2004 年 11 月 27 日 星期六 【晴】

「今天早上都不覺涼.......晚了就不同了。今天很多工作，本應約左joey食飯，我搞到佢苦等了成個幾兩個鐘，我都不好意思。皆因馮星期六開會，我星期五的pi一定要清晒，如果唔係累街坊.....sorry呀joey。雖然每天都o很多工時，又無錢，但返得開心，佢地都好肯教我，我覺得很難得。(因為人地無義務要教你，尤其人地的經驗係十多年累積得來。還有今天很多謝金龍和dennis的野食，佢地好nice，無私心...........反觀自己就有點吝嗇............真係自慚形穢。今天和joey去左尖咀食飯，不知怎解，每次去到尖咀都很喜愛這地方，尤其是冬季就更喜愛。看著美麗的燈飾和人群，我覺得尖咀是一個多人但唔係迫的地方(特別節日除外)，我好鍾意呢個地方。識我的人都會知hahaha而尖咀亦為我留下不少印記........」
「joey，今天要你等咁耐唔好意思........希望你不會介意。同你傾計好開心，因為你好明白我的感受.............因為我和你同樣經歷同一樣的事情，所以這就就叫做共嗚。工作個度俾d機會自己去試，如果做左半年仍然冇起息....我相信可以考慮轉換.........而另一方面我希望你和他多些溝通....把你的所思所想同佢講，要是盡了力，就問心無愧，仍不用太介懷了。best wishes to you。知你今天唔係咁舒服，記住take care啦。」
「蛋哥，下次逐個字計，五蚊個。hahaha」

親愛的留言︰
大名： 蛋
電郵： [email protected]
說： 今日唔該哂你教我個屯字呀 terry
>>2004年11月26日 19:36:50

>>November 27, 2004 at 2:07:31 AM GMT+8

2004 年 11 月 25 日 星期四 【晴】

「琴日d線有問題，所以做唔到野乜濟....之後今天就顛了.....好多mail要覆，d單成疊成疊咁要上，資料又要check ，又要跟番個shipment.......哇...好忙....但好充實.........現在我中午得登有意無意避開d員工，可以一個人食飯。唔知點解，我在這裏有預感話我知......這裏很難找到與我性格相投的人.........所以這裏只有朋友，並沒有好朋友....咁都好.......唔使煩....橫掂我一個人都可以工作。但係overseas(即我地個team)個個人都好好.......我好開心，同佢地食飯會開心d。皆因另一team的人和我合不來，佢地好搞笑，成日俾d相人睇....之後又話邊個靚仔邊個型邊靚女咁.....又約埋唔同的朋友出來，事後又係講同一番話....好搞笑.....最搞笑係曾經有人好唔知醜咁話人地話佢最型，最識貨........好搞笑...佢仲要係一堆manager前面講....ahha......我覺得佢地好似讀緊書的學生咁，好可愛。haha」

>>November 25, 2004 at 11:11:51 PM GMT+8

2004 年 11 月 24 日 星期三 【晴】

「今天下午d人來整電線，乜都用唔到，e mail，fax，電話乜都不能用，haha所以下午都係對下d payment之類。呼..........差不多返左一個月........所學的野比之前返三個月的鐘錶多十倍都唔止，原來塞翁失馬，焉知非福，係真的.........所以不用成日自怨自艾，因為.....希望在明天。yeah！今天在巴士上又訓著.........haha....原來我都幾enjoy累的狀態...ahhah」
「東哥，你又係度發乜顛？haaha」
「李美，你身体好了點未？我祝福你......^0^」

親愛的留言︰
大名： 司馬王朝
電郵： [email protected]
說： 雖然司馬道子及司馬元顯父子不得民心，致政局混亂，不過想起父子兩人慘死于狼子野心的桓玄及殘暴不仁、自私自利的魔門手上,心中也一是味兒。
>>2004年11月23日 23:46:57

>>November 24, 2004 at 10:50:44 PM GMT+8

2004 年 11 月 23 日 星期二 【晴】

「今天alice生日，所以我地夾份送了一束花俾佢，而且中午還去了幸福樓飲茶幫佢慶祝。但係幸福樓d野好貴，只叫了十零碟點心成三百幾四百蚊。哇......發顛。hahha但唔緊要，至緊要開心，單單alice教我地的野都唔知三幾千啦。現在每天忙過不停，雖然還handle很少野，但都很忙，經常要留意住個生產，又要覆mail和上單，現在嘗試睇色，認item，報價。很多很多.....有排學......但工作得開心就得，雖然現在每天都要開一個至兩個鐘ot，但都很值得，因為返工返得開心。yeah！明天又星期三，好快....時間過得真係好快。現在每天都會學英文和普通話，我發覺自己的普通話雖然仍然講得不好，但原來自己已進步了不少......要努力d呀。yeah！」
「蛋哥，係呀，我都想。但最搞笑係alice自己買左西餅請大家食，佢真係好識做，我好鍾意這個女紀理，佢真係好好人，因為佢好無私，也好好禮貌。」
「joey，是否星期五去食飯呀？去尖咀的citysuper，okay嗎？hehe」

