2003 年 3 月 27 日 星期四 【晴】

多得三叔download個WinMX,初頭我都無點用...
直至前兩晚,老豆入黎,食完飯,跟住就好叫我去下載d歌聽...
於是乎呢兩日,我就係咁下載d好聽又無買CD的歌落黎聽...
重要俾我搵到軟硬的幾首無出碟o既歌呀： 曖姑乖，食o野一族。
誠意推介：
> 糯米團 - Friday Night Girl
> t.A.t.U. - All The Things She Said
> 許志安 - 天下之大
快d去搵黎聽下喇。

唔見左部叉機(叉電芯AAA / AA的叉機),
搵左幾日,同埋等左幾個禮拜佢都無浮番出黎,
而我d叉電都已經用得八八九九,到左再唔叉電就要買電芯用的地步,
搵埋最後一次,都係無發現,只好去買個新的用吧。
可能佢蕩失路唔識返屋企,又或者佢唔喜歡我呢個主人。
之前買左一堆GP叉電,都係用番GP叉機好一點吧,
去到豐澤左睇右揀,問完又問,
係喇...原來我唔見左的那叉機係慢叉的<不是粗口>,
唔怪得d電成日叉完無幾耐就玩完喇。
呢次貴些少都應該買部快叉同埋叉飽會轉燈o既。
其中有部賣$220,咁我就走去其他電器鋪睇下會唔會平d咁,
嘩!有間賣$188,咁我買多四粒AAA叉電,都係比豐澤的俾多廿多皮。
家誠哥食水都幾深！都係幫襯你百佳,心裡好過點。


>>March 28, 2003 at 2:55:46 AM GMT+8

2003 年 3 月 26 日 星期三 【晴】

阿'女麻'落左命令叫我呢排唔好去PHYSICAL做運動,
話唔定遲早要我帶埋口罩先俾我出街。

Iris一早打黎話SuperX叫過去睇版,要走到去葵興。
尋日先去完葵芳,今日又走過去葵興。
約五點向葵興地鐵站等,我同佢都遲左,
巧恰地我倆搭埋同一條地鐵,不過落左車先見到。
上到去SuperX睇版,係咁椅睇過無咩大問題,不用半句鐘就走得。

咁遠水路走到過黎,梗係週圍行下先出番去喇。
由葵興行左過去葵芳新都會,諗住睇下有無戲好睇,不過無！
向百老匯行番出黎,隔離有間CD鋪,梗係入去睇下有無好o野喇。
哈哈哈！竟然俾我發現隻<09lamdogLIVE>CD,盛惠$29。
之前只係買左DVD,無買CD,咁依家睇下幾時買埋VCD。
轉眼過後呢個lamdog live都已經係兩年前o既事,
當時o既事發時間係2001年9月30號,
原先呢個live係向9月1舉行,不過因為d風風雨雨,一次又一次咁改期。
我永遠都會記得呢個日子,記得"妳"！

之後繼續行下行下,時間都不早了,太陽都落山,
Iris要過番葵興果邊搭巴士,咁就一齊行番過去。
行到過去,佢竟然話無佢搭果架巴士,所以咁就繼續向大窩口方向進發。
係咁行,真係行到大窩口,咁佢有佢搭巴士,我就去搭我最討厭的交通工具--地鐵, 返中環。

一直以來都唔多歡喜搭地鐵。<可是我的之前兩年,每天返學最少都搭一程地鐵>
其實向有得選擇的情況,我都寧願揀搭巴士<特別係過海>。
點解,有風景睇o掛,無咁悶嘛,同埋搭巴士先有得聽收音機,搭地龍向地底點得呀。
重有呀,搭地鐵 d 人 d 樣都係「冷漠」d 架,唔知你覺唔覺呢？

講到搭巴士,怎能夠不想起"妳",從前每星期最少都同"妳"搭一程巴士,
同"妳"搭車返學/返宿舍又或者搭隧巴過海送"妳"返屋企,最少都一程,當然不只吧！<都未計去街>
從前的我,不會說話所以不會多說,反而喜歡倚著妳睡。
雖然車程只不過是約半句鐘...得我跟妳...我倚著"妳"..."妳"倚著我...小睡片刻。
每每回想起倚著妳睡的時候... ..., 心...便... ...？



>>March 27, 2003 at 2:44:53 PM GMT+8

2003 年 3 月 25 日 星期二 【晴】

好像以經有幾日沒有天晴了,真係好開心能夠見到陽光。
起身見到陽光,果日心情都好d！
都唔知受咩影響,最近的心情跟天氣好似有連系咁。
有時天陰陰的,心情都不大好,直頭出街都唔想都試過。
總之…天氣好，心情好，就香港好；
天氣唔好，心情又唔好，就會令香港唔好，咁我就唔多好。

