2004 年 7 月 11 日 星期日 【晴】

又好耐無寫啦！宜家要快 d 補寫返先。

星期五 o個日啦！最後一日返學啦！我唔得之前有無寫過呢日呀 ........
咁放左學之後未返左屋企啦！係未好乖呢？哈哈 .... ！！^.^
返到屋企睇左隻 DVD 啦！《 Catch that kids 》唔知大家有無聽過呢？
都 ok 好睇架 ....... 有機會睇下都無咩所謂。我最鐘意睇童星架嘛！呵呵呵！

到左四點幾到啦！有人竟然打比我話 d 人唔去打邊爐喎！激鬼死我啦！
Anyway , 最後我地都有打既，少人左 d d ﹝都唔知 d d 架啦其實 .... =.= ﹞咁姐 ....
到十點到，我又返到屋企 lu 。係未好準時呢？呵呵！

呢日我爸媽都唔 o係屋企啦！兩個都去鬼左澳門 ..... 真係曳曳。
咁全屋得返我同我家姐啦！其他野都無咩特別呀咁。

到左星期六 lu ..... 星期六我唔多記得我有去到邊 tim 。
我 only 記得呢日電視有《 Harry Potter Ⅰ》做咋。勁好睇囉 .......
雖然我之前睇過 n 次囉！呵呵 .......... 叻呀！o個日勁多人睇，咁至岩架嘛！Good！
阿咩咩呀 ...... 你咁都睇唔明第一集架！=.= ""
我唔理啦，你快 d 租埋第二集返去睇，快 d 同我去睇第三集呀！ok ？哈哈！
睇完記得 call 我啦！﹝或許我都會 call 你，多數都係我 call 架啦 =.= "" ﹞

星期日，即係 ........ 尋日？等我諗下我做左 d 咩先。
Umum .... 我諗到啦！尋日去左旺角中心新之城 o個間 Neway 唱 K 啦！
好多人呀，有成十五個人！都幾熱鬧呀！
阿 Zzzoo 姐都跟埋黎。=.= """ ........ 場面好鬼搞笑。
但點知阿 Zzzoo 姐要早走，所以我又要陪佢啦！

返到黎屯門，我又要去搵我阿姨喎 ...... o個陣好似六點幾七點到啦！
我媽打黎鬧我話我咁夜都唔返屋企啦！跟住我未話要去搵我阿姨。
去到屯門市中心，本來都好鬼平安。
點知比兩個咩野 x x Yeah 既 sell 載住左我地。勁 ........ 咩囉！
兩個一左一右，搞到我同 Zoo 都走唔到 ......
又搞我條手鏈又搞佢部 mp3 又搞我地 d 頭髮 ...... =.= """"
仲好似錄音機咁不停播帶。搞到最尾我地都要左一張卡。

同上次一模一樣啦！同我上次 o係旺角比人載住申請 PlayEasy 一樣。哎也！
但 Zoo 今次極力強調上次 PlayEasy o個 d 男，靚仔 d 架！
仲話呢個 x x Yeah！o個個係粉紅色怪物 ........... =.= "" ﹝人地著粉紅色有得罪佢既？﹞
就係因為佢著粉紅色，我即刻原諒佢架！呵呵呵！
本來我都覺得佢幾煩呀，但因為 zoo 勁討厭人著粉紅色，所以我就剛好相反架下。
事情經過就係咁上下啦！都無咩特別 lu ......... ！

至於今日嘛！星期一啦！
本來話去 zoo 屋企睇碟啦！點知我一起身唔多想郁，所以最尾都無去到。
跟住兩條友各自在家中睡覺。=.= """" 所以我宜家好精神架啦！
Plan 下聽日有咩做先。完。

