2006 年 5 月 24 日 星期三 【晴】

旺角
尖沙咀

最近, 無乜事都唔想出街, 特別係過海。
就好像好好地做一個香港人。
(如同九龍人少過海, 甚至唔過海)

去到旺角, 四點幾, 諗住慢慢行下, 點知...
係旺角一個鐘頭, 只走了兩家店, 就買了兩件。


一件五折, 一件六折, 夾埋一百蚊有找。

$78- 原本仲想買埋, 不過都係睇多 d 先。

同媽咪食飯, 去左食"大盛", 早知都係去食意大利餐廳, 搞到我同阿仙都肚痛肚痾。
竟然係處撞見失蹤的Maggie, 佢明明話走左架, 又會.........

問媽咪有無睇"巴士阿叔"條片, 佢話係我日記度睇,
初頭問我有乜意見, 之後佢就越講越勞氣。

或者我可能少搭長途車,
未至於影響嚴重, 亦無預備/計劃要如何處理此等情況, 往往通常隨機應變。

總之, 既然條友咁Q串, 阿叔9M得佢又有道理, 我撐阿叔。

好甜呀~





>>May 26, 2006 at 3:21:55 AM GMT+8

2006 年 5 月 24 日 星期三 【晴】

發單日期： 17/05/2006
通話截數日期： 23/05/2006 19:42:43

視像通話時間 0 分鐘

基本話音通話時間 99 分鐘
網內話音通話時間 93 分鐘
總話音通話時間 192 分鐘

流動數據 0 KB

多媒體圖像/視像內容 (M) 6 單位
文字內容 (T) 186 單位

<人氣: 31047>

>>May 24, 2006 at 3:11:13 PM GMT+8

2006 年 5 月 24 日 星期三 【晴】

【太陽報】近月本港互聯網的討論區上流傳了一段短片，
記錄一位年輕男乘客被另一名中年男子在巴士上以粗口謾罵的過程，
即時引起各界網友的回響及討論，有關片段在短短數星期內被瀏覽超過一百六十三萬次。

事件中「被欺負」男乘客Alvin昨日終於曝光，
他在接受電子傳媒訪問時首次談到自己對事件的感受︰
「呢D人上得山多終遇虎，我毋須幫人教仔！何況佢幾十歲，幾十歲都咁衝動！」

該段名為「×尚義聲線高壓呀叔搭巴士途中問候後生仔」的短片，
記載了Alvin投訴前座一名中年男子講電話時的聲浪太大後，惹來該名中年男子以粗口謾罵。
有關片段引來近八百名網友的回應，最近又被人在片段上增設了中、英文字幕。
中年男子「社會上人人有壓力」、「你有壓力、我都有壓力」及「件事未解決」等說話更成為年輕人的口頭禪，
部分有心的網友更將之編為電話鈴聲供人下載。

Alvin昨接受電台訪問時公開自己的身份，今年二十五歲的Alvin任職售貨員已達六至七年，
對於當時一直被該名中年男子以粗口謾罵，他表示由於已付了車費，故當時堅拒下車，
並謂：「我閱人無數，呢D人一係出手，一係出口，佢講左三句都未郁手，都知佢唔會出手，我咪同佢對峙。」

經過與該男子約十分鐘的擾攘後，他透露，大家後來各自繼續傾電話，但該男子已減低了聲浪。
Alvin又稱，母親亦曾瀏覽有關片段，並認為「阿仔好本事」，
未有因事件而受到身體上的傷害，他坦言「香港講法律，唔係靠拳頭」。
至於有片段指出，警察其後曾上車協助，他昨日澄清發生事件後，從未有警察登上巴士協助。
他又認為，有關片段被放上網，並且成為茶餘飯後的話題，實在是香港人的悲劇。

=================================================================================

今朝903, "晴朗"亦再講番呢單野！



=================================================================================

(轉貼) 根據 「巴士阿叔」一片，回答以下問題:

1. 作者通過兩類人的對話，分別說明什麼道理？(6%) 他們的心態怎樣？(4%)
2. 文中有「你想隻"dup"就隨時……」一句，句中的「dup」包括甚麼含意？(4%)
3.文中有「我好大壓力, 我又想話鏈過……」一句，你認為句中的「鏈」包括甚麼含意？(4%)
4. 作者認為「x人呢就,唔,冇害既,x下x下打你兩鎚咩」. 你是否認同作者的說法? 為什麼? (3%)
5. 爭執時引用粗口有甚麼好處？(1%) 試列舉文中兩句粗口？(1%)
6. 本文用了甚麼修辭手法? 試舉例說明之. (3%)

