2005 年 3 月 3 日 星期四 【雷雨】

　　　　　　　　　　　『元兇』

　　　終於都知道了為何這幾個星期都不斷的身體出現問題，
熊貓眼比以前深了　精神比以前差了　明明連８半都沒有上　睡得也很夠乎。
　昨晚通完電話　再細想　精神不佳是否源自於夢境呢？
連續這２個星期　基本上每一晚都有夢發　有些記得起　有些打早忘記
夢境不外乎是身邊的人與事～我的天！～
　　　
　　　第二天一早的夢　通常也會記得起　而夢境　基本上與我無關～啊NO~
縱然睡得足夠　但　夢也佔了自己大部分的時間～大腦你啊～有沒有休息過來？！
以前都希望發夢，現在　．．．．．不大想．．．很累ｍａ～
然而　真的想知道　夢境與現實究竟是相反　還是真實？

>>March 5, 2005 at 4:54:57 PM GMT+8

2005 年 3 月 2 日 星期三 【陰】

　　　　　　　　　　　　【望子成龍～】

今日，打番俾阿媽，同佢講番幫勄個ｆｒｄ個女補習既事，
我都同佢分析過由琴晚的一段話，都知道佢個朋友係一個對佢個女期望都幾大ｏ既人。
小二ｏ既小女生，佢阿媽都要求佢高下．．不過阿媽講左句：『個個都想望子成龍架啦，如果唔係都唔駛咁細個就搵人補習』

　　　望子成龍　那望女是否成鳳？！回想起自己都由小四開始補習ｌｕ～
我相信每個家長都係想望子成龍ｏ既，不過～哈～我諗我做唔到架喇。
不過講真，如果我阿媽真係有朝一日同我講：要我考個degree番黎
我諗我真係會放棄一切～說到底　做女ｏ既，欠佢地太多喇。
幸好，到目前一刻　都未聽過佢講過．．哈哈～
－－－－－
　　　夜晚～路亦思打左黎，嗯～同佢傾左好耐，因為～近排自己有少少問題出現左
佢知我呢排～心情麻麻地。所以就同左佢講～佢話其實可以一早打俾佢地～
不過我驚阻住佢地做野ｍａ～不過最後有個好好ｏ既concultion:『Questions are the answers』
不過～都好多謝哂。－．－

>>March 4, 2005 at 5:44:17 AM GMT+8

2005 年 3 月 1 日 星期二 【雷雨】

近排都冇咩抒情日記可以寫～因為～實左太睏了～個腦思考唔到～哈哈哈。
呢排個天成日都落雨～～真是呀，本身落雨冇所謂～但係我仲未買到我想買ｏ既傘ｍａ．．

　　今日起身～嗯～十點正，又上唔堂ａｃｃｏｕｎｔ，作死喇呢排都～
番到德福，傾左陣ＥＣＯＮ　ＰＲＯＪＥＣＴ就上ＴＵＴＯＲ　ＥＣＯＮ的～
之後又過左去ＣＡＭＰＵＳ到上ＥＣＯＮ～＊
　　今日的Lunch Box好好味架，係冬姑炒雞＋椰菜花煮西生菜～ｋａｋａｋａｋａｋａ
之後～３３０完左個堂就飛奔去補習～第一站係天水圍天富
第二站係屯門個個～～好快咁又過左個半鐘ｌｕ～不過未番得屋企住呀～
因為今日係第一日開始去學普通話～係屯門的工聯會學～
未夠鐘去左食墨魚丸面～嘩～個度ｄ墨魚丸好彈牙～

　　上堂ｌｕ～個阿蛇全程用普通話．．嘩～不過第一堂學ｏ既野都唔難ｏ既～
之後好難講。番到屋企成十一點幾ｌｕ～之後仲要做埋功課～聽日．．唔知又知唔知醒呢～哈
－－－－－－
是夜　接左一份補習，小二女生　講真　如果講金我就唔接　因為其實真係唔係好多
不過佢個阿媽係我阿媽個ｆｒｄ（我都識～）咁～是但啦～～
不過地點都幾鐘意～朗屏村玉屏樓．．．Um.....@.@

>>March 3, 2005 at 2:46:25 PM GMT+8

2005 年 2 月 28 日 星期一 【陰】

　　　　　最近～心情滿滿的．．．少少出現差錯～

　真可以真得很　假　其實也可以假得很。
　呢幾日ｏ既感覺：偽裝與真實倒也不去分　真心的　也買少見少去～
　如果要保護自己～把防範心加重　也未免不是一件壞事
　發現了　一些臉孔　愈來愈功利　愈來愈．．．．．．．＝．－

