Showhappy.net - Members diary

日記

日記主簡介

<< 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 >>

2004 年 6 月 24 日星期四【晴】

嘩，今日星期五啦！
差一日咋，考埋星期一就考晒架啦！
This mean 我呢個中三生涯快將畫上句點啦！=.= """
唔知今次會考成點呢？哎也，好鬼緊張 tim ....... 哈哈哈哈！

今日放左學，去左賀一賀去啦！梗係 ............. 聽日星期六喎！嘻嘻！
加上得返一科之嘛！中史黎應該無咩難道啦我覺得！right ？
所以聽日仲會去深水 Po 到 tim 啦！=.= """"

哈哈，但係聽日又會帶多隻Ｂ女返屋企啦！
新出的 LL ，真係恭喜晒！嘩哈哈 ........ 又添一新成員！Yeah！
買左返黎，得閒就 post 相相上黎啦！嘻嘻！

我諗聽日都會幾忙啦，做苦力呀！陰公 ........ anyway , 又應該會幾好玩！
矛盾中 ......... 無言！=.= ！！哈哈！發顛？

今晚呀，做包裝 d 野，做了個愚蠢的中國人！
Oh , my God ！我係一個由英國統治香港出世既中國人黎架啦！激鬼死我！
我咁聰明都要做 d 咁野！勁無奈。
但算，我忍，皆因遲下都應該幾好玩。哈哈！^.^

玩咩？暫時秘密黎 ..... 遲下先公開比大家知呀！記住密切留意啦！哈哈！
包有你著數，信不信由你。﹝擺明坤梗人，哈哈 ^.^ "" ﹞

ＰＳ：原來我 diary 咁多人睇架？真係唔講唔知喎！哈哈！
認真估唔到，我咁多人留意 ...... 何必呢？人啊！
我係一個普通人 only , 唔洗對我咁特別喎！同學們！
嘩哈哈！睇黎要慎言啦 ...... ﹝我識架？哈哈﹞
but 查實都無所謂啦！o個 d ？無謂人黎姐！無謂！^.^

>>June 25, 2004 at 6:14:50 PM GMT+8

2004 年 6 月 23 日星期三【酷熱】

很熱，無啦啦覺得好鬼熱，真係無講少架！哎也 ..... =.= ""
今日考左 ChinⅡ同埋 Bio ..... 我覺得兩科都唔太熟。所以都預料唔到會考成點啦！
Anyway , 我都想考得好既 ............ 我 o個班好多人放棄啦！
真係好可惜，平時 o個 d 人 d 成積都 ok 架嘛！點知佢地會咁姐！無奈 .........
當然，都總有１d 自大狂的，邊個？無謂講啦！哈哈哈！

﹝ＰＳ：原來 Bio 真係盧 sir 出喎！但點解上學期係佢，下學期都係佢呢？
中文就肥陳出啦，超咩咩咩囉 .................... 60 %，無言 ................. ﹞

聽日考 mathⅡ同 Phy ....... math 無得溫啦！Phy 應該等陣就去溫！
但我估計都唔多難啦 ....... 我諗 .......... 我希望啦！哈哈哈！
今晚終於有覺好訓，勁感動囉！兩日都訓唔夠六個鐘呀陰公 ...........
個樣都唔知會唔會殘左，未老先衰就真係死得 ............ o個陣真係巧無言啦！
喊都無謂阿 o個陣 ........... =.= "" .......... 其實都幾兇佈。

>>June 24, 2004 at 11:44:47 AM GMT+8

2004 年 6 月 20 日星期日【晴】

大家請將視線望向右手邊 →
見唔見到兩隻被困的蝴蝶，點解係兩隻呢？大家自己諗下啦！哈哈哈！^.^

今日考 math. 同 chem. 又再一次的滑鐵爐之役！
我勁過拿破倫啦！真係唔少野架我，嘩哈哈 ........... 好慘！

尋晚第一次有想撕爛本 chem. 書的衝動，我諗今次都唔會考得好！
哎！浪費晒阿 Tommy 兄既心機，真抱歉啦 ........ 全班第一？後尾數上黎，會易 d ！哎也！
至於 math. 嘛！未又係咁，都唔多想講 lu .......... 都唔覺得會合格。
哎！算啦！節哀順便 ........ 唯有其他科努力啦！

係喎！聽日端午節喎！有咩做呢？哈哈，端午節快樂 ← 好奇怪的一句句子！
過埋聽日，連考三日啦！真陰公 ...... 但考埋呢三日都差唔多完。
得返星期一咋！「革命尚未成功，同志仍需努力」啦！加油呀！同志們呀下 .....

