2002 年 6 月 28 日 星期五 【晴】

我好想唔再亂諗o野,我好想唔再諗佢,
少D幻想D唔會發生o既o野,但唔知點先可以學得識呢。

今日睇書,佢提到有一個人叫Andy Warhol曾經講過
「幻想給人們帶來煩惱。如果沒有幻想,便不會有煩惱,
因為你會樂於接受任何一位出現在眼前的人選。
不過,你亦會因此失去浪漫感覺,因為只有在自製幻想的時候,
浪漫的愛情才會發生。」

人應該點去取寫呢??

>>June 29, 2002 at 4:56:16 AM GMT+8

2002 年 6 月 28 日 星期五 【晴】

o尋日真係超Down呀,白白痴痴咁諗佢會唔會搵我,
因為佢o尋日放假,既然佢要同我做朋友佢會唔會搵我呢,
後尾諗諗o下,又諗到佢今日放假喎,
佢要搵都搵佢個新目標啦,
再諗又諗到佢可能已經追到果個女仔,
可能已經去拍緊拖。係我自己o係度唔知做咩咁排住佢,
跟住淨係識喊喊喊....

o尋日一起身打比呀Chim想同佢講我o尋日以為
自己可以習慣返一個人,所以唔搵佢o地,
但原來我係唔得o架,我o尋日好想搵佢。
點知呀Chim一開口就話,你做咩唔搵我呀,
你無o野呀嘛,佢信我已經可以無事,
但我再已經講唔出口喇,佢咁睇好我。

後尾諗住佢出街所以諗住遲D先搵佢啦,
我好無mood,好唔想返工,但唔知自己可以做D咩,
後尾打左比Annie,佢叫我出去,等佢陪o下我傾o下計,
散o下心。仲要多得Candy呀,幫我同個惡頂經理請假,
仲有華嫂呀幫我頂左果一更,唔該晒。
同Annie去o左食o下o野,接琪琪放學,買書同租VCD。
佢仲請o左我o係佢屋企食飯呀,麻煩o左佢o地成日呀,
但見到琪琪同雯雯,我真係寧願好似佢o地咁,
佢o地兩個唔需要任何人,任何事都可以好開心。
見到佢o地兩個咁得意,心情真係好好多。
但人大o左,只要經歷o左一件事,
識o左一個唔應該識o既人,就可以唔開心好耐好耐。
所以而家明白到點解人會唔願長大喇。

o尋日睇o左《男人四十》《異度空間》,
呢兩套都係我之前好想睇o既戲,
後尾因為無時間加上無錢睇所以無睇到,
但而家好慶幸我之前無睇到咋,
如果唔係我一定會好似《異度空間》果個女仔咁做o者,
Annie聽我咁講完都好奇怪,但佢都戥我好彩o既,
淨係話我傻o羅又咁後生,仲有咁多朋友家人。
我話我唔似個女仔咁有勇氣,我想咁做但做唔出,
甚至乎,我無勇氣再試多次,係我驚o左掛,
我唔似我表面咁,咁硬淨,我係得個樣o架咋,
好Cheapo架咋我,今次之後我都信我嚇怕o左大家呀。
諗返起除o左家人之外都好似無o係任何人面前喊過,
就算果陣喊喊完就無事,唔似得今次,
而家個個都見過晒喇,唉,醜死~

>>June 29, 2002 at 4:39:33 AM GMT+8

2002 年 6 月 27 日 星期四 【晴】

每個星期五佢都有例假放,
唔知係咪因為咁呢我今日心情特別唔開心。
成日諗佢今日係咪約左個女仔出街,甚至拍拖,
我好驚係,好驚佢真係咁,好想搵佢,
但唔可以搵佢,我知有時有D野我唔知好過知,
但我控制唔到我自己唔去諗,真係控制唔到,
好辛苦呀。


>>June 28, 2002 at 5:31:42 AM GMT+8

2002 年 6 月 27 日 星期四 【晴】

呀Chim 頭先寫日記之前睇左你篇日記,
好鬼感動呀,忍唔住喊左出o黎呀,
你真係好好人呀,好開心我可以係你o既好朋友,
得你o地先至對會我好o架咋。
呢幾日你陪我過左好多唔開心o既日子,
多謝你呀!

為左你o地我都會爭氣一Do架!!!