>>May 24, 2006 at 3:06:29 PM GMT+8

2006 年 5 月 24 日 星期三 【晴】

881商業一台
為人民服務 (主持：何良／何亨)

表妹同我講話"巴士阿叔"有下集"差佬上巴士拉阿叔"。
內容其實主要係得把聲, 呢段下集果位拍友手勢麻麻...... 經過我聽完之後, 相信係唔關事。



聽番琴日(2006.05.23)的"為人民服務",
佢地講番巴士阿叔, 仲搵埋果個被人嘈的年青人訪問~
呢條友, 係咁俾人笑！俾人笑緊都仲要死撐！！
不過又有條女竟然幫佢講說話....... 聽聽啊。

你有壓力、我有壓力。未解決？

巴士事件聽眾各有睇法！

網上男主角現聲直播室！

<人氣: 31023>

>>May 24, 2006 at 2:37:12 AM GMT+8

2006 年 5 月 23 日 星期二 【晴】

無線有套叫《向世界出發》
亞線則整套《從香港出發》

呢兩個台, 無謂比較。

不經不覺, 《向世界出發》已經去到尾聲。
最後三集會係鄭伊健去泰國........親身感受劫後餘生, 分享高低喜樂。


04年尾，一場世紀大海嘯令泰國多個地方變成人間煉獄，
然而災難的背後，伴隨著人性最光輝的一面。
鄭伊健踏足劫後重生的布吉島和蔻立，共渡【患難．情真】。

70年代，泰國的布吉島開始發展遊旅業，為世人增添了渡假天地，亦為當地人帶來可觀收入。
除了遊旅業外，500年來，布吉島民都是靠捕魚為生。
海洋是島民的朋友，但朋友反目，一聲怒吼，天堂淪為地獄。

海嘯後，邦班圖村的漁民艾哈，收入大不如前，只好替人修理船隻，及織魚網幫補家計。
無論捕得的魚獲有多少，他都慷慨地與伙伴分享。
因為有福同享，有難同當，才是朋友。

帝皇島上，幾百磅的大石從海底翻到岸上，海嘯的痕跡隨處可見。
椰子島上，房屋、魚排盡毀。
不過，島民從沒想過離開，沒有怨天尤人，力氣都留在重建家園上。

來自世界各地的義工，留守重災區蔻立，在當地船塢為漁民造新船。
交情原來不在乎深淺，朋友可以相識滿天下。

走訪布吉島和蔻立的日子裡，伊健與漁民首次出海捕魚。
他視誰是同患難的好兄弟？伊健以「精彩」來形容椰子島上的茅屋，是怎麼樣呢？

近日伊健更向好友表示拍無㵟特輯《向世界出發》後開了竅，
更懂得珍惜家人及每一位朋友，故即使他跟GiGi不再有愛，仍視她為朋友。
日前他更在Blog內寫下心聲：
「在這次行程中，令我學懂珍惜！其實我㳜已經生活在很幸福的地方，所以，更希望大家好好善用你的光陰，珍惜身邊的朋友、親人。」
分手不再成陌路，難怪GiGi日前接受訪問時，表示會祝福伊健，想他好。

>>May 25, 2006 at 4:02:27 PM GMT+8

2006 年 5 月 23 日 星期二 【晴】

忽然無聊
自學倉頡



從此發現速成的好處！

>>May 24, 2006 at 2:36:41 AM GMT+8

2006 年 5 月 23 日 星期二 【晴】

選擇
2006-04-28

早前朋友說到一個異想天開的想法。
朋友說香港人只懂廣東話，不利求偶，因為說廣東話的人不多。
如果學會普通話或日文，則有半億以上的人可以選擇。
有些人學了多國語言，他便更可以選擇全球佳麗。所以朋友說要努力學習外語。

不過，有時我覺得香港已是選擇很多，因為人口多。
假若身處歐美鄉郊小鎮，可能全鎮只有幾千人，而有些人未必會遷離自己的鎮。
那些鎮的距離並非沙田和大埔，那可能是香港和福建。

可是，小鎮的人可能互相之間比較易愛上，因為彼此都知道沒有太多其他選擇。
他們也沒有見過其他更吸引的，所以身邊的已是最吸引的了。

反觀那位多國語言的能手，可能還要先煩惱是選日本、法國還是德國的佳麗。

找工作也一樣。如果只有EMBA提供工作，那就不用煩惱，一定是選擇幫EMBA打工了。
可是事實上有很多僱主，越多僱主便越難選擇。

在超級市場，見到有橙汁、蘋果汁、雪梨汁、甘筍汁、甘筍蘋果汁，還要考慮一陣買哪種。
如果只有橙汁，就不用考慮，省回不少時間。

有時，有人以為選擇多是好事，但原來選擇太多是煩惱。這是一個吊詭。

幸而上帝只做了紅黃藍綠橙紫白黑啡灰十隻主色，
如果祂造了一百隻色，眾女士在選衫時及配搭時一定花時更久更煩惱了。


來源 http://www.kwuntung.net/tthp/heart/detail.php?TitleID=1112

>>May 24, 2006 at 2:34:57 AM GMT+8

2006 年 5 月 23 日 星期二 【晴】

關於上個月的今日
Copy from friends

==================================================================================

