|
2005 年 4 月 9 日 星期六 【晴】
今日雖係星期日，但係都幾繁鎖。下午番左去City傾心理role play
Um,....我最鐘意係cityu個圖書館～真係好鬼多書同埋報紙架ｏ者～～
原來入面都好大～
我而家先知道role play同埋Drama o既分別．．噢噢．．熱烘烘的心冷卻了３０％
傾完之後３點幾，走去搭火車入上水～半小時去到．．．５點半先可以探婆婆
所以去左食番個Tea~~哈哈～因為有caupon在手，去左Delifrance,嘩～
ｄ"木凳"好好坐，食到５點幾先走～睇左報紙呀書呀咁～
去到～嘩～星期日，果然好多人係門口．．我６點半先入得去，因為有人係入面探佢
一入到去阿婆係度笑～ｋａｋａ，係咪好掛住我呢？！！今日阿婆可以坐係度～食粥
哎～真係奄針唔肯食白粥，佢鐘意食Jelly,不過夜晚冇ｍａ～
嘩～隔離床係個新病人．．之後唔知點解ｄ醫生講野好大聲
係對面～真係好對面，有好多病人的親人係度，個醫生同佢地講個病者situation
嘩～你唔好咁大聲啦，好驚架我！！我六點九就飛走左～趕住去補習
唔．．．不過見到佢咁～唔知呢～
補習勁Overrun,成十點先走～同左佢媽媽傾左陣偈啦～哎呀～ｄ細路真係唔聽話～
唔做我俾佢ｏ既野．．．．
係朗平落車～呵呵，又買個十蚊墨魚丸同餃子食啊～～
今日買左本３周刊，封面係李珊珊．．不過個標題好衰～～
明明忽周都有李珊珊．．不過冇得買啊～～～噢No~~
>>April 10, 2005 at 6:31:16 PM GMT+8
2005 年 4 月 8 日 星期五 【晴】
今日上午５點先走訓．．唔敢話訓得得太耐，我驚""一睡不起""
因為今日要quiz account 呀！最後我選了坐係張床度訓～六點半起左身～
沖下涼搞下呢樣，又番去喇～
星期六quiz account~~哈～唔．．識ｏ既咪識做ｌａｗ，唔識ｏ既就唔識咁ｌａｗ
之後就係Podium傾左中文，英文同埋遲D sem break會去旅行～
去Thaland LAW~係喎，係呀！就係咁喇～
之後去左大家樂食Lunch呀～Ok咁啦～哈～ｄ焗豬扒反ｏｋ啦～奶茶走埋甜，其實都唔錯。
不過哈～熟我ｏ既都知我對快餐店冇咩特別興趣，所以ｄ野食不過都OK架喇．．哈。
之後時間尚早，去左Podium度睇下書．．因為係九意灣直接過去上水呀！
休息下咁啦～之後見到阿卓同埋Cathy，佢地就考AL ENG好努力咁做緊Paper
最後六點鐘搭MTR轉火車～唔知點解火車好多好多好多人～咦，ｄ人仲要係番
羅湖ｏ既～～嘩嘩嘩～好多．．男人．． ｋklakaka
------------
今日好多親戚去睇婆婆呀～嗯～點講呢～入到去～之前隔離床新個個好番架喇～
所以而家成個ICU,最清醒係我婆婆．．不過其實今日自己見到佢都好傷感
佢個口冇插野架，係個Nose有條喉，但係．唉～係喉嚨開左個ｄ插喉個D氣孔咁啦～
點講呢～佢一百%清醒，但係又講唔到野喎．．我同佢講野佢想同我講野我又好難古到佢點
我覺得好嚴重．．．因為個個喉嚨開窿喎．．．我覺得係好恐佈ｏ既事．．
D燒又未退喎．．最衰而家剩係俾夜晚個段時間探，如果唔係我實會經常入去同佢講下野都好
夜晚都唔係晚晚得閒架Ma!! 不過個度D護士都算好好好好人士架喇。
今日個細路打黎話唔駛補 是但啦 第二次睇殘酷一丁。之後訓著左～好累，
十二點幾先起身～～哈哈～上網去～
－－－－－－－－－－－－－－－－－－－－－－－－－－－－－－－－－－－－－
嗯～每個人都有自己唔同ｏ既性格 其實 就係因為每個人有唔同ｏ既傻缺
所以人先唔會係完美 但係 又有ｄ人 可以非常之夾～
