2004 年 8 月 2 日 星期一 【晴】

對上 o個篇 diary 寫到 o係 Singapore 最後一日啦！
咁其實 o個日返到黎香港之後啦！我都仲有野做 ......
因為我要返學校嘛！...... 就係咁啦！即係 o個日先係正正式式的完結！^.^

第二日，２５ / ７ ......... 去左維園啦！
去維園做咩？哈哈，好啦，開估啦！我去維園搞地攤嘛！
除左熱之外，都 ok 好玩既！嘿嘿！^.^ ""
咁其實呢日都無咩特別既，我都無諗住多寫啦！就此結束吧！嘻！

２６ / ７ 至 ２８ / ７
就唔 o係香港，詳細內容都無咩特別，當然 ....... 我都唔想多講啦！^.^ ""

２９ / ７
成日都留左 o係屋企，ready 第二日漫畫節 d 野啦！
因為我又要去擺地攤啦！哈哈哈 ....... 好忙呀！
朝早出街買野啦同 Zzzoo 姐，跟住佢仲黎左我屋企幫手啦！
我堂細佬都黎左啦！迫爆間屋啦！真係！哈哈！^.^ ""
夜晚 o個陣，Cat 姐又黎左我屋企，擺佔我部電腦啦！哈哈 .....
佢話佢部電腦壞左喎！哎！是但啦！就係咁，又過左一日啦！

３０ / ７同３１ / ７
呢兩日全日都 o係會展到，漫畫節嘛！開地攤嘛！
勁爆辛苦啦！朝八晚一咁！痛苦死我啦！=.= ""
由 Si8ngapore 返黎之後，都未試過訓過一日好！好無奈呢！
但 o個兩日都見到好多明星啦 ..... ^.^ ""
第一日見到古巨基呀、范 x 鋒呀、關心妍呀咁啦！
第二日見到戴夢夢、E - kids 、仲有個好值得一提 ......... 我新歡：Yida！

嘩嘩嘩，簡直係非一般靚仔呀！唔講仲以為佢係女仔啦！
Anyway , 佢真係好鬼靚仔，唱歌又好聽！
okok ... 本小姐下年新歡，非佢莫屬 ... 佢 come from Singapore 啦！^ 0 ^

之後呢，到１ / ８ 至３ / ８ 啦！哈哈！
我又去左 Camp 啦！都真係幾忙咁架！^.^ ""
今日四點幾先返到黎，跟住 sit 左 o係電腦前到宜家啦！
終於搞掂晒 Singapore d 相同埋呢十幾日既 diary 啦！
呢一刻真係好鬼感動啦！嘩哈哈 ^.^
但可能都有野唔記得左寫既，咁我諗我要遲下先補返啦！希望大家見諒啦！Thx！

>>August 3, 2004 at 11:58:02 AM GMT+8

2004 年 8 月 2 日 星期一 【晴】

＊ Singapore 之旅 ‧ 最後一日 ＊

好啦！呢日係劇 ２４ / ７ ， 我諗呢日都真係會幾難忙下架！哈哈 ^.^ ""
無錯，今日就係我地屯官８個人返香港既日子啦！
即係 o係今日我地就會離開 Singapore，同我地咁多位 buddy 講８８啦！
以後，只能盼有緣再見吧！哈 .... ﹝苦笑中﹞

呢日朝早七點到，就比 Germaine 叫醒左 lu！
因為今日要 o係９點前去到機場，嗯，呢日都係由 Germaine 爹地車我地去。
咁我地十六個又早約左去機場食早餐啦！
去到，發現 .... 原來我地唔係最早到架下！=.= "" 係 cheryl 同 carol 去到先！
我地第二！Yeah！哈哈！最尾係 ....... 唔記得 lu！哈哈 ^.^ ""

去到左之後，我地去左一間唔記得叫咩鬼既快餐店食野。
我請埋 Germaine 食最尾的早餐啦！哎 ......
跟住食早餐既途中，好多人都好忙啦！
有 d 人要寫埋本野去，有 d 人狂影相，仲有 d 人 ... 即 Tracy 啦！o係到拍片。
﹝本人強烈要求早餐片段唔準比人睇，或播出街架下！﹞
因為佢地講埋 d ..... =.= 算啦！費事再次轉述。

食完野，好多人派禮物呀！我都有好多啦！
仲收到陳卉的一封信，佢竟然 .... 佢竟然話我好似 ...... PiG =.= ﹝話我成日上堂訓覺喎！﹞
好，我原諒你啦！哈哈，因為你都係白痴豬黎！嘿嘿！^.^
仲收到慧玲既小禮物，Germaine 當然都有送！﹝早一晚我都唔知佢包梗咩 =.= ﹞
﹝題外話：早一晚我幫 Germaine 寫左十頁紙啦！哈哈哈，我好勁呀！^.^ ﹞
咁呢個時候，我無理由唔割愛啦！Germaine 對我咁好嘛！對嗎？
我將我親愛親愛的 Winnie the Pooh 既野送左比佢！咁又係佢鐘意 winnie 多 d 啦！
我鐘意 Hello Kitty 架嘛！嘩哈哈哈 ^.^ ﹝可能遲 d 佢會送返比我，嘻﹞

就係咁，最後一段 Singapore .時光，就咁就過左啦！
差唔多要上機，要 check in 啦！我地 o係入口 o個到咁上下影相！
勁影啦！本來都無咩人喊！﹝頭先唔記得講，一到機場，Cindy 又再一次喊左 =.= ""﹞
跟住為整喊各位，我同 Tracy 又帶頭唱《 Today 》啦！
佢地都有一齊唱，當然，then ..... 有好多人流下淚來了！
我唱到中段都唱唔落啦！因為 ........ 我要專心忍淚！最後？梗係成功啦！^.^
陳卉下年目標：係要整鬼喊我架嘛！哈哈！我話無可能，因為佢話我無情無義！嘻
喊、喊、喊，最終都要上機 lu ！>.<
再見了！咁多位！

就係咁呢個旅程就畫上了句點！我諗呢世我都會記得！
我 o係一個星期之內，識左咁多位朋友仔！
希望你地都會永遠記得我啦！哈哈 ^.^ ﹝寫寫下，有少少想喊！﹞
﹝之前又無講到，我親親讀屯官的熊仔鎖匙扣 ← 因為扣左個校章 o係到，唔見左！﹞
我諗係跌左 o係 Singapore 個機場啦！唔知到第時，我重遊舊地，會唔會撿返呢？^.^

