2004 年 6 月 24 日 星期四 【晴】

今日一早做最後準備,整好晒d portfolio,預備下就in PolyU,2點左右約左broken番學校清番個locker,但d時間好窄,所以搭的士,番到去執完野,就再落觀廣,我要print A3 size既story board,$8張,print左5張~哇~好貴,響間鋪頭print緊d野之際,落左下面買folder,初初有間賣一個folder要成$51,仲要冇黑色,因為黑色先係pro,所以broken叫我睇下第二間先,咁過下睇下,除左有黑色之外,仲買$28,即買啦~今日好彩broken響度炸~我緊張到勁呢hae,佢又幫我入folder拎野,如果唔係我遲硬到,攪掂晒我就即刻飛的去Poly,broken就去太古踩冰,我去到之後搵唔到間房,頂呀~打俾阿浩求救,好彩最後都搵到,去到唔遲唔早0岩0岩4點,做完份問卷,4點半就入去in,成個group interview都係用英文做,一開始介紹自己啦,跟住到人地介紹,個男仔就係沙田ive media and graphic design dip學生,另一個女仔就同我同department,不過係讀digital media dip,諗住自己衰梗,因為依家in既course係Multi-media design and technology,咁其他2個,一個係digital media,一個係media & graphic design,都有media backgrpound,我呢個讀printing既學生,好似完全唔啦更咁,但出奇地,男仔做d野都幾好,佢用flash黎presentation,不過佢d product主要都係實物,包裝,都唔太關computer media事,但d野真係好靚,而女仔我真係唔知佢想點,佢英文唔得真係唔問題,雖然個tutor叫左佢停左條movie佢,佢都唔明,但都冇理由拎番2份year one既作品出黎,仲有一個one day travel introduce既flash,因為我地係common year one,所以佢有既野,我都有,我真係好祈望呢個女仔會拎d 3d animation出黎俾我地睇,但睇完佢d portfolio,我真係好失望,到我present我都係俾左我個one day travel introduce既flash佢地睇,之後佢叫我俾個3d modeling佢地睇,佢都幾滿意,但可能係假象0者,哈哈~其實我唔係咁覺自己d野太標青,最後佢叫我俾個最creative既作品佢睇,我選擇左director做果隻game,佢地見到都笑~因為我隻game係殺血熊熊殺主人,一開始個intro隻熊熊已經怒踩主人,所以大家都笑law~其實成個interview都ok呀~好似傾計咁,但我唔知其他人既情況,可能仲有好多勁人,只不過係自己睇唔見0者,依家唯有等...
好~in完過左太古,join broken,阿林,阿茶佢地踩冰,仲有其他人既阿華,emily,ken,幾好玩呀~不過隻腳好痛law>,<同埋broken好咸濕law,阿茶都攪^^哈哈其實係意外~玩到9點幾就去左食飯,又吹下水,嘈嘈閉咁law~見broken今日咁幫得手,請佢食飯啦~食完10點幾都走了,因為聽日要番早,5點半起身~

>>June 29, 2004 at 4:07:38 AM GMT+8

2004 年 6 月 11 日 星期五 【晴】

今早又要番救生員,冇特別野,知道星期一有籃球比賽,contract對我地temp,即係合約救生員對我地臨時救生員~同埋28/6有得去船河,2點9收工,之後就去調景嶺教水,教完就番屋企,因為太累,食完飯,坐多陣,10點幾就訓左了~

>>June 15, 2004 at 5:29:18 PM GMT+8

2004 年 6 月 10 日 星期四 【晴】

今日除左教水都冇特別

>>June 15, 2004 at 5:11:55 PM GMT+8

2004 年 6 月 9 日 星期三 【晴】

今日本來都約唔到人出街,點知打俾阿威,佢話oakley開倉,咁我梗係即刻蒲頭啦,不過上到去,d鏡款完全唔掂,仲冇保養tim,真係唔祗,所以冇買,阿威就買左副M frame,咁諗住同阿威行下尖咀先,點知佢話要拎部車去整,所以佢同德民就走先,唉~4點幾,出黎一陣,冇理由咁早走,so~過emily shop到hae下先,咁響途中打俾阿安,佢話都想出黎,所以我決定今晚唔操水同佢行街,再之後阿聲都得閒,不過佢話要操水,行一陣~上去emily度吹水吹左成個鐘左右都差唔多6點,咪過去搵阿聲law,佢收6~之後行加連威,響ice fire買左件shirt衫,平呀~$90,再行多陣,阿聲就走lu,番去操水,我自己過天星pier等阿師兄,之後我地就去食飯先,大家都係講下近況呀~好唔好做呀~其他人又點咁law,都update左好多野~食完,再行下,行到10點左右就坐bus走了~