我覺得係個度番學 更加了解左ｄ人多左 Lazyman我覺得自己了解人ｏ既強項
係有時Feel到人地諗咩 所以 好多時都會千就到人地～知人地真正想法
不過 我最看不過眼 係有ｄ人 既眼神出賣左佢自己～嘩哈哈。
>>April 9, 2005 at 7:33:37 PM GMT+8
2005 年 4 月 7 日 星期四 【晴】
今日 十點半起左身～因為中午約左好朋友仔威婷吃Lunch
係天水圍天澤食，LRT發生故障～哎呀～我以為搭架７０６是對的～
點知，最後都要轉車～～～ｋａｋａ
因為我一路都想係個間商場的七福神食Sushi，因為任食～
嘩～一個小時十五分鐘～ｋａｋａ，３９蚊～夜晚就好似５０蚊到，假日六日貴十蚊～
嗯～款我覺得OK呀～因為我差唔多鐘意食個ｄ都係度～ｋａｋａ
好開心可以同朋友仔一齊安安樂樂甘食餐反，亦都講左呢幾個月發生ｏ既事～嗯！哈哈
不過 我希望 可以同埋其余四個好朋友仔一齊食反啦～不過～好難就 但係都要試下先～
我同威婷合共食左二十八碟～～哈哈，邊個食得最見？！心照啦～～
食到二點到就勁飽咁走 我同佢一齊行番去天慈之後就搭番LRT去補習～～
補習 仍然都係咁啦～哈哈~真係唔明白 係朗平都見唔到一個熟人？？！
聽日quiz account..LAZYMAN你得唔得架？？！唔得架唔得架！！我就是這樣的一個人
不過當然～我都會溫喇～～ｋａｋａ
今日聽阿媽講 婆婆插左氣喉不過可以食野 嗯～食左Jelly又飲左湯同埋果汁
會唔會搞肚架護士姐姐？？？希望快D退燒啦。ｄ賤人行開啦！！黎黎黎～．．．
－－－－－－－－－－－－－－
沖涼個陣 諗到心理Present o既Drama入面ｏ既 Detail～有D對白應該會用：
１） A:我係女強人 B：但係你太大女人 ａ：我好硬淨 ｂ：你唔溫柔
ａ：我受人尊敬。B:連你老公都要睇你頭 ａ我唔懦弱 ｂ所以我就決定走
２）我愛ｏ既人唔愛我 乜我要求高咩 唔好話 你地D男仔要求仲高
男人 冇個係好人 男人 十個有八個都係衰人
３）我鐘意ｏ既人點解要鐘意佢 乜原來 佢從來都冇將我放係心上面
點解我唔知 我知又點 佢 點都唔會愛 我
我無後悔過嘉歡過他 但我後悔愛他愛得太久
係咪好正呢～～ｋｋａ＜期待MA???心理堂先有得睇~~@.@
----
每個人都總會有成長的時候 是夜看到的朋友仔你～
真係比之前認識你成長了許多 三人行，必有我師。我信的
-----------------
澄幸同學仔 生日快樂耶～～～～～～＊＊
>>April 8, 2005 at 6:51:19 PM GMT+8
2005 年 4 月 6 日 星期三 【晴】
一早 收到同學的來電 感謝這個電話 我才知道那時是１１點３０分
然而，今日番九點半的 我仍在床上 又唔番～當再次起身 已經３時
展開一天的補習生活。
今日連錢包都冇帶 有個有Octopus及月票的散子包走天涯。
最後番左落屯門係媽媽度拿了幾元～搭車番屋企。
夜晚補完習差唔多十點 終於有空打個電話給朋友仔chat下。
－－－
今晚打俾阿媽 婆婆又發燒番喇，唉唉．．是夜要同佢係喉嚨開氣孔．．唉．．唔好得唔得
好驚好驚．．．．今晚番到屋企 阿姨問知唔知阿婆點！我知呀～
但係佢仍然要講 我叫左佢唔好講 我話係咁都冇法 佢話佢都知但係．．
我終於好"文"好"文"咁鬧左句：收聲啦！！
呢２個星期 心情開始好起伏 同細佬的爭吵多左好多 我知好多時可以avoid
但係我真係好忟呀這陣子‧
今日又為左ｄ無謂野頂咀 我心底裡有好多說話都吞左冇講。因為如果日日要去上水
