2003 年 5 月 29 日 星期四 【晴】

女朋友?冇
錢?冇
工?冇
係~係我錯~我會考之後唔應該繼續讀書,我應該一早出黎考差人~咁我就唔會做promotor,唔會做waiter,唔會再救生員,唔會教游水,唔會教拯溺,更唔會識到2000年之後既人~
我咁辛苦為乜?
可能真係冇辦法再繼續讀落去,因為我真係搵唔工,搵唔到兩萬蚊交學費~_~
我真係盡左力ga啦~唔好咁對我好唔好呀?我錯!!!

>>May 31, 2003 at 5:19:37 AM GMT+8

2003 年 5 月 27 日 星期二 【晴】

rend到天光都仲rend緊,不過我覺得真係rend得好靚呀^^我已經張我今年所學既一切3ds max技術學以至用,呢一份作品(其實每一份作品都係),我係嘔心瀝血做出黎ga,您會欣賞嗎?至少我咁大個仔都係第一次唔訓覺做功課,以前我天跌落黎當被琴,依家唔係趕到3點就4點先去訓,難道我已經唔係我?似乎我都準備好出社會工作,去接受更大的壓力!
今日係學校真係好攰~_~

>>May 31, 2003 at 12:53:09 PM GMT+8

2003 年 5 月 26 日 星期一 【晴】

今日開大locker果時有d野發生左喎~^3^,但咁又代表d咩呢?
6點幾開始做3ds max,surface texture,lighting,rendering,rend到眼都盲呀~

>>May 28, 2003 at 9:43:40 PM GMT+8

2003 年 5 月 25 日 星期日 【晴】

我唔理您係我邊個,只要您當我係朋友既~您有咩事發生,我都一樣會照顧您,唔會丟底您,我對人好唔係想有回報,而係我要您地知道我當您地係我既好好好朋友~
您要人地點對您,您就先要諗下自己點對人地,只要您當我係朋友,唔好同我客氣!!!

>>May 26, 2003 at 11:04:08 AM GMT+8

2003 年 5 月 23 日 星期五 【晴】

今日又晒黑左^^
買左Cherry Coca Cola飲,想試好耐~今日終於試到lu~
唔係難飲喎~不過d味有d似曾相識,究竟係咩呢???@.@

>>May 24, 2003 at 3:28:11 PM GMT+8

2003 年 5 月 22 日 星期四 【晴】

由上一篇日記至呢一篇日記之間,發生左好多事,有開心,有唔開心,開心既係我學識左用唔同既睇法去睇其他人,自己既諗法唔係永遠對的~而唔開心既有好多,不過唔多提lu~可以一提既係,舊時永遠唔會同現在一樣,因為人一定會變,變成點冇人會知,有心既您,都估佢唔到~_~凡事睇開d,所有野都會冇事~俾d時間落下,就會做到^^我話既~

我想跳舞,您會再教我嗎?

>>May 23, 2003 at 1:46:51 PM GMT+8

2003 年 5 月 15 日 星期四 【晴】

今日唔知做咩,訓極都唔夠,成點半先起身,食完飯就趕番去上c.s.番到去d人仲係度打波,打左陣先上去,要quiz喎,唔識,做左2個字就走人,跟住番入去上堂,不過我就design我個calculator板面同d function key,因為今日dead-line,做左成堂,KFC仲同我講平時都唔見我咁勤力喎~我話"唔..."冇理佢,broken又幫我手整下,我又幫下佢,print埋出黎,交得^^之後落左去打排波,又玩數字波,winnie兩次都輸左,俾我地掉佢patpat^^第一次我地都好鍚佢,得billy掉中佢,第二次,我地個個都掉中晒佢,哈哈^0^咁後尾佢就唔玩lu,到第3鋪,係broken輸左,勁被掉呀^^之後又打番排波,7點鐘就走lu,番到屋企收到電話話呢2日唔駛番工住喎~因為鋪頭未落到貨住,都好,做功課
仲有amy~生日快樂^^

>>May 16, 2003 at 9:12:48 PM GMT+8

2003 年 5 月 14 日 星期三 【晴】

今朝又遲左1個鍾番學,番去整本書仔,好easy,仲幫cherry整埋tim^^lunch落左翠林園食飯,之後就上design,不過好嬲呀~帶錯碟,好彩我叫隔離屋蘇耀禮幫我手upload d功課上server,之後download番落黎,咁再俾bolton睇,都ok^^好彩,上完堂就落左去打波,打左唔知幾耐,成身濕晒~之後坐底左同cherry傾計,都ok,冇咩野,跟住我就去左toilet吹我d衫褲,因為勁濕,出番黎,就同broken,阿茶佢地打排波lu,打到7點倒就番屋企lu~

