊 la, 原來真係好爽 ga！ 呢隻係至今唯一一隻令我聽到喊既流行歌, 歌詞真的太易觸動人的淚線, 有種欲言又止的感覺, 相信每位女孩都想有個男孩唱俾佢聽, 每一位女孩, 都想有一個男仔願意付出一切去保護自己, 每次唱俾梁琬婷聽, 唱唱下我自己就會系度喊....=.=" 4. 不良嗜好 - 陳奕迅 一隻令你聽到 intro即刻手舞足蹈的歌, 膊頭、手、腳會不受控制地跟著節拍郁, 仍然懷念上年夏天, 與琬婷在大街上 jam呢隻歌, 一邊唱一邊郁身郁勢, 輕快的旋律, 加上黃偉文的詞, 令人一聽上癮！ 「茶和咖啡, 同樣供給刺激, 可惜世上, 唯有 win, 熱吻足我廿年」 5. 給最開心的人 - 林一峰 Lam One Wind (eason改的) 一年一碟, 這隻是今年的主打歌, 除了 eason隻《U - 87》外, 我另一隻用錢買既碟, 就係呢隻《你今日拯救左地球未呀？》, 依然係曲詞唱包辦, 呢隻歌「好林一峰」的感覺, 完全係林一峰風格的歌, 只有是林一峰先會唱到這樣令人心裡悸動, 有觸動人心靈的聲線, 不過比上年的《今天應該更高興》遜色, 可能上年真係太有共鳴, 如果係《今天應該更高興》, 就絕對不比《葡萄成熟時》差, 由《The best is yet to come》(最好的用力來含), 到《離開是為了回來》, 再到《今天應該更高興》, 今年的則是《給最開心的人》, 林一峰依然有力成為樂壇首屈一指的「歌手」(注意：不是歌星！), 期待 2006年林一峰的一年一碟, 06年必買！ 6. 夕陽無限好 - 陳奕迅 eason復出後的頭炮, 我第一次聽係系 AL試場聽既, 因為當時等緊考英文 listening, tune左去聽 903, 呢隻歌個 intro真係好正, 我今年最愛既流行歌 intro, 係李克勤《情非首爾》既 intro, 同埋《夕陽無限好》既 intro... 不過《夕陽無限好》首歌, 我就覺得陳奕迅自彈自唱結他版仲正！ 記得上年夏天, 同梁琬婷去完海洋公園之後去左沙灘, winnie話除鞋落水, 我見佢真係除, 我就問佢：「你認真 ga？」 佢話梗係 la, 結果我地系海邊赤腳浸住 D海水行左十幾廿次, 一路漫步沙灘, 一路吹水唱歌, 唱哂張學友同陳奕迅 D歌, 《天下無雙》、《每一個明天》、《反高潮》、《你的名字我的姓氏》、 《不老的傳說》、《愛是永恆》, 系旁晚赤腳漫步沙灘, 就梗係要唱返首《夕陽無限好》la, 無錯,「夕陽無限好」下一句係「只是近黃昏」, winnie都話, 個黃昏很短暫, 但係個黑夜會很漫長, 不過我同佢講, 有一件事是必然的, 無論黑夜何等漫長, 明天一定會再來, 太陽一定會再昇起, 一定會！ 我地來回行左十幾廿次, 入黑後兩個人訓系 D細沙上看月亮, 因為光害同有雲, 所以睇唔到星星, 訓系度傾偈傾到八點, winnie仲坐起身對住個海大嗌： 「陳俊峰我愛你 ar！」我當然唔執輸, 跟住大嗌：「梁琬婷我愛你 ar！」 之後我地要為此付出沉重的代價 -「成身都係沙」, 不過 winnie話值得 wo, 我地兩個真係天生一對, 兩個都癲癲得得.... 7. 世界這樣大 - 藍奕邦 (盧巧音和音版) 唔理係咪曲詞編彈唱包辦, 曲詞編彈唱一腳踢劉備都做到... 