山長水遠走去葵芳拎獎,都唔知邊條友咁大整蠱,走到去咁遠訂做個獎盃,個腦梗係生向腳眼。
吃過午飯,睇埋"野獸刑警"<睇左好多次都係咁好睇,特別係個結尾>,
搭小巴出中環,過去香港站坐東涌線去荔景再轉車往葵芳站。
葵芳站C出口,行過對面馬路的葵青劇院,後面有條天橋,上到去轉左再轉右,
落左橋打左燈轉左,直行到尾,終於到達目的地---工廠大廈。

是夜,約左家琪同Haley食餐飯,7pm向中環HMV等,隻死肥o野又要遲到。
難得去到中環,去左幫親阿邊個果間「牛記茶室」。
三個人食,四個R,埋單都只係百七蚊。
四個R最不像樣係個腐乳通菜。
「牛記茶室」對面就係阿Rain同林峯拍"別戀"果度。好似阿"三更"黎明都向附近拍的。

頂呀！前幾日買左張1394卡,原來部DV用唔著,家下得物無所用。有無人要,八萬五讓俾您？

>>March 26, 2003 at 3:13:35 AM GMT+8

2003 年 3 月 24 日 星期一 【陰】

因為早前睇見妙玲的日記,發現有這一個日記網頁的存在。
經過一個星期的考慮,我都要玩下咁。
寫日記,始終有點拿苦吃的味兒,死蠢！

今日係一年一度的奧斯卡頒獎禮,
無錢個明珠台竟然無得直播,有無攪錯！
今晚八點先重播番喎,唔知係咪足本呢？
《芝加哥Chicago》
《紐約風雲Gang of New York》
《此時‧此刻The Hour》
邊套得獎多d呢？
今屆影帝影后得主係邊個呢？
最佳影片係唔係《芝加哥Chicago》呢？

>>March 24, 2003 at 1:15:59 PM GMT+8

2003 年 3 月 23 日 星期日 【晴】

旺角>太子>深水�>長沙灣。


第一站...旺角。
同Ceci上SonyEricsson放低部電話去整,佢話部T600有虫要去"杜"喎。
呢間客戶服務中心完全唔似係大品牌的維修中心,堂堂"新力愛立信"......都真係簡約。
放低左部電話跟手去食d野,原先去食吉野家,途經一個粥店... ...很久沒有食腸粉喇。
自從屋企樓下大排檔無左間賣粥賣腸粉的,便很少吃腸粉炸兩了。
從前最喜歡買 "炸兩行街",炸兩包起拎走食, d 豉油有充足時間滲入炸兩的"油炸鬼"入面, 正！
我永遠懷念樓下大排檔阿伯整的炸兩腸粉。

下一站...太子。
Ceci話要上去"新輝"度佩眼鏡,

第三站...深水鶠C
因為想試下用電腦黎做edit,所以要買張1394卡,會順暢d喎。
呢張1394,有平有貴,形形式式,都唔知點揀好。
最後買左張唔係貴又唔平o既,送埋PowerDirector軟件。

尾站...長沙灣。



>>March 27, 2003 at 2:50:14 PM GMT+8

2003 年 3 月 22 日 星期六 【晴】

黃子華棟篤笑"冇炭用"。




黃子華玩「炭」 ？
繼1999年《拾年棟篤笑》之後，
黃子華2003年於3月20日再度埋位，演出《黃子華棟篤笑︰冇炭用》。
子華曾表示這個主題乃源自真人真事，因為他的一位少婦鄰居，
一次在夜深竟然拍門問他有沒有炭，當場嚇了他一呆，還以為她會做傻事，
原來她借炭目的是欲顯廚藝，所以子華有感而發，以「冇炭用」為棟篤笑主題。
子華自創的「港式」棟篤笑的水準依舊好，繼續從「悲情」中搞笑，
說話有有骨之餘，卻不失意義，
他在短短12個回合論盡香港藝能界的是是非非、董特首施政，
以及負家產、破產和自殺等不少社會奇現象等。

香港正處多事之秋，令前晚在新伊館首演《黃子華棟篤笑——冇炭用》的黃子華，
有更多話題可以發揮。整晚演出他講足超過一個半小時，
而當他以董建華為話題之時，獲得最多掌聲與笑聲，
其次則是挖苦謝霆鋒及美伊開戰，縱使話題中未有提及梁錦松，亦說到高官問責制﹔
而稱得上是冷場的話題則是他重提羅文當年露股事件。

在表演中，子華挖苦董建華﹕
「點解香港搞成咁﹖因為有人睇咗本《低B學做特首》，我只是針對本書來講，不是針對人，
我最體諒董建華，其實佢做特首都係老婆叫……
我依家唔敢去澳門賭錢，因為連勢都輸畀人，都唔知過去玩21點定23點好﹖
而且帶幾多錢去玩﹖8萬5﹖一句8萬5就變咗負家產、陀衰家……佢]從來無道歉，
只講8萬5唔再存在就當交代咗，如果曾蔭權有一日講『董建華再唔存在』就好……
不過董建華要連任又唔怪得佢，阿董太依家買樓有四折（樓價跌），再連任就兩折……」