>>June 27, 2002 at 5:49:41 PM GMT+8

2002 年 6 月 27 日 星期四 【晴】

我呢個人真係無鬼用呀,唔可以獨立Do架咩??
好憎自己,點解唔可以一個人,唔可以唔再諗,
佢都有新女友啦,佢都講到好清楚明白成件事o架啦,
點解自己仲放唔低??
我又想搵佢呀,但諗起佢我又好唔服氣喎,
點解佢可以咁狠?? 都成個禮拜啦仲唔醒o既失敗。

我無鬼用o架,唔止憎佢,仲好憎我自己,
一訓醒又唔記得佢對自己幾狠心,
明明o尋日一見到佢即刻改晒info已經好嬲佢格
點解到而家又要好似之前咁呢??
同佢一齊果時佢整o左呢隻公仔比我,
一人一隻放o係info度,我知道佢用手寫板整左好耐,
就算有時想改info,我都會copy o左隻公仔,
自己會keep起佢因為係佢為我整出o黎o架嘛,
所以我好珍惜它。
點知佢可以咁快delete o左佢,枉我仲一直keep住它,
o尋日見到佢delete左,好hurt,
果種感覺好似個人空左一下,覺得佢好絕,
原來一直珍惜o既只係得我一個。

但今日我已經唔記得我好嬲佢,
我好想習慣返一個人,我無左佢我首先要學獨立
唔可以依賴佢,唔可以要家人朋友擔心自己,
所以我今日專登唔搵人陪我傾電話,
點知原來我仲未可以忍受到,
我一個人坐坐o下又諗佢點解唔搵我o既,
佢唔係要同我fd o架咩,諗到自己都想搵佢,
想搵佢,我又好驚驚佢同果個女仔傾緊電話,
為左自己,為左唔可以令我D好朋友失望,
我一定要忍唔可以打比佢,好辛苦呀,好似戒毒癮咁。
忍唔住喊完,喊完再諗諗下我知點解喇,
呢D係我o既報應,同佢一齊時我從來唔打比佢,
但而家分左手得我放唔低,所以而家我想搵佢,
真係抵我死呀。

白費晒佢o地連日o黎o既關心同陪我o既時間
各位,對唔住呀!



>>June 27, 2002 at 5:44:26 PM GMT+8

2002 年 6 月 26 日 星期三 【晴】

好 終於都不歡散去 真想不到你會這麼狠
叫我 對你 永遠也死心
走 今生不想再見你 應該只得這最差的人
至會 對我使出這種口吻

如果分手沒痛楚 我怕我到永遠也會等你
如果今天起憎你 仇恨你 歧視你
明日我會更易再愛人 平伏這個美麗心魔
餘生可以好好過
如果忍得住痛楚 當你錯當你錯會更好過
如果必須想起你 仇恨你 歧視你
懷念過去快樂太折磨 無謂美化昨日戀歌
拿報復者的決心 活得好更多

>>June 27, 2002 at 3:37:33 PM GMT+8

2002 年 6 月 26 日 星期三 【晴】

其實我今日應該開心至係o架,
因為我有一班好朋友陪o左我成晚,
我o地今日唔算多人,淨係得Chim,Yau,Fish,Yin and Yi,
但都好開心呀,呀Chim又成日燒咩都跌,
你呀下次唔好咁貪心喇,記住燒埋一樣o既o野呀,
唔係你靠自己天光都無得食呀。
不過唔好嬲喎,我都係講下o架咋,
呢幾日我最多謝果個應該係你,
係你用得最多時間陪我o架,
假若日後有咩用得著我o既地方,唔好客氣喎,
隨便開口搵我啦,我都好希望我能夠幫倒你。
而Yi同Yin都好搞笑呀,帶o左好多笑o野比我,
我一直唔知o既你都一一話比我聽,
原來Kai(筋肉人)係一個咁人o黎o架,
好彩你o地而家無聯絡o者,最差就係毀人清譽oY嘛,
佢男仔o黎o架,成個八婆咁,
你唔講真係好難想像倒佢係咁呀。
你都好oY,有佢對你咁好,我知你都知o架,
我覺得你o地都幾了解對方o架,
至少唔會好似我咁失敗先啦。
都好唔該Yin o既分析呀,
你講o左好多男女分手之後o既o野比我知,
我而家知佢係點o既人o黎喇,唔該晒。
雖然我未搵到新男友,但我為佢都唔開心o左好多日喇,

我唔可以再係咁o架喇,希望我可以一朝訓到大天光啦,
一訓醒咩都唔好記得,修心養性,
等出糧之後再出去大玩特玩先,仲有要搵工呀,
maybe遲D報course o羅,
呀Chim希望可以再同你做同學仔啦,
讀展翅oY嘛,我當真o架喇...

