2002 年 8 月 17 日 星期六 【雨】

今日係呀Fish生日呀,祝佢生日快樂呀,
希望佢開心之餘從今日起事事順利、心想事成啦。


死啦...我好驚呀,呢排得罪人多呀,下下講野都係串人,
遲早真係比人black list 我o架喇,到時真係乞人憎,
搵o黎賤喇我。真係又係時候檢討下喇。
我諗我係時候唔出聲扮啞喇。

>>August 18, 2002 at 4:06:39 PM GMT+8

2002 年 8 月 16 日 星期五 【晴】

嘩...今日返工o既配搭真係好好好正呀,
有D好姊妹呀Shan、Candy、Annie、Johnny、Pong、
杰仔、Fox、Bun、Tong、Ka Hung 仲有經理Dick 添呀,
佢o地個個都係搞笑能手,咁咪就係笑餐死咋嘛。


今日又生意淡薄喎我o地就有更多時間玩喇。
呀Pong就慘o羅,佢成為我、Shan同Candyo既箭靶呀,
個個輪流搣佢。haa ... 我諗住出幫Annie同呀Dick買外賣o既時候,
襯呀Pong唔為意一下搣o左落去佢手臂,
我果下又真係大力o左Do既,佢即刻成個人跳起,
我又即時逃離現場o既時候又差D"｜卜"街,
呀Pong個樣好惡呀果時猛咁嗌痛,
我一見佢咁大反應又比佢嚇親喎,
好彩之後佢無o野o者,淨係好似平時咁話o下我。


呀Fox又好笑喎成日扮"跛",坐o係張有轆o既椅度扮輪椅,
成日同圍叫人推佢出去公司門口比佢晒太陽,
而家7月呀真醜o既唔靈好o既靈呀。
佢返工又用電啤車,又成日用部電單車四圍去,
佢真有其事咁就大鑊喇,大吉!!!
佢真係咩都講得出口呀!!!


呢個呀Dick仲激死人,佢唔識打字又開o左個ICQ add 人,
add o左人見到人online又撩人傾計,
今日佢講返我咪話佢o羅,佢先話自己唔識打字、
無手寫板、又話自己英文又唔識多隻,
結果成日send埋D"HAHAHA..."比人,
人o地send返D message比佢,佢又唔識答返人,
真係比佢笑死+激死呀!!!


雖然同呀Bun一向都無咩兩句,
但唔知點解佢好鐘意笑呀Shan、Annie果Do架喎,
佢今日就串呀Annie,佢收工特登走去呀Shan同Annie中間,
o係張紙度寫DAnnie成日發錯音o既字,
寫一個就叫呀Shan讀一個,今次呀Shan又中計喎,
佢一路寫呀Shan一喎讀,我o係隔離聽聽o下見,
心諗點解會叫呀Shan讀呢D字o既,咁就get到呀Buno既用意喇,
即刻打眼色比呀Shan,一打呀Shan又get到喎,
呀Bun再叫佢讀佢就即刻話唔識讀,
haa...姊妹真係姊妹,果然係有交流過唔同D,
一望我就知我想講咩,呀Annie比人串到猛咁笑,
真係有D無奈。


聽日唔知會唔會好似今日咁精彩呢,
聽日我又返全日呀,聽日又好似今日咁咁多人呀,
但可惜呀好姊妹Candy同Annie放假呀,
又要對住果兩隻懶精,真係慘呀。
希望聽日都可以好似今日咁開心啦。


>>August 18, 2002 at 2:09:00 AM GMT+8

2002 年 8 月 14 日 星期三 【晴】

今日Annie慘喇,比人狂串...
今日係農曆7月初7,係織女旦,
當Annie想講織女o既時候講成"則"女,
呀Bun、呀Pong、杰仔呀,在場所有人即刻全部捉住個發音猛笑佢,
Annie都知自己衰o左,o係我後面勁笑,幾慘。


今日杰仔雖然感冒而變晒聲,
但佢反而比平時更搞笑、更多o野講,
佢都係一隻笑蛋o黎o架。
佢可以將一句說話用好多種語氣去講,
句說話o既意思可以完全唔同晒,佢就係勁之嘛!!!