　　呢排～都幾多野做～哈～不過～是但啦～今個Week對於係德福個度讀ｏ既人黎講
係開始忙ｏ既ｗｅｅｋ　掛～至少對我黎講係啦。今個ｗｅｅｋ係７呀～
Week 7－＞MS TEST
WEEK 8－＞中文＋account+econ test（星期二／三／六）
Week 9－＞英文唔知交咩野～
Week 10－＞心理present 經濟present 中文present(星期二，三，四)
嘩哈哈～ｕｍ．．唔知講咩好～ｋａｋａｋａ
－－－－－－－－
我終於Update左D相～有興趣可以入去睇睇
包括有：－＞自己而家讀緊個間學校ｏ既人ｏ既相
　　　　－＞同中七同學仔ｇａｔｈｅｒｉｎｇ　ｂｂｑ　ｏ既相
　　　　－＞同埋媽媽滿月酒ｏ既相。
相簿仔


>>March 1, 2005 at 5:45:55 PM GMT+8

2005 年 2 月 27 日 星期日 【晴】

今日 去飲vincci的滿月酒～番８半～起身，勁大雨，算啦～繼續訓。
訓到９點到就起身．．．．．．．唔知道呢一個SEM 見過MS阿蛇幾多次呢？？哈哈

　　　下午上完ａｃｃｏｕｎｔ　ｔｕｔｏｒ～嗯～今日幫媽媽手做接待～
咁就見時間尚早，係灣仔會展隔離的酒店飲～咁既然係灣仔．．
去左我一個人一定會去ｏ既地方　吸收下個度ｏ既氣息。對上一次過去個邊
好似係ａｃｔ　ｄｒａｍａ個次～係麥高利劇場～唔知道．．下一個學期
可唔可以有咁ｏ既機會日日係灣仔番學呢．．

　　　５點幾～去酒店ｌｕ～主角未咁快到，同ｄ　ｔｅｌｆｏｒｄ人打下麻雀咁啦～
之後佢到左～做一個好好ｏ既接待先～哈哈～～雖然好似被獨立在出面
不過其實我都幾ｅｎｊｏｙ，因為入面太過熱鬧～反而唔ｓｕｉｔ我～
　到開席個陣時．．ｄ送都ｏｋ啦～不過不失～不過．．我覺得如果係酒店ｏ既水準
差少少ｏ者～哈哈
　　　不過好開心ｏ既係～見到媽媽佢好幸福呀，真係好幸福的甜蜜笑容
雖然聽過有人話佢就好啦，做過有錢少奶奶～但係我知道媽媽佢ｏ既幸福～係用金錢量度唔度架～冇論係有錢定係冇錢～佢ｏ既家庭充滿住溫馨及甜美。
呢一重幸福ｏ既感覺　係佢同佢先生之間流露左出來！
　　
　　十一點到係個度走～番到屋企都成十二點～唔．．眼訓～哈哈

<--３月２０日ｏｐｅｎ　ｄａｙ　ｗｏｒ～

>>March 1, 2005 at 5:31:34 PM GMT+8

2005 年 2 月 26 日 星期六 【晴】

　　　　　　　這個星期　心情也太糟的感覺　不太好　不太正常。（當然～我一開始就１是不太過正常～＊）

　　　我只想　我很想　我太想　找更多更多的時候　更多更多的機會
去陪我身邊的那一位『老太婆』。
　　　自從新年至今　接二連三從她口中得知　隔離屋的某某　街市的某某『旅行』去後。
心里面開始有著害怕的神驚過敏症又再出現‧
　　　
　　　以前　總在她有病的時侯才會忐忑不安，現在每天不見她一面不握著她也不願上學
不願去睡覺。　我真的很怕．．．．．
　　但　人的時間總是有２４小時　不多不少　已經不能在家中吃晚反
自己又不爭氣　總是上不到星期三的８點半要星期五補上，若果不是　一個上午都能陪著她

　　有時　看到街上的老人家一個人　我的心其實很痛　不知他們的家人對他們怎麼樣。
如果我可以　我真的真的想陪著他們去茗茶　當然　如果我可以　首先一定會
天天與我的婆婆去茗茶去。
　　　
　　　　我說過　我不會再等待有空的時候才懂得取悅老人家　因為等待這個詞
如今　仍未忘懷的一生遺憾。
　　　由那天開始　我說過　我會好好地對待家中的這個她。
你一定要身體健康，龍馬精神．．．．．一定一定要！！！！！！
我相信不只是我　你們　都會吧？！其實身邊的老人家有時可以是煩厭些　但要明白
要懂得體諒與關懷去～