考埋呢個試，就快樂架啦！連玩足兩個半月呀！
真係諗起都想笑，訓左都笑返醒呀！呵呵呵 ← 思覺失調？

>>June 21, 2004 at 7:42:03 AM GMT+8

2004 年 6 月 19 日星期六【晴】

嗯嗯，上次寫到星期三啦！其他野都唔寫住 lu ....... ！哈哈！

今日講埋星期四星期五先啦！

星期四，考試，考 EngⅠ同 EPA 啦！
哎也！EngⅠ就一般啦，無咩話特別難咁，年年都差唔多架啦！
EPA 呀，我溫左咁耐，但我做完份卷我都唔多覺得我今年會高分囉！好慘！
顏 sir 又話好易喎！呃人既！搞到我滑晒鐵爐啦！
人地對呢科仲要幾有自信架嘛 ........ 哎！
搞到返到屋企都唔想再溫書啦。

星期五，考試，考 ChinⅠ同 History 啦！
ChinⅠ，向來都唔難，從不擔心咁啦！
History 都 ok 既！我都知唔太難 ..... 但有 d 我可能真係溫得唔太熟，無得怨。

就係咁，呢兩日考試生活就咁就過左去啦 ........... 真係快！

尋日星期六，好開心，好耐都未試過訓咁耐啦！訓足十二粒鐘。
考試開始，我平均一日得四個鐘到咋，辛苦死我！
尋日好 free 啦！無溫書 tim 呀 ......... 但今日當然大鑊啦！
lunch 落左去羅記食野，租左兩隻 DVD 睇！=.= "" ﹝考試？﹞
呢兩隻就係《鬼 x 》同《 x x 暴族》....... 一套鬼片，一套動作片。
兩套都幾好睇 ......... =.= """

所以到左夜晚，當然連書都未掂過 ........ 哎！
今日星期日，死得啦！無從入手 ........... 等陣一定好忙！
我諗我都要 offline，唔講 lu .................. 拜拜！=.= """""""

>>June 20, 2004 at 4:47:53 AM GMT+8

2004 年 6 月 19 日星期六【晴】

特別的 Table！特別的日子！特別的意義！
相信大家見到呢個 table o個陣！都知道我有 d 野想講架啦！
今次我要講既並唔係 d 唔開心既野！
今次我既主題係：ＦｒｅｅＡ﹏
o個次未講到星期三既，星期三，中三最後一日上課啦！
o個日 Day 7 黎！下午我就無返到學啦！only 返左上午。

頭幾堂，history ...... 大隻佬阿 sir 啦！有 miss lee 同 wong sir 黎睇堂。
中文，miss lee 啦，連堂黎，第二堂落左樓下成堂都無返過黎。
最後打小息鐘都未上到黎，好多人出晒去，最後的「再見」都講唔到。

小息之後，EPA ..... 顏 sir 堂！第二日考 EPA，但顏 sie 竟然係唔知道架！
好無言呀下 ........ 仲要話比我地聽６+ ２ = ４架 ....... 佢話佢個仔教，仲要教得好有道理。
跟住未 music 堂，leung sir 退休啦 ........ 今次真係最最最最後一堂。
以後都無咩機會再見到啦！某個程度上都想退休呢個消息只係江湖傳聞。
話晒，入到黎屯官，第一個識，真係好似係 leung sir ........ 一頭白髮的阿 sir ........
試問仲有邊個阿 sir 夠你 in 丫！我阿媽都識你啦 ..........
Anyway , 呢堂真係 ........ 幾感人下。
仲要唱左好多首歌 tim，差唔多三年 d 歌大多都唱左，Fai 仲講：「咁又三年啦！」...
到左落堂 o個陣，好似戲院散場咁。真係有 d 唔知點咁 .........