>>July 12, 2004 at 3:18:03 PM GMT+8

2004 年 7 月 9 日 星期五 【晴】

嗯，大家知唔知呢？
知 d 咩野？哈哈哈 ........ 你唔係唔知呀嘛！咪玩啦 .......... 咁都會唔知！
我呀，入左４Ｂ啦！請大家祝福我啦！
純文科呀 .... 好多新同學。
我阿媽尋日問我：「呢班咁，轉班好無？」好似想我轉４Ａ咁！
好矛盾呀 ............ d 科我真係幾鐘意架！
d 人到下年唔知會唔會 frd 呢！有時真係幾驚，會唔會 .... 唔係幾好！
Anyway , 有人講得幾岩架，人要往前看架嘛！
邊可以因為自己驚而去退縮呢？係未？要支持我呀 .......
如果唔係，其實我無咩信心過到呢兩年。

嗯，算啦！唔講呢 d 住 lu ........... 因為講，都唔知邊度開始講起好啦！
講第２Ｄ啦 ....... 係喎！有人話睇唔到呢兩幅相喎！點解架？n 咁耐前貼過啦！
仲有話咩好多幅都睇唔到？點解會咁架？莫非呢個網咁 ......... cheap 架！咦！=.= ""
等我 testing 下先，再貼過，睇下咁多位睇唔睇到先？


﹝前左一﹞咪再問我啦！

﹝前右一﹞咪再搞錯呀！

>>July 10, 2004 at 9:41:10 AM GMT+8

2004 年 7 月 6 日 星期二 【晴】

oh！my god！........ 定應該講 ......... oh！i think so sorry！
咁上下啦 ....... 今日我又放阿 a 兄飛機啦！真係十分抱歉啦 ......... ！
我都唔想架，你咪怪我啦！哎也也 ..........

尋日 drama 比賽，blue house 輸左啦！慘慘呀下 ...... ！無奈啦！
比賽完，跟住傾計，都傾左好耐下，係未好無聊呢？都幾架，傾足三年既野呀！
本來有 + paper、dicky、joey、maggie、tinping、我 ... 仲有個唔知叫咩名﹝=.= "﹞既人傾啦！
之後，+ paper 就走左 lu ，得返我地六個。
跟住六點幾先返屋企啦！就係咁啦！今日都無咩特別！
又無影相相喎 ......... 哎！算吧啦！搵日再影過啦！哈哈哈 ^.^ ""

今日填左選科表啦！唔知入咩班呢？哎！巧緊張！
都唔知入邊班好喎 ....... 應該班班都幾好玩既我諗！嘿嘿 ....... 睇下分左出黎點先算啦！

ＰＳ‧宜家唔知做咩，個情粹唔多控制得住，因為？因為咩呢？
點解睇完 o個幅野，我會咁呢？

>>July 8, 2004 at 3:51:04 PM GMT+8

2004 年 7 月 5 日 星期一 【晴】

最近都好少隔左咁耐先寫日記啦！﹝都唔知咩叫日記？=.= "" ﹞
上次好次寫到７１啦！o個日大家有無去遊行呢？本小姐就無啦！
熱到阿媽都唔認得，仲去？ｄ人都痴線架！
何況 ....... 我幾滿意董伯伯，所以不用去叫他下台啦！哈哈哈！^.^ ""

Anyway , 講返正題先呀。
７２ ～ ７４ 就唔 o係香港啦！咩話又死左去邊？都叫鬼左你地咪問啦！哈哈！
暫時黎講都唔會公布住，密謀梗 d 野啦！嘻嘻！
７２ 好曳曳啦 ....... 請假唔返學！哎也也！你咪以為我好好呀！
就因為呢日請左假呀！搞到我無得對中文同 Phy 啦！
搞到我今日都未知個分呀！真係好鬼慘過囉 .......... =.= "" 無奈呀下。

好啦！到７５ lu ........ 呢日係星期一啦！
好似要返學，咦 ...... 未即係尋日囉 ........... 咁都會唔記得。=.= """"
咁呢日返到去，話就話都係對卷啦！但都對鬼晒啦！
搞到好得閒 ............ o個兩堂 PE 堂好無聊咁睇 d n 年前既 VCD ........ 真係悶鬼死我啦！
其他野都唔多記得啦！only 記埋呢日好多好同班同學一齊影相相啦！
可惜我無帶相機啦呢日，哈哈 ...... ^.^ "" 好多平時少傾計既女仔都有一齊影。
當然，坐我前面個衰仔去左旅行，足足三日無返 ........ =.= "" 仲衰過我 .......