今日呀Hong收o左工落o左o黎搵Johnny同杰仔,
就帶 我又有順風車坐喇,坐呀Hong車尾真係唔係咁好意思呀,
好似我成日搵佢笨咁要佢車我返屋企。
好彩佢好似唔多介意o者,仲主動開口話車我返去,
返到屋企下面咁呀Johnny同杰仔未到,
咁我咪陪呀Hong等埋佢o地返到先走o羅,
點知佢o地o黎到傾開計又唔捨得走喎,
佢o地講o野好有想像力,聽佢o地係咁講,
我就係咁笑唔停。


但Johnny都就o黎搬喇,
呢D咁o既配搭、咁o既機會唔知仲有幾多次呀。
以後無人得閒陪我一路行一路傾o下計,
更加無咩機會好似今日咁可以同Johnny、
呀Hong、杰仔一齊傾計lu。

>>August 18, 2002 at 2:07:08 AM GMT+8

2002 年 8 月 12 日 星期一 【晴】

今日都幾開心呀,多謝今日陪我o既人啦。
今日同呀Fish、Felix同K.Ying去o左睇《絕世好B》呀,
套戲好好笑呀,關之琳勁正勁好笑呀。


不特止套戲好笑,今日又做o左D好搞笑o既o野、
見o左D好搞笑o既人。
今日約o左好耐無見o既K.Ying出o黎,
佢簡直一D都無變過呀,都係咁細路仔,
o尋日夜晚同佢傾電話佢一樣咁好笑,
佢講埋Do野足以笑死我呀,
唔怪得呀Chim成日都話年齡同智商係唔成比例啦。


今日仲好勁呀我,呢排真係咩都做得出呀,
今日聽呀Fish講馬莎請part - time咪諗住搵埋呀Chim一齊見工o羅,
點知呀Chim話唔出我又唔記得同佢講喎,
如果唔見又好似可惜o左少少喎,話晒都係一個機會oY,
而家咁難搵工,後尾諗o左一個解決方法好worko架,
咪就係我代呀Chim去填Form見工o羅,
咁都比我o地諗我出咪就係勁之嘛...haa ~
但我突然比人當o左我做我個friend都幾唔習慣呀。
佢in我果陣我又勁驚喎,又要扮晒o野咁答佢話自己o岩o岩畢業呀,
又要答埋D好娘o既問題,答完我都"毛管棟"呀
但真係好勁、好好笑呀。
希望佢會call back呀Chim叫佢second in 啦。

之後佢o地各有各走,得返我同Felix去食飯,
先發覺我同佢都幾多o野講o架,一路食飯一路傾傾傾,
唔知點解會咁多話題,咩都講得一大餐。
突然間覺得好得意添。我o地一個o係香港生活、
一個o係加拿大生活,一年都未必見到一次,
但竟然咁都可以做到咁多年朋友,我真係覺得我o地好勁呀。

>>August 13, 2002 at 3:30:47 PM GMT+8

2002 年 8 月 11 日 星期日 【晴】

今日Fox生日呀,祝佢生日快樂啦!!!


今個月好多人生日呀,包括佢,下個再下個星期一就到佢生日喇,
記得上年就係同佢仲有佢Dfriends去o左唱K,
今年唔知佢會做D咩呢??但我諗佢生日都應該好開心o既。
唔知應唔應該打比佢呀。
我今日同呀Chim行街,行行o下超市見到D啤酒,
個Logo係佢最鐘意o既大頭狗,我就好快咁買o左,
但買o左之後,我又覺得我點解自己仲要對佢咁好。
又點叫佢出o黎拿呢??我問Annie同Candy點做好,
佢o地都話點解仲要咁喎,打比佢咪算o羅...
佢o地叫我唔好諗啦,都無結果o既,
但講真,到o左D咁o既節日我又點可以唔記得佢oY,
究竟點算好呢???

>>August 11, 2002 at 5:06:10 PM GMT+8

2002 年 8 月 10 日 星期六 【晴】

死啦,好驚呀,又hurt到人好驚有報應呀!!!


係,可能我而家都會想有人鐘意自己,
等自己可以快D忘記之前個男朋友,亦都知佢對我好,
但我真係認為我o地唔會有機會呀,唔想誤人誤己。
多謝佢為我浪費o左咁多時間、咁多心機呀,
我知我無咩可以補償返比佢,亦都知佢想要o既唔係呢D。
只希望佢唔會唔開心、希望佢會明白啦。
搵過個好Do既又鐘意佢o既女仔啦。


>>August 11, 2002 at 5:17:58 PM GMT+8

2002 年 8 月 9 日 星期五 【晴】

今日原本係放假o架,但後尾Kenny叫我返去Call back d 客,
所以就返早喇。但又因為返早,原本我收6點,
點知呀華嫂又唔舒服喎,我原本約o左呀Fish同Fong,
但後尾要頂華嫂,所以後尾放o左佢o地飛機...真係唔好意思呀!!!
到o左2230,本來諗住放工等埋呀Shan一齊去唱K,
點知Annie又叫我同佢調埋,結果收2330,
返o左成日工仲口痕痕撩呀Shan去唱K,勁充實。


但今日返工好開心呀,可能因為多人啦,
一朝早約o左呀Shan去飲茶,之後一齊返工,
返到去又有Candy返早,成個晝晏嘻嘻哈哈咁講笑、又影相,
唔經唔覺又收工喇。之後同o左呀Pong同埋Dick去o左唱K,
個配搭勁搞笑,唱到3點幾先返屋企,
好彩有呀Pong咋,佢送晒我o地返屋企,真係唔該晒呀。