係囉！我覺得到左中五，呢一班人當中一定有人會喊架！真係唔知 o個個會唔會係我呢？
定仰或我係走得最開心 o個個呢？未到 o個一刻我真係唔知啦！
係囉，咁又三年啦 ......... 時間過得真係快 lu！
有時諗返起，真係覺得一年快過一年咁。唔通快樂的時光真係特別快？

中一，中二 d 野，仲歷歷在目架 ........ 好似尋日先發生咁啦！
講真，同 free a 班熟 d 真係好似係今年既事黎咋 ........... 之前 o個兩年一般架咋。
上年，同 Zzzoo 姐熟 d ，成日走左過 b 班玩。
再上年，唔多鐘意返學，.自閉？或許啦 ........... 總之無咩好玩咁。

到呢一刻先唔捨得，會唔會還左 d 呢？其實我覺得都會 .......
幾十人同一班三年，真係話多唔多，話少唔少架！雖然有 d 只係做左兩年、一年同學。
但 o係 F . 3 人眼中呢，原來好多班都覺得 a 班好齊心。
事實上唔講住啦！但睇下，又真係幾齊心下 ....... =.= ""
好難得架，o係 F . 3 黎講，我仲覺得我地班幾純下 d 人。呢點肯定啦！

查實都幾慶幸屯官唔會踢人走姐 ....... 如果唔係，可能仲傷感。生離死別？誇張左 d 。
總之點都好啦，有緣坐過 o係同一間班房都算好架啦。
都中四啦！forget 之前的種種爭辯啦！大個仔、大個女 lu ....... 係未？

中一 o個陣，睇呢班 d 關係，有時真係睇得幾清，所以先唔多想加入呢個小圈子到。
到左中三，可以算係加入左 d ﹝d？=.="﹞終於明白 ...... 原來都唔算太討厭。
o個個 o係背後唔鐘意 o個個，o個個又唔 likey 阿邊個 ......... 聽慣左，聽厭左啦！
都無咩所謂啦，過眼雲煙 ........ 聽過就算啦！唔好記住 .......... 有時未扮下聽唔到囉！
中三，關係覆雜。哎！

但都好唔捨得呢一年啦！同小六 o個陣，真係有得比架 ..........
６Ａ同３Ａ ......... 都一樣咁難忘！唔知到中五 o個陣，又係咩班呢？
有機會到中七就仲好啦！係未？^.^ ""

中三相送？﹝原作：十八相送﹞Shine

陪我去過石澳陪我砌過電腦
終於走到路口光榮地過度
感激你全年陪住我遊玩到今早
讓我歡送三甲整個三甲寫進日記簿
即使以後很平凡這一節亦美好
宇宙還未上色戀愛還未著跡
來年你共我或會長得更高
然而這段歲月青春不老
陪我對抗父母陪我暗裡練舞
今天驚覺球衣忽然大半號
該走了願我能共你臨別抱一抱
讓我歡送三甲整個三甲寫進日記簿
即使以後很平凡這一節亦美好
宇宙還未上色戀愛還未著跡
來年你共我或會長得更高
然而這段歲月青春不老
有未曾遇上的都有習慣了的
來年你共我或者長得太高
毋忘細望這絕版的海報

希望每位同學：學業進步，前程似錦啦！^.^

>>June 19, 2004 at 5:49:44 PM GMT+8

2004 年 6 月 18 日星期五【晴】

又好耐無寫，其實今日都唔多想寫 .........
但又驚太耐無掂 ......... 個 showhappy 會 cut 了人家的 diary ...... 咁未大鑊！對？

話說尋晚本小姐，太過得閒啦﹝但又唔寫日記喎 =.= "" ﹞執過塊版版啦！
覺得點呢？哈哈哈 ........ 遲 d 應該又會搞過 ........ 得閒搞一搞！
塊版都靚 d 、順眼 d ....... 今期 color 一樣係粉紅色的，今期至愛嘛！呵呵 .........
公仔 .......... 蝴蝶架！呵 ....... 本來想要 Hello Kitty 架！
但又搵唔到 d 靚靚 Hello Kitty ，咁都無計啦！唯有將就 d 用住先啦！

好，講返之前先，成個星期無寫 ...... 又邊度講起好呢？
星期一啦 ......... 真係要等我諗諗先啦下 ........
umum ....... 唔多記得 d 野 tim ......... only 好似記得 o個日放學去溫書啦咁！
就同左阿 Cat 姐去 M 記，佢又搵左阿小廷幫佢補 math. ，我都係去睇熱鬧既姐 ......
咁去到啦！見到都幾多人架下 ........ 見到 wing 啦、annie 啦、Asu 啦同豆 ......
佢地四個等補習，當然啦 ........ 我有走過去傾左兩句架！哈哈 ^.^

仲有見到阿 Zzzoo 姐同 yuk 啦，佢地兩個溫梗書。
無幾耐就走左 lu ......... 咁我就繼續同佢地溫書啦！﹝睇佢地溫書？？=.= ""﹞

跟住溫溫下，阿 Cat 姐見到佢個 frd 啦！阿黃浩德既 .........
跟住就好重色輕友咁，請阿小廷同阿黃浩德食野啦！
我呢 d frd ﹝？﹞就彈埋一二邊架下 =.= "" 咁佢地就食野啦，雖然我都無咩興趣架下 ..........