終於又講到今日啦！
今日，係第一日試外活動啦！係喎！我有無提過我入左 a team 呢？哈！
今日就去左幫手啦 .......... 都幾忙咁！但又都幾好玩咁喎！哈哈 ...... 矛盾呀下。
仲有啦，今日有 red and yellow house 既 inter - house drama compitition 啦！
又要幫手 ........... 好忙好忙好忙，忙到爆啦！哎也！咪再提 lu .........

放左學之後啦！仲有幫 blue house 採排啦！超勁爆混亂呀 ........... =.=
我驚聽日搞到 blue house 輸 tim ........ d a team 真係咁衰？咁幫唔到手？
點解好似連天平姐姐都咁講？哎也也，a team 爭氣吧 ............
聽日 blue house ，我同楚姐負責 spot light 啦，應該 ............. 我諗，哈哈！
希望藍社勝利而回吧 .............. 笑！^.^ ""

>>July 6, 2004 at 11:46:55 AM GMT+8

2004 年 6 月 30 日 星期三 【晴】

嘩，今日啦！７１呀 ..... 各位有無去遊行呢？哈哈哈！^.^
今日好似有 ......... 人生日 o番！Anyway , 生日快樂！
大個仔啦，咪成日都咁 ...... 咁 ........... 咁孩子氣啦！﹝諗左好耐都諗唔到用咩詞，哈哈﹞

今日呢，晨早起左身架啦 ..........
約左揚揚、雲零、Zzzoo 姐去唱 Kkkkk 啦！哈哈 ........ 好玩！
佢地兩個似黎「聽」我同 Zzzoo 唱歌多 d ！=.= "" 怪人！
唱到唔記得幾點啦！咁雲零要走，去開會喎！《 高級高層人士會議 》.........
咁無聊嘛！我地兩個《 中級高層人士 》同揚揚 o個 d 《 低級高層人士 》 ......
咪一齊去開會啦！嘩哈哈哈！去左踩場場啦！好熱鬧 o番！嘻嘻！^.^

去到好似多左四、五個人啦！好多人 0_0 ！
傾傾傾，都傾左幾耐 ........... 好搞笑囉覺得佢地傾得！哈哈！
好玩、好玩！下次再踩過場 ........ 哈哈哈！﹝會唔會激死雲零？^.^ ""﹞
但唔洗理佢啦！﹝咁都唔洗理？哈哈﹞總之下次都去玩過！Yeah！

係啦！差 d 唔記得 ......... 講 tim ！今日成身新 look 出街街！
超文族呀！可惜無影相相啦！如果唔係咪可以貼上黎囉！可惜、可惜呀！>.< "
我好鐘意架啦！好彩尋日無買 o個件背心姐！﹝尋日的理由是有施奶著過 ..... =.= ""﹞
如果唔係，今日會同 Zzzoo 撞衫衫囉！但好彩 ...... 我成身 look 都好紫架！嘩哈哈！

仲有咩野講呢？哈哈！
嗯，我又會消失幾日啦！點解？唔話比你聽 ........... 住！嘻嘻！^.^
聽日應該會連學都唔返啦！請左假 lu ........ 嘿嘿！﹝miss chan 等陣送過小過比我，真係檸樂啦！﹞
好，星期日再見 ................. ^.^ "" 拜拜啦！呵呵呵 .........

>>July 1, 2004 at 5:24:57 PM GMT+8

2004 年 6 月 29 日 星期二 【晴】

嘩，今日星期三返學啦 ......... 嘩嘩嘩！
今日派左 n 咁多份卷卷唷！真係 ......... 唔知點啦！哈哈 ......... ^.^ ""
咁話說今日返到去 ....... 上堂啦！好鬼多 miss 阿 sir 掉晒堂 ... 亂７８糟啦！

首先派呢 .......
Geog：５９分 ........ 哎，本來仲諗住高分 d 架！=.= ""
Chem：呢獲真係好鬼勁 ....... 得 o個１９分！=.= """ Tommy 會斬死我 ..........
Bio：５２分，本小姐最鐘意的科目都咁差 ..... 真係死得啦！哎也也！
Eng：７７分，listening ..... ２６分 .... 不過不失。
中史：７２ ........ 哎，同林的徽 and 羅億燊同分啦 ........ 仲諗住高過佢地。

