2002 年 6 月 21 日 星期五 【陰】

跑車開走 怎捨得將你當朋友
本想開口 開口之後無法擡頭
天色很好 本應值得你伴我巡遊
那種交流曖昧也曾有美麗時候
爲何白白地讓眼淚流 淪爲骯髒鐵銹

# 想抱 但熱戀得不到知己也做不到
想不到 若是被施捨擁抱之後誰想吐
想抱 但是珍惜的友好 陌生到逃難跌倒
若你都警覺待我太好 但願仍然慈悲上路
若我的心事純如白雪 可不可跟老朋友天真抱抱

從來受慣傷害 從頭爲你等待
別要完全沒往來
柔情在我心內 同情在你手內
用愛情來換友愛 <- 就係講緊我之o麻

遺忘受過傷害　做到相親相愛
以一笑融化眼淚　也是愛
天開始陰　假的幸福載著我回頭
難道就這樣回不到我們最快樂時候
無欲無求在鬧市夜遊　成爲終生戰友

Repeat #


>>June 23, 2002 at 4:36:23 AM GMT+8

2002 年 6 月 20 日 星期四 【陰】

我知道我應該要努力忘記佢,
呢日一早呀Chim陪o左我成個晏晝睇o左<鬼味人間>
最好笑就係帶o左一個吞拿魚火腿長通粉入場食,
真係好驚比人話我o地咁都得呀唔比我o地睇落去,
套戲好感人,佢o地兩個好恩愛雖然係一套戲,
但我睇完真係好掛住佢,今日講o左好多好多比呀Chim聽
原本心情好o左好多o架,點知一上車我又忍唔住喊,
返到屋企眼紅紅呀媽就知咩事,我匿埋o係自己間房唔敢出去,唔想比呀媽見到我喊,因為我講過話我無事o架
我唔想要佢擔心我,我更加好想打比佢,因為我好掛住佢.
我打o左比呀Chim,又講o左好耐,
我好想去搵佢打比佢又唔o係屋企打佢手提又無人聽,
我都有諗過去佢屋企樓下等佢,但呀Chim話叫我搵人陪我,
擔心我出事,佢真係好好人朋友之間都會擔心對方,
唯獨得佢一個可以咁恨對我.
之後搵o左幽靈陪我,我又搵o左呀珊,一打比佢o地
佢o地就知道我好唔掂,都會即刻出o黎陪我,
雖然唔知咩事,但佢o地都聽我訴苦,
安慰我幫我分析呢個人其實已經唔再鐘意我,
叫我唔好傷心,但我覺得好驚,驚佢一o的感覺都無,
擔心佢唔開心o既話會唔知群埋D咩人,
我好失敗仲咁掛住佢,好失敗仲要為佢喊.
我知道我有呀Chim,呀Shan,有Yi,有Yau陪我,
佢o地會比我煩,我真係好唔好意思呀,
日日都要佢o地陪住我,好對唔住呀~


>>June 23, 2002 at 4:58:46 AM GMT+8

2002 年 6 月 20 日 星期四 【陰】

原來我唔係想像之中咁捨得我男朋友,
同佢講o左分手之後至發覺自己唔捨得佢
多過佢唔捨得我,如果我唔同佢講分手,
可能佢仲會將我地o既問題收收埋埋.
但我發覺當初一齊既原因真係會變成我o地分手o既理由,
呀Chim你篇文章好掂呀,我終於試到呢種滋味喇.
今日真係好唔開心,佢堅持要我地做返朋友,
我都唯有接受,仲要扮到自己都放得低咁同佢傾電話,
雖然傾果陣真係好開心,但一放低個電話我就真係忍唔住,
又要同屋企人交代,梗加要唔好令家人擔心,真係好辛苦.我知道自己要活得比佢好,
但我真係忍唔住喊完一次又一次,都係自己唔爭氣.
而當我忍唔住話我唔捨得佢,佢都無動於衷,
唯有做佢第一個分手之後都可以做朋友o既人,
我知道會好辛苦,我怕我自己都唔會咁易放得低,
可能佢都係講o下o架o者,佢可能以後都唔會再搵我,
而且佢可能已經完全唔記得我喇,
佢同我分手,佢一o的感覺都無,
唯一一種感覺可能佢輕鬆o左好多啦,
佢已經可以去玩去蒲,早就唔記得我,
佢叫我唔好記得佢,佢叫我唔好再諗佢,唔好再喊
佢講就易,我都唔知我呢11個月同佢一齊做過o的咩
佢完全可以咁輕易唔理我,呢一日係我由細到大最hurt
o既一日,呢一個曾經鐘意我,錫我o既人
竟然可以咁恨心唔要我,要離開我.

