2004 年 9 月 2 日 星期四 【晴】

「今天如常去會展返工，但有點累了，精神總是不大好。之後放工回家了，今天我諗都要早點睡了。」
「teatea，努力工作啦。hehe」
「蛋哥，今天你第一日返master，d同學仔點呀？慢慢來呀，你一定得。」
「李美，sorry呀，我心有所屬了。」

親愛的留言︰
大名： myra
電郵： [email protected]
說： 你呢排捱得咁辛苦
真係慘~~~
仲有呀
你對女朋友咁好
如果你係我男朋友就好啦
我一定要快d搵一個好似你咁好o既男朋友先~~~哈哈
>>2004年09月02日 01:37:53

>>September 2, 2004 at 7:56:42 PM GMT+8

2004 年 9 月 1 日 星期三 【晴】

「今天雖然很累，但今天不停咁介紹d錶俾d客，不過隻小腿很累.............今天同d同事傾計，好開心，也知道多左好多公司d野。聽番debbie講，原來我地真係這幾個月無野學，佢話佢自己都係捱左一兩年老細才敢俾佢掂d野(最重要的報價)，所以佢話佢最初頭一兩年和我們一模一樣。我現在係度諗........我咁樣浪費一兩年...........我覺得很不值。我諗我會做多一排先，再真係咁我就會轉工，人工差唔係太多無所謂，但至緊要有野學.........其實debbie和connie都傾過這個問題，但老細又唔俾我地知隻錶配件的costing(因為佢驚我地自己識晒，出去開公司搶生意)，所以我每天在公司都係做d無聊野，只不過現在做無聊野時我會比之前做得熟d和主動d，等我諗下自己的去向先..................」
「teatea，累就抖下啦。hehe」
「蛋哥，haha其實都幾累......今天左手仲酸痛添。ahhaha不過你明天都開學了，記住俾心機讀，擴闊你的朋友圈子啦。我一定支持你呀。」

親愛的留言︰
大名： 蛋
電郵： [email protected]
說： 你灣仔個展覽點呀？當做健身啦，哈哈 ..返屋企做少兩組一樣。多謝你呀 ... 我都想盡快整番好部電腦。
>>2004年09月01日 02:35:26

大名： teatea
電郵： [email protected]
說： 哈哈, 你都係呀, 一連五日呀~~努力~~


>>2004年09月01日 03:02:38

>>September 1, 2004 at 7:48:55 PM GMT+8

2004 年 9 月 1 日 星期三 【陰】

「今天很累呀，haha現在還未睡。今天早上不停咁覆客的mail，應該話琴日都是才對。之後就要搞展覽會d準備，因為公司除了老細外，得我一個男丁，所以乜重野我都要搬，今天隻手累到震晒。仲要不停咁扭鏍絲，隻手都有點痛。之後放工急急腳去左見份part time，原來係herbal life的推廣公司。唉....又係呢d，雖然這些工作有佢的前途，但我想做的並不是這些要自己掏左錢包先才有得做。所以我都決定不做了。之後約左保險姐姐，俾埋d單佢，就諗住去食麥記，咁輾轉去了觀塘，咁橋那時九點零，佢放十點，咁我就打左陣機，就同佢食晚飯，但都係麥記，hhaha回家很累了，也很夜，所以都想睡了。明天起七點…慘了....」
「teatea，開學了，工作順利啦。yeah！」
「蛋哥，真係慘呀你部機，無啦啦中毒，你等到星期六你的朋友幫你啦，再唔係我幫你找些高手來幫你。實掂的。」
「李美，份工個度你應該冇問題的，記住要問清楚所有你不明白的地方才決定做唔做呀。努力呀。」

親愛的留言︰
大名： myra
電郵： [email protected]
說： 唉
病左咁耐
終於好D啦
你呢?o岩o岩傷完又要搬野
記得就住黎搬呀
我都要開始搵工啦
人工低到我完全唔夠用呀
仲要冇野學~~~>.<