回憶總是美好。
可惜美好的時光，多只是剎那的感覺。
我們要捉梗那段不會倒退的時光。

期待下年再見。

>>August 3, 2004 at 9:35:36 AM GMT+8

2004 年 7 月 31 日 星期六 【晴】

七月廿三啦！星期五啦！最後一日返 RV ...... >.<
再見啦！3 G 咁多位同學！呢日我影左好多相相呀！
跟住 Louise 就代表屯官致謝詞啦！講得好鬼搞笑！
最後呢日，我都過得好有意義！哈哈 ..... 除左影相，我上堂訓左成個半鐘！哈哈！

o係呢日，仲會咁！我相信都 only 得我一個啦！哈哈 =.= ""
快樂既時間過得真係特別快，轉眼我地又放學啦！﹝呢日好似過得最快咁！﹞
我地又去市中心啦！又分左兩路啦！哈哈！
我地臨去市中心前，去左 RV 對面個海7旁到影相相！
仲 o係 o個到 d 石頭到寫左 d 野！哈哈，咩黎？遲 d post 相未知囉大家！^.^ ""

好唔捨得呀！但其實成個旅程我都無喊啦！我忍住晒！
頂多係眼泛淚光，但絕對無滴出黎架！唔可以架嘛！開心，要笑住走！rright？
好辛苦架，真係好辛苦 ........ 如果我喊 Germaine 會喊得仲犀利架嘛！
唔可以整喊佢啦！我好錫佢架！知無？所以要笑！
反而宜家諗返起，無人既時候，我會想喊多 d ！
我唔鐘意 o係咁多人面前喊，我唔鐘意人覺得好好似懶柔弱咁！
我都覺得我自己唔係囉！所以我係 ............. 唔準喊架！
﹏﹏ 眼淚在心裡流？I don't know 啦！

去影完相，我地就又分開左啦！哈哈哈！
少左 Trazy 同 Edith 同 Louise 啦！佢地去左第二度！
咁我地去左睇 o個隻獅頭魚尾呢！哈哈，佢個名我唔記得點串啦！嘿嘿！^.^ ""
咁都有影相既！﹝我發現 o個個境電視都有出現過架！哈哈！﹞

去完之後，Germaine 同陳卉話要去買 d 野，所以我地其他人就又去唐人街等佢地。
佢地今日好似好趕時間咁，我地去到買手信！
佢地就狂催我同 Cindy 啦！好忙咁買完野，就又要去答 MRT 啦！
原來呢日我要去 Germaine 阿婆屋企到食飯啦！
佢婆婆係福建人黎啦！我都明少少，少少咁多架！哈哈！
見到佢兩個表妹啦！有個表妹仲同我影左相 tim 啦！Yeah！
見到佢舅父同舅母啦！好多人咁架 ...... ^.^ """"

食完飯就返屋企 lu！返到佢，又要撿野喎！
Germaine 阿哥又好夜先返屋企，成點幾鐘先返到啦，可能因為第日係星期六掛。
咁 o個陣，我仲有 5 本漫畫未睇晒！所以未睇埋先！

o係 Singapore 一星期，我睇晒 Germaine 屋企好幾套漫畫啦！
最長 o個套十八木呀好似，《 不思議遊戲 》，哈哈！
呢日 ..... 我又無訓唔著，只不過 ........ 真係有 d 唔開心！好想 .... 好想 .......

>>July 31, 2004 at 6:08:28 PM GMT+8

2004 年 7 月 31 日 星期六 【晴】

宜家先寫到廿二，死得啦！同我宜家既生活差成十日咁多呀！
之前 d 相又未撿過呀 ....... 返到黎香港 d 野又未寫過落 diary 到！
呢幾日又咁忙 ..... 下星期就仲忙，我都唔知點死啦！不檸樂啦！=.= ""
Diary 有無代筆架？我好累啦！但今日都唔寫，我地要下星期先再見到 lu ...我諗！
哎！算啦！說回正題先啦！

七月廿二日！星期四啦！距離回港日子得返兩日到咋！
呢日 ...... 朝早返學上 art 堂啦！
我比 RV 個 art teacher 讚我呀！呵呵呵，真係好鬼開心既姐！哈哈！^.^
仲有上佢地 music 堂 o個陣，佢地 d 中二要演 drama 啦！
咁本來個老師都叫我地八個做返套既 ..... 但我地就唔想 ......
跟住我地就揀左唱歌啦！咁我地唱咩歌呢？
登登登登，我地唱既就係 ........... 《 Today 》啦！一首好應境！
同時亦好傷感既歌，尤其 o係 o個一刻啦！

Today

作曲: 陳光榮 填詞: 周禮茂

離開 這一刻感覺不會忘記
朋友 抱擁告別明天各自遠飛
難得 並沒傷感依依不捨顧慮
重拾昨天 樂趣一堆
曾經 每一天相約找美麗去
陶醉 美的故事互相勉勵去追
曾經 望著天空一起哭泣至睡
臨別說起 亦笑相對

別了依然相信 以後有緣再聚
未曾重遇以前 要珍惜愛自己
在最好時刻分離不要流眼淚
就承諾在某年 某一天某地點 再見

TODAY WHILE THE BLOSSOMS
STILL CLING TO THE VINE
I’LL TASTE YOUR STRAWBERRIES
I’LL DRINK YOUR SWEET WINE
A MILLION TOMORROWS
SHALL ALL PASS AWAY
ARE WE FORGET ALL THE JOY
THAT IS OURS TODAY

唱到一半 o個陣，Cindy 就已經開始喊啦！
咁我見到 Cindy 喊，我 d 眼水開始 .... 咩啦！
咁最後 o個幾句就無唱到，因為我要集中精神強忍淚水嘛！哈哈！^.^ ""
放心啦！最後句：「再見！」我係唱到架！Don't worry！

除左呢兩樣野外，上堂都好似無咩問題，啊 .....
如果真係要講，都仲有既 ....... 上 Phy 堂，佢地有手提電腦用架！
我地？哎！算啦！未提我地學校 d Phy 堂啦！哈哈！

跟住放學我地又去市中心行街啦！
答 bus o個陣又同 donald 傾過計啦，佢話我地上 Phy 堂既野，係「過慮」過 .....
平時邊會有 d 咁既野上堂喎！真係搞笑！
o係車到，我地仲交換晒 Email add 啦！諗住返到香港玩 msn 聯絡嘛！

落左車行街，因為太多人啦！有成十六個！
所以我地最後要兵分兩路去行啦！
咁我、Tracy、Cindy、Maggie 同我地 d Buddy 就一齊行商場啦！
其他人 Wendy、Carol、Louise、Edith、donald 同佢地 d Buddy 有當然一齊行啦！

咁之前我地一齊行左個商場先既，個商場真係好似深圳個羅湖商業城架！
好大陸 Feel 啦！行完呢到，我地就各有各行 lu ！
咁我地班就去左一個好香港既百貨公司，但就行左好耐下啦都 ....