都都無奈，好鬼多科比阿陸生過我頭囉 .............. 無天理啦直情 ........ 勁無奈。
但算啦 ....... 都無謂講呢 d 野住啦 ........... 考完試應該 Free d 架嘛！哈哈 ^.^

放左學，仲去左 Blue house drama 啦 ....... 睇佢地排戲。
阿 Zzzoo 姐做 Amy 啦！哈哈 ..... Dicky 未做返 Dicky、Joey 未做返 Joey ！哈哈！
﹝講左 = 無講？都係架，嘻嘻﹞佢地兩個勁搞笑 ....... 我覺得！^.^
大家應該留意下啦 .......... Blue house drama 好鬼勁架啦！

跟住呢，我落左去 a team 到﹝我有無串錯字呢？﹞
學野啦 ....... 發現原來都幾好玩架喎，哈哈哈！我真係好鬼鐘意啦！
下年睇怕都有排玩，Yeah ......... Good 啦！﹝我發現最近超鐘意講個 Good 字！﹞

啊！差 d 唔記得講 tim ....... 今日都影左少少相相啦！
多係 Free a 友黎，但其實都唔太多 ........ d 女仔好似成日影，所以 ...... 都少影左。
所以今日 ............. =.= "" 少相少相啦！仲有 dd 未入落部腦到，敬請期待。

↓ 我地一齊去片啦 ...... 嘩哈哈哈！^.^ ""


傻仔話佢個頭今日唔靚，唔比人影正面喎！=.= ""


靚女加我 ...... 哈哈！三年都無咩同佢影過相相啦 ^.^ ""


謝 wing 雯加我 ..... 都唔知點解我同佢影親相相，都咁暗 ^.^ """""


任任高我成個頭啦 >.< """ 慘慘！


我同林的徽，手震震咁樣 ...... =.= "" 影左兩次都麻麻 ....... 但無所謂啦！^.^ ""

哈哈，今日 post 住咁多先啦 ...... 如果唔係？個 diary 有排先 load 到比人睇呀！
最尾比多條難題比大家 ..... 估下以下人士，是誰的背影啦！
估中有無獎？哈哈，兩巴掌洗唔洗？嘻嘻嘻 ^.^
估到歡迎 ICQ 我呀！我諗都會開估掛 ...... 掛咋，哈哈！４９８４１３４９！ok？



唔講咁多啦.真係，聽日《 佳人有約 》，哈哈 ........ 早 d 訓至得！^.^ ""
聽日再講過啦，最後祝各位：「７１快樂 ....... 」Ye@h！

>>July 10, 2004 at 10:06:26 AM GMT+8

2004 年 6 月 28 日 星期一 【晴】

今日星期二啦！好似 ........ 哈哈哈！閒得很喎！=.= ""
無計，考晒試嘛！仲有咩好做姐？你地話啦！連寫呢篇野都好似無咩野好寫喎！
尋日都玩左好耐阿柑桔檸檬啦！無理由宜家仲玩呀嘛！
所以宜家得閒到死啦！哎也也也！點算好？比 d 意見我，我做咩好呢？

等陣出唔出街好呢？umum ....... 等我諗諗先啦！呵呵呵！
但出街，又去邊好呢？狂 shopping ？我都知考完試可以咁既 ............ 嘿嘿。

哈哈哈，好搞笑。頭先睇梗小說 .........
o個個女仔真係搞笑，講：「有你小妹我就搞定。」哈哈哈！
前文後理？關我咩事？咁想知？睇多 d 書未得囉！學生！哈哈！
真係笑死我啦 ....... 呢 d 細妹好呀！有前途，嘩哈哈！

仲有咩好寫呢？開始發 up 風 tim ........ 無聊死了！
睇怕都得我一個會咁樣黎寫日記 =.= ﹝反白眼？﹞哈哈哈 ..........
想貼 d 相上黎架，但又無咩相好貼喎！
無計最近影得少相，貼紙相又少影。咩相都無，貼鬼貼馬咩？