>>May 16, 2003 at 9:12:13 PM GMT+8

2003 年 5 月 13 日 星期二 【晴】

今日好累,冇番學,下午約左broken去觀塘泳池游水,係巴士站見到cherry,不過冇叫佢,咁入到去,又教broken游水啦,教左成個鍾,之後又曬太陽曬左1個鐘,跟住浸多陣就走lu,同左broken過觀廣印野,順便食埋野,咁打俾阿基啦,諗住過去搵佢,但佢條友又話同gf一齊,叫我唔好過去住~_~!!!;所以我就同broken行下觀廣先,之後過左裕民坊上左商務書局睇書,睇到5點9就走lu~broken都番屋企lu,準備過馬路果時,有一班女仔係度做訪問,有一個走左埋黎問我野,不過佢d問題好似唔係問卷內容黎既~唔知有咩企途,佢係叫人做儲錢計劃果d,不過佢都知難而退冇我辦法~去到利園,見到阿基剪左頭髮,嘩哈哈哈~好攪笑^^之後上training,WEGA,LCD,plasma電視,今次好d 10點9就走得lu~同阿基行左陣,但係落雨喎,所以我搭巴士走,勁好彩呀,一去到就有車lu~夜晚都有同swing傾過下電話,之後做埋d功課就訓lu~

>>May 16, 2003 at 9:11:51 PM GMT+8

2003 年 5 月 12 日 星期一 【晴】

今日一早mfs補課冇番,唔夠訓ma,之後9點幾俾梁柱基嘈醒>0<叫我幫佢燒碟,攪左一輪,10點幾先出門口,我仲要去鑽石山拎d泳帽俾嘉豪,番到學校都11點半,之後即刻俾阿ann睇我d作品同埋story board,跟住係房裡面有部機有隻賽車game,我地輪住玩tim^^跟住lunch落左健一食飯,食完上epp,我就溫游泳教師d notes,不過唔入腦~_~之後咪又落左去打波,打到3點半就上去左上mfs,點完名就走law,番屋企,coz唔記得左帶吸水布同埋自己朵泳帽~_~咁搭11c,都幾快喎今次,半個鐘就番到屋企,番到去沖個涼就努力溫習,溫左個半鐘就出門口lu,約左基基,阿國,祥祥,阿源,肥傑同阿正做我學生~唔該晒大家肯幫我手^^我約左7點鐘同佢地去麥記食d野先,同埋要breathing下佢地,不過祥祥意為我係九公考,去左佐敦,激死me~.~好彩我未8點半,咁係荔枝角池門口已經撞到好多好耐冇見既fd,有阿聲,阿豪,柏謙,家威等等...咁前年我都係荔枝角做過,又見到好多舊伙記,不過依家都面目全非,村長果時剷青個頭,依家好多頭髮喎~係law,咁我考試啦,勁驚~.~咁到我去抽我考咩topic啦,竟然同考mock一樣"引導初學者入水",但最後我又好好彩喎,冇dead air,可能上次考mock有經驗同埋上次俾miss狂插完之後,自己都有複習番呢個topic,咁我自己都覺得教得幾好^^咁到考官同我講番我d錯處,佢話我一開始應該同佢地做多d頭入水先,同埋浮身唔好咁開,始終都係第一次掂水,但大至上都冇問題,咁考完就走左去游水,咁就見到我舊時高技泰哥,同佢又吹下水,之後我話想跳水,佢話咪跳law,跳左幾野1米台,佢話可以上3米跳ma,我話怕你呀~之後扒左上3米台,但係我成年幾未跳過3米台,上到去望落黎,驚左驚,好似高左好多咁,個台3米加水深4米幾,7米幾,之後我咪就咁企左係度,座底個人跳落去,嘩爽呀~之前d感覺即刻番晒黎,一上水就拿拿聲上過去,今次我已經係係板尾沖沖沖騰空接腰插水小水花十分~勁呀~肥傑同阿正都開始跟住玩~因為當年我地一齊係摩士學跳水,開始背水跳,總之好開心啦^^玩到10點收池先走,咁我就同左肥傑去左阿wing度食糖水,之後就番屋企lu,呀!仲有我搵左籃田麗港城做救生員,人工係底d,做住先law~6月開工~

>>May 14, 2003 at 5:18:52 AM GMT+8