2003 年 9 月 17 日 星期三 【晴】

好0野!阿Jai整0左lemon cheese cake番0黎食,幾pro. 0架
今日上完commerce,就同阿Jai上food court 食0野
大家樂加$1可以換Twix,試問我又點會放過呢
跟住等埋Flora放學陪我過尖咀in
雖然希望唔大,但佢叫埋我摺恤衫,就令我對interview多0左少少信心
跟住就過美麗華千色,最後同Flora一人一袋咁抽住走

之後番學校去招莊簡介會,其實都冇咩幫到手
幫Jessie拎本文化書俾BATI師妹,傾0左幾句咁啦
早知我都參加Mentor Scheme 啦

今晚開E.M.呀!
估唔到事態咁嚴重,大家開會都開得幾凝重
又再一次感受到人事0既複雜
學校入面......玩下咪算0羅
真係認真到有0的過0左火位喎
我0既心情都有少少複雜,又唔係話好唔開心,總之怪怪咁啦
都希望Andy冇事0既

今晚開會開到成11點
我仲未做完commerce個translation同invoice呀
算啦!還掂咁耐都未試過開夜

>>September 18, 2003 at 6:58:42 PM GMT+8

2003 年 9 月 15 日 星期一 【雨】

今日上consec.先知有個交流團呀
我咁大個人都未參加過學校0既交流團0架,地點仲咁正～～我要去要去要去要去要去要去要去要去要去......
之後去食Supersandwich~~個龍蝦仔潛艇,好味呀!!!
食完就番學校0係Express Terminal check email
終於有啦~~ 批　0左　俾　我　啦！！！
超開心呀～唔駛再煩啦～

今日又上A.T.S. lecture
大家再次驚嘆朱純深0既悶功......只不過佢自己永遠都好似好enjoy咁
......沉醉0係自己0既楝篤笑之中
之後同Flora去上普通話,
我0地搵唔到房呀
用0左廿幾分鐘,分別問0左3個人先搵到
如果大家以後要去一楝叫環保樓0既地方上堂,就問我啦！
估唔到天外有天,校外有校呀!
第一次覺得City原來都幾大......唔係......係可以幾大

放學上完soc. 房交低0的0野,就同Flora去馬莎入貨
跟住去0左佐敦食松記糖水,試0左哈囉呀~~話晒都招牌甜品~~幾得,有0的椰汁糕,我鐘意!
原來而家係廟街節,我0地睇到耍雜呀
跟住就過旺角,我同Flora都有斬獲呀
之後食完章魚小丸子就走啦
番到屋企再睇埋隻《千機變》VCD先瞓

>>September 17, 2003 at 5:45:29 AM GMT+8

2003 年 9 月 14 日 星期日 【雨】

0尋日Louis通知今日開會
～～我星期一day-off呀！！！
Jessie今日放4點半
咁我0地開會前就約0左去行UNY~有北海道美食展
雖然要搭半個鐘地鐵先番到City,不過真係不枉此行
Jessie0個個帶子炸餅超好食呀,我俾9.7個舔脷
我0個個芝士薯餅都唔差,勁芝士呀
仲試0左日式紅豆,蕃薯糕,同埋綠色大福
又認唔住買靚靚麵包食,留番開會時醫肚
後來發現我個法式吞拿魚包入面竟然......
竟然有........芝士呀......仲係兩pat咁多......真係既驚且喜呀

上個星期阿低同Katy去訪問劉慧卿
我冇份去,阿低今日就叫我負責寫番封感謝信俾人
咁我就順便叫佢,篇訪問唔好落我名
佢竟然誤會我驚佢篇稿寫得唔好而影衰我......咪玩啦!!!

今日有O' Night 0的相睇啦
0個晚守checkpoint,Lelly仲好努力幫手影推啤酒相
......但係0個陣原來係冇入菲林......真係令人......哭笑不得
今日先醒起未譯consec. 0個段0野,成晚都有少少忐忑
好彩阿Milk有Joyce電話
打完俾佢個心都安樂0的

今晚差唔多12點番到屋企
聽日番早呀～～攰死人啦!!!
番到入元朗買0左宵夜,行一條最近已經好少行0既路
一轉灣
竟然有3隻狗同時望住我0個個方向
可能又聞到0野食香味,一小步一小步咁追住我,又0係到吠
嚇到我死死下～～當時我已經有最壞打算- 就係dump包0野食落地,等佢0地自己搞掂去
- - 不過好彩佢0地追追下冇追0查


>>September 17, 2003 at 5:48:55 AM GMT+8

2003 年 9 月 12 日 星期五 【晴】

0尋晚的《美麗在望》大結局好好睇呀！！！
真係好少電劇0既大結局係好睇0架
起初仲以為個ending就係卒卒同過少哲不斷投胎0係番埋一齊
幾驚呀!咁浮誇!我唔係幾消化同接受到呀
好彩唔係0者！

今日食完晏去0左三聯幫潔儀買課外補充練習
見到都幾多做人阿爸阿媽0既0係度起晒勢咁揀
作為一個走過小學同中學0既路0既學生,同埋人0地個女
我覺得佢0地實在緊張得過份.......不過如果有朝一日我做0左人阿媽
可能你0地都會0係0的書店到見到我同樣起晒勢咁揀......Who knows?

