2002 年 11 月 2 日 星期六 【晴】

尋日青衣城搞0左個function叫做<行路上廣州>。
今日就騎哩地搞多個叫做<老人痴呆症>。
好在0係我去上堂0既時候。都未開始做。如果唔係的話。嘈死都似。

無錯~今日我晏晝去上堂communicating coffee。
去到<星光行>0既大家樂果時。joyting（算係同學）就打電話0黎問我0係邊。
係wor~唔記得之前係約0左佢tim~然後就好開心噤等佢0黎~
好0野~有人陪食飯~~

今堂係好悶。狂飲咖啡。
你知啦~飲咖啡無0的小食陪伴住。。。幾難飲0家嘛~
條友講0野又悶。。。

好無奈。
阿joyting一見倒我。就笑住同我講：
"凈係睇你個樣已經好好笑。你0既表情。你0既舉動。都好好笑！"
我心諗："我一直都覺得自己好cooL0架wor。"
我唔反駁好無奈噤望住佢。
然後佢就話："就係呢個樣喇！哈哈~"

而的而且確。今日對住佢。我係相當滑稽。
係咩事。算罷啦~

聽日返大早。成個禮拜都係大早！
呢個禮拜都見唔倒丹丹lu~鴻哥又放大假~
無人陪我講無聊0野lu~~
嘩~唉~

>>November 3, 2002 at 2:32:48 PM GMT+8

2002 年 11 月 1 日 星期五 【晴】

如果唔計我尋日晏晝由三點訓到五點的話。
我已經連續活動0左三十四個小時。
好強勁！

尋日約好0左丹丹十點鍾在旺角。
為0左避開爸爸媽咪。我八點鍾走人。九點鍾到旺角。
自己戇居居的行0左四個字就忍唔住去食0野。
哈哈~我行行下見倒丹丹同佢0既朋友仔~朋友仔woR~

唱K喇。。。講真。真係好欣賞阿鴻哥唱歌。終於搵倒個比我更加唔知醜0既人~好開心~
佢傻傻0地~牛頭唔搭馬咀噤。所以蠻喜歡他~

miwa要調走。只認識0左佢兩個星期。但好多謝佢。佢教0左我唔小0野~
唔捨得佢走。
聽丹丹講話佢0係我後面教我執餅0既時候。眼紅紅噤。。。
今日第一次同佢食晏。可能都係最後一次。。。唔~~~
點呢？

丹丹。。。八婆一個。都很喜歡她~~八之餘又會同我傾計。所以我都八0左唔小0野返0黎~
尋晚0係佢0地大大聲的唱k、玩骰盅0既時候我0地就靜靜的傾計。（但美心好似聽倒！？）
因為我0地傾0既係。。。殊~~~

慢慢。慢慢。我發現店裡面。其實每個partners都是很好的。
雖然唔係個個都係0岩傾的那一類型。
但起碼。老套0的講句。幾warm0架。

今日青衣城裡面搞0左個function。
嘈冤巴閉！行路上廣州又舞獅又唱choir。九唔Q搭八。
忙到九十幾彩其間。突然白花油王子登場。唱歌！咩呀！歌手0黎0架人0地~

嘩~好凍呀~好想去買衫仔呀~~

>>November 2, 2002 at 11:58:14 AM GMT+8

2002 年 10 月 31 日 星期四 【陰】

難得休息。
以為可以訓晏0的。
但係。。。要學琴。。。尋晚三點鍾訓。九點就要彈起身。
無陰公。
係。呢家我代替0左二哥訓廳。因為二哥比我早訓。
我又要0係廳度搞呢樣搞果樣。所以。每逢返晏都會訓廳。
好凍。