跟住食食下，又見到阿魚蛋﹝其實我唔多知佢全名﹞同 M 康﹝呢個我知全名，但唔多熟﹞
跟住佢地又一齊溫書啦！然後呢，阿 Cat 姐同佢地 ........ 嘩 .........
又有「親熱動作」啦、「打情罵悄」，哈哈 ....... 兒童不宜 lu！

跟住呢，阿 Zzzoo 姐又回來 ..... 咁我地就行開左去行左陣街街啦！
點點五點幾，佢就話要返屋企 lu ....... 我真係慘！
then 我未返 M 記搵 Cat 姐，等埋佢返屋企 ..........
點知，等呀，等呀 ........ 等到成七點幾先返屋企 ....... 臨走前佢仲要撞到佢 d frd ...
好明顯又傾左好幾句啦佢地 ........
最終都好，八點到掛，平安回到家中啦！哈哈！

嗯，到星期二，今日真係唔太記得做過 d 咩野 .......
如果我無記錯啦，好似話左學就各自回家搵書啦！如果我無記錯 ..........

星期三，呢日正啦！超鐘意！但又超可惜！哎也！
想知詳情，下次 diary 再講 .......... ^.^

>>June 19, 2004 at 12:40:46 PM GMT+8

2004 年 6 月 9 日星期三【晴】

嘩！又 n 咁多日無寫日記啦！....... 嗯嗯！
最近真係無咩心情，巧 down 囉 ............. 都唔知點解。
好想講出黎 ........ 但又唔想講出黎，好矛盾呀 .......... 有時真係 ......... 唔知點好。哎！

好多好多好多野想講出黎呀 .............. 但又唔知 o係邊講起先好喎！你話點算丫？
今日真係杰 ........... 今日真係慘 .......... 今日真係好玩 ............... 今日都唔知痴咩線。
Anyway , 我 o個 Form d 人進步左喎 ...... 終於會同我講：「唔好！」啦！哈哈哈！
是喜是悲呢？但最尾我竟然比人反將一軍tim ..... 今日的大敗。好慘。
呢 d 叫做衰收尾 tim ................ 真係「自愧不如」啦！原來係咁 ............ 唔怪得知，哈哈！
我真係學十世都學唔到啦，呢 d 野 ............ =.= "" ............ 應該無奈吧？

詳情介乎想講與唔想講間，比 d 時間我考慮下 ........... 講唔講啦！

>>June 10, 2004 at 2:12:31 PM GMT+8

2004 年 6 月 3 日星期四【晴】

哎也，上次寫到 ........ 星期一啦！

咁星期一啦！係 drama 比賽啦 ......... 咁我同楚姐就 o係放學去到 Geog. Rm. 啦！
今日得三組，有我啦、Zzzoo 姐啦同阿 Asu o個組！
咁小星星當然好叻仔啦 ........ 演得好好！好勁咁啦 ...... 嘻嘻！^.^

咁跟住呢，我同 Zzzoo 姐又唔知痴左邊條線啦！
竟然 ...... 去左 library 到搵 d 劇本喎！哈哈哈 ........... 搵到《羅密歐與朱麗葉》哈哈！
好難演，但如果真係演又真係幾好玩架喎！你地覺唔覺得丫？
跟住白白痴痴咁又過左今日啦！

到左星期二 lu ......... 今日係孫希文姐生日既呢！
又有人生日，哈哈，無錯 ....... 成日都有人生日呀呢排 ...... 嘻嘻！

話說 lunch o個陣我地去左食 pizza 慶祝啦 .......... ↓

跟住係牛一女與我們，四朵花花乎？哈哈！^.^ ↓

話咁快個 lunch 又食完，哈哈哈！

返到去上堂啦！唔係好記得上左咩堂 lu！
最記得係 o係到狂影相囉 ...... 嘻嘻！但唔知點解我同前面 o個個 d 相唔知去晒邊，算啦！哈！

Then , 放學。本來諗住跟佢地去陪文慶祝 ........ 但最尾都留左 o係學校睇 drama ...... 嘻嘻！
今日又有兩組啦，嘩！有組個劇，長到阿媽都唔認得啦！
睇到我丫，但又真係幾好笑既。哈哈哈 .... ^.^
最尾 o個組啦，嘩，有係自創架 o番！哈哈 ................ ！！
始終覺得我地 o個個劇本好 d ，呵呵！真係好！

到最後，仲講埋邊組得獎 tim ........ 我地 o個組無份但係 ......... =.= ""
小星星做得咁好，但點解 .............. 咁多拿唔到個獎架！咩陳 sir 咁架！哎也！我算 .......