今日同阿Lu補習
我0地兩個為食人補補下習打電話叫外賣
食0左唔係幾傳統但又幾好味的公司三文治
阿Lu晏晝打俾我0個陣,我話佢知我炒緊餸
後來問番我,就好驚訝咁話：而家仲有人晏晝0係屋企開飯咩?!
乜咁樣真係好奇怪咩？？有冇人答到我呀？？？

今日試0左M&M's新出的white chocolate味,唔錯唔錯！

>>September 13, 2003 at 11:24:36 AM GMT+8

2003 年 9 月 10 日 星期三 【晴】

Ｈａｐｐｙ　Ｍｉｄ－Ａｕｔｕｍｎ　Ｆｅｓｔｉｖａｌ

今日晏晝阿爺過0黎做節呀
真係衰,我同細妹都要番學,同唔到阿爺食飯
今日番12點半,放1點半.......真係搵0黎搞
阿Jai竟然absent......莫非晏晝就開始賞月
3點幾4點番到屋企,就同阿媽打的去阿婆到
咁多年0黎,都冇試過有一年0既中秋節唔0係阿婆到過

同雅慧玩0左成日,2歲0既年紀係最好玩0既,今日先發現佢原來係好乖,好抵鍚0架
但就勁怕人0羅
平時淨係掛住搵Wing Wing,莛莛玩,都冇乜點留意過佢
但今日我發覺我真係好鐘意佢呀

夜晚食完飯就賞月啦
阿媽買0左10個燈籠俾佢0地,我都冇份呀......唔制
我同阿Be0係月餅罐度點蠟燭,就叫0左芷君過0黎啦
因為12號係芷君生日,我0地唱生日歌佢聽
然後叫佢吹熄月餅罐上面0既蠟燭．．．．．．好白痴．．．．．．但係好正

今晚仍然係見到火星0架,不過同月亮0既距離冇咁近啦
我0地成班人0係到勁食0野
美心月餅個個蛋黃都出油0架.......wonderful
阿姨買0左巨峰提子呀.......好得意0架.......有少少酒味咁

10點幾和舅父車我0地番屋企
ICQ0左陣,原來倩怡今日測驗測到成7點,所以0黎唔到......真慘！
之後就整pancake俾自己同細妹食啦
之唔後就係用美食博覽0個包粉0羅
～～原來超簡單,唔篩粉都得～～絕對可以用０黎整金龍船的千層蛋糕ｏｒ模仿旺角的Q餅
(今朝都食0左個韓國叮叮蛋糕啦 -- 味道,口感頗不俗,有少少似阿媽蒸的蛋糕,尤其係個底溶溶地0個0的)
家姐0係教會BBQ完又拎0野食番0黎
～～照食

今年過0左一個充滿住美食同人氣的中秋節
對於一向為食同對中秋節有情義結0既我．．．．．．真係好fit,好正！！！

>>September 12, 2003 at 7:29:36 AM GMT+8

2003 年 9 月 9 日 星期二 【晴】

睇到Vivian 0係info度同自己做個暑期結算,我先醒起:

記得3個幾月前,我咁樣寫:
2003 年 05 月 18 日 星期日 【晴】
漫漫長假,有好多0野想學想做,
想學書法,學影相,學電腦......
想去旅行,去行山,去食buffet,update個網頁......
想睇好多好多0既書,將以前想睇0既,睇0左一半0既,都睇晒去
想take summer course,搵part-time......
希望放完假前,以上0既0野可以做到8成啦

3個幾月後:
呢3個幾月,我大概練0左3張宣紙0既書法
學0左一半Photoshop, practise0左HTML, 少少Excel
參加0左一個local tour同一個Mainland tour
行0左一次馬嬲山
食0左兩次Grand Hyatt同Hyatt
Update0左兩次網頁
睇0左大概10本書
Take0左Finance同Jap
學0左同考0左獨木舟一星二星
．．．．．．全部都係濃縮ｐｌｕｓ迷你版０黎０既
．．．．．．不過佢係我十幾個暑假中，最ｅｎｊｏｙａｂｌｅ0既其中一個！！！

．．．．．．．．．．．．．．．．．．．．．．．．．．．．．．．．．．．．．．．．．
今日睇0左《新紮師妹2》VCD,排假牙好正!
細妹今年開始0係Kennedy Town番學,適逢新巴同城巴的風波
佢話今日架城巴埋到站都唔開門住,個司機0係到tun位
tun完一次,覺得tun得唔靚,唔準都唔開門住,繼續慢慢tun
4,5次之後先捨得開門
～～～～我咪同細妹講：叫做見識下咩叫按章工作0羅！

>>September 10, 2003 at 5:12:08 PM GMT+8

2003 年 9 月 8 日 星期一 【晴】

今日上完Interp就去I-Cafe門口坐counter
EB人手招募呀!
呢個鐘得我同阿低,隔0左一陣小希都0黎啦
阿心又帶兩個friend0黎報名,
場面都唔算太冷清0既

