2003 年 7 月 3 日 星期四 【晴】

「琴日第一日返工，我很不開心，因為是自己犯錯，令公司損失。琴日第一日返工，是駕車送貨，每件貨都係化工原料，很重，件件都成20至30kg，無跟車，自己一腳踢。最糟都不是這種情況，因為出力我不怕，最痛苦係o個d送貨地點我聽都未聽過...........甚麼古洞，錦田，粉嶺，運頭坑，交通城，我真係頭都暈，去完這又去那，又要成日停在一邊看地圖，看都看晒d時間，琴日八點半在元朗開工，夜晚十一點才收工，很累…我連兩餐飯都係吃左一個麵包，又怕被人抄牌，所以不敢亂走。還有d化工原料令我喉龍好痛。琴日仲好唔小心，在窄位tun位時撞凹左少少尾位，唉，我連該日人工都不敢要，還講了很多聲對不起。我唔開心的地方，不是沒人工，而係累左公司，損害左公司利益，原來咁耐無駕車，一上手真要點時間適應，琴日好熱，又唔夠訓，又成日吸埋d漂水，差點暈咁濟。結果我自己當日賺了135元，因為只送到九撻地方，每張單15元，所以135元人工，但我總共俾了二百元公司，當係我自己撞凹了架車和送唔晒d單的懲罰。但我琴日都學識左好多地方，很多謝公司俾個機會我學習，雖然我辭了份工。但我會報多個course讀，希望真係可以發揮到我的長處。下個星期就係乒乓球教練班考試，希望可以一take過考到教練牌。」

>>July 3, 2003 at 3:16:10 PM GMT+8

2003 年 6 月 30 日 星期一 【晴】

「今天是星期天，我是自放暑假以來可以安坐家中休息的一日，我差不多每天都要出街，不是找工，便是上堂…haha明天又要上堂了，但都很充實，都很好。原來個設計course很好玩，上得好開心，我會加倍努力，一定要學成歸來。明天便是我找工的限期，如果找不到，我都不會再找了，原因是因為現在都七月，其實我找到了partime仍然話要找的理由是因為我覺得駕駛那份工，我係做不到。因為有很多野都唔清晰，不過儘管看看。」
「martin，我一有錢就會考慮請你buffet k嫁啦…hahahah你條友仔中獎都在我丐衣兜姆飯食？hahah」
「東哥，無你份…hahaha」
「糖，多謝你的支持呀，我會小心嫁啦。hehe」

>>June 30, 2003 at 12:02:27 PM GMT+8

2003 年 6 月 29 日 星期日 【晴】

「琴日終於找到一份兼職，係駕駛貨van的，但係工作細節不太清楚，所以我會再問清楚，
如果傾唔掂，我不會做了，因為工作地點在元朗，一星期返兩日，但人工都幾工，一日都有成350元，
如果做得好，一個月夾埋補習都有成四千咁濟，都夠洗嫁啦，不過希望這份工真係唔好難做啦。
不過就算有困難我都會克服，我不會害怕的。」
「我今天上了第一堂平面設計課程，很好玩，很多野學，很開心…希望可以快d學識更多technique，將來可以設計一樣野送給我至愛的人。hehe」
「關兄，很久不見了，很高興你俾面留言呀，還有，幫我問候寶君，我很久沒有見你地，十分掛念呢，我知你今年畢業，希望你可以有一份很好的工作。」
「田兄，聽講你近排突然有意外驚喜播，唔知幾時請buffer k呢？」
「李美，祝你不再失眠，有事打俾我，記住啦，實會幫你的。」
「阿sa，你工作辛苦嗎？近來我都很忙，希望你多d抖下，有事找我，ok？祝你健健康康！」
「東哥，遲些麻煩你幫我練乒乓球，下次lunch我請。」
「蛋哥，你成日都咁支持我，希望你都可以做到那份工，學習更多野。而且還祝你gpa勁高。」