好啦！宜家已經夠無聊，費時再語無論次，今日下午既野已經無咩野好寫。
下次再發過顛啦！多謝各位收看，我地聽日見。呵呵

>>June 29, 2004 at 6:35:14 AM GMT+8

2004 年 6 月 27 日 星期日 【晴】

原來我都好多日無寫我做過 d 咩呀 .......
多數都係寫埋 d 無聊野咋 o番！哈哈 .........
星期六 o個日啦 ..... 去左街街啦 ........ o係西九龍中心到等梗人，無聊影左幅相相！
都影得唔錯，但又有少少怪喎！哈哈哈！



無錯，簡直少見啦！本小姐著背心，哈哈哈！大家撿到啦，我咁都 post 上黎。
都唔差呀話？我諗啦 ........ 呵呵呵！差都唔洗講我知架啦！^.^ ""
跟住等齊人啦，o係要西九龍仲見到張敬軒啦！真人又真係幾靚仔 o番！
嘻嘻 ...... 仲好多男 Fans tim！不愧為實力派歌手。

跟住四個人就去行街街啦！行左 n 咁耐，返到黎屋企都成七點幾八點啦！
好似 ....... 買左 d 咩野？商業機密，哈哈！遲 d 再講啦！^.^
我估都無人會介意 ....... 只要你地留意我塊 diary 就會見到架啦！Yeah！

尋日？都無咩野做。Only 夜晚同 d 親戚食飯，落左樓下紅橋到啦！
食完佢地仲上左黎我屋企打牌 =.= "" ...... 阻鬼住晒我溫中史 .......
我成積差左，一定為佢地事問。我唔理啦！哈哈哈！有得懶啦今次。

之後，順便講埋今日啦！
今日，好野啦！^.^ "" ...... 發夢笑醒都係等今日咋。
今日終於考晒試啦！甩爛啦！呵呵呵 ........ 好鬼開心呀今日真係。
但又有 d d 傷感，中三真係完啦 ..... =.= "" 幾無奈。
算啦！今日開心，唔講呢 d 野住先啦！

但今日派 o個三份卷 ..... 真係哎也啦！慘呀！
派左 Math、EPA 同 History 啦！三科都一般！無預期咁好呀！=.=
Math 一樣啦，三年唔合格，不突止，仲再創新低點 ....... 得 o個１５分！好鬼想去死。
EPA 都唔好得去邊，得５６，枉我溫左咁耐，點知 d 分都唔成正比，有 d 想喊。
History ６８。本來呢個分數唔算太低，但原來比起我 o個班 ......... 哎也！都費時講啦！
其他科都唔知點，科 math 搞成咁，都有排追分啦！
都唔會好得去邊，都應該未必入到我想入 o個班架啦！唯有節哀順便 ....

好啦！今個 post 講住咁多！等陣睇下有無野要寫先算啦！

>>June 28, 2004 at 2:36:05 PM GMT+8

2004 年 6 月 27 日 星期日 【晴】

嗯，今日 ..... 其他唔講住先！

講下今日我屋企有新成員呀！好開心呀 ...... ^.^
我屋企第三隻阿Ｂ啦 ....... Yeah！Yeah！Yeah！呵呵 .......
大家睇下啦 ↓



呵呵 ........... 佢係未好靚女呢？^.^
佢係我三妹﹝對，絕對唔係我個女呀！我要做Ｂ姐咋﹞
登登登，佢就係叫 ............ 柑桔檸檬啦！呵呵呵 ............