到星期三啦！
今日有 PE 堂，但超唔想上，所以就無帶衫返學 .............. 跟住未咁咁咁。
咁咁咁，哈哈 .......... ！^.^ ""
到左小息之後 o個兩堂，好似有 History ，訓得好鬼舒服咁啦！但就愈訓愈凍啦！
咁我著返左件長袖冷衫，到左 lunch 之前，又覺得出去會好熱喎！
之後未又除左去 ....... 但又覺得有少少凍喎！
跟住訓到傻下傻下咁，前面 o個個遞左件背心冷衫黎，之後就著左去食 lunch lu ！哈哈！
放學之後，就好早就返左屋企。

星期四 ........ 尋日 Day 5 ......
上堂 o個陣勁白痴 ........ 本來我唔知邊堂訓得好地地，跟住我前面 o個個唔知做左 d 咩動作。
搞到成班「嘩 ..... 」「嘩 ...... 」「嘩 ........... 」就係咁，嚇鬼醒左啦！﹝又訓左？係 =.= ""﹞
一開眼一個二個大叫咩野「頭先陸 xx 嘴你呀 ..... 」嘩，咩咁鬼白痴既 ..............
慶幸「嘩 ...... 」左一陣，就比我平息左啦！嘩哈哈哈 .............

跟住唔知邊堂又同前面 o個個玩猜情尋啦 ......... 猜贏左可以打輸左 o個個一下啦！
﹝係時候講下，我既玩法啦，哈哈，我既玩法，本來贏就當輸，輸就當贏，哈哈 ^.^ ﹞
我贏左佢超多囉，打左佢十幾下之後﹝當然唔大力啦﹞佢先贏得 o個一盤，未比佢打返一下。
跟住又猜過，又贏佢十幾盤啦！又打佢十幾下 .... 之後佢又係先贏得一盤，今次大力左少少。
再玩啦，又又又贏左十幾盤，又打。佢又先贏得一盤。
之後 ........ 呢下勁啦！痛到我丫 ................... 扒左落張﹝木台﹞成五分鐘呀！>.<
then？then 未唔同佢玩囉！

放學，去左女童軍到整 cookie ，整左 n 咁耐，又話焗 15 mins 點知最後要焗成 25 mins ... =.=
搞掂左，去搵返 Zzzoo 啦！點知佢去左市中心到 ......... 咪 call 返佢返黎。
咁等梗佢 o個陣，落左去啦！就見到美呀、chung 呀、輝呀、文呀、珊呀佢地咁啦 ......
去八下先，跟住 d cookie 就比佢地食晒咁滯 lu ...... 好彩我都有留返一件比返 Zzzoo 姐，哈！
個個都話好食，超有成功感！嘻嘻 ....... ^.^

佢地做梗咩呢？佢地同阿 chem sir 溫梗 chem 喎！0_0
幾難得呀 ......... 係未？哈哈 ........... 但最後溫 chem 變吹水，超搞笑，笑死我！
o係到講左好多靈異野，原來阿 chem sir 撞過鬼架！喎喎 ...... 0_0
都係唔好講嘛，夜啦！哈哈，費時嚇親各位啦！對嗎？^.^

至放今日嘛，六四！又唔想打著，下次先啦！哈哈哈 ..... ^.^ ""

>>June 4, 2004 at 1:47:45 PM GMT+8

2004 年 6 月 1 日星期二【晴】

嘩，我竟然咁多日無寫啦！等我數數手指先 ......
umum ...... 由上個星期五講起好無呢？你話 ....... 一於咁啦！
上個星期五２８ / ５。咁個日屯官就放假啦 ....... 放咩假？好似話係咩野學校特別假，唔太清楚。
咁朝早，當然啦 ...... 返左去練 drama 呀！同楚姐 and 小星星，仲有個珊。
咁就好早 o係 M 記等啦！點知我行到去柏麗 o個陣，原本好光既天空，無啦啦黑晒喎！
「咋 .... ！」一聲，落到鬼死大雨，搞到我行唔到啦！陰公呀 ............