>>2004年08月31日 01:17:09

大名： 蛋
電郵： [email protected]
說： 已經用 winxp 隻cd format 過部機三次 ...但唔明點解每次 format 完係 program file 度仲係有　ｄ　舊檔存在，攪到就算 format 完　ｄ　毒仲係度。之後用過兩個防毒器清毒，而家應該清哂卦。無再顯示偵察到有毒。但由於　ｆｏｒｍａｔ　過部機，攪到所有野要重頭　ｓｅｔ　ｕｐ　過，好多手尾跟呢。開學前整單咁既野，想玩埋呢幾日都唔得。
>>2004年08月31日 15:26:47

>>September 1, 2004 at 2:04:59 AM GMT+8

2004 年 8 月 30 日 星期一 【乍寒還暖】

「近來唔知做乜，心情唔係咁好，成日都會好嬲munk，這幾天放假，心裏成日記掛住工作的野，唔通工作開始影響住自己的情緒。no la，我要學會放鬆。我唔想人地吃我的氣(尤其是她)。今天正如我所料，catalogue真係有問題。我在早幾日的日記已寫明，我有預感要子貝鑊，真係......其中一隻錶的logo未擦走，起初我都諗住自己大意，但無理....我逐隻錶check過晒........我找番那間設計公司send過來的彩圖，真係無問題的，原來問題在於，佢出菲林時佢出錯左，所以其中有一隻錶還有logo未擦掉，但因為我之前全部approve晒，所以最後只是再粗蠟一次，點知真係有問題.....雖然責任上好似應該係設計公司.....但我身為負責catalogue的人，始終難辭其咎.....唉.......雖然老細無插我......但自己都好自責..........下次我真係乜人都唔信........只相信自己......諗住最後approve晒冇錯.....點知設計公司都可以出錯....唉....明天我要去會展set野，佢地話得我一個男仔，搬野o個d全部叫我做，佢話明天會辛苦了，唔緊要....我最怕在office冇野做......明天夜晚我會去見一份工(part time)，之後再去見保險姐姐，所以明天應該會很累了。ahha做野o個度，今次係一次教訓，我以後會學精了。」
「teatea，多謝你關心呀，我個額頭流左少少血，但今天都冇乜事了。今天你要train兩個新人，希望你事事順順利利啦。yeah！」
「蛋哥，你部機點呀？希望你隻病毒快d消失。」
「聲哥，好耐無見你，唔知你找工找成點呢？」
「阿pag，似乎你的新工作不錯呀，記住努力做呀。你實掂的。」
「joey，近來工作是否很辛苦？希望你可以從容地應付複雜的人事關係啦。」
「李美，好返未呀你，你要多些休息呀。」

親愛的留言︰
大名： tea tea
電郵： [email protected]
說： 你一定得ga~~嘿嘿~~你就好啦, 下星期可以大開眼界~~努力啊~~
>>2004年08月28日 01:46:37

大名： tea tea
電郵： [email protected]
說： 仲有呀, 你個額頭點呀??要小心o的呀, 知唔知呀~~嘻嘻~~
>>2004年08月28日 01:52:12

大名： Egg ...
電郵： [email protected]
說： 今日整 mouse 都整左成晚 ..真係倒楣。
>>2004年08月29日 03:45:32

>>August 30, 2004 at 11:20:21 PM GMT+8

2004 年 8 月 28 日 星期六 【雷雨】

「琴日掛住睇奧運，又懶左一日冇寫日記。今天如常返工，經理今天請了假，老細上午不在office，這個朝早好開心，因為咁樣做野free好多。近來雖然要做的野都好濕碎，但總算知道自己要做d乜，同埋公司的野開始知道越來越多(雖然都很少)，都已經唔錯了。可惜近來老細唔知做乜，無啦啦都可以過來寸我，唉......算.......我會向上爬，再放多d時間增值進修先。琴日睇多次醫生，隻腳還未好番，希望快d好啦。明天我想打波，而且後天係蒙記的校友盃，要和闊別多時的noway一較高下。ahha還可以見到我最尊敬的miss li。可是下星期我要返足了，因為成個星期都係展覽會，我到時會介紹d錶俾客聽，ahha真好笑，我對錶的結構還認識很淺，不過唔緊要，乜都有第一次，唔試過邊個話唔得，我會盡力，看看能否lum 掂d客，等佢地落多d訂單，咁我就對公司有貢獻了。我今次搞得最多就係catalogue，但係我有預感這次印出來冇咁順利..........唉....我有預感要子貝鑊。算......我會汲取經驗..........明天放假，我可以休息一下了。下星期我會返一至日，在會展standby，終於有機會參加大型展覽會，見識見識，開闊眼界。yeah！」
「teatea，sms，icq，diary message，phone，全部都來自你真切的關心。我不要你貴重的禮物，你這點關心已叫我十分滿足。多謝你呀。你對我咁好，我點捨得找你出氣。hehe」
「蛋哥，yeah，你不介意我design得差，我已很感動。hha不過應該比以前有點進步怪。ahha」
「嘉樂，希望你讀書一路順風啦。」
「李美，haha你真係要休息呀。個個manager都係咁煩。hha」