親愛的留言︰
大名： 蛋
電郵： [email protected]
說： 而家你返工返得咁開心咪幾好 ... alice 生日最好梗係同同事夾份送個蛋糕啦。
>>2004年11月23日 11:24:41

>>November 23, 2004 at 11:33:12 PM GMT+8

2004 年 11 月 22 日 星期一 【晴】

「今天alice教左我好多野，其實我真係好感激佢。由此至終都沒有介意我笨，也沒有介意我會否長做，佢只係有教無類，好難得。所以我會俾心機去記。不過真係有點吃力，因為全部都係同數字有關.........李嘉誠話齋，攻破自己的弱點是個人最大的成長，也是成功的第一步。我確信，我要克服這個難題。haha看到都頭暈，又cm又mm又yds又lb又p又mtr又"又'，真係頭都大埋。hahahha我諗真係要花點時間。呼…明天就是alice生日，都唔知送乜俾佢好。佢係我上司，送雞d又唔好，送貴又真係好貴.......shit........haha」
「蛋哥，叻仔，努力呀。我最欣賞勤力的人。」

親愛的留言︰
大名： 蛋
電郵： [email protected]
說： 我而家都返 part-time，一星期返三日度，想填滿 d 自己的時間充實 d
>>2004年11月22日 23:01:17

>>November 22, 2004 at 11:33:33 PM GMT+8

2004 年 11 月 21 日 星期日 【晴】

「今天全日在家休息，這兩天都有打波，haha人老了，骨頭都脆了，好鬼累。haha今天在家都冇乜點讀書學野，只係捉下棋乍，現在夜晚才去看下報紙，學下英文，都幾好呀，好充實呀。現在我要更加著緊d做野，因為我想快d做d成績俾人睇，唔想無貢獻。好啦，明天就要更加努力。明天又會和經理食飯，haha佢地成日都會約埋食飯，ahhaa佢地真係好有米。hahaha雖然唔係咁想去應酬，但係老細叫到，唔去都唔得。haha」

親愛的留言︰
none

>>November 21, 2004 at 11:48:42 PM GMT+8

2004 年 11 月 21 日 星期日 【晴】

<明鏡情話>
「今天天氣有點微涼，我便走到樓下的公園，獨自一人坐著。抬頭一望，有一輪圓圓白交的明鏡。人說月亮掌管潮汐，有著無窮的神秘感。我初不以為意，只是撇眼一看。雖知我望久了，卻被他牽引著。我最初也不太喜歡月亮，因為她並不美，只是一團白色的東西。但後來我卻覺得她清醇無比。所以我便愛上了月亮。起初我只是一星期落樓下看一次，但後來卻每天都要看。我發覺自己已經愛上了月亮。不知怎的，她有一種攝人的魅力。可惜時間久了，過了八個月，我發覺月亮並不只是對著我發出光芒，原來月亮和大陽一樣，是周圍的人望著她，她便會望著你。所以我太天真了，我以為月亮只會為我一個微笑，發光。haha回頭看真可笑，這八個月來，我每天都用時間去看這個月亮，弄得我無時間去讀書，運動。因為我為了看月亮，我把所有的事情都拋諸腦後，任何事以賞月為先。其實月亮這麼冷冰冰，也不會理解我的感受，為何我會這樣對她動情，仍舊每天為她守候。我不知道，只知道覺得值得。可是我覺得漸漸和月亮溝通不到，她時圓時彎，時隱時現，我真的想不到究竟她在想甚麼。其實我每天都想見到她，可惜她喜歡時就會出現，不喜歡時就會隱退。我最初都接受得到，但後來我發覺自己受不了。好累.......有時都唔知要等多久.............雖然現在我不會再這樣看月亮，但我仍不悔當初每晚的觀賞，至少她也曾留給我美好的回憶。」


「haha好開心呀今天，因為今天開會時我終於有野講了，雖然都係得幾句，但總算有好開始。因為kelly俾左兩個客我獨立去跟，所以那個客落左單，也想批布辦的顏色，咁我就在會上扮野。ahhah講幾句咁啦。ahah好開心我終於有機會involve個會。之後就去左美心食個雞籃，好多雞食。yeah！之後去新都城取新con，發覺新con清晰好多。好野。之後就去打波。正呀。好開心。打波我真係好開心。ahha爆下粗，發洩下，又一天。haha好開心。yeah！」