行完之後，我地就 o係個商場出面等其他人啦！
咁等人途中，唔知邊個又講起 d 咩野啦！又搞到 Cindy 又喊啦！=.= ""
本來都仲無咩野，點知搞搞下連 Tracy 都喊埋！
見到佢地喊，我已經又忍梗架啦！點知 Germaine 同陳卉又要問我點解喎！
搞到我唔知點答，未答我地預早諗好既 modal answer 嘛！
就係：「無野啦！佢地開心到喊之嘛！唔洗膽心架！」
點知佢地今次醒左啦！唔信我呀！咁我唯有講真話啦！
我：「They don't want go back hong kong , so they cry！」
唔講就由至可，一講，又多兩個喊！=.= "" 跟住連麗珍都喊埋！嚇死我啦！
一個二個都喊，搞到我又差 d 忍唔止，Anyway ,. 我最終忍到架囉！
實在太好啦，我好叻女呀！^.^

喊晒之後，我地又分左兩路啦！
但今次我、Cindy、wendy 同 Carol 1 group 啦！但少左慧玲啦！
因為第二日佢同佳真都要 test ，所以去左溫書啦！好勤力呀！加油！^.^

咁我地 7 個人啦！去左唐人街個美食廣場咁上下既野啦！
去食糖水，因為陳卉由朝早已經話食糖水話到放學啦！
所以麥了左佢件心事，哈哈！咁就去左一間叫「 二姑糖水 」既地方啦！
咁傾傾下，個老闆又走左過黎傾，問我地係未香港人！
跟住又用廣東話同我地傾計，真係好搞笑！
仲請我地去食糖水 tim 啦！哈哈，無計啦！可能我地人見人愛！嘻嘻 ^.^
佢仲叫我地入佢間糖水鋪影相啦！哈哈，好得意！
當然，我地梗係有影啦！d 相？遲 d post 過上黎嘛！哈哈！

好啦，星期四又完啦！
開始有 d 想唱唱《 捨不得妳 》！ ...... =.= "" 哎也，唔想咁快走！

>>July 31, 2004 at 5:52:10 PM GMT+8

2004 年 7 月 30 日 星期五 【晴】

我係未寫到七月二十呀話？好似係！
哎！唔知啦！總之就係星期二啦！哈哈哈 ........... ^.^ ""

呢日呢 ........ 成日都 o係學校啦！基乎 ...... 哈哈！
因為要準備放學個 show d 野啦！
咁 o個日因為 RV ﹝RV = Singapore 間學校﹞係咩野 cca 日，咁上下啦！
咁佢地就放早啦！去課外活動！
咁 Germaine 呢，就係 NPCC 既人，唔記得咩鬼野 National Police 咩咩野咁啦！
um ..... 本來我都無去，因為阿貞佢地話要 ready 個 show d 野嘛！
點知 ready ready 下，又比 Germaine 拉左去啦！
去到原來好鬼悶，本來仲以為好好玩 tim！被騙了！=.= ""

到黃昏啦！我地個 dream uniform show 啦！
咁我同 Tracy 負責 dream uniform o個 part 啦！
wendy 同 carol 負責 summer uniform！
edith 同 louise 就係 winter uniform 啦！好鬼亂！哈哈！
跟住都叫做 ok 成功咁啦！

個 show 完左，我地就 o係佢地學校個 Hall 到食野啦！
佢地個 Hall 無冷氣架，真係熱鬼死我啦就黎！哎也！=.= ""

又食完之後，好多人都要返屋企 lu！
得返我、Germaine 、Louise 同悅秋啦 ...... 去行咩鬼大眾書局，好似！
o係個 MRT 附近啦 ....... 點知 Louise 行左成粒鐘！
真係服鬼左佢！好犀利，o個間書局１d 都唔大架！請留意！

八點幾，終於平安返到屋企。
我地返到去 o個陣，Germaine d 屋企人仲未返到黎！成間屋都好靜 lu！

七月廿一日，星期三！
今日係佢地個民族服裝日啦！佢地會著唔同民族既服裝返學校架！好得意！
﹝但點解我地屯官無？=.=﹞
咁我同 Cindy ，即 Germaine 同陳卉 o個班呢！開 o個個攤位 .....
佢地全班都會著印度服裝，所以佢地都特登買左套比我同 Cindy！
好靚呀，好開心啦！哈哈！﹝妒嫉死佢地！哈哈哈哈！^.^﹞
﹝佢地個民族服裝日，除左著民族服裝，仲會每班搞個攤位咁架，好玩！﹞

未開攤位前，即朝早，我地都仲要上堂架！
咁我地就上左佢地既 HE 啦！都幾好玩喎！我識左 d F . 2 啦！哈哈！
即左好多好大舊既 cookie ！個個都話好食架！Yeah！

Afternoon , 咁佢地班個攤位就買 o個舊叫 dudu 貴既野，我就唔知咩黎啦！
可能係 Singapore 道地美食掛！總之成個 afternoon 佢地都好忙啦！
咁我同 Cindy 唯有自己去搵野玩 lu ！嘻嘻！周圍走 ........