呢隻歌無論唱功同歌詞, 藍奕邦都保持一貫水準, 盧巧音伴唱版比獨唱版更加來得好聽, 藍奕邦的歌詞, 一向與香港主流音樂背道而馳, 顯出他的反叛性格與憤世嫉俗, 由《快樂王子》到《熱帶魚》再到《世界這樣大》, 我都感覺到藍奕邦那份悲觀的人生觀, 或者佢就好似屈原同杜甫咁, 屈屈不得志, 覺得自己生不逢時, 有志難伸, 得唔到人既賞識... 雖然《熱帶魚》同《世界這樣大》的歌詞有點兒怪怪的, 比起 The Beatles《imagine》同 beyond黃家駒既《Amani》都略為遜色, 但係寫得冇人地咁靚係正常既.... 8. 浮誇 - 陳奕迅 繼《Live For Today》唱片後闊別樂壇兩年, 陳奕迅2005年加盟新藝寶後, 全力再戰香港樂壇, 如果可以既話, 真係想揀哂《U - 87》D歌.... 不過《浮誇》隻歌, 陳奕迅好明顯係夾硬上, 比華星時代既《反高潮》, 陳奕迅好似冇咁游刃有餘, 可能因為吸煙吸得多既關係... 好彩陳奕迅依家已經戒左煙, 而《浮誇》呢隻歌, 個個都話係講緊自己, 「那年十八, 母校舞會, 站著如嘍囉, 那時候, 我含淚發誓各位, 必須看到我」 當年我中四, 都係因為呢個原因, 所以先有「淫峰」呢個綽號, 而令到全級都識得我, 我當時就是這麼浮誇.... 9. 農夫係你老死 - 農夫 因為阿郭, 成就了一個故事, 兩個人的幸福, 從此以後, 無憂無求, 故事平淡但當中有你, 已經足夠.... 當日考緊 AL, 阿郭 email我叫我聽一首歌, 係「農夫」既新歌《農夫係你老死》, 咁我冇理佢 la, 考緊 AL ar大佬, 之後阿郭又系 icq度 message我, 叫我聽《農夫係你老死》, 我依然冇理佢, 當我考完最後一科 phy後, 夜晚阿郭打電話黎, 無錯, 你地估得岩, 阿郭係打電話黎叫我聽《農夫係你老死》, 不過佢話首歌唔知係咪新得滯, 搵唔到歌詞, 咁我就疑惑勒, 就係呢個「疑惑」, 令我得到了「幸福」... 因為阿郭先前 send了 email俾我, 叫我聽呢首歌, email中有埋歌詞, 咁我就問佢, 你搵唔到歌詞, 又點 send到歌詞俾我呢？ 阿郭就話, 佢係系 yahoo度 search《農夫係你老死》, 之後 search到人地日記, 就係系人地日記中 copy過來的, 我有 D懷疑, search歌詞竟然 search到日記？唔信... 阿郭仲話首歌詞係個日記主自己打的, 我就好大聲咁話：「係唔係 ar！？」 同阿郭傾完電話後, 我就自己試下系 yahoo search《農夫係你老死》, 又真係俾我 search到人地日記 wo, 咁我就留左個言系人地日記度, 因為見到佢日記都有廿幾卅頁, 但只得十多個留言, 我就留言話： 「我係 search《農夫係你老死》歌詞而 search到你日記, 首歌詞真係你自己打 ga！？但係點解你日記冇人留言 gei？ 你介唔介意我呢個路人系度留個言呢？ 唔好意思, 呢個係我個日記 http://diary.showhappy.net/?id=152441」 當晚是 2005年 4月 25日, 剛剛完結 AL的晚上..... 