見咁多 ........ 貼多幅大妹 d 相先，阿多金戴鑽啦！金金呀！各位記唔記得呀！^.^ ""



佢係未好靚女呢？但我都唔知點解佢條鏈鏈係 Middle sister 啦！佢明明係大妹黎架啦！哈！
佢鏈嘴梗係靚啦，我行好耐無返黎架嘛！
當然呢個都係 DoubleB 既出品呀！各位敬請留意唷！^.^

>>June 28, 2004 at 1:48:05 PM GMT+8

2004 年 6 月 25 日 星期五 【晴】

趁阿邊個一定唔會睇到呢篇 diary ..... 發洩下先！
無奈，勁無奈 ...... 無言，勁無言 ............ =.= ""

唔想，唔想再咁！ok , 你鐘意，我放手 ........ 但唔好呃我 .......
或者我多想，有時我覺得你係特登架！希望我估錯 ......... ！
我地可能接觸唔多，但 ........ 唔代表可以咁 ..... 有時我都希望你可以尊重下我！
你無理過我感受 ....... 算啦！要放開的，還是要放開 ...... 我！唔玩了！再見！

你地 d 死８婆，無戲睇啦！仲唔彈開 ........ 激死我！
你地一開始個目標就錯，何解你地可以蠢成咁，畫公仔洗唔洗畫出腸？
得閒用你地個腦諗下野，如果唔係個腦用黎做咩呀？你講丫？

點解要咁 ..... 點解你要咁 ......... 唔知可能係因為好耐無見，定點 .....
定係因為我自己變左，我覺得自己總係捉唔住你 .... 我無信心靠近你！求你放過我！

坦承 d 面對我，你知架，你知我 ....... 成日諗野架，仲好易亂諗野。
你比唔到個正確方向我，我接受唔到現在架！講真架！
你究竟知唔知 ........ 我好在乎你 ............ 你知唔知 ............ 我唔想咁。
算啦，你永遠都唔會知，因為你永遠都會睇到呢篇野。