到下午三點到啦！佢地先撿晒野，咁我地未再去第二到玩啦！
咁呢日岩岩識到 Germaine 班個同學，叫 Donald ！
佢五歲去左 Singapore ，但 d 廣東話都好好，犀利唷！^.^
我初初聽到以為佢係純正香港人黎架！嘩哈哈！
咁佢都幾好傾架！﹝哎，就因為咁，悅秋就煩左我 n 咁耐啦！=.= "" ﹞

咁放學 o個陣，佢就同我地一齊去玩啦！
咁見佢仲未識晒我地 d 同學，咁我未陪佢傾計啦！
o係去市中心 o個段 bus 旅程中，佢、我同 Cindy 都傾左好野！
﹝可能因為咁，個死悅秋又 .......... =.= """"﹞

去到市中心，佢地就帶左我地行左好多地方啦！
去左去被預為全 Asia 最大既書局喎！
我一入到去未睇清楚就：「車，仲以為有幾大 tim！」
但睇清楚，原來真係好鬼死大 =.= """""""
跟住就再去埋其他商場啦！真係好似香港呀 Singapore！

去到一個好似香港潮流特區咁既野啦！
Donald 就話：「呢到 d 野仲要 out 香港兩年到啦！」
但我又睇真 d ，差唔多嘛 ....... 唔洗咁講啦！哈哈！
我、Germaine、Cindy 同陳卉仲影左貼紙相 tim 呀！
等我遲 d 搞掂 d 相，我再 post 上黎比大家睇呀 ............ ^.^

行行行，行到六點幾！
我同 Germaine 就要走 lu！仲有個叫 Vivian 既中二女仔啦！
我地三個去左唐人街，因為呢，Germaine 約左佢媽咪啦！
佢媽咪話我地到 Singapore 應該試下 d 地道野！
所以5佢阿爸阿媽 o個日就同我出街食 lu！
咁去到，我亂叫左樣野食，連個名都唔知叫咩，就擺落口！
食食下，又覺得幾好食喎！真係可恨我唔知叫咩名啦！=.= """""

食完野，佢地四個人陪我行左陣，我都買左少少手信啦！
佢爸爸就車我地返屋企 lu！仲車埋 vivian 返屋企啦！
上到車，Germaine 好似好累咁，訓著左！咁呢日又完啦！
我 Singapore 之旅，得返三日都無 ..... 我已經 Feel 到我會掛住呢到啦！>.< ""

>>July 30, 2004 at 4:50:54 PM GMT+8

2004 年 7 月 29 日 星期四 【晴】

七月十九號啦！﹝終於寫到 lu ..... =.= ""﹞

今日晨早起左身啦！好似係六點三到啦！超難得呀！
平時 o係香港真係睬你都傻傻地啦！=.= "
點知原來 Germaine 仲早過我起身，因為佢要幫我 ready d 早餐啦！哈哈！
真係唔好意思 lu ...... 仲特登幫我沖埋奶茶 tim 呀！
﹝佢黎到香港我未大鑊 =.= "" 我又要咁早起返身啦！﹞
但我平時無咩食開早餐既習慣架嘛！一朝早食咁多野，搞到我想嘔啦 .....

到七點，我同 Germaine 已經返到學校啦！﹝嘩！真係好鬼早！﹞
返到學校，第一次去到佢 o個班 —— 3 G 班！
d 人好好奇我係咩人，哈哈，好搞笑呀！但佢地都好 nice 呀！有 d 同我打招呼啦！

佢地朝早都有早會架！跟住我地未跟住我地 d buddy 去到操場啦！
終於見返我親愛既香港同志們啦！粉感動！
點知原來 o個日早會係為左介紹我地架！﹝火羅﹞
miss wong 仲出去講左幾句野咁啦！﹝原來 d Singapore 同學有笑到架，Germaine 講﹞

介紹完啦，佢地又要唱國歌同校歌 ..... ﹝跟住我發現 ........... =.= ""﹞
佢地日日都要唱校歌同宣誓咁 ..... ﹝校歌都係一星期一次咋！﹞
Singapore 政府好似洗腦咁，真係唔多掂架下。
之後呢，我地十六個人就去參觀佢地學校啦！好好好好大呀！
比起佢地間學校，我地屯官叫 Tiny 啦！哎也！佢地仲話細喎 ........

參觀完，又係食野時候，佢地開左個 tea 會歡迎我地呢！
d 野麻麻姐，我覺得 ......... 但我地十六個就影左幾多相咁啦！哈哈哈！

跟住又有跟佢地上堂呀咁，佢地班主任教佢地 math. 啦！好鬼深呀 =.=
d A math. ，果真同我無緣！佢比 o個張 Quiz paper 比我試做，真係 ......
Oh！My God 咁啦！哈哈哈 .......... 好彩跟住唔洗我地交！

跟住又有上到佢地 English 堂啦！又係好深呀 =.= ""
爆無奈架下，莫非我地香港人 d English 真係咁 ............ 哎也？
可能係我個人問題掛，但 Cindy 都話深咁又點計先？哈哈！

今日仲上埋佢地既中文 tim 啦！即係佢地叫華語啦！即又係國語啦！
d 課文真係易好多既，所以我覺得幾悶下 ..... 哈哈！
﹝終於有科我覺得易啦！嘩哈哈！Yeah！Give Me ５！﹞
點知臨最後個老師竟然叫我同 Cindy 聽日介紹下香港既中文堂 ......
o個刻無言 ...................... 宜家都仲係 ....... 無言。=.= """""

無幾耐之後，我地就放學 lu ！
放左學我地去左個叫 Bird Park 既野到啦！
好搞笑，臨去之前我地問：「Bird Park 有沒有 Bird？」又國語又英文咁，笑死！
跟住佢地未嚇親咁，哈哈，我地呢條問題確係白痴啦！

去到 o個到，覺得好大呀，香港就無呢 d 地方啦！
﹝如果你話９龍公園都算，我無言囉！=.= ﹞
o個 d bird 表演得真係好勁架，好佩服啦！﹝佩服隻雀？﹞
玩左個幾鐘之後，又返返學校 lu！返到去先解散架嘛！嘻嘻！

解散完，我地十六個又去玩啦！
我地去左 Singapore 既 shopping 中心啦！途中都答左半個鐘 bus 架！
佢地仲將 Germaine 個名改左做「 救命 」國語啦！哈哈 ..... ^.^
好可愛呀佢地 ...... 好鐘意佢地！

咁 o個日我地行完街啦！有 d 人返屋企食 dinner 啦！
我同 Germaine、陳卉同 Cindy、佳真同 Maggie 就一齊 dinner 啦！
但一食完佳真同 Maggie 就走左 lu ..... 得返我地四個！
之後都無玩到啦！去對埋 d Singapore 幣去 ....... ﹝咁就無左大富翁一百蚊美金！哈哈！﹞
答 bus 返去啦！哈哈 ...... 途中我同 Cindy 就諗下聽人華語堂講咩好 lu！
今日都無咩特別 lu ！所以完啦！^.^ ""

>>July 29, 2004 at 7:15:55 PM GMT+8

2004 年 7 月 29 日 星期四 【晴】

嘻唷 ....... 大家好呀！我終於由 Singapore 返黎啦！
我去左７日啦 ...... 大家有無掛住我先？
廢話少講啦 ..... 講返我呢幾日做過 d 咩野先！費時遲 d 會唔記得啦！right ？

