2002 年 10 月 23 日 星期三 【陰】

返八點大鍾。。。我竟然六點九起身。
極速十三分鍾落樓0既代價就係無得洗頭。

今日同單單傾0左好多計。仲同佢食晏。
可能我返工第一日第一個就係同佢傾計。
佢（唔知第幾號笑容）：早晨~有0的咩想要0架？
我：我要。。。。。。返工。。。

暫時0黎講。我諗我同佢算最好傾0架喇~
但佢可能就0黎要調走。。。
唔好走啦~無人同我傾無聊0野0架喇~~~

我今日都幾食焦~唔小心整瀉0左成壺糖水。係成壺呀！
唉。。。失敗。。。。。。
奈咎0左一陣0既我。呢家又奈咎多次。唉。

我又見多個part time喇~叫water。好好人的~因為佢一見倒我就話我細個囉。

尋晚鼓了兩次的勇氣。撥通了兩個同樣對我很重要的電話。

今日。再打了電話給您。提醒您一點東與一點西。（可能講得好有問題。。。）
還叫您成功與否。都0係我放工後打俾我。

0係我未放工0既時候。就有電話震我。我知係您。好0野~

再打俾您。
您的語氣回到了從前。很甜。

係時候收線喇。如果唔係。。。我會忍唔倒。。。
呢家。我只係想喊。
但每次。都喊唔出。

>>October 24, 2002 at 2:06:20 PM GMT+8

2002 年 10 月 22 日 星期二 【陰】

實在太多同事喇。
邊個打咩名我都唔係記得好多個。。。
搭車0既時候，見倒陳綺貞唱歌。開心死~原來佢個朦起隻眼個樣扮groupies都可以噤神似。
無敵！
陳綺貞！我愛你！

好0野~返工果度終於有個人0黎探我喇~ling姐萬歲~~
今日比尋日忙好多。
一食完晏之後客似魂來~我要識0既0野又要越0黎越多。
好慘。
仲有。成日都好多0野食。要自己tasting。有口福係有口福0既。
但成日都要keep住飽飽滯滯0既狀態，幾好feel0架~

好眼訓。搞其他0野晏0左。。。

或者今日打過俾您。
或者今日同珊傾完電話。
傾完之後。想早0的訓。
因為想快0的到第二日。。。再第二日。再第二日。

今日0既您。將我推倒。
昨日0既您。就把我扶起。
因為信任。將時空打破。將空間拉近。。。

咩理論呀大佬！
係蠢人諗0既理論。

唯有自話自說。


>>October 23, 2002 at 4:51:12 PM GMT+8

2002 年 10 月 21 日 星期一 【晴】

我又早一個鍾頭去到目的地---青衣城。
可能太緊張喇。
又食0左個早餐。又食唔晒。只不過係一兜通粉。。。

第一眼。
嘩係~原來係商場裡面0既室外舖！
估你唔倒 tiM~

第一日0既工作就係夾餅。係呢一個禮拜裡面都係做呢樣0野~
我要記好多餅名。要英名果隻。好多。好恐怖。有無NOTES俾我返屋企讀？
除0左夾餅俾客人外。仲要（火局）餅。切餅0黎TASTING。
FILL餅。FILL呢樣FILL果樣。
SLIDE LOBBY係我0既強項。因為凈係出去LOBBY執0野。

呢度0的PARTNER都幾好人0架~又講得笑~幾輕鬆~

呀。。。今日自己食完LUNCH之後。就去BACK ROOM度放返個銀包。
點知一開門。就見倒有個返晏班0既女仔0係裡面。佢呆一呆。我又呆一呆。
我就惟有講。我第一日返工0架。佢就話。哦。。。
然後就入返去喇。
點知原來佢係換緊衫。。。係換完衫未換褲。
點解我知佢未換褲？因為佢除褲囉。嚇死我呀~（當然。我要扮陣定去繼續同佢傾計。。。）