學完琴之後，就屎忽痕走0左去穿耳窿。
數數埋埋我都穿0左四次耳仔。
呢個係穿返以前發炎果個位。
痛痛~~~

呢家。我走喇。唉。。。。。。
聽日有排挨。

>>November 2, 2002 at 12:00:27 PM GMT+8

2002 年 10 月 30 日 星期三 【陰】

更正：原來一直而0黎0既單單，係丹丹先0岩。不過一留叫開阿丹。（用疊字好溫馨0架~）
阿go係阿ko。阿雄係阿鴻。
暫時噤多先啦~

決定0左喇~聽晚會去。去完返早。無敵！
但丹丹會早走。噤我點呀？？？你走0左我就會訓。
如果唔係的話。第二日即場死得都似~

今日見倒張志德（細鬼）0黎幫襯。佢以前踢南華的~幾靚佬的~

經過兩個禮拜不斷粗勞地使勁地用右手將局爐裡的鐵盆放出放入。
手瓜瓜突然地比以前大了又硬了。（我知我又講得好xx~)
好man哦~但我是很溫柔的~呵呵~

----------------------------------------------------------------------------------------------------------------------------

"好煩呀！
可不可以靜一靜 ？
很用力很用力地哭了出來。好辛苦。
您在哪？
好了。現在舒服了點。"

情緒波幅大起大落。
但請放心。唔會有人睇倒的。

>>October 31, 2002 at 6:44:58 PM GMT+8

2002 年 10 月 29 日 星期二 【陰】

都是順利的一day~

返晏0既好處係時間過得特別快。係"sir"一聲噤快~
壞處就係。。。無0左自己0既時間。
好矛盾。
就同我一樣。

手指頭被玻璃水弄得"鞋鞋"的。
好無方法使手指頭唔好"鞋鞋"的呢？
睇0黎就算我知我都懶得去理。算罷啦~

今天。單單見倒我手背就讚（可能是貶的）好有型。
你估我個心有無諗"辣"落你塊面度仲有型0丫~嘿嘿~

越來越喜歡自己隻皮鞋仔。開始殘殘0地~鞋頭又圓又鈍。好鬼可愛。

星期五。十二點零晨。
但星期六要返早。
其實。我仲諗緊去唔去好。。。

>>October 30, 2002 at 7:39:23 PM GMT+8

2002 年 10 月 28 日 星期一 【晴】

唉。
尋日同今日發生0左同一件事：
（火局）餅0既時候"辣"親隻手。
尋日就"辣"倒隻右手手指尾。今日就"辣"倒右手手背。
今日呢下好鬼痛。好大達。
呢個經已係我第二次"辣"親手背0既經驗。回想起上次又係"辣"倒右手手背。。。
果日0係我朝頭早返學趕頭趕命熨裙0既時候，我將熨斗推跌。
熨斗邊壓在我的右手手背上。嘩！好很痛~~~當時我大呼。

我仲記得，果日返學搭車0既時候。有位自以為好有型0既同學仔就話喇：唔係呀~我覺得你條"啦"好型woR~
（如果那位好有型0既同學仔有睇倒我感寫0既話，你真係唔好嬲呀！）
我心諗："辣"落你塊面度仲型呀~（雖然佢塊面經已好有型）

返夜班我要執pastry。晚晚係噤掉晒0的唔留得0既pie,puff,等等之類。
越0黎越覺得自己好鬼折墮。唔係我掉就無咩0野。但呢家係我親手。。。。。。呀~
好好味0家嘛。。。

死喇。本來唔鍾意食lemon tart0既我。今日partner tasting0既時候。覺得好好食tiM~
遲下整返個pastry之我最喜愛食物排行榜先~
太無聊喇~

其實。
好（支力）。

您不快樂嗎？

>>October 29, 2002 at 6:34:58 PM GMT+8

2002 年 10 月 27 日 星期日 【晴】

二~~~九點半就彈0左起身喇~有無搞錯~
今晚我點頂呀。。。
一起身。食0左兩個蛋治~臨返工就食0左個麵。飽飽的。
今日返兩點三。放十一點半至十二點三不等~

又係噤啦~戇居居噤啦~
四點幾。我以為今日唔會見倒0既人返0左0黎。
哈哈~好白黐呀~有人返錯更~~不過對於我0黎講都算係好事0黎0既~
有人同我一齊白下黐無下聊先過得日晨0家嘛~無噤悶呀~