親愛的留言︰
大名： 田少
電郵： [email protected]
說： 好多上司都係冇才幹既，如果唔係就冇下屬啦。做下屬既，就係幫上司做佢地唔識做既野，俾你一份糧，一半係俾野你做，另一半俾你係要你受氣~~~

"棟篤神探"對白...
>>2004年08月25日 00:35:20

大名： 田少
電郵： [email protected]
說： 不過，terry，你係咪一早知印得越多就越平架？
如果係既，即使老細本身話要1000份，但印多1000份只係多$200，可以問下佢丫麻，我諗佢一聽到實會要多1000份以上~~
冇計架勒，做生意當然係想要又平又靚，雖然話貴野多數靚d，呢個時候就要"講價"勒！
世界上冇乜野係講唔到價丫麻~
下次醒目d勒！~~
>>2004年08月25日 00:44:42

大名： tea tea
電郵： [email protected]
說： 冇計啦, 鬼叫佢係老細咩~~好多老細都係咁ga~~最好個個員工都係佢肚裡面條蟲~~

唯有忍o下啦, 最多我幫你打鑊佢~~
>>2004年08月25日 01:42:30

大名： 蛋
電郵： [email protected]
說： 哈哈 .. 應該話有你地兩個咁關心我已經好滿足先岩 ...
仲有呀，你有禮物，張 Wallpaper 真係好正，好多謝你的心意﹗Thx a lot!!!
>>2004年08月26日 01:19:22

大名： tea tea
電郵： [email protected]
說： 記住將我o既說話同你老細講, 哈哈, 佢以後都唔敢話你~~yeah~~
>>2004年08月26日 02:03:16

大名： myra
電郵： [email protected]
說： 我覺得你比我仲需要休息多d喎
隻腳傷左仲要周圍去
你真係慘~~~
哈哈...不過呢
我覺得你個老細同我manager好夾
喎
做事手法完全一樣呀
應該介紹佢地俾對方認識o下啦...哈哈
>>2004年08月26日 10:50:58

大名： tea tea
電郵： [email protected]
說： 多數老細都係咁ga, 你忍耐一o下, 唔好唔開心, 最多你唔開心o既時候,我做你o既出氣袋, 等你順番條氣~~


>>2004年08月27日 01:48:35

>>August 28, 2004 at 12:18:47 AM GMT+8

2004 年 8 月 25 日 星期三 【晴】

「今天超熱，但今天又係度出街，出左一轉又一轉，第一轉去葵芳搞catalogue，之後回公司，第二轉去麗枝角地站，第三轉再去葵芳，再去觀塘，但搞到六點幾，公司打來話唔使我返公司，可以直接回家，正呀。回到家便即刻去看醫生，睇埋隻腳，希望星期六前可以再好番多d。今天真係好熱..........還有祝蛋哥生日快樂。yeah！」
「teatea，你好鬼錫我，又關心我工作，又關心我隻腳。我好開心。多謝你呀。yeah！」
「蛋哥，生日快樂呀！我仲話兄弟，我連禮物都冇買俾你..sorry。但有豬姐幫你慶祝，我諗你已經很滿足了。ahaah」
「李美，你病到現在還未好，休息多d啦。」
「田兄，其實我一早都覺得影2000份好，但係這個印務唔係我跟，本身係我跟，但後來轉了第二個同事跟，咁我仲點會自己特登走去問。而且以前我俾意見老細，佢都只會同我講，我叫你點你就照做啦。咁今次佢自己決定影一千，二千全係佢自己意願。唔係話平就影多d，咁不如影成5000份，仲抵d添，應該要睇需要馬......」