好。太多PARTNER喇。我好似唔係好記得佢0地0的名喇~
二？做完成日0野。唔支力0既？實在太好喇~

<就算全世界與我為敵>


>>October 22, 2002 at 3:31:51 PM GMT+8

2002 年 10 月 20 日 星期日 【晴】

好慘。。。七點半就俾阿哥吵醒。。。佢問我。你要幾點起身呀。。。
我話。我較0左鬧鍾啦！
佢問。你間房都無鬧鍾。
我話。妖！較0左手提呀！

訓唔返得著。。。

佢八點三又走入0黎。問我。你仲未醒既？
我鬧。我八點九起呀！白黐！
佢鬧。你洗唔洗噤惡呀~我關心您喳嘛！
我鬧。你嘈住我訓覺呀~~~~~~~~！！！我無得訓呀！！！
然後佢走0左。我又訓唔返。。。。。。0係半個鍾頭內。我又要起身。。。唉。

十二點上堂。我十一點鍾就去到。
0係大家樂食0左個早餐。。。以前食兩個tea都桌桌有餘0既我。
如今食一個早餐都食唔晒。。。食慾~你幾時先肯返0黎我身邊呀。。。
要著黑色西褲。黑皮鞋。上身著黑色上衣。我打死都唔制~
所以走0左去麥當勞換衫換鞋先去上堂~

嘩~十一個人咋~我仲以為好多人tim~但得三個女仔加上我~
嘩~有個mix0既男仔坐0係我格離呀~而佢都係我第一個識0既partner~叫阿遜~
佢無著黑衫黑褲黑鞋~無錢買呀~~但佢著衫都幾好睇0架佢~
好勁~遜哥竟然估倒我廿一歲又估倒我中學果時係打籃球~
而阿遜哥都好搞笑~無啦啦問我有無睇明豬台星期日0既節目。
我好醒噤講。friends?佢就好興奮噤成個手琤撞去我隻手度。
洗唔洗呀。。。我知姐。但無睇0丫嘛。。。
同佢幾好傾0丫~可惜唔係同佢同一間分店。就算係上堂。都唔係同一班。即係見都無得見~
wow~

識0左另一個女仔。佢叫做。。。sandy。同佢相識都因為係我去廁所佢又去之下而相識的。
同佢嗲0左兩句。後尾。我發現佢個樣好鬼似陳淑蘭，好鬼無得頂~
佢做parttime0架。。。問佢0係邊度讀。職業訓練中心？觀塘果間？佢問。你又知0既~？
我咀角微微向上蹺。

上堂好正~好有交流~~個個人都要成日講0野~
試飲一杯齋啡~聞落好香好甜。但就苦過廿四味。
第一堂都無咩要學。但就要知道用咩0野態度0黎同自己0的partner合作.
係woR~
我返青衣城呀~好呀~正呀~車錢又平又近~無得頂頂頂~~~

開心。但總有一點遺憾。

振作！！！

>>October 28, 2002 at 5:08:12 PM GMT+8

2002 年 10 月 19 日 星期六 【晴】

尋日果份part-time job實在太羅我狗命~勁支力~~
今朝起身仲大鑊~兩隻手臂呆0左。提起雙手0既力都無。。。
手瓜就更加突然起"展"。實在係太有型喇。
好在。。。平時跑慣步~
那雙結實而又肥美的腿,並未受到昨日整天行行企企的影嚮。健步如飛！

今日有陳百強陪我~成日唱歌俾我聽~真係無得頂~~

聽日就要返工喇~好緊張好緊張~~
雖然聽日返果個只係一個course。（八個鍾無食晏時間呀大佬~~）
又開心又緊張~又緊張~又開心~~~哈哈~~就快發癲~~
唔知我會派去邊間分店呢？望就望唔好噤遠啦~慳返0的搭車錢0丫嘛~