真係好累 然而佢有好多借口唔去而係屋企打機．．佢永遠都唔會知個serious level係邊
或者 ｄ男仔跟本唔會上心 打機行先？！永遠都唔會後悔 好似前年咁
佢上都唔上心 覺得浪費佢ｏ既時間。 呢ｄ說話我冇講。
佢剩係覺得我用佢部電腦浪費佢ｏ既時間打機‧仲有好多野～下刪．．
我剩係話左２句，其實想講好耐：【你實覺得我係度獻世 我留係呢個屋企都冇用】
其實番左德福咁耐 我細佬好多時候都對我好好 但係其中我好討厭一樣野
佢從來都唔顧我感受～其實補習有時候都真係好惡頂 我叫佢唔好用咁多錢 慳D使 我自己每個月尾都唔夠都唔敢問阿媽拿 佢會話：你唔夠咪搵多份補習LAW 一個月咁多錢仲唔夠？＜－我會覺得呢句係一句好頂心的說話。
不過～都慣左從未有人的體諒 我就是這樣的一個人。
呢排諗，真係好驚遲早一日會發脾氣到大鬧出黎 真係好驚 對住個細佬 開始都忍唔到．．
有時出去上水 仲見到個班死賤人 衰人 八婆！我害怕 真的會有這一日發生。
個班賤人 黎咁多做咩ｏ者 我講過 我要你地一世子內疚同後悔！！
我成日都emphasis要對人好 對人唔好ｏ既後果會點 我唔知道？！
我剩係知道 個班賤人咁對佢阿媽／佢奶奶 第時小心佢ｄ仔女都係咁對佢地。
當然我唔想有咁ｏ既情況發生 不過！睇天收佢地～如果阿婆有咩野事！
我要你地內疚一輩子！！而家所做ｏ既一切 你地都償不清你地的罪孽！！
>>April 7, 2005 at 6:19:26 PM GMT+8
2005 年 4 月 6 日 星期三 【晴】
上午五時，吃了平生有少吃的杯面x 2,海鮮味唔好食～
【我就是這樣的一個人】
我就是這樣的一個人 這陣子 也是這樣
知道嗎 逃離不到的地方 那就一直的留 對那裡沒有寄盼 對自己沒有期望
只希望 不要煩到人 惹人忙 惹人麻煩 惹人討厭 那就已經很好
我說我很累 從未有人相信 對！我仍是依舊這樣走來走去 自找的 說什麼～
我說我未休息過 從未有人相信 對！是我自己每天去這裡去那裡 自找的
我說我害怕這個家 這個不是我的家 以前屬於我的家 如今 已經被那些人完全破壞。
理智開始逐漸失去 其實家已經不是我想像的 再早回去也無聊
私人的時間 半夜打後吧 所以 老早回家也沒有用。
近排 心很累 對於每天的出走 eR,很煩人 連哭的地方 也沒有 心情？！不知。
一直的走 就是每天的走 心情也這樣出走去～對嗎？！
>>April 7, 2005 at 7:23:39 AM GMT+8
2005 年 4 月 5 日 星期二 【陰】
今日 心情 如濃霧 如大雲 如．．．．．．？
上午五點訓～例牌 上唔到ｏ既都上唔到～
今日Econ present,非常非常非常之差 真是太可惡的一個自己～討厭。
無飛奔過去city上econ,同阿慈聽下個個咁ｏ既Daniel解題～
因為我幫手switch off computer。
毫無疑問，佢真係解得好好 真架！佢知識好博～然而 佢ｏ既其他行為態度每我討厭
今日真係時間表多野做～哈～去左M記寫埋張appliocation form o既手尾，
咦，有M cafe架～杯coffee好似好好飲，不過下次先試啦～
搞掂～寄信～補習～
哎～ 第一站－＞天水圍（４３０－５３０）
第二站朗平（６－７３０）．．唉～心情好差差差差～～
因為佢媽媽留左我係度講佢個女．．．唉，大家知嗎，我飛奔走去西鐵站７：５０先上到車
但係我第三站係７３０開始．．最後８：００，打俾個小朋友．．對唔住
我黎唔到．．．好好好好差，好差的心情，好好好好極之討厭的自己
點解走唔到三場，原來好順利就係９：１０去到學普通話～Too BAD LAZY MAN!!