七月十七日

聽日出發啦！好緊張呀 .... 有 d 想去又有 d 唔想去！都幾矛盾架！哈哈！
Anyway ....... 今日我成日都準備梗聽日 d 野！
去勁買野囉！手信都未買返黎 ....... 點去 Singapore 呢？
唔同兩手空空咁去人地屋企咩 ...... 我會唔好意思架嘛！哈哈哈 .... ^.^ ""
所以我買左「 豬仔系列 」去啦，大家知唔知係咩野呢？

夜晚，kiu call 我上佢屋企，本來話 afternoon 去佢到，因為要買野，所以遲左。
跟住七點八點到上到去佢到 ....... 好多人咁！
o係到打緊麻雀，有人玩緊電腦咁！好熱鬧下都 ......
跟住，過左陣佢都話自己煮 dinner ............ =.= ""
驚驚 ...... 所以都去返屋企食我阿媽煮，但又麻麻地好食既野算啦！=.=
之後，十點到，睇完《 隔世追兇 》大結局後 ..... 再去左 kiu 屋企。
都係好多人，但好似都走左 d 啦！
然後，玩玩玩，玩 UNO 啦 ........ 我輸到二百幾呀下。激死我啦！
一個二個話我遲頓 .......... =.= """
算，我原諒你地啦！哈哈哈，因為最後大輸家唔係我啦！嘻嘻！我平安大吉！
十二點準時回到家。

返到屋企，My father 就叫我快 d 撿野，但我又唔想撿住！
所以無撿，剛巧醒起部 Camera ，點呢呢個時候，個衰家姐突然之間話唔借 ......
正衰人黎！搞到我要周圍問人借咁啦！
之後嬲嬲地，去左訓 lu ...... 出發前 o個日！就咁完左 ......

ＰＳ‧呢日我同 cheryl 傾到去兩點幾 ..... 覺得佢好好傾啦！哈哈！^.^
﹝cheryl = Carol ' s buddy﹞

七月十八日

朝早，我已經起左身，跟住去同我阿爺飲 Tea！
加上我要拿我阿叔部 Camera ，因為之前 o個晚我衰家姐唔肯借比我嘛！=.= ""
大家有無留心睇上面 d 野架，睇死你地都無啦 .......
總之最後我拿左我阿叔部相機啦！幫兇係我阿爺同阿皓，哈哈！
因為我仲未問我阿叔，就已經拿左去機場 lu ...... 哈哈！

飲完 Tea，我返屋企撿野，因為之前無撿，所以要朝早撿啦！
跟住比我阿爸話，次次都要咁趕時間先撿 ....... 又鬧 =.= 煩 .......
阿皓幫我上去阿爺屋企拿 Camera ..... ﹝呢一刻佢先似返個細佬嘛！哈哈﹞
之後，未拿上黎我屋企！佢拿到上黎，我都差唔多撿完啦！

跟住約左 Zzzoo 姐，唔鬼記得幾點 o係 M 記等啦！
因為佢要幫我手包我送比我 buddy d 手信啦！臨急臨忙，終於包完啦！
﹝o個陣我堂細佬有陪我去 M 記啦！有人幫我拿行李，嘩哈哈﹞
跟住 Zzzoo 同我細佬就送埋我上車，因為我同 Cindy 一齊去機場啦！
﹝因為個衰 Zzzoo 話送我機又唔送囉下 =.= ""﹞

好似十一點去到機場啦！去到我地都算最早到啦 ...... 哈哈！﹝有人早過我地嗎？﹞
跟住等等等，等齊人 .... ﹝最後黎到係 maggie fung 啦！﹞← 人生中又１ maggie！
then ...... of coz go to check in la！
到兩點幾到，就上機 lu ！哈哈，好快呀下 ......

講講我地有邊個去啦！

人物如下：

Jackie﹝即係我啦！﹞
Carol﹝我同班同學Ⅰ，哈哈﹞
Wendy﹝我同班同學Ⅱ，哈哈哈﹞
Lourise﹝我估我無串錯掛，嘻﹞
Tracy﹝我成日將 c 寫成 z =.= ""﹞
Maggie﹝她是姓 " 馮 " 的，not " 黃 " 啦﹞
Edith﹝鄰班同學﹞
Cindy﹝羅姐姐 .... 哈哈﹞

當中有四個人，自稱為 " Funny Family " ........ 無奈架下！哈哈！
因為個 show ..... 咩野 show？遲 d 再講！哈哈哈！^.^ ""
她們的家族成員有老豆 Edith、老媽子 Lourise、仔仔 Carol、媳婦 wendy！
我好慶幸，我唔係當中一份子，呵呵！﹝講完會比人打嗎？^.^ ""﹞

就係呢八個人，展開星洲之旅啦！哈！慶高彩烈出發去了 ...... Let ' s go！

過左３粒鐘多 d d .... 我地終於去到目的地：Singapore 啦！
一出機場，嘩 ........ 勁爆多人接我地機啦！
無奈係我到呢一刻我都未知邊個係我 buddy 啦！哎也！
我 only 認得阿 cheryl 咋，因為佢有 send 相比我咋！

呢個時候，我唯有問佢地：" I am Jackie！Who is my buddy？" 咁啦！哈，好好笑！
跟住呢個時候，就有個短髮，帶眼鏡，高我幾 cm 既女仔走出黎啦！
佢話佢叫 Germaine，係我既 buddy 啦！This mean 呢個星期我都要住佢屋企啦！
之後，我地各自搵返自己個 buddy 之後，就解散了！各自歸她們家去！

咁原來接我機，唔止 Germaine 一個啦！
仲有佢爸爸、媽媽同阿哥啦！佢有阿哥我知啦 ...... 18 歲嘛！哈哈 ....
之前佢講過比我知 lu！接左我之後，佢爸爸就車我地去 eat dinner lu！
佢爸爸 d 廣東話好流利啦！好好！佢媽媽都唔差呀！嘻嘻！
但佢 ....... 阿哥就 ...... =.= "" d English 講得咁鬼死快，我聽唔明啦！
加上佢地 Singapore 人有 d 音，香港人唔聽得慣啦！
所以呢日我都係多數同佢爸爸媽媽講野咋！哎也 .....