呀魚係咪覺得我o地變o左好多呢??
呀詹學人話睇四仔喎,有無嚇親你呢??
唉,唔怪得佢家姐咁嚴啦,
驚佢"night night stand"呀...記住呢個係新名詞
哈,我講o既,勁喱~

希望以後o既日子都可以開開心心啦 ~

>>June 26, 2002 at 8:34:03 PM GMT+8

2002 年 6 月 26 日 星期三 【晴】

佢真係好絕呀,我一直都仲咁掛住佢,
個心一直好似"銀"住咁,而佢一D感覺都無o既,
我好懷疑佢係咪人o黎o架,可以當無事發生o既,
我好唔開心呀。
佢同我一齊o既時候佢o係佢info度專登
用手寫版整o左一對公仔比我o架,
果陣我info同樣有呢隻公仔,
但而家佢竟然可以delete o左隻公仔,
好懷疑佢點可以咁快唔記得我,
果一下真係好hurt,佢曾經話過隻公仔一隻代表佢
一隻代表我o架,o係呢一刻我真係超嬲and憎佢,
好後悔同o左佢一齊,原來佢無情無義o架
好hurt呀真係,點做朋友oY?? 唉 ~
以後o既日子真係唔知點過喇,
佢咁衰...我點解會識o左個咁o既人o架...
點解??
比呀Chim講中o左呀,我成日以後佢會返轉頭,
加上我真係好死心不惜,知佢唔再鐘意我都仍然覺得我同佢做朋友可能有日會有轉機,
可惜呢一日我終於明白到係唔會有機會發生o架,
就算有,我而家知道呢一個係點o既人,我都唔會比佢發生,
就算佢以前對我幾好都好,佢而家已經係另一個人o黎喇,
呢個事實係唔會變o既,好失望好失敗,
呢一次之後我都唔知仲有無膽再試,
或者係有無機會去試,
連日o黎真係要多謝好多朋友,聽我訴苦,陪我傾計散心。
佢o地比起佢真係好得多多聲,
起碼佢o地對我先至有感情oY,多謝晒呀,
我唔會再唔開心,呢期既然復仇心理咁強,
我要比佢更恨更恨,或者我真係忍唔住會毒死佢,
以免佢為害人間呀....


>>June 26, 2002 at 8:08:31 PM GMT+8

2002 年 6 月 22 日 星期六 【晴】

o尋日返工呀Shan知道我仲好唔開心,
佢今日專登o係返工之前出o黎陪我,
所以我o地約埋呀芝一齊去睇Shine,
好耐無見天佑又南喇,去到都幾開心o既,
起碼可以唔記得佢一陣先oY。
呀Shan都應該幾開心o既,佢同呀芝都夾得o黎,
識左呀芝一陣就唔理我拉住呀芝走喇,哈哈...
但好多人呀,o係果度我好似企o係度聽佢o地做節目咁,
但見到呀Shan呢個大細路,又真係幾開心o既。
我係有D擔心累佢比佢Bf鬧o者,
多謝呀Shan and Gichi一齊睇陪我睇SHINE呀 ~
今日仲見左件極級See Through pork chop呀,
好似Ka Hungo架,當時梗係狂笑啦我o地三個,
都有D嚇親o架希望唔好嚇親Shine啦。