>>August 11, 2002 at 5:03:35 PM GMT+8

2002 年 8 月 6 日 星期二 【陰】

今日比人放o左飛機呀,本來約o左K.Ying同呀Mao架,
點知K.Ying發呀Ma脾氣搞到後尾K.Ying無o黎到,
而本來講明唔出現o既Kenneth又出現o左。


咁約唔成我都即刻走人o架喇,
點知Kenneth去o左巴士站搵我,
咁o岩我又話緊K.Ying喎,咪叫佢走先o羅。
點知佢返轉頭跟o左我上巴士喎話要送我返屋企。
其實我都已經好避佢,唔想有機會比佢親口同我講,
因為我唔覺得我o地有可能,可能佢唔係我鐘意o既類型啦。


但偏偏佢就話要送我返去,返到去佢拉住我猛咁講,
我都聽o左好多好多道理。聽完之後,我都好冷淡呀,
唔識可以比咩反應佢,淨係堅持做普通朋友,
佢話我知我阻止唔到佢以後都繼續會對我好。
搞到我都唔知可以點,希望佢快D諗通啦。


同埋真係Sorry呀,我都知你對我好,都好多謝你。
但我真係想做朋友多D呀。

>>August 7, 2002 at 7:11:40 PM GMT+8

2002 年 8 月 6 日 星期二 【陰】

今日唔知係咩日子呀,本應係平平無奇o既一日,
但就係呢一日我做o左知道o左好多出奇o既事。


今日放工之後,Kenneth無啦啦打比我,
因為咁我同佢講o左好耐電話,
o係佢口中我知道o左好多舊同學o既近況,
佢o地都幾好呀,起碼開始有自己o既事業先啦,
都戥佢o地開心o既。


亦都因為佢呢一個電話,
我知道左我原來從來都唔認識我以前o既男朋友。
原來早起我同佢一齊無幾耐,around兩、三個月o既時候,
佢一直同時間同我又同第二個女仔一齊,
簡單D講句即係一腳踏兩船。


而最失敗係我一直發覺唔到,
係Kenneth親眼見到佢o地拖晒手o架,
而佢隔離果個竟然唔係我。
諗返起雖然佢果陣時真係對我好好,
我都覺得有少少難以致信,但都唔係無可信o既地方,
可能就係因為我少打比佢、太信得過佢啦、比得太多時間佢啦。
如果係真o既話,佢都掩飾得好好oY,
而家我先知佢呃人係咁叻o架,而最失敗果個係我。
反應咁遲鈍而家先知,仲因為佢唔開心o左咁耐,
真係覺得自己好不知所謂呀。


另一件出奇o既事就係今日ICQ果陣佢竟然"hi"我喎。
同佢傾o左一陣,發現我最擔心o既都發生o左喇。
佢竟然話比我聽佢飲酒飲上癮喎,
又話我知佢而家可以同Dfriends四圍去wet,
飲飲飲...嘔嘔嘔。


其實之前都好擔心佢咁貪玩會好快好頹,
點知最唔想發生o既o野發生晒喇,可能佢覺得咁樣好開心啦,
而家佢咪就係四圍溝女、隊酒、又食返煙咋嘛,
都唔明佢好地地都唔知點解要搞到自己咁。
點都好,要發生o既都發生晒啦,都唔輪到我理,
希望佢唔會掂返D佢最唔應該掂o既o野啦。


佢仲叫我得閒搵佢添呀。Ha!唔通真係可以做返朋友咩??
聽完Kenneth講我都唔知可以有咩感覺喇。


多謝Kenneth講o左咁多o野比我知啦,
雖然我猛"窒"你、潑你泠水,但都係同你講o下笑o架咋。
但希望份新工真係適合你啦。

>>August 6, 2002 at 7:43:39 PM GMT+8

2002 年 8 月 5 日 星期一 【雨】

其實我知道一直以o黎都有一個人對我好好,
我唔講唔代表我唔知道,feel唔到。
之前我拒絕過佢hurt過佢,但佢到而家都咁關心我,
o係我唔開心o既時侯,即使唔關佢事,
佢會因為想我開心返而做好多o野。


我知佢好好人,但有D人只適合做朋友o架咋,
可能係我唔識得欣賞佢,唔識珍惜佢呢一個人,
但我從來都唔覺得會有咩發展o既空間,
希望佢可以一直都做我o既朋友啦,維持現狀啦。


可能佢知道我咁講之後會好憎我,甚至乎朋友都無得做。
因為o係呢件事上面我係受人恩慰果個,
而佢係付出果一個,唔理佢以後仲當唔當我係朋友都好,
我都好多謝佢!仲要同佢講一聲"Sorry"!


我知道我只會又hurt多佢一次,
希望今次係自己一個誤會啦,
但真係好希望佢好快會搵到一個識欣賞佢o既人啦。

>>August 6, 2002 at 9:07:28 AM GMT+8