跟住唔知點樣，終於去到 M 記，遲過楚姐少少咁啦！
點知小星星仲未到，咁唯有等埋佢啦！
等到佢黎，我地就返左去屯官練啦！見天氣又焗又熱，所以未諗住用課室，開冷氣練。
點知比個校工撞到正，咁未無得用課室囉！仲洗問 =.= "
點知又錯有錯著，跟住個校工﹝唔知癡左邊條線啦！﹞竟然比我地用 Hall 喎！
哈哈哈 .......... 叫唔叫益左我地呢？

入到去，就狂玩啦！仲有邊個練？=.= """
又玩琴又玩鼓 ....... 好似好忙咁。跟住好似都係練左三、四次到。
就無咩練到啦，又掛住玩 ...... 跟本都無咩排到。

到到唔知幾點啦，就走人 lu ......... 珊閃一閃就走左。
楚姐就約左咩野，佢阿媽個 frd 個女，黎左屯門 ........ 據聞住九龍塘的！唔知有無記錯 ......
咁我同小星星未行過去屯門市中心囉！
跟住佢又話想睇咩野《 The Day After Tomorrow 》，咁岩 Zzzoo 姐又話想去睇！
跟住我未打電話比 Zzzoo 姐，叫埋佢出黎同小星星睇啦！

然後，我就去搵 Zzzoo 姐，但小星星又唔肯同我一齊喎！話要自己去食 lunch ....
咁我都無謂勉強啦！跟住佢就自己走左，叫我等陣 call 佢啦！

過左又唔知 n 咁耐，咁我終於到左戲院門口啦！見到 xxx 同佢 F . 1 o個條女友啦！=.= ""
咁都無咩特別，then ...... 我同 Zzzoo 仲去埋百佳買野食同買野飲。
阿小星星就買爆谷啦！開場啦，我地未入場睇囉！=.= ""

我個人覺得呢套野都 ok 好睇呀，唔錯丫！
都幾緊張架 ....... 但個十七歲的兒子，靚仔？一般啦！哈哈！
Anyway , 都值得一睇既。

好啦！到星期六啦！去一去相先！哈哈！
我們的大合照↓ .......... 相片來源：wing 姐。

覺得點呢？係未好多人呢？哈哈 ........
成廿個人，梗係多啦！唔少野架 ...... 有好多人都未影到入鏡 tim 啦！好似。
但呢幅都矇矇地，或者遲 d post 多幾張上黎啦！

星期六，朝早返左學校呆 ........ 見到 Zzzoo 姐同陳素瑩姐姐好努力練梗 drama .......
其實我返去的目的，係要幫美接份禮物走既 ....... 哈哈！

無錯，o個日就係阿黃錦珊，阿珊姐的生日啦！真係生日快樂。
咁我要幫手接的 o個件「大禮」呢！係小飛俠黎，識郁 o個隻呢 ...... 好大隻 o個隻呀！

接完份禮，o係學校呆左半日，到下午 ..... 同 Zzzoo 姐行左陣街街。
買左條超耐之前想買的褲 ......... $ 80 幾蚊 ...... 仲買左對人字拖，諗住去沙灘玩。
好靚，Hello Kitty 黎 ....... 點知去左一次，對拖就要報銷。真慘慘！
好靚的說，可惜唷！

三點到啦，好似 ........ 我同 Zzzoo 返左去我屋企 ........
去到我屋企樓下 o個陣見到 kiu 同彤 ...... 咁就順便交返份禮物比佢地啦！
功成身退，夜 d 先出現去玩。

我同 Zzzoo 上到我屋企，我 d 屋企人仲未走，佢地話要去睇「中指」架嘛！
應該差唔多架啦 ......... o個左陣，就走左啦！
佢地未走前，我地就入左房，玩電腦 ........ 玩個論壇！哈哈哈！

佢地走左之後，我就不停咁試衫衫啦！好忙呀 ....... 哈哈哈！
試左 n 咁耐之後，阿 Zzzoo 姐又突然話要走喎！
但我話等埋阿 wing 一齊去沙灘架啦！如果宜家走左，未等唔到啦 ....... =.= ""
但無奈留唔到 Zzzoo，唯有同佢一齊出門啦 ..........