嗯嗯，呢晚我地係去左個咩鬼海鮮村成海鮮啦！
第一次食到咁大隻蟹啦！嘩 ..... 個蟹手﹝唔識寫啦！哈哈﹞仲大個我隻手呀！犀利！
食完之後，佢爸爸車我地返屋企啦！要坐半個鐘頭車啦！
途中佢介紹左 Singapore 好多地方比我聽咁！我慢慢習慣去聽英文同國語啦！

九點幾十點返到佢屋企！
一入屋，嘩，好鬼死大 ....... 比起我屋企！
點知佢爸爸 o係入屋前仲講：「我屋企好細架咋！」咁！
呃我啦 .... 咁都叫細，我屋企叫咩？=.= """"" ﹝無言﹞

之後，佢媽媽就叫我去沖涼啦！
沖完涼我就入左 Germaine 間房啦！因為我同佢訓同一間房啦！
佢讓左張床比我，佢就訓地下啦！
我發現佢間房超多漫畫啦 .......... 正呀！I like it！哈哈！^.^

今日又講到咁多先啦！要比時間我諗返架嘛！right？哈哈！

d 相？遲 d 一次過 show 返晒比大家睇，好無？我要撿撿先 .....
太多啦！去左好多地方玩，有 d 相都唔 o係我到嘛！等得幾日吧！
因為我過埋呢兩日都又要去 Camp 啦！哈哈哈 ^.^

>>July 29, 2004 at 6:52:10 PM GMT+8

2004 年 7 月 28 日 星期三 【晴】

十四同十五號！我同左我班親愛的同學去左 Camp 啦！去左曹公潭呀！好正仔啦！哈哈！
我會記得呢兩日架！大家仲係 F. 3 友嘛！嘻嘻 .... Forever frds 啦！^.^

晨早﹝唔多記得！﹞好似約左 o係百佳門口等！
咁我去到 o個陣都好似叫做遲左到架啦！一去到，嘩 ....... =.= ""
見到我班勁爆多男已經到達，第一眼 only 見到佢地，第二眼終於見到個女仔啦！
就係張仙美啦！哈哈 ... 佢好準時呀！真係乖女！

咁首先介紹我地有邊十幾個人先啦！入 Camp 人物有：

女仔：我、美、 Wing 、 kiu 、鐘、輝、文、珊。
男仔：燊、的﹝蜜瓜﹞、銘﹝木瓜﹞、釗、鋒﹝打錯字，哈！﹞、仲有個鋒、
區偉 x ﹝唔好怪我 =.= 我唔識打﹞
就係呢幾個人啦！多唔多人呢？哈哈，都幾好玩呀！
去到已經大混亂啦！因為我無帶學生証 =.= "" 真係唔多好意思呀！Sorry！
咁搞掂完 d 野之後，我地就已玩啦！
有 d 人去左玩繩網啦、有 d 人去射箭！咁除左我、 Wing 同文之外，其他女仔都去左繩網！
點解我唔去玩？講出黎都唔好意思 =.= 無他的，本小姐剛巧有少少，少少咁多畏高之嘛！
但去到射箭，我又好鬼驚喎！因為我小六 o個陣，比條弦彈到成隻手瘀晒！哎！痛鬼死我啦！
所以去到個箭場我都唔想射架下！但個教練拍晒心口話無事！
咁未故且，試一試！拿起支弓，勁爆兇佈！好鬼驚再彈一次，再彈，我呢世都唔會拿起支弓架。
但好似在場咁多位，都唔多知我有幾驚！=.= "" 算吧！佢地未經歷過，唔知架啦！
跟住，哈哈哈！好值得高興架，我克服左啦！我射返箭 lu！
仲好鬼死準 tim！我唔阻大家叫我「神箭手」架！嘻嘻嘻 ^.^ ﹝同學們：你都癡線！﹞

射完箭之後，我地成班人就行返落去，搵繩網 o個 d 人！
點知佢地都未爬完啦！咁我地唯有去篤 ball 啦 ..... 哈哈哈！我唔識玩架！=.=
去到，我、 Wing 同文一﹝木台﹞..... 篤到好搞笑！哈哈！
舒舒服服過左一個多小時，玩繩網 o個 d 人先返黎，佢地好熱咁啦！真係辛苦晒！

跟住我既記憶力只去到夜晚 =.= "" ...... 哈哈！
夜晚又好多人去左 swimming 啦！咁我同美同 Wing 又無去架下！﹝咩我咁離群？哈哈﹞
事關我唔識游嘛！哎也！費時獻醜啦！係未先？呵
咁我地未去沖涼先啦！沖完涼又食野啦，食杯麵！嘻嘻！

晚上，佢地玩 ture or dare 啦！當然，又有 d 人唔想玩架嘛！咁都有幾多人無玩！
對，又有我啦！哈哈！文、燊、釗，呢幾個人好似無玩到。
佢地玩得 ....... =.= "" ..... 好顛下架都！我呢 d 旁觀者都覺得！
加上我玩埋，佢地都問唔到 d 咩野，所以我寧願聽鬼故，哈哈哈！^.^ "

話說我訓左落張床，佢地玩梗啦！謝廣鋒無啦啦強過黎，同我講咒怨都三集，真係比佢激死！
講志雄仔，真係佩服佢。咁講講下，陸生為避難，擺佔我張床呀！跟住訓得好舒服咁！=.=
跟住我又好無奈咁繼續聽「志雄仔的故事」，本來都無咩兇佈！
then ....... 我認，我嚇到。0_0 ""
佢講講下無啦啦反白眼，嚇死我啦！至鬼憎人，講鬼故就講鬼故，又要做埋動作。
我好大膽架嘛！食屎啦！﹝粗鄙左少少，因為 d 人囉！=.=﹞搞到我尖叫！
之後？之後未嚇醒左我隔離位陸生彈起左，發顛左一下。
and then？呢個時候，梗係走人啦！=.= "" 跳左過對面床！繼續鬼故。
比死人頭搶鬼埋我張床！我好鐘意乾淨架嘛！

......... 到左四點幾，個個都話訓，真係激死啦！我明明仲好精神架！
咁最後得我同返阿蜜瓜無訓啦！我地走黎走去！都無人理我地！無奈！
咁我地唯有訓落床啦！無野做嘛！我都無計！
一個二個話五點幾起身睇日出喎！到五點幾部電話響 o個陣，個個都唔肯起身！
輝未 o係到嘈 .... 響到狂打電話，搞到成房電話不停咁響！=.= ""
呢個時候，我同蜜瓜就係最唔願起身啦！哈哈 ....... 搞笑！