今日對自己ｏ既評價真係好差好差 走唔哂三場，present又BAD~~天！
之後冇去普通話班，好多人都古到我心情差個陣就係．．冇錯！食！
買左盒２L ｏ既三色雪糕番屯門屋企．．一落車見到SHARON~
今晚老豆同阿媽番黎個陣．．我同佢地訴下今日的無用處．．
雪糕用spoon畢～～半盒，食左，食完就被人咀咒～肥死～哈。
但係心情真係太冇Mood喇～佢地趕我快ｄ番屋企．．我坐到十點三先走
番到元朗個屋企，咪仲冷清，個Feel唔好，心情仲唔好～
最後１０３０係元朗 １１３０番到屋企 又再夜遊元朗Ma~
-----------------------------------
今日好討厭！！LAZYMAN真係可惡！！太過份喇！做咩三場都走唔到
以後點得架下！！唔可以再係咁．下次走三場的日子，帶少ｄ野先！
不過今日好開心，收到WENDY的電話 去完Thailand番黎．．掛死我
我都希望可以好快可以好似佢地咁 見到一個又一個的LEADER,看到更多的東西！！
>>April 6, 2005 at 7:53:50 PM GMT+8
2005 年 4 月 4 日 星期一 【晴】
今日做野好少 第一 下午番左去九龍塘CITY PRINT野，冇錯
皆因今個星期六有account test,pRINT,番哂d NOTES先～
之後 過左上水～點知行緊去搵阿媽途中，阿媽打黎叫我唔好去
因為唔好俾阿婆咁激動喎～因為條氣個度唔係太好，佢又唔想插住條喉喎
但係唔插又唔得 個nURSE話如果個２日條氣仲係咁唔樂觀，甘就要係喉嚨度開氣孔．．
no~~no!!no~~~唔好呀唔好呀．．．．隔離個個病人就係咁Ｏ既情況之後就．．
ＮＯ．．ＮＯ．．所以媽咪話佢一激動就影響條氣，唔，寧願唔去．．
不過未番屋企呀，諗住做SuRVEY,時間又尚早．．於是係上水行行行．．其實都唔係行得太遠
路痴～係咁架喇
夜晚～係朗平做SURVEY~my吉～一個小時的時間～行左去賀／鵲／燕／鏡平樓～
得一個做到，仲耍係老人家～真好～ＫＡＫＡ，因為計埋去左５／６間呀！
得２間有人，一間就係老人家個間，另一間原本唔做架．，不過我話．．下，
呢個食食環署SEND話信黎．．規定左，對研究全港好重要架喎～最後都有做
不過被選者唔係到～～～哎呀～～抽住太多野．．好累～ＫＡＫＡ
走個陣肚仔餓～yEAH~朗平天橋有個走鬼檔，十蚊有４粒墨魚丸同埋餃子～
嘩～勁抵食，而且都好味喎！次次經過都會買架～哈哈
好～聽日．．仍然的補習＋番學lU`~
-----------------------------------------
＜內心發脾四之二＞
今日聽番阿媽講，話個Ｄ咁Ｏ既人有黎睇佢～
哎～個Ｄ人黎，阿媽就立即走ＬＵ～得！我完全明白！
佢地黎睇佢，咪盞激多佢２錢重！
做仔Ｏ既我明白～我冇怪～正常。之但係叫人奶奶個個賤人呢～
黎到嬌埋雙手，哎呀！唔鐘意咪唔好理law,乜有人用ak 47指住佢咩～
個Ｄ咁Ｏ既賤人 衰人 帶住口罩都見到佢"也母""埋口面Ｏ既樣喇！
家陣邊個得罪佢呀！好彩我唔在場～八婆！
冇錯，你地實覺得我太激動，我都N世未用個呢ｄ詞語去形容人話人１
但係如果唔係個個賤人！我屋企朗夏個度而家駛搞成咁！
而家家不成家係邊個搞成架！咪係個個死八婆！
而前幫佢，咩都就佢，佢係長輩ｍａ，呢ｄ咁ｏ既人！哼！不配喇，心領喇！
個個咁ｏ既賤人，多得佢唔少 而家邊再有真係ｏ既團年反食呀！
死八婆，自從個次之後 我阿婆搞成點呀！！賤人黎架呢ｄ～
有著數就識叫人前人後！個ｄ咁ｏ既賤人，懶得佢出自真心呀～邊忽似呀！
黎黎黎～走啦叫佢！行開ｄ啦！
不過～我知自己ｏ既身份喀～放心～
不過，唔係個ｄ賤人搞鬼 我屋企就唔會變成今日咁～團年反？新年？
唔係呢個賤人搞鬼 阿婆ｄ仔駛搞成咁 不過個３個都唔抵爭！
但係 我講過 婆婆有咩野事 個個賤人同個ｄ咁ｏ既人！記住
佢地一世都唔會好過！ 好激氣呀仲之～～哎呀！！！！！
>>April 5, 2005 at 4:07:42 PM GMT+8
2005 年 4 月 4 日 星期一 【晴】