－－－－－－－
我條頸終於好番七七八八，阿媽話會慢慢好，不過～諗番起，好彩個日係我跣親，如果
係我阿婆跣親咪好大鑊～哈哈哈。

>>February 27, 2005 at 5:16:38 PM GMT+8

2005 年 2 月 25 日 星期五 【晴】

　琴晚訓覺好搞笑～因為條頸ｏ既問題～擾攘左好耐，哈哈。
不過今朝早起身，係仲番少少痛，呵呵，不過可以擰轉後面～勁！！
　今日同細佬番去拿成績表，佢ｄ成績．．ｅｒ．．．算啦。

　之後番左落屯門，訓～訓到成２點幾先起身．．．不過我又發夢呀～

]今日發個夢都幾奇怪，我發夢夢見我啦，細佬啦，阿媽啦同埋老豆，好似仲有人．．去迪士尼
但係個問題係個迪士尼都未起好，我地去到～嘩～好大呀．．其實係有ｄ大原地ｆｅｅｌ
我去做咩呢，原來係幫個朋友？識架啦～去做ｔｅｓｔ，睇下ｄ　ｇａｍｅｏ　唔ｏｋ～
但係個個人有ｄ似ｋｙ？？哈（ｋｙ係我德福教英文ｏ既阿蛇～）
　
之後～見到有海盜船同埋呢個唔係過山車ｏ既過山車～
咁就試反～嘩€好高呀架船，咁望向出面，見到．．哈哈哈。一大片原處係個ｄ有動物個ｄ
森林咁啦～咁冇事，我就提議話如果個環境可以夜空ｄ就正．．
　
　之後反過過過山車就有事喇，去到好高好高，唔知點解我同阿媽會被拋出車外
嘩～好驚喎．．好驚跌落去，但係我地真係跌緊落去ｍａ～ｋａ，捉住佢～
點知拋出去．．好落唔落．．落正有獅子ｏ既地方（我地又咩事都冇）隻野追我地我地走

跳過草叢～今次被隻老虎追～但係又被我地逃離左～搵番佢地～之後．．就唔記得ｌｕ
　　不過我記得發多左一個夢，不過個夢係咩野～就唔記得？？！！

　　夢～真係奇怪喇。。。。。。

>>February 26, 2005 at 5:11:12 PM GMT+8

2005 年 2 月 24 日 星期四 【晴】

　　　今日準時起到身番學　但係"起唔到身"，郁唔得喎．．成個機械人咁
條頸一郁就好痛。話說琴晚訓覺，基本上我係訓唔到落去架．．最後要我細佬幫幫手
慢慢幫我整好ｄ枕頭咁．．
　　　點知今朝早就搞成咁．．激氣，難得我起到身。
其實只要唔郁呢個頸部以上就唔痛～最後都好勁咁起左身，不過係係張梳化度咁就過左一朝早
睇下報紙咁．．．因為～唔想行。
　
　　不過好醒架喇～識擦呢個正骨水喎．琴晚""膚""旦個個位今日真係冇咁痛架喎。
但係下午都要郁～好彩見好Ｄ，不過真係唔好係背後叫我，我個頭係擰轉唔到ＬＡＷ～
　
　　　下午要去補習呀～開始經歷呢個補習生活，哎～呢個學生襯阿媽唔係度就打電腦～
我自己都顯得鬥Ｄ冇奈感～不過今日出糧～剛好買一張西鐵飛～呵呵

　　　唔．．．很夜回到家～好明顯～今日係hAPPY FRIDAY,要遊下Supermarket先得。
哈哈。
　唔唔～希望條頸聽日冇事，那真是該死的是地板是那對All star,或是要討厭自己的不小心？

聽朝一早起身同細佬拿成績表～～８點半．．嘩～之後番落屯門先～哈。不過唔知會訓定
係溫""朱""ｏ者～

>>February 25, 2005 at 6:05:44 PM GMT+8

2005 年 2 月 23 日 星期三 【晴】

今日起身～嘩，８點幾．．遲到喇．．今日唔遲到得架！
因為今日係中文書分享ｍａ．．不過臨出門口，發現左未帶錶
咁要知道人地屋企整緊，地下換左地磚．．一行得急　砰一聲～嘩～冼左地下呀．．
個頭好痛．．不過哎多二聲就要勁走～
　　
　　　　　係架MTR度熟背我的講稿，番到去，９點８．遲左２個字～哎呀．．．
原來得我未番．．＝．＝"
　　　　嗯～今次讀書分享，覺得講得唔好～因為～唔知呀，竟然緊張地手震。天啊！
點解會咁架，Present完．．坐係度講架咋．．唔駛企，有ｄ唔自在添‧