之後該名日記主就系我日記度回覆我話：「你係我日記既留言勇士！」 我當時好詫異, 點解叫我留言勇士呢？佢係咪傻傻地 ga？ 就這樣, 我與該名日記主就熱烈地談起上來, 最好笑係記得阿郭話過, 這個日記主是 AL考生, 我問佢點知, 佢話係該名日記主系日記度話, 自己岩岩考完 bio, 咁我就問那個日記主 form幾, 佢竟然話： 「我大學 year 1, 升 year2....」更得人驚既係, 我問佢幾多歲, 佢話自己 1986年 9月 26日出世, 就黎十九歲, 難道係會考七八條 A的尖子！？只有這個解釋, 才能說明為何十九歲就升大學 year 2, 有一晚, 我同佢講： 「夜深 la, 不如講 D深情 D既話題, 你有愛情煩惱嗎？」 點知佢一句撻埋黎話：「無論拍緊拖、定係明戀暗戀都有煩惱 ga la！！」 好耐之後先知道, 原來佢當時心諗：「夜深！？我呢度日頭 wo, 仲好猛太陽 tim...」 那個日記主的名字叫做....winnie 梁琬婷... 詳情請睇返 2005年 06月 13日這篇日記... http://diary.showhappy.net/?id=152441&page=12 10. 活下來 - 林一峰 一隻幾特別既歌, 有別於 k歌, 講黃家駒既, 正如林海峰既《流行曲》話, 可能因為《活下來》完全冇商業元素同 k歌元素, 所以冇咩人識, 更加談不上 hit唔 hit得起, 不過我幾鍾意... 11. 大個女 - 陳奕迅 呢隻係 eason唱俾佢個女陳康堤聽既, 好 warm的一首歌, 「時光會迫你這副萬金之軀, 競逐世上各樣乜乜之最, 你若決定要做最尾一名絕對允許...」 呢兩句真係好 warm, 我會唔會對 janie都係咁呢？ 不過梁琬婷一定對個女好惡, hahaha, 因為我領教過...

>>February 27, 2007 at 9:36:48 PM GMT+8

2007 年 2 月 11 日 星期日 【乍雨乍晴】

呢個就係陪左我上學多個月既小梁琬婷, 有時候小梁琬婷會籬系條頸巾裡面, 伸個頭同對手出黎揮手 byebye, 有時會扯我衫袖, 求我唔好嬲, 有時會坐系我膊頭上踢腳, 有時會籬系我件實驗袍個心口袋裡面, 伸個頭同對手出黎, 有時會因為見唔到我而系書檯上面發哂爛渣, 我考試溫書時, 佢會雙手拎住兩個啦啦隊波幫我打氣, 一路嗌：「加油努力, 加油努力, 輸左冇飯食！」踢腿時會露出小褲褲, 好可愛既小梁琬婷, 係屬於幼虫時期既「梁琬婷外星人」, 而「梁琬婷」係一種三萬五千億光年以外既外星生物, 相信系遙遠既宇宙彼方, 住著一群樣貌性格一樣, 叫做「梁琬婷」既外星生物... 為左保衛地球, 我不惜以身犯險, 收養左一隻「梁琬婷」, 不過當我試探這一隻「梁琬婷」係咪外星生物時, 佢竟然俾左個出人意表既答覆！ 我趁這隻「梁琬婷」半訓著, 就問左佢幾個問題, 為了掩飾我系度試探緊佢, 所以我先問佢幾條無關痛癢既問題... 我：「陳奕迅係邊個？」 Ｗ：「....係陳奕妍個爸爸...」 我：「咁陳奕妍又係邊個？」 Ｗ：「....係你個妹...」 我：「咁我又係邊個？」 Ｗ：「...你係歌手...」 我：「咁梁琬婷係邊個？」 Ｗ：「..係人類...」 小梁琬婷：「比我食埋杯七記雪糕先呀~」

