2005 年 3 月 1 日 星期二 【晴】

「現在工作上有很多野cake住，唔知做乜，好多野有時真係唔知點樣做，工場染色差左，個客reject，但係garment期好急，話要claim我地飛機費，garment費，個客話我地d色俾人reject係我地的問題。有時真係好難應付。另外，d mail好多，經理話我地係supervisor的角色，監控上面生產，但係d mail全部都係一半鋤落來，好難明，要明就要從第一張mail開始睇，我邊有咁多時間，好啦，等我逐張睇，逐張睇，就睇晒d時間，價又報唔到，單又上唔到，但又話要supervise，試問唔知佢地講緊乜點supervise，經理話唔使張張睇，只睇d有問題o個d，有時真係好矛盾，唔緊貼d mail點知佢地發生緊乜事。唉......好辛苦，有冇人可以教我點做......好似無乜方向咁.........究竟邊d係重要，邊d係可以不理.....................」

>>March 1, 2005 at 12:22:00 AM GMT+8

2005 年 2 月 27 日 星期日 【晴】

<翔>
「小雛敝敞樹巢中，他朝高飛覓晴空。」


「今天全日在家休息，精神多了，成個下午和兩個要好的朋友談天說地，很開心和他們分享自己的感受，也使我明白到朋友根本不用太多，只要知心就可以了，好多謝他們成日都咁支持我，thx a lot！其實有時我都會想，究竟世界上會唔會有一個人係完全沒有缺點，可以和所有的人都可以相處融洽的人。haha其實要做到是否好難，抑或無可能做得到。ahha有冇人識答呀。ahhah」
「蛋哥，ahha thx呀，難得光臨寒舍，真係蓬畢生輝。haha你都係呀，知你近來的工作會很忙，你記住要take care啦。」

>>February 27, 2005 at 11:37:16 PM GMT+8

2005 年 2 月 26 日 星期六 【晴】

「今天突然好多野堆晒過來.....又奮戰到九點幾.......好累.....好累....................直頭想抱頭大睡，彷彿渡過了周歲，從未有的疲累，只想立刻引退，眼皮不停向下墜，不禁酒出兩滴珠淚，客人卻不停地追，工作揮之不去。」
「joey，難得今天和你吃飯，卻要你等這麼久，我真的不好意思，但係和你傾計，無論何時都是有共嗚。」

>>February 26, 2005 at 1:27:04 AM GMT+8

2005 年 2 月 24 日 星期四 【晴】

「今天要開始講d交替工作的野，因為kelly和alice出trip，所以無計了，唯有接手kelly的工作，雖然繁重，但應該學習到更多野，這是一個好機會，我會好好把握呀。hehe」

>>February 24, 2005 at 12:32:17 AM GMT+8

2005 年 2 月 23 日 星期三 【晴】

「今天感到的工作壓力大了，因為遇到很多接踵而來的事情，有點應接不暇，皆因好多野還未明白，有時d客問到的野，真係好難答佢，而且我發覺時間快過係因為有很多時間用左係一d好唔在意的地方，例如去諗一張mail，又或者打一個電話去問一d簡單的野，去firm一d野等，好多時d時間過左去就過左去，所以我要學會更懂利用時間，而且也要強化自己的記憶力，面對新的客，突然間好似多了很多問號，又多左好多疑惑，有時真係感到好沮喪，因為自己已做了四個月咁濟，還好似戇居仔咁，乜都唔係好清楚咁.......唔知我幾時可以獨立d，幾時係人地問我問題，而不是我問人問題。不過點都好，這個是一個考驗，我會努力去克服佢。連這些都應付不來，怎去應付未來的障礙。」

>>February 23, 2005 at 12:25:05 AM GMT+8

2005 年 2 月 22 日 星期二 【晴】

「上星期六上左大陸，就返少左一日office，之後今天回去就d野堆積如山，一回去就70幾封mail，雖然對於kelly和helen來講，已經係微不足道，但對於我來說，還有點吃力，而且我又要應付很多新的訂單和其他的鎖碎野，咁就一日，真係d時間過得好快，快到我自己捉也捉不住，今天都要o到8點半，唔，我諗我的手腳還要快點。之後回家講過整洗手間的問題，其實我阿爸林善，成日被人恰(我都係)，佢被個裝修佬講多兩講就落訂，就算唔係太滿意佢的態度都照落訂，唔，但點都好，我阿爸這個是性格，改不了，因為他是好好先生，成日都唔想為難人，所以就算出街見到一樣野佢唔係鍾意，但問多兩問，揀多兩揀，唔鍾意都會買，佢話唔好意思要人做左咁多野又無生意，haha這麼好的人，真係世間少有，可能我阿媽就係鍾意佢咁樣(雖然口講話笨)。我今天都有點語帶諷刺，覺得有點不對，唉......做兒仔怎可以這樣，太不孝了。」