朝早六點至八點，係十幾個人訓得最舒服既時候！﹝可能得我一個訓得最舒服掛！哈哈﹞
據聞佢地五點幾六點幾有起身過玩鋤 dee o個 d，但我真係唔知啦！訓得好舒服！呵！
到八點有 d 人仲訓梗，但有 d 人就要落去食早餐！

到 afternoon ， 我地就出營 lu！
我地行去附近個巴士站等巴士！好多人，可能個個都呢個時候出 Camp 掛！
巴士站側邊有部垃圾車臭死人啦！=.=
跟住見到部小巴，個個衝晒上車，搞到部小巴超晒載！超成五個人！
個司機都算唔話得啦！哈哈，咁都比我地上車！我個雙人位坐成四個人！

到 twuen wan 千色店 o個邊，我地落車啦！
跟住轉巴士返屯門，一上車，我就聽返呢兩日 d 留言，勁多人搵過我！
原來呢日仲要返屯官預備 Singapore d 野！所以我唯有返學校先！咁我就離開左大隊 lu！
佢地成班人就上左去陸生屋企啦！區 x x 就返屋企！我返學校！

返到學校個個 o係齊到，預備個 show lu！都 ookkk 咁啦！
搞左粒幾個到啦，就散 lu！之後我仲同佢地去買左條褲 for 個 show tim 啦！哈！
買完褲，當然係返屋企啦！原本呢日同我 d 親戚去唱 k 既！但最後我都無去到！
o係屋企沖完涼，我就去 join 返佢地啦！諗住直接上陸生屋企！
但點知去到建生，美先話比我知佢地去左寶田！
o個陣勁無奈架下，我對建生 o個邊 d 路真係１d 都唔熟！

咁真係唔知點啦！慶幸鋒﹝我又打錯啦，打唔到我都唔想！﹞叫做有 d 人性，哈哈！
過黎建生個輕鐵站接我啦！之後我地兩個返返去唔知邊到個藍球場搵返佢地！
﹝好危險呀，帶我咁樣過馬路 =.= "" ﹞
個藍球場確係多人架下，then 唔知做咩咩咩！蜜瓜話我入到５球中入１球就咩都得喎！
咁未出去試下，到第五定第六球先入，跟住佢唔應數，無計。

然後，又去左另一個場到。
有人撩佢地打比賽，初時無應承，跟住佢地又應承左。
打打下 ball 見到 kai 輝黎左，好多人好出奇，原來鬥梗 o個 d 係佢 d frds 黎！
咁打完場 ball ，一個二個以為我地贏左啦！
高高興興去左 seven 買野飲，跟住同燊傾傾下先知原來佢地輸左！真係差 d 笑死我！
o個刻仲好多人以為佢地贏左！哈哈哈 ^.^ "" 好得意！

去完 seven ，我地當然係去食 dinner 啦！
去左打邊爐，食左都 ok 多野下！臨最尾玩左個唔知叫咩鬼野既 game .. 哈哈！
我係受害人，anyway 無緊要啦！我唔會嬲，放心啦！笑返 ^.^

食完野，個個都話要返屋企 lu！

>>July 29, 2004 at 3:57:34 PM GMT+8

2004 年 7 月 28 日 星期三 【晴】

Farewell 日 ﹏

o個日好似係１３號咁上下啦！
咁呢 ...... b 班同 c 班呢！就諗住 farewell 阿黃 sir 啦！
咁 ... o個日啦！我呢，原本都無諗住去。但係貓姐 ... 就 call 我啦，好似 ...
問我去唔去，跟住我就話是但啦！之後，未同左佢去！=.= " 就係咁，就去左。
﹝口供唔一致，有待改正 diary ！﹞

去到黃金海岸啦，我地查實已經遲到 =.= """""
咁去到間野門口，又咁岩撞到晒佢地 lu！Good！真係好！哈哈哈！
嘩！！！跟住各位估下我見到邊個？我竟然見到我闊別左成年教我 math. 教得得三十分既方 sir！
﹝呢句形容得夠好拿掛，哈哈哈哈，三十分算 ok 架啦！對我黎講 .... =.= ﹞
then , 未去食 lunch！嘿嘿 .... 呢餐確係便喎！廿幾定三十咋，每人夾 ....
有好多人下，十幾廿個到啦！唔係好記得全部係咩人啦 =.=
only 記得 a 班得我一個啦！c 班有貓、楚姐、呂幗、kai 輝 .... 仲有無其他人？唔記得，sorry！
b 班就好多人啦！都費時數晒出黎 .... 會數到頭暈架下。
跟住食食下，呂幗同盧珊就話要走 lu ... 好趕時間咁，唔知做咩呢，嘿嘿 ... ^.^ ""

食完啦，又要諗有咩做喎！行左去沙灘啦 .... 好煩咁。
諗黎諗去都諗唔到去邊喎！﹝飛左好多爭吵﹞跟住係去左飲野。
去到飲野，初時都悶悶地 ..... 跟住阿方 sir 開始玩 o個個咩野推理遊戲啦！
我都幾鐘意玩呢個 game，但係呢 .... 好多我之前都玩過，呵呵呵！
我都出左題，都叫做難到在座各位咁啦！嘻嘻！^.^

飲完野啦！人數又少減幾個 .... =.= "" 話返屋企喎！
我同 Zoo 同貓就梗係仲問有無野直落去玩啦！
點知阿黃 sir 又話約左人，唔直接得，掃興呀！哎也！﹝可能約左 Zoo 佢地個師母！哈哈哈！﹞
咁我地都費時阻住佢，咁未比佢走！但我地始終都悶架嘛！所以呢 ... 之後直落去唱 k，哈哈！

去唱 k 人有，我啦、貓啦、Zoo 姐啦、周浩然同方 sir！
方 sir 係比人強行拉上的士。﹝當然，唔關我事啦！呵呵 .. ^.^ ""﹞
去左新墟間「新路」唱！嘻嘻 ... ﹝Neway 嘛！綠盒子？Greenbox！﹞
唱到去十點到啦！方 sir 就走先 lu！咁十點幾到，我地幾個都走啦！

我地三個送左 Zoo 上車之後啦！我、貓同然就行返去景峰！
嘩，好似好多秘密咁下 .... 我都聽左少少咁啦！﹝係咩？哈哈，唔講你地知！﹞
去到景峰個輕鐵站我同貓就陪然等輕鐵，跟住我地兩個就又各自歸家！That's all！今日完啦！^.^