要買西褲同埋黑皮鞋。。。又唔可以一隻耳仔兩隻耳環。。。又唔俾帶手飾。。。
噤我手上面隻扼咪。。。
嘩~褲呀~唔洗錢0架~0係媽咪度羅0左條褲。
0係元朗0既大元皮鞋公司羅0左對鞋。（好經典的！好多阿叉都係0係呢度買皮鞋0架！）
今日同阿媽炒了一頓。就係果隻扼。。。佢唔想我剝。話叫我同人講剝唔倒。
我話"亨""爆佢囉~佢話我side野，但我又唔想第一日返工就俾個唔好0既印象別人。。。
唉。佢都唔明。凈係識得話我唔想帶。。。點算。。。

死啦。。。又無胃口喇。。。飯爬0左兩啖就覺得飽飽滯滯噤。。。
但0的送又好死正~有我好愛0既瀨尿蝦呀！！！（唔係話你，細蝦）
食得多0左0既後果就係。好多胃氣。好辛苦。又要食葯。。。

今日睇0左she.com。。。原來我以前係噤。。。。。好駭人。。。

要忍。死忍。都唔可以搵你。話過。一個月就一個月！
我要改晒我呢0的唔好0既習慣。

我仲未盡我責任去對您最好0架！



>>October 20, 2002 at 2:27:57 PM GMT+8

2002 年 10 月 18 日 星期五 【晴】

又重寫日記。

以前常留言給我的那個人。
現在您應該不會再給我留言了。
以前。將日記post上網是因為您。
現在。也是因為您。
好像。什麼都是因為您。。。

請不要誤會。沒有了您。我會自暴自棄。
反之。我會更加愛惜自己。如果連自愛的能力也沒有。
更可況愛您。

突如其來的轉變，令我措手不及，招架不來。
更使我突然迷失了自己。
明知自己迷失了，但還控制不了。
控制不了猜疑，控制不了妒忌。
很痛苦。

所以。在一周年的那晚，我是很想對你說，我不會找你一個月。
因為。我要用這一個月的時間來將自己以前對您的習慣改變。
但還是開不了口。因為我們在那晚很快樂。
那晚。在海旁。
我望著您。我真的很想您和我坐下來。只是等您拉我下去。
但還是沒有。。。。（是什麼？是我和你的秘密！）

第二晚。
卻被誤會拖誇了一切。
還未等到我對你說分開一個月。便給那個msg把我弄亂。
亂得很離譜。亂得把我以為你不愛我。
亂得把我傷害了您。更傷害了自己。

現在說什麼，根本什麼用也沒有。
我還是要求您給我一個月的時間。
儘使。你只是敷顯。儘使。那不算是答應。

什麼事。一個月後才算吧。
請先不要說那些傷害我的說話。
這樣只會使我們的關係由情人變成仇人。
是一件很糟糕的事。

P.S。誤會真的是累死人！！！






>>October 20, 2002 at 4:07:59 AM GMT+8

2002 年 4 月 2 日 星期二 【晴】

晶晶叫我開日記寫，感我就開，我發覺我個人都幾無性格。

今日一早去跑步，竟然有瑕瑕份，佢話佢都想跑，感就我同珊同瑕去跑。


跑完，瑕瑕隻腳好似"Luen"0左感，真係好笑，雖然我都唔叫得好過佢好多。。。
0係呢度講埋0的感0既0野。。。我個人真係幾衰0下。
瑕瑕跑完步0係我屋企沖涼~屋企花灑條喉爆0左~所以佢就沖佢屋企無得沖0既浴缸，佢話好舒服~我都覺，因為我細個果時都好鍾意浸浴缸睇書聽收音機同傾電話可以同時進行~好爽0架~雖然沖完個頭超暈，局到好暈~
十二點幾就同瑕瑕食飯~食完飯行0左陣就各有各返屋企~我就0係屋企呆到六點幾先同珊出街買0野染髮，係佢染，可能我聽日都會染，可能。

0岩0岩睇返你以前俾我0的信。。。原來我以前對你係禁重要，但係，係以前。
都好。。。睇完都無話唔開心，好諗我又好返小小，最好就好快0的~
好快~好快0的~

睇返我以前送俾佢果本豁達情書
真係好鬼正~

>>April 3, 2002 at 5:42:46 PM GMT+8