去答 K51 啦！阿 Zzzoo 姐落左車之後，阿 wing 就打電話比我啦！
點知我去梗 .......... =.= "" ......... 爆無奈的說。
咁宜家只好自己入黎咖啡灣啦 ........ 都無辦法。

去到，咦 ........ 得幾丁友？我眼花？無，無睇錯。
原來 d 人落晒沙灘玩姐 .... 淨返幾個人 o係到睇野。
我去到之後，佢地話出去三聖買多 d 野食返黎，叫我睇住 d 野 ........ 咁我話左好啦！

跟住珊就講：「我建議你留低好 d ，落到沙灘你一定會濕晒！哈哈哈 ..... 」
當然，所以我好樂意留低啦！
點知 ............................ 陸啟鋒無啦啦出現架下 .......... =.= ""
捉住我隻手強拉左我落沙灘，推左我落水。=.= """
呢個仇呀，有機會我一定會報呀！﹝哈哈哈哈，記住啦！講笑姐！﹞
we 嘩鬼叫既聲，就一定有啦！
去到沙灘到，仲比謝廣峰推多野，跌左落去 ....... 嘩！o個刻幾鬼想鬧人。
跟住返返去ＢＢＱ爐附近啦 ........ 見到隻腳紅晒啦！真係 ........ 有無搞錯。

大伙兒一起返返入去啦，諗住開爐又燒野食 .........
個陸啟鋒 .... ﹝要諗返個簡稱先，umum ........ Fung 算啦！哈哈﹞o係到狂食 .....
羅億燊煲煙，仲要係青 apple 味 ...... =.= ""
區偉濤 d 笑聲，勁爆笑，聽到都想笑，嘩哈哈！13 秒？幾時破記錄呢？
跟住好多人、好多人、好多人 ...... 做梗好多野咁啦！

到到夜晚，我好記得架下 ........ 個死仔 Fung 差我支雪條呀！又扮晒野唔記得啦！=.=

跟住行左出沙灘，玩【國王遊戲】.............. 超無奈囉！
連中三元，頭三鋪都有我份 ...................... =.= """"""""" 真係唔好彩！

第一鋪：扮動物叫 ..... 不幸者‧我同鋒 ...... ﹝勁白痴！=.= 但都好彩咁簡單，隱約聽到 69，好彩無姐﹞
第二鋪：貼「律」 ...... 不幸者‧我同康 ...... ﹝好鬼死高難度！﹞
第三鋪：拖手仔 .......... 不幸者‧我同鋒 ...... ﹝最後，答埋膊頭！=.= """﹞

好唔好彩，好鬼黑仔，第四鋪仲講左句：「仲係我，我唔玩架！」哈哈哈！咁 .....
但都有幾鋪幾好玩既，有 d 深刻 d 啦 ............ 嘻嘻！^.^ ""

尤其係羅億燊同賴健昭互嘴，超嘔心 ......... 勁多人大叫。
其中聽到比較清楚的有阿 wing 同輝架下。哈哈 .......

仲有彤同美撞胸 ......... 勁搞笑呀佢地！哈哈哈 ..........
and，還有康抱起了 wing ........ 嘻嘻嘻！
跟住 o個 d 唔多記得 lu ........... ^.^ ""

仲有，玩左 d 咩野呢？
有數字球呀，鋒同賴 xx 成日輸，狂比人打！﹝最慘係小飛俠﹞
仲有 ....... 互揹鬥跑咁！最後都唔知邊隊輸、邊隊贏啦！=.= ""

十點幾，收到「鬼來電」嘩呀 ....... 彤收到個唔知咩野電話啦！
話咩野：「喂，鐘小姐，唔該搵李振業先生。」幾咁兇佈。
李振業仲要話，唔知 o個個咩野電話喎 .......... =.= ""

呢個時候，好多人都要走 lu .......... 文啦、鋒啦、銘啦 ....... 等等等等。
好在個死人鋒都叫返有 d 良心姐 ...... 自己換晒衫，準備走。
最後，都有留返套 o係到 tim 啦！算唔錯啦 ...... 哈哈！我原諒佢之前扯我落水。哈哈！

換完套衫，一齊就去左食糖水 ........ 去左「糖不甩」到 ............ 勁多人！
去到之後，kiu 啦、美啦同欣啦 ....... 都要走。﹝又走多三件 ... =.= ﹞
跟住我地叫左兩個大份的糖水，一齊食啦！