之後走去上A.T.S.,見到咁大班人都開心0架
因為今個sem好難得齊晒人一齊上堂,
嘩!Natalie竟然批0左啦!!!(唔制!我又要呀!)
望住朱純深楝篤笑,真係會好好瞓0架,點知佢今堂咁好,會放break
一放break, Jessie就二話不說,拎佢幫我0係日本買的巨型pretz出0黎周圍形相
聞名不如見面！原來真係咁巨型！really辛苦晒！！
到落堂,Flora竟然心血來潮,話今晚去食dessert buffet
我同Jessie最後都受唔住誘惑添！
上完A.T.S.,就同Flora去上SCOPE的普通話,
上完第一堂之後,我覺得呢班都可以有好好0既氣氛～～就好似之前上史媚0個班咁

夜晚Flora媽媽打電話提Flora買中秋節金多寶
我又貪得意買0左廿蚊～～最叻0個注都係中0左個半字
不過都O 啦,今期的extra-number亦係我0既lucky number - 3
8點就同Jessie會合上Hyatt啦
0的0野食唔同0左好多喎,我勁食個翅,撈勁多的醋
個木瓜豆腐布甸、腐皮壽司都好好味,和果子個餡料就唔得啦
唔記得食個lemon cheese cake 添,唗晒!!!

因為食得太飽,咁就去廟街行下,陪Jessie搵頸繩
我就買0左一樣燈籠0既代替品俾自己
今日好開心呀！遇到0既都係好事。

其實我以前都冇諗過話唔想讀書，
因為就算有時有０的辛苦位，
間唔中都有少少０既滿足感好似吊鹽水咁幫你吊住吊住！！！

>>September 10, 2003 at 6:26:07 AM GMT+8

2003 年 9 月 6 日 星期六 【暴雨】

今日同阿Yan上0左茜嘉屋企,
諗住睇番晒上上個星期的《美麗在望》,點知睇到一半就恰眼瞓
當然唔係因為齣劇悶,只係我自己攰0者
6點零阿Yan撇低我0地,咁就同茜嘉兩個人出元朗行街街
都有斬獲0架
夜晚仲食0左田中－－隔離間日本0野～～中規中舉啦！
個炸生壕飯卷好好味．．．．．．不過炸壕其實好難整得唔好味0既
之後0係百佳仲發現0左black chocolate口味0既麥提莎
再0係萬寧買0左奶茶色的染髮劑,番到屋企就同細妹一齊染啦！

>>September 10, 2003 at 5:37:26 AM GMT+8

2003 年 9 月 4 日 星期四 【晴】

今晚就係EB 0既O' Night 啦
0尋日搵Shirley拎張list去聯絡番0的freshmen
全部名都係英文
冇理由打俾人話唔該阿Lee Ka Chun咁樣0麻
咁拼番做中文,咪up錯晒人0地0的名0羅

今日6點半一落堂就即刻過Mul A, B, C
同Aaron搵番第一組0既組仔組女傾下計先
第一組都OK 0架
大家玩完食西瓜同毛毛蟲
就開始熟少少
然後玩Treasure Hunt
真係好呀!我守0個個checkpoint 0係soc. 房
咪一路上網,一路睇紅豆女之戀,一路等8組0黎玩推啤酒0羅

到9點半夠鐘啦,又落番去
開始食0野啦
一路食一路搵番0的組仔組女
大家開始嗶里巴啦咁講0野啦

個幾兩個月冇見Jessie 啦
0的freshmen坐低晒聽Andy講0野
我就同Jessie企埋一邊傾到成12點先走
都OK驚冇車搭0架
____________________________________________________

阿好sir,0個單0野真係引以為鑑呀!!!

>>September 6, 2003 at 5:53:32 AM GMT+8

2003 年 9 月 3 日 星期三 【晴】

阿Jai今日早我十零分鐘離開City
隔0左一陣打俾我
話見到森美一個人0係又一城的Pacific Coffee寫緊0野
咁我走0個陣咪兜0左個半圈睇佢0羅
其實我都唔係佢0既fans
只係好純粹咁樣有少少欣賞佢0既幽默同埋智慧
根本我就係鐘意睇明星
如果0個個係八兩金,我都會去睇0架
____________________________________________________________________

0尋晚發0左一個惡夢
夢見....死0左
瞓醒之後諗0左半日
令我明白到當呢件事如果真正發生,我係會癲0架
我又幻想到自己0係又一城望落去,
大叫0的人行開,然後自己跳落去0既情景
三毛0係成功自殺0既好耐之前
曾經預言過自殺會係自己0既死亡方式
如果可以,我都要預言下,我唔會選擇佢,希望佢都唔會選上我......

今晚當我好輕鬆咁同佢講番我夢見佢死0左0既時候
佢笑住咁問我:我係點死0架??
個夢都冇話俾我聽

>>September 6, 2003 at 4:15:49 AM GMT+8