子華順勢提及高官問責制，他說﹕
「問責制之後，佢重有好多得力助手，
不過我想套用劉德華幫政府拍嘅宣傳語句『今時今日咁嘅服務態度係未夠㗎』，
內部好應該睇睇。」他又說﹕「董建華都唔係一無是處，
佢最大作用係香港人有乜問題都怪佢，所以成為港人嘅出氣袋。」

子華在說謝霆鋒時更抵死，他指謝霆鋒人神共憤，
更說﹕「佢妨礙司法公正坐足14日監就當然唔夠，佢拋棄王菲點計﹖暗:唑曭菑S點計﹖
香港講公平，個個話重判謝霆鋒，點解無人話輕判個差人﹖」
同時他亦以羅文作話題，
不過有羅文的歌迷卻表示不欣賞他將羅文的歌聖地位及露股事件再拿來作話題。

>>August 5, 2003 at 5:39:42 PM GMT+8

2003 年 3 月 21 日 星期五 【晴】

今朝早,有NBA西岸大戰：帝王vs湖人。
呢一場直頭係決賽前哨戰,兩隊波之前兩場對撞互有勝負,
今日一戰,勝負將會影響日後決賽時主客場次的分配。
頭一節,帝王拉開左一大段分數,第二節湖人才發力趕上,
接住兩隊就互有領先... ...上年決賽湖人七場四勝殺退帝王,
今年好想帝王可以擊敗湖人... ...呢一仗最後帝王勝出。


晚上，Polyarts Annual Performance 2003.
簡直可以話係撐場,我撐你！
今年的明愛傑出義工得主--娃娃韓國華,有份參與的廣播劇<戀愛向量Vector of Love>。
而阿娃娃的角色係Waiter,即係侍應一名。
廣播劇中的他,開頭係向間意粉屋之類的餐廳侍應,
之後臨尾佢竟然變左係酒Bar的waiter,而佢o既對白係：
「小姐,妳無事呀嘛？飲杯酒嘛,今晚我地d酒特價啊。」
故事入面,對白中提及的小姐<即係女主角吧>,
佢剛受感情打擊,帶住唔多愉快的心情走落酒Bar,
遇到呢個咁o既Waiter推銷特價酒,怎樣可以不為之氣結！！

呢套廣播劇,開幕前司儀就叫我地：「用眼去睇,用心去聽」。
於是,我就...
用眼去睇,睇下現今的大學生,途中有小睡片刻的,有講唔停口的,好彩未有發現有人講緊電話。

今天是Yuki陳凱欣牛一,祝佢下年"生日快樂"！

>>March 26, 2003 at 3:15:12 PM GMT+8

2003 年 3 月 20 日 星期四 【雨】

今天好遲先起身,天陰陰的,原來落緊雨,都幾大雨架。
接住就聽到新聞話美國已經發動戰爭,攻打伊拉克。



今日係我地"家義豚"舉辦的【決戰「性」地】第二擊 之【中學生性教育辯論比賽】複賽。
複賽的辯題係：單一性別學校是有存在價值的。

其實一講到"存在價值"這個課題,我就... ...基本上我認為世上所有的,都有其存在價值！
價值高,價值低......甚至係負,都係一個價值,即係有價值！
有價即係有市,不管市場係大定細,總會有；
就算今日無都唔代表聽日都會無,往往有意料之外的。
不是嘛？


>>May 30, 2003 at 3:53:16 AM GMT+8

2003 年 3 月 19 日 星期三 【晴】

好久之前向ESD個網頁登記左做義工,
跟住過左好久...終於都有o野做喇！
呢個係社會福利署的南區家庭支援網絡隊o既服務：香港仔唐樓關懷探訪。

早上0930向舊大街個公園仔集合(近裕記),
因為睡過濃的關係,咁我就整埋麵包食先出門口,...總算能...準時到達！
一大埋"義工"經已集結起來,有男有女,有老有幼,準備洗樓。
搵林姑娘報到後,佢就同我地呢埋義工簡介一輪,講下點樣做呀,要小心呢樣果樣咁...
原來佢早已經將義工分組,兩個一組,我同個叫"潘慕韞"o既女仔。
住東村,曾就讀培德,現在是POLY,係唔記得佢英文名叫乜,應該係怪怪的。

開始行動,各分組都有分別安排不同的唐樓進行探訪,
而我組就被分派往香港仔舊大街174-6及178號兩橦唐樓,
大概位置就係街頭<假設當時我眾集合的地方為街尾的話>,即係培小那邊。
呢次唐樓探訪在於我o黎講相當失敗,
呢兩座o野,大部份都吉o左<其實可能上班去了>,
而有幾個單位都拒絕回應,話唔定做緊d非法o野,
再唔係就係d醫館呀,"鐵"打呢d單位,就係咁樣情況,
所以唔洗幾耐就玩完呢兩橦唐樓。總算做左幾份問卷,返去公園仔交功課。




>>November 8, 2003 at 2:38:42 PM GMT+8

2003 年 3 月 9 日 星期日 【晴】










>>February 9, 2004 at 6:29:23 PM GMT+8