四月五日 上午3時35分
在家中的"鐵爐"裡苦戰了整整一個小時
仍未尋回我那些堆放已久的學歷証明書
原定年頭會完工的家 因問題不斷一直延期
原本各人房裡頭的一切物件堆放在鐵爐中
施工既然未完 一切都在那兒 當然 我的學歷物件也是
距離演藝的報名時間尚餘三天 當今晚仍未尋回 那我也注定．．．
是日 要全力找尋 但 心已經開始慌開始亂 是天定還是人定 真的是緣嗎？我不要‧
我真的真的真的真的 想逃離ACCOUNT ECON MARKEITNG的生活．．．．．．
雖然未知最後走得與否 但有機會總好過永無機會．
＜冷靜不到的．．是心 是思緒．．．．．．＞
>>April 5, 2005 at 3:43:37 PM GMT+8
2005 年 4 月 3 日 星期日 【微冷】
＜角色＞
容許我問一問 我到底是什麼？
我的角色是．．．一個是夜在小巴上思考的問題
我是別人的女兒，別人的姐姐．．．．．．
家中 我是一個小丑，是傻的是沒有思索的 只為了取家裡的一個平衡
但如今 我討厭做小丑 這 仍是我一直的家嗎？
學生眼中 我是一個補習老師 家長望子成龍望女成凰
我是人 但不是他們的保母 我是人 不是他們的生神仙
我討厭這個角色 但 我有權去選擇嗎？
我 究竟要做什麼的角色 別人才會滿意
是小丑，小神仙，是．．．．．．
是別人塑造我成什麼的角色才使滿意
你認為我做得不夠好 你認為我做的不夠完美
你認為，你認為．．．但 我是我自己 不是嗎
是誰逼使一個人的壓力 一個人的情緒起伏太大
是自己，是別人？還是另一個自己？
如今 我最想釋演的 是自己？！
可能我想問 我究竟要點樣做 你地先至滿意?
一個困局是一個家 一個無人出聲的是一個家
可唔可以唔好再係咁 鬧情緒 我都識 但係因為我係小丑 我是無資格？！
討厭不停的轉換角色 同一個舞台 但生活太過急促
走走走 我拚命地一直一直的走 但 中途站在那兒？！
近排有夠趕 趕呢，近排有夠煩 煩呢，近排有夠累 累呢
近排有夠情緒起伏 大鑊呢 近排思緒零亂 頭痛又起 噢～my吉！！
┌這陣子的疑問：究竟是我變得懦弱了 還是 一直太過逞強？？┐
>>April 4, 2005 at 4:56:32 PM GMT+8
2005 年 4 月 3 日 星期日 【晴】
今日成日都少少唔係太好ｏ既感覺。
朝早唔駛番MS,一起身已經係一點半，我一點半有堂account,
噢～終於２個quota都用哂．．以後冇得唔番。
下午補習夜晚補習，補完習個老豆同佢阿媽係度講下佢２個仔～
佢老豆的一句：老師你都有責任要睇住佢地。 壓力好大，好累好累
今日好衰好衰，原本PLan定做suvey,點知補習去到九點半，落到元朗九點九．．
最後都冇做到
係西鐵度諗 其實我知我有責任去教好一個小朋友，但係有時候都要佢地努力下先得架
我唔係佢地保母，如果自己有空，我唔Mind好似今日咁Overrun,但係．．自己唔係呢。
今日好想撞見熟人傾下偈．．但係除左係惠康見到好忙ｏ既貞貞之外．．
係街上都見唔到有熟人．．．最後撥了幾個電話～因為 又係咁累喇．．．
冇左一排ｏ既累 又再一次出現
行番屋企個陣～Bom一聲．．撞向電燈柱，哎呀，點解會咁架．．不過原來
真偽好鬼痛．．．番到屋企．．細佬見到我個樣．即刻話～嘩～你做咩個黑眼圈咁大
我又唔眼訓呀不過．．．．．．
是夜夜遊元朗，唔知點解，好掛住莫SIR呀．．可能近排真係多野做掛
>>April 4, 2005 at 4:02:11 PM GMT+8
|
![]()
流星語： 【 搬左板：Xanga Name: Lazyman_doraemon】
|
|
人氣: 20824
Design & Scripting by ShowHappy.Net
| | | |
今日雖係星期日，但係都幾繁鎖。下午番左去City傾心理role play
今日上午５點先走訓．．唔敢話訓得得太耐，我驚""一睡不起""
一早 收到同學的來電 感謝這個電話 我才知道那時是１１點３０分
上午五時，吃了平生有少吃的杯面x 2,海鮮味唔好食～