>>June 15, 2004 at 5:01:23 PM GMT+8

2004 年 6 月 8 日 星期二 【晴】

今日又再本來約左阿林出街,不過佢條仆街訓到4點幾,收皮啦妳!之後我響屋企食d野,6點先出門口,過到去見仲有時間,過7仔買d野食咬下,途中打俾carmen,睇下佢近況如何,點知佢話同緊男朋友一齊響人地屋企食野,唉~唔知係咪果個男朋友呢?如果係就唔好發顛仲同番佢一齊,明知冇結果,貪得意咩?唔理佢,因為夠鐘上堂,再hae左3個鐘,見ok早,同細肥出cb行,行左個圈見冇野行,就閃,過左樂富,買左野飲同佢坐底吹水,哇~細肥果然係老海鮮,講左好多野俾我知,其實係教我點做一個好既救生員,thx baby~11點半左右就走,番到屋企,諗住沖番個靚涼,點知冇水喎,仆街~之後咪icq問下卓言果面有冇law,佢話有,shit~點解我地冇水???同時間阿grace話佢收到polyU信叫佢interview,哇~好灰呀~人地city同poly都有信,我乜都冇~出黎做野law~個天都係想我咁0者~咩呀!之後我咪倒左桶凍水,用毛巾水桶沖涼,玩復古law~

>>June 9, 2004 at 5:55:58 PM GMT+8

2004 年 6 月 7 日 星期一 【晴】

今日都訓到好晏先起身,之後約左黑仔出cb行陣,等埋灰熊就去左食車仔麵,行左sogo,行到一樓就撞到細肥,咁我就同佢一齊過中央拉記,因為我地今晚同聽晚都要上游泳裁判course,唉~去到上堂,悶到嘔~講d有用d既野得唔得呀?由7點上到10點,之後梗係回家啦!

>>June 9, 2004 at 5:45:27 PM GMT+8

2004 年 6 月 6 日 星期日 【陰】

今日差唔多成3點先起身,冇辦法啦~做左3日野,太累了,本來阿林約我出去,我都冇去了,仲有amy叫我幫佢手,搬野,唉~我去街都懶,何況搬野,想我死呀?

>>June 9, 2004 at 5:41:52 PM GMT+8

2004 年 6 月 5 日 星期六 【雨】

今早7點起身~又去調景嶺教水,本來今早只係教個半鐘,不過小萍有野做,我幫佢頂,所以要教到12點幾,唉~仲要落雨,都幾凍下~真係慘~d學生又慘,12點幾終於走得,一收工就過番樂富,因為今日番夜更,去吉之島買個飯盒,就番泳池,食完飯先打咭,因為1點9夠鐘番工,費事咁早打咭當開工,d西人煩住晒,番夜始於舒服d,不過舊時d伙記都走左78成,好多新面孔,有d可惜,今日同子宇玩,個衰仔勁揸我~賤到爆,當更都係咁,落雨,冇乜心機,仲有見到阿基響度教水law~佢個衰仔搵到下水教ga bor~5點半食飯,到夜更操水,又再冇我份,我自己一個食麵,夜晚d雨愈來愈大,典解仲咁多人ga?傻ga~不過都有d靚女既~heehee!到左10點,終於收池,落休息室hae陣,10點3收工,閃人,超累,工作了14個幾鐘,真係要番家抖抖!

>>June 8, 2004 at 7:18:14 AM GMT+8

2004 年 6 月 4 日 星期五 【晴】

今日係我第一日番摩士泳池,入職做日薪救生員,即係逢星期六,日及公眾假期要番工,直到8月尾,有人問我,點解有水教仲要番救生員?第一,冇人會嫌錢多,第二,我覺得救生員既職責遠比游泳教練重要,游泳教練好似一副機械人咁,程序永遠一樣,第一堂教咩,第二堂教乜...,反而救生員要隨機應變,唔好以為坐響度好舒服,如果有一個人浸左落水底,我疏忽睇唔到,佢死左,我就要坐監,雖然游泳教練都要睇住d學生,但頂盡都係15個人,而一個主池,可以有百幾人,真係要醒醒定定~
今朝番早,5點3就起身了,第一日早d落泳池報到~番到去,拎完制服,就上去睇更表,第一更就當大池,之後見到燊哥,都幾開心,2年冇見,前年響何文田做過伙記都一路冇見過,係燊哥教我點撲過靚蝶,真係恩師黎ga~今年摩士池有4個女temp,就係4個臨時女救生員,哇~不得了~有個係阿姐精神有問題,另外3個係師妹,都幾好~另外亦都有好多新章temp,即係冇經驗救生員~問你驚唔驚?不過都係做野0者~冇事既~到左12點,食lunch,佢地就有得操水,我做daily冇~自己食飯,再番多2個鐘就收工~一收工就要拿拿聲趕過調景嶺教水,都冇咩特別,d細路游得幾好丫~唔錯!上到7點左右,又收工,走人,再趕番去拯溺會,今晚開會,都係傾下d財赤問題,唉~開到10點左右,已經好累,即刻番屋企,食飯,之後就訓覺!

>>June 8, 2004 at 7:06:22 AM GMT+8

2004 年 6 月 3 日 星期四 【陰】

今日教水~辛苦野!

>>June 8, 2004 at 6:39:44 AM GMT+8