"如今我失去做女友資格 害怕變成你家中稀客
風聲之中聽著你的凶鈴 看著你就如看到我的慘淡"









>>June 23, 2002 at 4:33:24 AM GMT+8

2002 年 6 月 18 日 星期二 【晴】

今日睇o左《這個夏天有異性》喇,
Shine 同 Roy 好慘呀,大配角一名,特別係又南啦,
勁戥佢唔抵呀...不過套戲都幾好笑o既。
其實無咩劇情o架套戲,係有d"get"位笑下o羅,
好過鬼死咁悶oY嘛,特別係呀Roy呀,好鬼Cool呀,
成個自閉仔咁,佢又好鬼似喎,佢個樣好木獨,
好似好鬼悶果款咁,個導演搵o岩人啦,
雖然又南少戲份,但都好得意呀佢同呀Sa鬧交果幕,
都好鬼死正呀,希望佢同天佑下次都可以有多D戲份啦
咁先至公平o架嘛!!!期待期待第一部天佑又南o既電影lor

>>June 18, 2002 at 6:24:14 PM GMT+8

2002 年 6 月 17 日 星期一 【晴】

唔知點解,今日係我識o左我男朋友一年o既日子,
但我一D都唔開心喎,仲有D想同佢講分手添,
因為咩o野?? 我自己都唔清楚,只係想唔見佢一排,
等自己可以慢慢習慣返一個人生活。
有時諗既然佢無時間陪我,不如我自己一個人仲好,
唔使次次講親電話都好似生離死別咁,
又話掛住你又呢樣又個樣,其實掛住咪出o黎見面o羅,
有幾難o者??佢又唔係住o係火星~
我會鍾意唔捨得o既感覺多過掛住人o羅。
我好唔鍾意佢齋"up"當食生菜,
但同佢愈耐愈發覺佢就係D咁o既人,甚至乎改唔到o既地部
可能係我要求高或者連我自己都唔知自己想點啦!
好鬼煩呀,一諗起佢就好"炆"o架喇,又火都混埋喎~
我都唔明點解,唉~

>>June 18, 2002 at 1:17:42 AM GMT+8

2002 年 6 月 13 日 星期四 【晴】

我好鐘意呢首歌呀 << 有幾壞 >>

合:一起這麼失敗 分開怎麼安排 這個結尾有幾壞
(i neva wanna to hurt ya babee x 3, I neva wanna to hurt)
即使失戀不敗 彼此損失不大 你會當我有幾壞
(can ya see da control? I think we got da communication prob, can ya hear me?)

ed:我每日手電接觸 你卻在心內退縮 你註定不被滿足
將會怎麼結局 我要是選擇結束 掃掃鼻尖便退出
你要是當面痛哭 請你哭 yeah yeah yeah
gill:只想得到信心的愛 不想最後為談情所害
只因我不喜歡戀愛天才 害我的便踢開
合:一起這麼失敗 分開怎麼安排 這個結尾有幾壞
即使失戀不敗 彼此損失不大 你會當我有幾壞
ed:u never kno
一起這麼失敗 分開怎可安排 這個結尾有幾壞
即使失戀不敗 彼此損失不大 你會當我有幾壞

ed:u never kno...
rap:hold this, come on lets take a break,
it's not as bad as you think. I think that you are stupid;
it's always happen to anybody who's in love with someone.
So tell the truth, come and choose, take the crews for fun.
Forget about it, I am cool down and low down,
it's smart now to lie down, you need some, but no now.
It's not like this is the end of the world.
So you have got kind on this world.
You know what you'll find for another girl.
ed:It's not as easy as you say to get away from me.
You never see the way I feel you never understand.
You telling me that all I need is still to a plan,
to keep away a lot of deal what you did, Man!
I've been around on the block more than you, so
could you enact as a pretty smart act?
I need to say "what's up on the download?"
You now need what you're dreaming on...
gill:只想得到信心的愛 不想最後為談情所害
只因我不喜愛歡戀愛天才 害我的便踢開
合:一起這麼失敗 分開怎麼安排 這個結尾有幾壞
(i juz wanna luv ya now, i won’t neva understand, how ya say dat ya dun care)
即使失戀不敗 彼此損失不大 你會當我有幾壞
ed:u never kno
(i dun wanna hurt ya gal, i juz wanna luv ya now,
i won’t neva understand, how ya say day ya dun care)
一起這麼失敗 分開怎麼安排 這個結尾有幾壞
即使失戀不敗 彼此損失不大 你會當我有幾壞
ed:u never kno