>>February 27, 2007 at 9:38:33 PM GMT+8

2007 年 2 月 10 日 星期六 【晴】

系 mini睇到呢個《五十個女生要男生知道的心事》, 笑死, 梁琬婷寫左佢既版本, 等我 post哂出黎先.... ０１）我「喊」，無論是否你的錯，你都一定要哄我。 我事無大小都爆喊架啦, 開心又喊唔開心都喊, 最記得緊係同你玩玩下兔仔豺狼, 你話食左我, 嚇到我真系喊左出黎, 當然你會 tum番我啦.... ０２）我都唔會每秒鐘都掛住你，大家咁話。 呢句改成「我都會每秒鐘都掛住你, 你一早知啦。」... ０３）我見到靚仔都會望，這也是天生的。 咁靚野實望既, 不過多倫多大學一個靚仔都冇, 反而係同 HP佢一齊望靚女囉.... ０４）我「哦」你都是因為我關心你和緊張你。 「哦」既定義係咪即係我係咁叫你著大樓同帶頸巾啊？ 咁你實在係好聽話既, 二十幾度都照著... 調番轉似 D, 你成日「哦」我叫我帶暖蛋浸水入暖水壺, 同埋著起碼三件衫出街啊麻, 呢D先叫「哦」... ０５）你唔使係有錢仔，但最好都有比較遠大的目標和理想， 在未來有成為一個有錢佬的可能。 呢個幾好笑, 引用句歌詞先... 「不必挑選我們成大器, 當我兩個並無冒險的福氣...」 遠大既目標同理想？ok啦, 夠錢食雪糕咪得囉, 挨到死咁制, 得番半條命既話, 有錢又如何？ ０６）同我出街時，可唔可以梳番個頭同剃鬚？ eh....點講呢...好明顯你重姿整過我... 呢句野睇怕我都無機會講啦... ０７）我知我唔係全世界最靚，但我希望你覺得我係， 時不時要讚我人靚歌甜樣靚身材正可愛溫柔同得意。 當然我有自知之明啦, 但係亦都好鐘意俾你讚... 例如讚下我醒目, 叻女, 搞笑, 認真, 亦唔少得...讚我得意啦！ ０８）當我剪了兩吋頭髮打了少少眼影穿了對新鞋時希望你會留意到。 我淨係想你系我肥左兩吋既時候留意唔到嗟...＞＜ ０９）所有大時大節紀念日同生日，你必須全部都記得。 連我自己都唔記得既甚麼甚麼紀念日, 可免則免, 你實會話, 生日要有蛋糕食... １０）我所有濕濕碎碎野都好想同你分享， 例如我用咩化妝品同護膚品，雖然你未必會明，但希望你會扮聽。 係有好多好多濕碎野都想同你分享, 你唔係唔聽囉, 不過係同我搶住系度爆講野... １１）當你滔滔不絕地發表你對工作細節電腦軟件, NBA英國足球聯賽等等的意見時，我其實也是在唯唯諾諾地扮聽。 我有聽架 (半夜差 D訓著時除外)... 我亦都知道和仔係李健和, 讚我啦！ １２）得閒做下磨砂同黑頭鼻貼，否則我會在凝望你時﹐ 不自覺地望住你鼻上的黑頭同粗大的毛孔。 hehehe....呢句你同我講過架, 都話你姿整架啦... １３）你臨訓前可唔可以刷牙？ 係 wo, 小心蛀牙啊... １４）你唔需要好靚仔，但一定要乾淨。 hahaha, 你最烏 wear既樣都俾我見過啦, 你訓醒個樣同平時...無乜分別啊！ １５）我 M 時係大哂，可以大條道理發脾氣， 你最好一個月忍我幾日就哂我。 大哂唔敢講, 不過痛到死就會既, 我知你唔會0個日激我既.... １６）我會假設你懂得操控及修理任何電器， 包括電腦相機電視機錄影機及HI-FI等等。 