Sunday, 23 April 2006

今日永遠都唔會忘記…

一早已經約好左大家一齊上Toby屋企打牌，
由於人人都會四、五點先得閒，所以我同Toby去沙灘游水曬太陽，
當我準備好出發之際，佢竟然話見到鴨利洲方向有烏雲，
我o岩o岩先o係街度行左個圈，非常曬 + 非常熱！
難以致信地有烏雲，何況落雨 ?
好啦，唔去就唔去，當時對佢o既決定十分懷疑，連仙姐都因此而同佢嘈。

估唔到我地走o既時候竟然真係落大雨！
起初以為過雲雨，一陣間就無事，但係個天不停地打雷，從來未見過o甘頻密o既行雷聲，
好唔尋常…Toby呢個時候又發揮佢天文台長o既厲害，
佢話有一舊好大o既雨雲o係華富邨一帶上空，所有先會o甘樣，我地上網一check，果然無錯！
由凌晨一點至兩點期間發生左千幾次雲對地閃電，
其中大部分都係由瑪麗到黃竹坑太平山西南一帶，不愧為台長！

天氣實在太恐怖，本來打算留o係Toby屋企過夜，第二朝先走，
反正斯華又唔駛返學，Linda、Miranda返工返晏，我同hei無所謂，
但係死肥婆話要返屋企沖涼，(但係佢屋企停水喎?!)堅持要搭的士走，
既然佢走到，我同斯華都順路，無理由仲留低，結果踏上左激流之旅…

去置富條唔都算順利，只係橫風橫雨，即使水渤不停渤水，
依然都見唔到前面o既路，兩邊車行過o既水彈到車頂o甘高，
佢地仲怪我唔借老細架車，o甘o既環境都唔知點行！
的士司機都係好小心先過到。
肥婆落車之後，行番出薄付林道，就見到前面有一排的士，仲有一個沼澤，
原來前面水深高過車輪，死火！唔係麻???
此路不通點返屋企?好在我靈機一動諗到仲有域多利道，雖然要兜路，總好過返Toby到。
幾經辛苦避開所有山上面滾下o既石頭同瀑布，用左$80的士錢先返到屋企。
斯華點都估唔到第一次去Toby屋企係o甘難忘。

返到屋企先發現當時係黑雨…. 天啊！點解要o個時走?
之後先發現三點之後已經細雨左好多…
唉…肥婆仲話佢見我地執晒野，以為我地想走，佢先拉隊搭的士…無話可說。

==================================================================================



>>May 24, 2006 at 2:32:57 AM GMT+8

2006 年 5 月 23 日 星期二 【晴】

手機落水
四步「營救」法
與「營救」四忌


四步「營救」法：
「營救」第一步：先將手機從水中搶救出來後，以最快的速度拆下電池。

「營救」第二步：把手機SIM卡取出，用力甩淨手機中的水分或是用紙巾吸。

「營救」第三步：
找個吹風機先用冷風吹一兩個小時，再用電風扇吹上一天一夜，再放到通風乾燥處放上一天一夜。
若兩樣都沒用，就直 接放在通風乾燥處陰乾，三天後開機試試。
手頭若有拆機工具，最好將手機拆開，所需的時間可減少一半左右。

「營救」第四步：一般來說，若非泡b水中的時間過長，上述三步就可基本搞定。
若仍不行，可能是主板壞了，就要盡快送到維修站去處 理了。

「營救」四忌：

「營救」第一忌：用吹風機的熱風吹或在太陽下暴曬?熏易導致電路板變形。

「營救」第二忌：不能按關機鍵關機，因為一按關機鍵，手機便通電工作，很可能發生短路，易造成手機主板損壞。

「營救」第三忌：不要頻繁地開機測試。最少等24小時後再裝上電池開機看看情況。

「營救」第四忌：晾乾前不能動手機的任何鍵，防止短路損壞手機。

>>May 23, 2006 at 11:43:08 PM GMT+8

2006 年 5 月 23 日 星期二 【晴】



>>May 23, 2006 at 9:45:36 PM GMT+8