我第一次俾人話我似家菲貓。
正如好耐以前。俾小李子話我隻眼似董標一樣噤誹疑所思。
仲要有人話我髮線生得好後。
。。。。。。。
真係無得頂。

今日夜晚食0左個叉雞飯。都幾難食0下。又貴。又食唔晒。唉。

臨放工好似打仗噤。唔收舖都唔0黎多0的人。

第一次收pastry。絕對係一件好鬼麻叉煩0既事。
無所謂啦~習慣就會好快搞掂。

我呢家竟然唔介意同另一個人或者另一個人一齊換衫@@@@
哈~奇怪~

>>October 28, 2002 at 6:32:58 PM GMT+8

2002 年 10 月 26 日 星期六 【晴】

一個人起身。
一個人學琴。
一個人慢慢慢慢行返屋企。
一個人煮麵。
一個人食自己一個人煮0既麵。
一個人上網。
一個人睇電視。
一個人訓晏覺。
一個人一路聽歌一路睇書。
一個人等屋企人返。
屋企人返0左。都係自己一個人。

習慣一個人去享受自己一個人。
自己一個人享受等待一個人。

您開心嗎？

>>October 27, 2002 at 5:11:43 PM GMT+8

2002 年 10 月 25 日 星期五 【晴】

我預錯0左時間。
遲0左三個字。
一入到門口就呆0左。二？點解多0左噤多人0既？
無論點都好。我都應該講句。唔好意思，我遲0左。。。
原來上堂0既人會調0黎調去~噤係咪次次上堂0既人都唔同0架呢？（其實我唔多想）

上上下堂。突然間。
對面果個女仔問我。你以前係咪讀鍾聲0架？
我話。你又知？其實我都覺得你有0的面善。。。
原來。佢係我以前補習社0既同學仔~~~

我問佢。係邊間補習社？
佢話。進步囉。

我問。係0係邊0架？
佢話。哩~咪陽光乜乜乜果度呀~
我終於答。哦~~~

佢話。有個肥仔同你一齊補習~好Lum你0家嘛~
我問。0下~你又知？

佢話。0車~明眼人都睇得出啦~
我答。0下？？？（心諗：乜以前人人都知噤大鑊？）

講開又講。講返小小以前0的0野。
佢話。以前成日補緊習果時偷食朱古力0架~
我答。有咩？

我同佢講肥仔呢0家幾好~開補習社教人畫畫~
佢話。呀！我記得~以前有張0野貼0左0係塊版度。默書有一百分就有星星貼上去0架~果張0野係佢畫0家嘛~
我問。佢有畫過咩？佢畫0架咩？有畫0野上去0架咩？（其實有無呢張0野我都唔記得，我扮記得0架咋）

慢慢。我開始懷疑佢識果個黃詠芝並唔係我。
但係。佢有肥仔0既証據。點算！！！

上完堂就返工。嘩~下個禮拜完全夜班。好死。。。十一點半先收工！我唔制~
約0左gary食飯~完飯後。您打0黎問我羅返0的0野。。。
有得見您。但唔知開唔開心好。

見您有帶住我隻介子。總有點點放心。
無論原因係咩都好。

同您行0左陣。您竟然會買條咩0野俾我。
嚇親我。但會著囉。聽日就著。好無？

我知喇。我諗我唔係開心唔開心。
係無心情。
無心情去開心。無心情去唔開心。
呆呆的。

>>October 27, 2002 at 11:55:12 AM GMT+8

2002 年 10 月 24 日 星期四 【晴】

好支力呀！

今日單單唔返。
無人同我聊。
即刻悶晒。
時間過得特別慢。喊牢打得特別多。
午飯過後。
飯氣攻心，仲攻賣上塊面度。笑都笑得樣衰過人。

望住0的客笑得多0既後遺症就係。放0左工就唔識笑。
突然間覺得自己cooL0左好多。咪講笑。

係又笑唔係又笑。
無人望住你要笑。無啦啦笑。對住空氣講哈佬都要笑。
我又唔可以笑到露齒（唔可問我點解），笑到個酒凹果個凹都深0左。
笑到好支力。

我呢家係賣笑。好賣力地賣笑。好便宜的。

史丹尼（很起歡只叫他丹尼，正如angela只叫gela一樣噤動人）。water。單單。阿Go。雄哥。
這幾位算是我最喜歡的幾位partner。
其他的。暫時沒有什麼感覺。

這一個星期。我是solo的。

>>October 25, 2002 at 3:28:40 PM GMT+8