我既假設係你會將我亂黎既日記「修理」番好, 搞番掂晒 D colors同相, 甚麼甚麼 javascript唔係我專長啊麻... １７）有很多事我並不是不懂得做，只是不想做就扮唔識。 我真係唔識整 java喔, 呢 D glow字你知我都係抄人架... １８）每日去任何地方時都要 CALL話比我知你 位置及同邊個一齊，比我清楚哂你的行蹤。 其實邊個同你一齊系你隔黎又點呢, 反正你心入面那個都係我... １９）同一個笑話同話題，可唔可以盡量唔講得多過廿次？ 好既 gag唔介意講多幾次, 爛 gag免談.... (eg. 米奇老鼠把聲, 有毛雞蛋, G2000, 聽左幾十次都依然好好笑...) ２０）我發脾氣 CUT你線，其實係想你即刻打番電話來再哄我。 無啦啦 cut你線, 一係就係電話卡無錢, 二就係講講下 iphone俾 msn cut左, 三：好明顯就係我豬左 zZzZZZ, 四：傾傾下爆喊, 唔想俾你聽到我喊把聲, 五：發皮四... hehehe, 你數唔數到有幾多次呢？ ２１）如果迷路時，可唔可以快快趣趣向途人問路， 唔好逞強拉住我走來走去行好多冤枉路？ 依...唔通係講緊那次上完山頂我 ler你要食咕嚕肉, 你帶左我去灣仔點知搵極都搵唔到個街市？ 重要落緊雨架, 經過同一個球場兩次, 我先知你原來唔識路, 不過唔系咁, 又點會記憶咁深刻 wo.... ２２）我唔介意你有少少肚腩，但盡量唔好太肥，亦唔好比我瘦。 前面果兩句, 似你會同我講多過我同你講囉... 我認我係肥, 算啦, 減肥無望, 你接受你女朋友肥呢個事實啦！ ２３）太大隻既肌肉型男人一 D都唔 MAN，係好驚。 哈哈哈, 我都正想話, 白雪雪書生型既男仔咪幾好, 唔該千祈唔好去曬太陽燈扮大隻佬, 好嚇人.... ２４）我會好介意你有一Ｄ有不良嗜好的「兄弟老友」， 認為佢地一定會帶壞你。 算吧啦, 我比較驚你帶壞你 D朋友囉, 你知你中四個朵架啦.... ２５）在我的朋友面前，我希望你可以表現得比平時更錫我同緊張我。 已經好緊我好錫我架啦, 我班朋友已經睇到眼冤啦.... ２６）我煮飯比你食時，你唔可以覺得係奉旨，一定要「話」好食。 無錯無錯, 重要唔好再揀飲擇食, 呢樣唔食0個樣又唔食啊, 你又唔食蝦, 又唔食粟米, 菜又淨係食菜心, 煮野你食好難搞啊, 重有重有, 系屋企食飯唔該你唔好扮大少, 幫下手開飯啦！ ２７）琴棋書畫各類運動唱歌寫文章當中， 希望你最少會有一樣好叻（打機唔算），其他最好樣樣都識少少。 呢 D是旦啦, 反正我鐘意你唔係因為你識天才表演, 十項全能, 你寫得一手好文就得啦, 況且我講咩你都知既, 呢 D就係你所講既博學淺才嗎？ ２８）你要欣賞我的工作。 好明顯我係無業游民啦, 你都不知幾欣賞我無再番工, 係咪？ ２９）大男人唔等於霸道。 唔識分, 反正我就係鐘意你霸道, 俾你管住其實好幸福架... ３０）溫柔唔等於無主見。 不見得你無主見啊, 前者...你係啊！ ３１）瀟洒唔等於無交帶。 無交帶0個個...係我囉..＞＜ 乜都慘乜都好慘0個位邊個, 係我囉！(你湊女開心嗎？) ３２）不羈唔等於烏 wear。 是旦啦, 我番學都好求其, 反正又唔係要見邊個.... ３３）我鍾意你努力工作，但都要盡量抽時間陪我。 