>>August 25, 2004 at 7:35:18 PM GMT+8

2004 年 8 月 24 日 星期二 【雨】

「琴日和阿東和嘉樂一起吃晚飯，去了和民食，那裏的東西不算太貴，但味道很好。正呀。食飯期間講開大家的去向和理想和工作，其實咁樣的聚會真是好難得，因為第二時真係仲難約，尤其個個都結晒婚後。言談間其實我覺得嘉樂好識諗，所以抵佢叻o既。ahhaa阿東琴日都幾型，不過最嘔係佢成日話自己型...頂.....我都頂唔順。
今天返工，好唔開心，老細趁我放工時找我去照肺，好唔開心，佢有時都好無厘頭。唉......我負責搞catalogue的design，我初初找了兩間，結果老細想平，所以揀了平來做，但搞左好耐，質量好差.........之後因為時間緊迫，我自己有一天夜晚都親自找老細問佢找另一間做好否，但價錢貴成倍咁濟，佢自己話無問題，而且時間迫，咪照做。之後成日個design我由頭跟到尾，但design今天俾老細approve埋，終於搞掂，但係還要印，之前我同事找了一間印務公司報價，咁唔係我搞。今天老細找了我入房，話design好貴，又話唔問佢點解會收咁貴，又話我無sense，話我點解唔揀印2000份，因為印野個度1000份要3000，2000份要3200，3000要3500。但係大佬呀，我鬼差知你要幾多份，之前佢firm實話要1000份，係人都知影2000份抵(咁不如影一萬份，仲抵)，但都要睇需要，係咪真係要咁多先。而且影野唔係我跟，無啦啦又俾人插，唉..無奈。但無可否認，我今次確實做得唔夠好，因為個價佢突然send過來係多左一千，但點都無計啦，都咁mun d時間，唔通唔做，我都係佢俾個價我才知道貴左成千，但個期咁緊，我又要拿拿聲firm實d野，又問過老細，佢自己話okay的，之後現在又怨，小啦巴。佢根本想又要平又要靚又要正，食屎啦佢，人地出高價，定有佢的道理，佢自己又無話budget幾多，頂..越諗越興。下次一於自己做足所有準備功夫，到時等我插番佢轉頭。這個老細成日都係咁，no excuse，佢就係道理，我要你做到就要做到，永遠只會從自己做出發點。下個禮拜我會在會展擺鐘錶展覽會，各位如有心就去會展探小弟啦，ahha多謝各位先。個期係九月一日至五日。」
「teatea，我諗你今天都好累啦，一於用我的神奇魔枕回復体力啦。你鍾意就得了，最緊要你開心，我就會開心。yeah！」

親愛的留言︰
大名： tea tea
電郵： [email protected]
說： 我用o左個枕頭lu, 勁舒服~~哈哈~~多謝呀~~
>>2004年08月24日 01:52:59

>>August 24, 2004 at 11:21:08 PM GMT+8

2004 年 8 月 23 日 星期一 【陰】

「今天好開心，teatea中午和我一起去睇戲，我地本身去睇千機變，但後來轉為看餃子，雖然係三級片，但都唔覺有乜特別，而且楊千嬅做得麻麻。反而我鐘意梁家輝。之後teatea夜晚和我家人吃飯。好開心，可惜我地又要兩星期後才可能有機會見了。」
「teatea，希望你會喜歡那個枕頭，雖然送枕頭俾你怪左d，但希望你工作辛苦之餘，可以訓得舒服d。咁我就更開心了。yｅａｈ！」