>>June 13, 2002 at 4:44:40 PM GMT+8

2002 年 6 月 13 日 星期四 【晴】

唉,今日就比人放飛機之嘛,仲要係佢把口就話好鍚我果個之嘛...又嗌交收埸o羅,我呢期又玩鬥硬頸,
今次對象唔同o左,係果個佢話好錫我o既Bf,
佢唔似得我呀媽呀,我呀媽至少兩日就會同我講返o野,
佢我就唔知喇.佢明知我份人至憎人講過唔算數格,
佢鐘意咁惹完我之後叫我唔好嬲,唔係掛.
呢期唔食荔枝都好好火呀...哼~
佢因為咩而放飛機呢...??咪就係佢D好朋友o羅,
我心都淡呀...勁Down ~
我都要玩失蹤呀...要多D時間諗o下,
我o地應唔應該繼續落去,成日咁嗌交,真係好辛苦.
我已經好嫌好嫌呢D咁o既日子喇,
好唔夠幾日又嗌,佢有咁多o野都重要過我,
唯有係咁啦...可能佢已經唔鐘意我喇,
o係佢未做好決定之後,
我要迫自己學識獨立,唔好再依賴佢.
要自己無o左佢我都可以咁開心...咁過日子

>>June 13, 2002 at 4:15:56 PM GMT+8

2002 年 6 月 12 日 星期三 【陰】

今晚訓唔著...諗o左D o野,唔知無唔無謂呢??

呢排我漸漸覺得身邊有好朋友真係比有一個男朋友重要,
唔知係咪報復心理呢,我覺得我o係佢心目中都唔及佢D朋友咁重要,另一個原因,就係之前睇o左篇好正o既o野啦,
咪就係正所以念念不忘之嘛,哈哈,
好謝你介紹比我啦,呀Chim ~

"通常快樂的時候 想到的都是情人
而悲傷的時候 想到的卻是朋友

與其說 當你悲傷的時候想到誰 那才是你所愛的人
不如說 願意分擔你悲傷的人 才是愛你的人

因為要分享快樂太容易了
如果我把悲傷同時告訴我愛的人

而及時安慰我與我共度難關的人
才是把我當作廝守終身的人"

可能我平時花得太多時間o係佢度喇,
間接令自己無咩同D朋友聯絡,漸漸咩都好依賴佢,
一有時間就好想佢陪我,唉 ~
唔需要有咩特別o野做,其實諗深一層我好似搵佢磨咁,
唔知為咩,如果話見到佢會開心D咩,又唔係喎,
見到佢只係有D放心咁o既感覺,唔知點解...
唉~ 而家明白到友情會比愛情持久,
好想快D回頭是岸,快D搵返一班或者唔好咁貪心oY,
一個半個知己就好喇,我咁講唔係話想搵人做我o既水泡,
搵D朋友o黎攝時間,我只係想有一班好朋友咋
咁我就好滿足喇,呢期要"聯誼"呀,
如果友情都唔識珍惜,都唔知我呢個人仲有D咩喇~

原來朋友仔感情再天真 亦是我永遠也會愛惜的人
明日愛他人 也記住學會不要緊
原來朋友比戀人更高分...呢D係呀芝教o既
我都好記得o架...有道理嘛~

>>June 12, 2002 at 5:15:24 PM GMT+8

2002 年 6 月 12 日 星期三 【晴】

唉,經濟不景呀我,星期五上<<這個夏天有異性>>喇,
如果唔係決定o左呢日實行我o既減肥計劃,
我一定呢日就走去睇o者,不過無錢呀,唔知幾時先睇到呀,
但我一定會去戲院睇一次先,之後要買埋隻VCD返屋企煲,
哈哈...就係點都要擁有佢之嘛~
可惜oY,Ka Yee下星期又要考試,
之前講好一齊去o架嘛,過o左呢日又約唔成咯...唉~
20號又出<<香港有個苛里活>>o既VCD喇,好想買呀,
又無錢錢添,唔知點算好呀,
人o地好想一出就要擁有佢o架嘛,之後狂煲o架嘛,
點無錢都一定要買o左佢先...
希望D咁艱難o既日子可以快快快D過晒佢啦~
呢排仲要比心機搵工呀~如果唔係真係量一世地呀><"

>>June 12, 2002 at 4:39:52 PM GMT+8

2002 年 6 月 12 日 星期三 【陰】

咁又無咁誇張呀,連門口都出唔到??
我打左比呀魚喇,佢話好喎,有多一個人就好喇,
雙打oY嘛,打完再游水,呢期就係勁之嘛~
我o地星期五見喇 ~ yeah ~

>>June 12, 2002 at 4:28:56 PM GMT+8