之後呀Shan返工,我返左公司一陣,
就比呀媽追查我去左邊喇,我都知佢擔心我,
但我唔想o係屋企對住佢o地,我唔想比佢知我放唔低,
唔想佢擔心,但我都知佢如終係我呀媽又點會唔知oY。
佢叫我既然講左就唔好搞到自己唔開心,
我都知但未做得到。一路行返屋企一路同Chim傾電話,
返到屋企呀Chim要出街食飯喇,我諗住唔會有事,
點知食完飯,睇季選,千嬅首《閃靈》拿獎,
我好鐘意呢首歌,但佢一唱到"如今 我失去做女友資格.."
我無啦啦喊左出o黎,即刻電視都唔夠膽睇,
即刻匿返房搵人傾電話,好知我又好想搵佢,
我唔知搵邊個,我搵左呀Shan,
佢都知我唔搵佢我係唔會死心o既,
佢叫我想做就做o羅,我覺得佢都好有道理,
我出左去佢屋企樓下等佢,我以為佢會心軟會灘開o黎傾,
點知佢見到我,佢好詫異,問我點解o係度,
我話我想見佢咪o黎搵佢o羅,見到佢我淨係識笑,
同佢去左明華大廈23座坐,同佢傾,佢愈講愈多事實比我聽
佢開頭唔講明,佢驚我唔開心。
我話我唔捨得呢11個月,佢猛話我遲D會唔記得佢,
佢話我係佢拍得最耐果個女朋友,
時間耐左佢覺得已經無左之前果種Feel。
佢又話佢未玩夠,佢想試下同其他女仔發展下,
問佢呢兩日佢唔見覺得點,佢話覺得自由D,
我話你可以咁快唔記得喇,佢又擰頭,
但同佢未散之前都知佢22號約左佢d fds去街,
但估都估唔到,就係呢一日佢d朋友帶左d朋友出o黎一齊玩
佢就對其中一個女仔有Feel,
呢日只不過係我同佢分左手o既第二日,
我問佢會唔會即刻追佢,佢話唔會遲D先,
我問佢有無打比佢,佢又話無。
佢話今次佢搵到個妹妹,佢今年17歲,
聽到呢句有D心"UP",當初係佢要同我一齊,
佢明知我大過佢,我唔肯同佢一齊佢就一路追,
我話佢好勝,而家追到就唔要。
佢話佢覺得我同佢溝通唔到,
但我話佢咩都唔講我都唔知咩叫溝通呀。
佢一味叫我唔好再諗佢,唔好咁掛佢,唔好記得佢。
佢話都有諗住打比我,但無諗過我去左佢度等佢,
同佢傾氣氛好平和,無咩火藥味,
佢話比多D時間佢,佢話就算同返我一齊都唔會咁快又o係返埋一齊,我問左佢一句話你都唔會再同以前一齊過o既女朋友一齊o架啦,佢又話係,我唔知佢想點。
之後我無咩特別感覺,一切都唔係我想像中咁好,
佢無心軟,佢無返轉頭,我o地o既關係無進展返好似以前咁,佢淨係話佢遲D搵我出去傾計,佢話佢想同我做朋友,
佢想我做佢第一個可以做返朋友o既女朋友。
我從來唔知佢原來係一個咁絕o既人,
佢對我好狠,佢唔再比機會o係我o地呢段關係上。
佢將我o地一齊o既理由講成分手o既理由,
佢完全唔記得佢當初同我一齊時佢問我係咪驚佢花心,
佢話佢唔會,佢話佢覺得自己大個喇,
應該認真咁同我一齊,而家佢就講成佢自己仲細未玩陪。
仲話當初唔應該識我,又話如果可以o係21歲識我可能大家都會開心D,先履行到佢對我o既承諾。
佢不停道歉,不繼話我好好,
但叫我唔好對佢咁好,聽到呢句我有D心痛佢完全唔領情。
我唔知我識左個咩人,唯一可能我應該慶幸佢仲肯坦白,
佢話唔想一腳踏兩船。唔知咁係好定唔好,
佢咁易放得低我,我好懷疑佢有幾鐘意我,
唔知今次搵佢係做o岩左定做錯左,
希望自己可以快死心,企返起身啦。

果日同呀Chim睇左本書,好深刻,
它話一個女人會為一個男人做一次傻事,
會為佢竭斯底理咁付出一次,
付出過之後就會有所成長。
可能今次就係比我成長o既一次機會啦。

"你要熟睡 戀愛太過痛苦不要說下去
如何累也別要隱居 誰人待你太狠你別流眼淚
若然情形如此怎說話都不對 陪著我笑笑
令你原本的感覺都退去"




>>June 27, 2002 at 7:48:51 PM GMT+8

2002 年 6 月 22 日 星期六 【晴】

今日我以為自己已經放低o左一大堆o既佢,
但原來我無咁叻,Johnny一提起佢,我就忍唔住喊,
我喊o既速度都嚇親Johnny,
佢之後仲串我好似開o左水喉咁唔使交水費咩,
真係衰呀,之後佢猛叫我唔好唔開心,
呀Shan就叫我唔好喊,佢話我為佢喊o左好多次,
而Kenneth知道我唔開心,佢尊登買o左條白水晶鍊比我,
佢話白水晶會為人帶o黎好運,仲會另人開心,
好多謝佢對我咁好,但真係唔好再亂用錢喇,
用o係我身上唔值得呀,而Johnny都叫我唔開心搵佢出o黎,
佢會陪我傾計,散心,佢仲叫我唔好做傻事添.
佢o地個個都對我好好,
比一個曾經話好鐘意我o既人更加關心我.
之後呀Chim又務住比人鬧o既危險陪我傾電話,
但好唔好意思呀,我後尾自己支力得滯未收線就訓左,
Sorry呀,浪費o左你一番心意,遲搵我報仇啦
又陪我之後o既日子出去玩散心好多謝佢o地呢一班朋友,
個個都咁好人我唔知點報答佢o地先至好呀,
我都好想快D唔記得晒佢o既o野,大家比D時間我oY,
我會好似以前一樣,開開心心咁o架.
呢期我係好"炸",我遲D唔會咁o架喇,
多謝晒你o地全部人呀,多謝晒~

原來個個都對我好好,唯獨佢唔會
你o地個個都係我好朋友,我鐘意死你o地呀
你o地唔開心都記住搵我呀!
但希望以後我o地個個都開開心心啦!!!
一齊只會有開心事發生...唔會有咩唔好事發生啦,
我感激死你o地呀~


>>June 23, 2002 at 5:26:00 AM GMT+8