>>June 29, 2003 at 2:01:12 AM GMT+8

2003 年 6 月 27 日 星期五 【雨】

「今天上了第三堂乒乓球教練班，原來講就易，自己打落試落真係難咁多，原來人地個d乜乜教練真係有料到，自己真係慚愧，仲好以為自己勁添，原來差咁遠。不過我不會放棄，我會努力呀，我一定可以考到。」

>>June 27, 2003 at 1:14:35 AM GMT+8

2003 年 6 月 26 日 星期四 【晴】

「琴日又見了一份工，那公司叫文化村長者促銷公司，是一間很大的公司，琴日我interview得非常開心，好耐都未試過咁開心，first in和second in都在同一日搞掂，in左成兩個鐘，那裏有很多很靚的OL，所以等左好耐都唔會眼訓，而且interivew時那個interveiwer仲話我口才ok，大方斯文，成績良好，有上進心，其實就算佢唔請我，我琴日都係賺左，很開心很開心，雖然佢請我的機會很微，但係總算盡了力，今個星期再找不到工的話，我唔會再找，但我會報多一個course讀，希望可以更進一步。」
「還有，前日和李美去唱k，好開心呀，原來讀書的友誼係咁可貴。我要珍惜呀。」

>>June 26, 2003 at 12:08:32 PM GMT+8

2003 年 6 月 25 日 星期三 【晴】

「琴日寫唔到日記，今天寫到了，很開心。琴日有一份interview是咁耐以來in得最耐的一次，成粒鐘咁濟，竟然和interviewer識德文，我仲扮野講左幾句，和她談天說地，佢好nice，我又仁慈了，又話自己看看有否機會讀上去便會讀，我諗這份工又會泡湯了。不過算啦，和她傾計好開心，都算賺左。今天又有工interview，在油麻地，我諗住今個星期找不到工的話就會算數，全力補習和上堂了。我諗我會報多一個course。希望可以啦，各位要支持我呀。」
「今天有四份工見，但唔知實情係點呢…........期待…」
「還有，多謝馬小姐昨日的問候。」

>>June 25, 2003 at 11:10:14 AM GMT+8

2003 年 6 月 23 日 星期一 【陰】

「jacky哥，魚與熊掌呀，haha，不過出來試下做野都好，可以與人合作下，也可以為將來的工作準備下，不過你信我，如果你keep住你現在的好成績，你畢業後在大學jijis網找工，一定找到好工。信我，無騙你。我就反而慘d，成績咁低。」
「試下對住人笑多d，你表示友善，人地都會樂意和你交朋友。你讀書咁勁，待人又真誠，又靚仔，有埋人際的話，會幾完美，努力，希望我可以幫到你。」

>>June 23, 2003 at 1:21:48 AM GMT+8

2003 年 6 月 22 日 星期日 【晴】

「成日都落雨，想打下波都唔得，我個人最不喜歡下雨。」
「jacky哥，祝你interview順順利利。」

>>June 22, 2003 at 12:27:22 PM GMT+8

2003 年 6 月 22 日 星期日 【晴】

「咁多朋友支持我，我很開心，thx！我不會放棄的，下個sem gpa一定要破三。」
「jacky哥，你的經濟已幾好，係時候練用兵了。有機會幫你練下，教你打仗。hahah」
「阿sa，你現在成日早起，夜晚不要太夜了。多點休息，做回靚靚沙伯。」
「東哥，咁夜send d恐佈故事來，係咪想死？ahhah」
「阿pag，多謝你的意見，我會努力。」
「李美，很想快些和你吃飯！」

>>June 22, 2003 at 1:18:07 AM GMT+8

2003 年 6 月 21 日 星期六 【雨】

「多謝sasa和jacky的關心，我無咩事的。鐵人來馬…haha
不過我今天報了一個電腦course關於平面設計，上星期1,3,5，晚7-10；
而我乒乓球球教練班就上星期1,4，晚7-9，剛撞左一堂…但我計過有著數，
所以會走一堂電腦堂，上乒乓球堂。這個暑假都算充實了。」

「皇子第一支針穿不到了，gpa今個sem又唔過3。唉……」
「讀書我真係無乜把握。」

>>June 21, 2003 at 5:44:17 PM GMT+8