親愛的留言︰
大名： tea tea
電郵： [email protected]
說： 嘩哈哈~~唔駛驚, 我幫你捽, 好快就好番~~

我就快變熊貓啦~~你下次要去海洋公園先見到我............
>>2004年08月21日 01:36:44

>>August 23, 2004 at 1:04:46 AM GMT+8

2004 年 8 月 20 日 星期五 【晴】

「今天在公司都係不停咁忙，好開心這種感覺。越來越愛。我自己雖然還未能夠獨立工作，但係好多時被assign了的工作，我現在會盡量跟足d，例如老細已經無叫我跟其中一個job，但我應承左幫佢完成，所以就算難d，遲d我都會去做，最多自己諗下計，我發覺出來做野就係咁，有無數的問題，一定有方法解決，但係視乎你找唔找到，同埋難唔難找咁。同埋，老細話一句你搞掂佢，老虎都要死俾佢。你要當你自己係武松就對了。之後這幾天在巴士裏睡覺，這幾天隻腳夜晚無啦啦會痛，所以夜晚訓得唔係咁好。現在隻腳都係有少少腫，都係屈曲唔係咁多。唉....我真係無用.........」
「teatea，聽到你kit一聲的笑聲，我每次都會好開心。」
「蛋哥，努力找工呀，實支持你。如果有問題，我一定幫你。」
「李美，你要休息下啦。」
「田兄，haha，我都覺得佢地好好，但我最開心都係收到teatea的問候。yeah！還有，祝你生日快樂！」

親愛的留言︰
大名： 田少
電郵： [email protected]
說： terry真係幸福，咁多人關心~~
恨死隔離，好彩我都有個人關心下，如果唔係真係羡慕死我咩~~

我諗星期六或日都未必打到AOC勒，因為本少爺星期日牛一，雖然六同日夜晚我都係屋企，不過當然唔只我一個，嘿嘿嘿
又點能夠自己顧住打機而唔理"某人"呢~~呵呵呵呵
我下次先打勒~~~你地玩得開心D~~
>>2004年08月20日 01:32:52

>>August 21, 2004 at 12:00:16 AM GMT+8

2004 年 8 月 19 日 星期四 【晴】

「琴日夜左返家，所以冇寫到日記。眾人是否好似每天追緊的連續劇突然播奧運咁？hahah(自大了又haha)不過真係好多謝各位的支持，我的日記人氣已直迫大威，而且我的目標是100頁。唔經唔覺已經寫左年幾了，有時睇番以前個d日記，真係另有一番滋味。琴日返工，出街去左葵涌，去左華星街，好鬼熱，我一去到，個老細嚇親，話唔係熱成咁呀馬，haha之後我拐下拐下回公司。放工後便去左楊家打winning，佢仲請我食甘桔蜜，好正。還請我食出前一丁碗麵，好正。之後就打機打機，我打極都輸。好慘。之後都差不多夜了，就回家了。回到家好累......」
「teatea，有你成日問候我的傷患，我不知好得幾快...不過仍然腫。但我已很開心.....因為你星期日會陪我。hehe你這幾天睇奧運咁累，記住要休息下。」
「蛋哥，我明白你的苦處.......你真係好痛苦.......有事記住同我講.......做兄弟的兩翼插刀。」
「李美，你真係夠朋友，你自己都要小心身子，因為近來成日都很熱，你多d休息啦。」
「東哥，唔係咁惡呀。ahha」

親愛的留言︰
大名： tea tea
電郵： [email protected]
說： 我睇奧運睇到好累呀~哈哈~~
不過你放心啦, 我會睇埋你o個份~~yeah~~

記得準時食藥呀~~
>>2004年08月18日 01:49:44

大名： 皇太子胤礽
電郵： [email protected]
說： 唉, 有計都唔找我傾, 仲話係朋友woo, 無隱。
慘人,當我死啦, 唉, 唔理我啦,識飛啦
>>2004年08月18日 20:09:54

大名： myra
電郵： [email protected]
說： 乜咁o岩呀
我前日先睇完醫生
病到每日都暈暈地>.<
你都要小心d呀
新傷加舊患
處理得唔好
會好大件事嫁
我地都好想
再見到你打波個得戚樣嫁...哈哈
>>2004年08月19日 09:36:15

>>August 19, 2004 at 11:17:28 PM GMT+8