親愛的留言︰
none

>>November 21, 2004 at 1:01:02 AM GMT+8

2004 年 11 月 20 日 星期六 【晴】

「今天約了蒙記班波友打波，本應好開心，但係係場度有一條友係度搞事，佢係我面前射完波，我伸直手無郁過，佢話我foul，咁我問foul乜，之後佢話個波係咪入左，我話咁又點，之後佢話入左就得。咁我話okay啦。繼續打。之後我射波，佢撞落我到，反鬧我得登撞佢。咪我都算。之後我偷左佢個波，佢講粗口話使唔使咁很樣呀之類。之後我就話打波者，打到少少實有嫁啦。之後大家互啤，我全程都冇出過聲，只有佢講，但我的眼只是很凶的望住佢，無出過聲，之後佢用個波扔我。但我感覺佢只是輕輕力，所以我都冇乜火。但如果佢扔的是我塊面，我敢講，我一定會打到佢訓低。好簡單，快速衝過去，抬高佢隻手，右手向上ban，佢隻手即斷，之後再用快拳打佢腋下，即刻內傷。打人最笨是一人一拳，最好兩三下打到佢扒街。好嬲.............不過明天又有波打，yeah！」
「李美，都話你夠朋友，無啦啦都會打來問候我。thx你呀。我無論何時何刻你都會支持我鼓勵我關心我，thx你呀。其實我都無乜野了，thx你就真。但你記緊要休息多d，因為你都成日病呀。ahha病君。ahha」
「大威哥，做乜又唔做呀？莫非有高就？」

親愛的留言︰
大名： 三成先生
電郵： [email protected]
說： 我已經辭左工...同你不一樣了...
你就繼續學野...我便再次加入失業行列...
>>2004年11月19日 00:24:31

大名： 田少
電郵： [email protected]
說： 國足抵死！
見到中國入唔到世界盃，真係心都涼晒~~
上屆如果唔係南韓同日本係主辦國唔使踢，中國邊有機會入世盃呀！

>>2004年11月19日 00:31:12

>>November 20, 2004 at 1:14:21 AM GMT+8

2004 年 11 月 18 日 星期四 【晴】

「今天都冇乜事發生，但係我在巴士到真係好燥..........我每天都唔夠訓，但係d巴基lan坦的學生成q日係度嘈.....仲要成日撞到佢地。唉....好煩.....不過今天太累....佢地嘈我都照訓。我好討厭嘈，我喜歡寧靜，所以我不大喜歡出街同人迫，最討厭同人爭。」
「joey，知你累了，係咪下星期五呀食飯呀？等你輕鬆下。haah」
「東哥，乜鬼野又民族主義呀。ahha」

親愛的留言︰
大名： 累棗兒
電郵： [email protected]
說： Terry ar ~~~~~~~~~ ........
tired to die ......
>>2004年11月17日 23:34:41

大名： 東
電郵： [email protected]
說： 11月17日是帝君一世不會忘記的日子, 因為
國家隊出局了。
希望中國足協及所有球員都能化悲傷為力量，合力推動中國足球的深化改革，搞好中國超越聯賽、好好準亞運會、東亞杯的足球比賽及其它賽事，2010年再次勇敢地第九次衝激世界杯。
雖然真的很不開心, 但足球就是這樣，生活還是要繼續。
願我國國勢及足球均能不斷向上。
>>2004年11月18日 19:02:54

>>November 18, 2004 at 10:46:55 PM GMT+8

2004 年 11 月 17 日 星期三 【晴】

「今天如常返工，今天關於開LC的問題，kelly都教左我好耐，都知道我笨，學野慢，所以我成日問。hahha希望唔好煩到佢。之後就是開pi，真係好多小節野要留意。我會努力，明天起，我的pi不要有任何的錯處。現在每天都ot一個至個半鐘，其實都冇乜所謂，因為o得開心，我只希望可以幫輕下kelly手，因為佢每晚都做到好夜，所以我希望快d上手幫到佢手。這幾天都比較夜訓，所以今天在巴士上一上身就死豬咁訓。haaha所以回到家裏精神好多了。」
「celine，多謝你第一次的到訪呀。我感受到你的心情，但我知道最笨的話是叫你唔好去想，唔好去諗。所以我只會同你講，你可以頹，但不可以太耐，而且你身邊應該也有關心你的人，就同佢地傾傾，等你感受下佢地對你的支持，咁我相信你的痛好快會被治癒。yeah！」
「李美，你的病好了點未呀？haha未好就要休息下啦。近來凍了，記住別著涼呀。^0^」
「joey，唔知幾時有機會同你食飯呢？ahha我諗你已忙到不可開交。」
「蛋哥，就來sem end，是否都越來越忙呀？haha」
「東哥，你真係好識為自己打算，叻仔！」
「大威哥，我和你一樣，現在還是乜都唔識。hahah一起努力吧！」
「peggy仔，好多謝你封mail，這更使我明白到，原來友誼真是很可貴。」
「各位本日記的讀者，很多謝各位對小弟日記的支持，現本記的人氣指數已過了15000，真是多謝你們的留言，希望你也會enjoy和我一起分享生活的點滴，歡迎各位送上親切的留言。天氣涼了，各位要穿多件衣服，小心身子呀。」

親愛的留言︰
大名： celine
電郵： [email protected]
說： 我會嫁啦，但尋晚一個小學的friend結婚請我做姐妹啊，又刺激我的痛處！
>>2004年11月17日 13:32:20

>>November 17, 2004 at 10:57:01 PM GMT+8