　　　　中文後就到英文．．收到斷斷續續的SMS...雖然人地都知道打個電話俾朋友唔難
但係仲咩又唔順便問下人地忙唔忙．．呢排人地精神差過上星期．．．身心明顯差過上個禮拜啦．．雖然一個星期最少見一次。但係問候下都得掛．．．魚．．＞＜

　　　　　今日去食午飯，我剩係飲野，因為有帶反番屯門食
好鐘意去個間茶餐廳，Ｄ奶茶少甜當然好飲，但係個度Ｄ人都好nICE喎～
食物味道唔算太特出，但係最緊要係食時開心mA~~kakakakakkaka

　　　　　　番左落屯門食反，食完反出番去補習～～補完，明天ＤＡＹ　ＯＦＦ～ＧＤ！
之後落左去三聯～不過真係好累喎～想買書架，買夠百五蚊有discount個張卡，不過由於
精神不濟，都係下次先．．第二天拖住疲憊的身體回家，唔知點解會咁累呢？
可能未訓夠～哈哈哈
　　番屋企"十"旦碌碌個頭個個痛個度．．ｄ瘀唔知會唔會冇左呢？？
　　明天雖然係Day off,但係如果起到身，都想番Account,因為星期三朝早～OH～十點先起身～
－－－－－－－－－－－－－
　　有人說　要訂目標去～
還記得這個　日記冊上　２００４年１２月３１日寫下了５個位置　有三個填上去～
一個係～要達成一些事情後，買一條『流星雨』給自己，要是紫晶
一個係～GPA想～想過３架～我有訂架！！哈哈不過～Managment science就．．ｅｒ．．
另外一個係．．．考多次希望可以入到．．希望可以讀到　希望下一年德福唔會見到我～哈
呢個目標～個志向好大～心頭都幾高 得閒就會練下～不過可以入讀ｏ既機會就．．．　　　　ｅｒ．．．＝．＝””
　　～～～＊＊最新目標：　番學唔好Miss堂～可以遲到十五分鐘～我覺得接受到ｏ既～
特別係Managment science and accunting,ｍｓ因為補習第二日補唔到，
ａｃｃｏｕｎｔ個個星期五，如果可以，好想留係屋企陪婆婆多ｄ．．．＊＊～～
－－－－－－－－
　　　有人說　我的日記不夠日記化　一篇又一篇ｏ既隱喻　或者叫散文啦～＊
以前中學呢～好多野日日都可以記　但係係德福　又有咩野可以記錄呢？
我諗都會有一日半日好記ｏ既～唔．．．-.-""

>>February 24, 2005 at 4:14:29 PM GMT+8

2005 年 2 月 21 日 星期一 【晴】

　　　　　　　　　　　　　　【雨～＊】

　　微微雨的日子　天氣　有點寒
　　還記得每一個雨天　都很希望身上多一把雨傘　
　　一把想擁有很久的雨傘－白色透色的雨傘
　
　　然而　每當我需要它的時候　老是找不到　當晴天的時候　都是找不到。
　　
　　　尋找一把雨傘　就正如我們尋找心中的最愛
有人　找尋了一世　都找不到自己想要的東西　想要的人　想擁有的愛
或許　他碰過了　以為　下一次會更好　所以選擇放棄
然而　有誰知道　這一次或許是最後一次遇見？

　或許　他從未遇過　一直一直的走　但　倘若他停下來望一望　更好的可以近在咫尺。
　也許　他這一生真的未找到心中的最愛　所以仍不斷的尋覓　
　尋尋覓覓　最後到了一個目的地　找到了　終於找到了　但　到了那時
　又是否自己心中非一般的喜悅？

　尋覓　遇見　放棄　再尋找　再碰見　．．．人就是這樣　兜兜轉轉
轉轉兜兜　人生變幻莫測．．．人生　總有交叉點　亦有相遇線

　　而我　亦在努力中　尋找一把白色透明的雨傘
-------
看文章 介乎觀者心態及寫者情感 未有一定的對象 也未有一定的答案
你想到是什麼 就是什麼 。
在現階段 c man尋找心中的最愛 就是仍要努力尋找演出的機會 曾經有過 不過錯失去~
或者 仍尋找下一套吧。
-----------
雨傘 之前見過有符賣 如果知元朗邊度有 話俾我聽...又或者 信緣 有機會見到掛~哈哈
唔要Crazy room個隻..咁細把...-.-""


>>February 23, 2005 at 3:57:19 PM GMT+8