ＰＳ‧為大家仲記得方 sir 呢號人物，本篇全用「方 sir」呢個詞，下次會盡量唔用架啦！哈哈！
﹝下次用方 x 龍！係未好提議呢？嘩哈哈哈！^.^﹞

>>July 29, 2004 at 11:32:19 AM GMT+8

2004 年 7 月 28 日 星期三 【晴】

由於好耐無寫日記關係，我要 d 時間諗返我做過 d 咩野！

大家敬請期待啦！哈哈哈哈！^.^

>>July 29, 2004 at 11:30:44 AM GMT+8

我係一個好普通既女仔〃 香港人在台北 ≡ 大四 愛朋友愛自由‧更愛自己 你有你憂 Θ 我有我愁 今天成歷史 Λ 將來寫故事 〔 回憶往事已成為過去 〕 追不回 ≒ 天真單純毫無機心 友誼 ∪ 究竟能否長存？?？ ＞> 來尋覓快樂 + 等我去搜索 廣告 讀者留言 |  路人留言   | 哎呀 係呢度唱我? <br>我有 >>March 9, 2010 at 2:17:55 PM GMT+8 可以不叫我kaiwing嗎? < >>March 7, 2008 at 11:55:20 AM GMT+8 哈哈 <br>原來你鍾意一大堆人 >>March 6, 2008 at 1:06:23 PM GMT+8 請看看我們的xanga喔... >>March 4, 2008 at 1:40:20 PM GMT+8 哈哈哈!!!無無聊聊上下網 <b >>January 22, 2008 at 8:45:09 AM GMT+8 搵到啦!!!!大白鯊!!! >>December 6, 2007 at 8:39:59 AM GMT+8 我係米好聰明呢 <br>咁都搵到 >>November 2, 2007 at 3:27:41 AM GMT+8 我果D叫簡而精! <br>你果D >>May 10, 2007 at 9:47:26 AM GMT+8 傻仔發現某人讚傻仔=] >>April 18, 2007 at 4:59:13 PM GMT+8 拿，師兄黎呢度支持您，都唔好話師 >>April 18, 2007 at 4:33:32 PM GMT+8 傻既,冇咩反應ar???- - >>April 15, 2007 at 7:09:33 AM GMT+8 做咩miss左4月1日- - < >>April 8, 2007 at 7:09:29 PM GMT+8 好偉大丫 <br>好孝順丫 <b >>April 2, 2007 at 6:11:32 PM GMT+8 哈哈 <br>琳琳 <br>我黎 >>April 1, 2007 at 3:46:08 PM GMT+8 我的夢想是流浪 <br> <br >>March 28, 2007 at 7:48:01 PM GMT+8 會考加油！ <br>放鬆心情，積 >>February 23, 2007 at 3:45:18 PM GMT+8 今日你周會好過份呀 <br>唔俾 >>October 27, 2006 at 3:27:28 PM GMT+8 哈哈比我搵到啦XD >>October 18, 2006 at 4:51:26 AM GMT+8 好多字ar= = >>September 24, 2006 at 6:50:23 AM GMT+8 歌頌我!歌頌我!歌頌我!歌頌我! >>August 18, 2006 at 6:18:09 PM GMT+8 你話我留言你會覆架下!! <br >>August 2, 2006 at 10:18:11 AM GMT+8 我唔係茂李丫. ..!!! <b >>June 13, 2006 at 4:13:22 PM GMT+8 我何時同你鬼影過？係冇！！果個好 >>June 11, 2006 at 7:55:43 PM GMT+8 我ge記憶力都係其差!!! 唔知 >>June 9, 2006 at 5:41:45 AM GMT+8 那位與你心有靈犀的人是我ma? >>June 5, 2006 at 2:28:33 PM GMT+8 呵呵!!幸好我係5B 的1份子, >>May 24, 2006 at 3:40:04 AM GMT+8 哈哈!!!!!!!! >>April 12, 2006 at 9:53:16 AM GMT+8 wahahaha 陳 sir 真 >>April 6, 2006 at 3:01:30 PM GMT+8 You've got my ch >>April 6, 2006 at 1:55:33 AM GMT+8 剛剛發現 國松 都有忠忠 o個句 >>April 5, 2006 at 2:06:34 AM GMT+8 I drop by accide >>March 31, 2006 at 6:30:36 AM GMT+8 我都好期待初6呀!!好想睇下你c >>January 30, 2006 at 3:26:40 AM GMT+8 don't cry baby！! >>July 7, 2005 at 1:48:02 PM GMT+8 哈哈,, 我幾滿意今次呢個作品~ >>June 6, 2005 at 12:46:00 PM GMT+8 去你的-__-" 咩偏心呀- < >>May 20, 2005 at 4:24:59 PM GMT+8 原來果日係4/1,我已經唔係好記 >>January 23, 2005 at 8:56:25 AM GMT+8 傻的麼 =.= "" <br>我 >>January 19, 2005 at 3:12:42 PM GMT+8 我好掛住妳 arrrr..... >>January 18, 2005 at 2:43:04 PM GMT+8 你唔識我0既, 不過我睇gold >>December 14, 2004 at 5:56:37 PM GMT+8 終於去到００１０．．． <br> >>November 23, 2004 at 10:09:10 AM GMT+8 if you want to s >>October 7, 2004 at 9:07:49 AM GMT+8 你是喜歡yida 嗎~很高興認識 >>September 26, 2004 at 4:30:28 PM GMT+8 肥豬皓，膽敢話我！未死過乎！ < >>September 18, 2004 at 11:48:58 AM GMT+8 懶訓豬～～ <br>１打開書就訓 >>September 16, 2004 at 3:51:26 PM GMT+8 西瓜 >>September 3, 2004 at 11:37:42 AM GMT+8 見你回左我，我又留多個喇！ <b >>July 10, 2004 at 10:03:20 AM GMT+8 ｙeａh！!！ <br>ｗ-ｉn >>July 7, 2004 at 3:33:09 AM GMT+8 算吧啦你！ <br>你 D 朱古 >>February 15, 2004 at 3:54:46 AM GMT+8 睇完 sweetheart 個 >>February 1, 2004 at 7:36:02 AM GMT+8 miss chan...o個個 >>December 31, 2003 at 4:47:07 AM GMT+8

人氣: 118117

Design & Scripting by ShowHappy.Net