>>February 22, 2005 at 12:26:56 AM GMT+8

2005 年 2 月 20 日 星期日 【晴】

「琴晚太累了，所以今天大昏迷的睡到兩點，之後睇下已錄了的nba，輕鬆了一會，諗住打波，但太凍了，所以打消了這個念頭。之後到了晚上，補足媽媽的生日，所以叫了pizza，也買了蛋糕，今晚好開心，我就送了個枕頭俾阿媽，希望佢鍾意啦。今天休息了一日，明天又要努力了。haha」

>>February 20, 2005 at 11:20:33 PM GMT+8

2005 年 2 月 20 日 星期日 【晴】

「今天本身返半日工，但公司話叫我們d新人去大陸廠房看看公司的發展和看看公司怎樣生產物品出來。看罷後其實我真係好有興趣知道公司點發跡，因為一間小的公司，怎可以現在成為業界的翹楚，單是我們的大客就是名牌如puma，polo，nike，esprit，gap等，很多品牌還在develop中，其實眼見公司發展得咁好，自己都好開心。今天見到很多海外部同事，佢地個個都好nice，judy呀，celine呀，maggie和phoebe都好好，阿jim仍然都係咁搞笑。ahhaa其實同佢地共事，我真係好開心，佢地個個都好helpful嫁。其實我都唔想咁快走，想同佢地聚多聚，因為auo車上來，auo到腳都痺埋...............又眼訓.........但又難訓得著。之後竟然高速公路有人撞車，搞左一大輪，連今晚場波都打唔到，shit..............不過可能個天要我做孝順仔，因為明天補足母親生日，所以今天特意買了一個枕頭俾佢。ahaha」
「celine呀，我點會忘記你的熊仔餅，專誠帶俾你嫁，不過我都好多謝你送番盒野俾我，haha你又知我鍾意飲維他提子汁............多謝你呀。」
「皇妹，咁耐唔同我傾計，我以為你已經忘了我啦。haha其實兩個月並不是問題，趁後生去見識下好呀，而且公司係重用你才派你去，你要珍惜機會呀，除非你有人在香港放不低，否則老虎都去。」

親愛的留言︰
大名： msn的神秘大少姐
電郵： [email protected]
說： 好耐都無同你傾過計，超級掛住你啊，皇阿哥~
最近好迷茫啊，公司想調十個人左右返大陸兩個月睇睇新成立既公司啊......我考慮唔到應該留低定返去啊~

>>2005年02月19日 02:20:33

>>February 20, 2005 at 12:50:14 AM GMT+8

2005 年 2 月 17 日 星期四 【晴】

「今天收到消息，話星期六我會上大陸廠看看點樣染色和織繩帶，好野，到時可以大開眼界了，因為可以看看自己公司怎樣發展和成長，也看到公司的規模。似乎公司的安排，都很好。其實我好佩服這間公司的文化。以我觀察所得，這裏全部幫公司賺錢的，都是後生仔女，最大年紀不過27，雖然這裏有老主顧，有些做左超過20年，我們的經理都一個五年，一個八年，文員個d都有10年咁濟。但係真係涇渭分明，全部行政的都是老臣子，但係全部marketing和sales都係後生仔，全部經驗不超過3年。但係今年公司竟然有錄得10幾%的生意額增長，我好好奇這個公司的運作模式。還有一點就是這間公司的文化是勤力文化，每人起碼都會ot一個鐘，有些甚至做到八點幾九點都是等閒事。可能全部都係新人，不存在著似老賣老的人，所以個個都好博命，因為公司會論功行賞，而且每人負責的客河水不犯井水，所以亦不存在著爭客，但有良好的營業額競爭，我都有諗緊，如果第時有機會搞企業，我都想用這個方法，原來團結就是力量就是這個意思，少了人事鬥爭，人便會把時間放在工作上，那麼公司豈會不茁壯成長。我漸漸明白這個道理。」

>>February 17, 2005 at 11:52:47 PM GMT+8

2005 年 2 月 16 日 星期三 【晴】

<出塵>
「楊柳輕飄附籬笆，陳家小女貌如花。
秀色盡使群峰羞，銀杏樹下無稀客。」

「琴日我有個要好的朋友生日，剛巧她和我的母親是同一日出生的。所以我特意作了一首詩送俾佢，希望佢鍾意。」
「今天返到公司，就聽到很多很好聽的話，例如恭喜發財，身体健康之類。ahha果然充滿著過年的氣氛。之後就不停咁講恭喜發財，之後就巡迴咁樣逗了成堆利是，今年利是真的逗得不少，公司老闆都很闊綽，果然有老細風範，我諗自己都係唔好咁快結婚住。haha逗多幾年利是先。ahhaha今天開始唔使做shipment的野了，所以多了很多空檔時間去做番自己份內事，所以可以七點未夠就走了，很久都未試過咁早走，真係好開心，因為好難得和家人一起吃晚飯。haha今天心情極佳。不知道她今年過新年過得開心否呢。只希望佢日日都咁開心，那我就滿足了。」

>>February 17, 2005 at 12:00:55 AM GMT+8