對對對, 雖然好無理取鬧, 但係呢句我鐘意... ３４）唔好成日問你約會去邊度好都話「是旦」， 咁唔叫就哂我只係表示你無心思。 好明顯你日日都會 plan好去邊, 最好每日既行程都加一樣, 就係...食雪糕！ ３５）如果我有朱茵的身型，我唔介意穿得像個性感尤物。 不過我唔係朱茵, 你亦都唔係黃貫中.... ３６）如果我同你講話要減肥，其實最想聽到你同我講： 「你一 D都唔肥，唔使減啦，我鍾意咪得囉。」 呢句中啦, hehehe, 或者你可以話「你肥我都鐘意架！」 ３７）我跟你說話的時候，唔知點解聲音會比平時嬌嗲同低 B。 睇下幾時啦, 我都人格分裂既, 需然唔想認, 不過...有時同你講野把聲真係會嗲過平時, 通常...係因為激嬲左你... ３８）CHECK你電話的來電顯示是我的嗜好之一。 我無咁既嗜好, 反而較為鐘意整估你, 例如襯你訓著左憫你 D白頭髮, 或者...囉勁凍既汽水掂你塊面！ ３９）你最好唔好有任何女性朋友、紅顏知己或契姐契妹之類的物體。 淨係唔好有契妹, 因為契哥契妹, 感覺上...好曖昧... ４０）我有男性朋友係好正常。 我係有男性朋友, 不過佢地個個都知你既存在 ga啦, 放心, 無契哥, 我唔興呢 D野... ４１）我希望你的女同事全部都是師奶呀嬸醜女或肥婆。 我希望你身邊既女仔都唔鐘意你, 但係我發現你自己令身邊無晒女仔 law！ 如果可以的話, 我會落咒令你淨系鐘意我一個, 不過睇黎你已經中左我既蠱啦！ ４２）我好有興趣去知道你同你舊女友的事，愈詳盡愈好。 當然啦, 我八掛小氣兼好奇, 但係聽完有衝動去鬧佢地, 唔識貨！ ４３）我有時都會掛住舊男朋友、以前暗戀過的男生、 華 dee梁朝偉同藤木直人。 hehehe, 無啦, 岩岩識你既時候就有... ４４）無論拍左拖幾耐，我都渴望你時不時比 D驚喜我。 我次次都俾你 surprise到...＞＜ 記得系中央圖書館那次, 你遲到, 我勁嬲, 你重跟住我行, 等我搵極你都搵唔到, 你講番你遲到既原因... 原來係去左曬相, 我即刻勁 say sorry... surprised, 重有好多啊, 我相信黎緊都會有好多好多驚喜... ４５）你要時不時對我講「我愛你」，否則我會假設你唔愛我。 你已經成日講啦, 我既 filtration symptom不治而癒。 ４６）大庭廣眾怕醜、唔出聲不叫斯文﹔大庭廣眾粗口爛舌唔係叫有型。 系大庭廣眾唔好扮斯文, 用「你好我係陳生」黎做開場白, 因為我會笑架, 明知你扮緊！ ４７）你打扮得太誇同我去街我會驚, 你完全唔打扮同我去街我仲驚。 點打扮唔緊要, 唔該同我去街唔好遲到.... ４８）發脾氣時要即時哄番，唔好比時間我冷靜下， 其實我完全唔需要時間冷靜。 tum我時唔好叫我 oi咕大oi咕乖, 我會以為自己變左做小朋友！ ４９）雖然已經有左你，但如果有人追我都會沾沾自喜。 唔好客氣... ５０）購物是女人的天性，請不要阻止, 或對我的購物行動有甚麼意見，最好間唔中資助下我。 haha我愛波鞋, 但係唔想你0徙錢同我顛, 冇番工已經冇買波鞋啦...＞＜

>>February 27, 2007 at 9:33:05 PM GMT+8