﹏﹏ 無言‧ 對不起〃我玩不起 ～ 這件事 ...... 我唔會再踩得更深。
這刻才發現，原來我只是狐軍作戰 × 原來 ...... 我真的只有自己。

難道沒練習太耐　感覺都追不回來
試圖再　努力愛　也顯得不自在
不懂得如何談戀愛
還是我太愛你　對過去太放不開

難道是寂寞太耐　生銹的鎖不能開
鑰匙也　折斷了　留在舊患所在
懷內　放滿對你的愛　難怪跟誰也　再沒法戀愛

我　有時仍很怕　路過你那從前的家
往事若然未落幕　再揭起有害嗎？

我諗呢到無人會知 ....... 呢篇野我同梗邊個講。
可能就連當時人都唔知，但唔緊要，我要的 ........ 只是那一刻的發洩。

多謝各位觀看。

>>June 26, 2004 at 2:24:02 PM GMT+8

我係一個好普通既女仔〃 香港人在台北 ≡ 大四 愛朋友愛自由‧更愛自己 你有你憂 Θ 我有我愁 今天成歷史 Λ 將來寫故事 〔 回憶往事已成為過去 〕 追不回 ≒ 天真單純毫無機心 友誼 ∪ 究竟能否長存？?？ ＞> 來尋覓快樂 + 等我去搜索 廣告 讀者留言 |  路人留言   | 哎呀 係呢度唱我? <br>我有 >>March 9, 2010 at 2:17:55 PM GMT+8 可以不叫我kaiwing嗎? < >>March 7, 2008 at 11:55:20 AM GMT+8 哈哈 <br>原來你鍾意一大堆人 >>March 6, 2008 at 1:06:23 PM GMT+8 請看看我們的xanga喔... >>March 4, 2008 at 1:40:20 PM GMT+8 哈哈哈!!!無無聊聊上下網 <b >>January 22, 2008 at 8:45:09 AM GMT+8 搵到啦!!!!大白鯊!!! >>December 6, 2007 at 8:39:59 AM GMT+8 我係米好聰明呢 <br>咁都搵到 >>November 2, 2007 at 3:27:41 AM GMT+8 我果D叫簡而精! <br>你果D >>May 10, 2007 at 9:47:26 AM GMT+8 傻仔發現某人讚傻仔=] >>April 18, 2007 at 4:59:13 PM GMT+8 拿，師兄黎呢度支持您，都唔好話師 >>April 18, 2007 at 4:33:32 PM GMT+8 傻既,冇咩反應ar???- - >>April 15, 2007 at 7:09:33 AM GMT+8 做咩miss左4月1日- - < >>April 8, 2007 at 7:09:29 PM GMT+8 好偉大丫 <br>好孝順丫 <b >>April 2, 2007 at 6:11:32 PM GMT+8 哈哈 <br>琳琳 <br>我黎 >>April 1, 2007 at 3:46:08 PM GMT+8 我的夢想是流浪 <br> <br >>March 28, 2007 at 7:48:01 PM GMT+8 會考加油！ <br>放鬆心情，積 >>February 23, 2007 at 3:45:18 PM GMT+8 今日你周會好過份呀 <br>唔俾 >>October 27, 2006 at 3:27:28 PM GMT+8 哈哈比我搵到啦XD >>October 18, 2006 at 4:51:26 AM GMT+8 好多字ar= = >>September 24, 2006 at 6:50:23 AM GMT+8 歌頌我!歌頌我!歌頌我!歌頌我! >>August 18, 2006 at 6:18:09 PM GMT+8 你話我留言你會覆架下!! <br >>August 2, 2006 at 10:18:11 AM GMT+8 我唔係茂李丫. ..!!! <b >>June 13, 2006 at 4:13:22 PM GMT+8 我何時同你鬼影過？係冇！！果個好 >>June 11, 2006 at 7:55:43 PM GMT+8 我ge記憶力都係其差!!! 唔知 >>June 9, 2006 at 5:41:45 AM GMT+8 那位與你心有靈犀的人是我ma? >>June 5, 2006 at 2:28:33 PM GMT+8 呵呵!!幸好我係5B 的1份子, >>May 24, 2006 at 3:40:04 AM GMT+8 哈哈!!!!!!!! >>April 12, 2006 at 9:53:16 AM GMT+8 wahahaha 陳 sir 真 >>April 6, 2006 at 3:01:30 PM GMT+8 You've got my ch >>April 6, 2006 at 1:55:33 AM GMT+8 剛剛發現 國松 都有忠忠 o個句 >>April 5, 2006 at 2:06:34 AM GMT+8 I drop by accide >>March 31, 2006 at 6:30:36 AM GMT+8 我都好期待初6呀!!好想睇下你c >>January 30, 2006 at 3:26:40 AM GMT+8 don't cry baby！! >>July 7, 2005 at 1:48:02 PM GMT+8 哈哈,, 我幾滿意今次呢個作品~ >>June 6, 2005 at 12:46:00 PM GMT+8 去你的-__-" 咩偏心呀- < >>May 20, 2005 at 4:24:59 PM GMT+8 原來果日係4/1,我已經唔係好記 >>January 23, 2005 at 8:56:25 AM GMT+8 傻的麼 =.= "" <br>我 >>January 19, 2005 at 3:12:42 PM GMT+8 我好掛住妳 arrrr..... >>January 18, 2005 at 2:43:04 PM GMT+8 你唔識我0既, 不過我睇gold >>December 14, 2004 at 5:56:37 PM GMT+8 終於去到００１０．．． <br> >>November 23, 2004 at 10:09:10 AM GMT+8 if you want to s >>October 7, 2004 at 9:07:49 AM GMT+8 你是喜歡yida 嗎~很高興認識 >>September 26, 2004 at 4:30:28 PM GMT+8 肥豬皓，膽敢話我！未死過乎！ < >>September 18, 2004 at 11:48:58 AM GMT+8 懶訓豬～～ <br>１打開書就訓 >>September 16, 2004 at 3:51:26 PM GMT+8 西瓜 >>September 3, 2004 at 11:37:42 AM GMT+8 見你回左我，我又留多個喇！ <b >>July 10, 2004 at 10:03:20 AM GMT+8 ｙeａh！!！ <br>ｗ-ｉn >>July 7, 2004 at 3:33:09 AM GMT+8 算吧啦你！ <br>你 D 朱古 >>February 15, 2004 at 3:54:46 AM GMT+8 睇完 sweetheart 個 >>February 1, 2004 at 7:36:02 AM GMT+8 miss chan...o個個 >>December 31, 2003 at 4:47:07 AM GMT+8

人氣: 118117

Design & Scripting by ShowHappy.Net