食完之後，都十二點啦！
then .... 原本諗住去賴 xx 屋企玩通宵 ...... 但無奈好多人都唔去得，唯有歸家去。哈哈！
by taxi ....... 回家去 lu！嘻嘻！^.^
返到去 ... 十二點零七分。

呢一日，星期六，就咁完左啦！哈哈！

星期日，晨早流流，sun 已經打電話黎。
第一次，我無聽到，因為我仲訓梗。
第二次，我聽到，準備聽 o個陣，又收左線啦！=.= ""

過左陣，打返比佢，話去賴 xx 同打麻雀，好，ok ........ 咁就去啦！
去到玩，又 x 牌同麻雀 ..... Yeah！大鑊全勝 sun 啦！！呵呵呵 .........
真係好鬼高興 ....... 但都無咩難道。嘿嘿 ............

啊也！我打到好累啦！唔想打住啦！拜拜 lu ............. ^.^

>>June 2, 2004 at 12:01:07 PM GMT+8

2004 年 5 月 21 日星期五【晴】

星期六啦，真係好鬼死忙呀！
朝早七點半就起左身啦 .......... 跟住就去左食早餐啦！同我阿媽 and 細佬。
食完早餐之後，我媽要返工，跟住我就帶左我細佬返屋企先。

然後，我就返左學校 lu！皆因約左阿楚姐九點鐘嘛！
點知返到學校 ........ 最早係我 =.= "" 真係好鬼死無奈架姐 .........
之後，我見到呂幗啦，佢就約左許嘉芷姐姐 ..... 同陳佩汶啦 ......... 嗲左幾句計咁啦！
跟住成九點三定四個字，先見到楚姐出現，哎！遲到大王 ....... 嘿嘿！
雖然 d F . 2 都唔多準時，但點知楚姐仲遲 ............... 哈哈哈哈！
then , 未開始練啦，練練練 .......... 就咁練啦！阿震星小弟弟又無黎喎！無左男主角 ......
所以好快就練完啦！﹝無主角，套戲點演？﹞

之後，好無聊咁同楚姐、嘉芷、呂幗佢地玩岩岩學返黎 o個 d game 啦！
哈哈，差唔多個個都重晒招喎 ........ 難得、難得 ............. 哈哈哈！
但重招的，當然唔止佢兩個啦！嘻嘻，仲有邊個？費時講啦！哈哈哈 ^.^

到左下午啦，約左 Zzzoo 姐，咁我地就一齊去旺角行街街啦！
但點知一去到旺角，Zzzoo 姐第一件事去做的竟然係 ......... 去搵野食。=.= ""
哈哈，搞笑。最尾，我地就去左「 x 萬」八樓間餐廳到食野。都幾好食呀 ........ 哈哈！

食完野之後，又去左影貼紙相相啦！兩個人影，好耐無試過啦.........
就係有幾幅啦，下面 o個 d 係其中一 d 啦！........... ↓

post 住兩幅就算啦 ........ 哈哈哈 ................

影完貼紙相，就去左潮流特區買左個袋袋，粉紅色的唷！哈哈哈！
今期我又喜愛返粉紅色啦，撞色啦！大劑！哎也！真係慘慘啦！

and then 未係返屯門囉，個袋咁鬼死重，唔通仲行咩？
返到屯門，仲買多左件衫衫，又係粉紅色架！真係好鬼死正仔架啦！
哈哈，在緣的話，你就會見到我著架啦！但你我有緣先再算吧啦 ........... ^.^

好啦！到左夜晚 lu ........ 「生日快樂，李文輝啦！」
無錯，今日就係個白痴仔生日啦，哈哈哈，生日快樂、生日快樂啦！嘻嘻 .....
咁我地就係去左食 pizza 啦！都有差唔多成十個人架 ......... 幾多人咁啦！

食完野，都係去左影貼紙相，例牌野黎 ...... 下面係其中一章啦 ↓

實在真係太多人啦，都影得唔係好靚靚咋 .......... 我覺得！
仲有呀，影得超辛苦 ......... 但是但啦！有幾可丫？係未？哈哈 .......
十六歲啦，唔好仲咁白痴 lu ........ 知無？嘻嘻 ^.^

返到屋企，我又唔知痴左邊條線啦！
我搵野貼到我部電話變成咁 ↓ ^.^ ""

連 d 制都貼晒啦！哈哈哈 ........ 係未好搞笑呢？但我又覺得幾Ｑ下喎！哈哈哈！

>>May 23, 2004 at 9:17:47 AM GMT+8