2003 年 9 月 21 日 星期日 【雨】

今日番學野,訓左4個幾鐘~累爆~~搭的士番學~番到去HP堂,打倉頡~用腦野~之後上英文堂~唔知咩原因,年年d語文科miss都鍾意為難我,可能我多嘴掛~咁我不嬲都係咁ga啦,至多走堂唔騷擾d同學仔,今次miss又係咁~往年同d同學唔熟就話低調,不過今次唔洗啦,大家咁熟~係有d隔離班唔熟0者~唔緊要,遲d應該熟~之後知道下午唔洗番,所以就搵阿基,issac佢地食lunch,阿win,winnie話回家sleep喎~.~我地去左歌德餐廳食,broken好仆街,成日講埋d人地想死既野,如果唔係識佢,我地打左佢,妖~都唔知打唔打佢好~食完又吹下水,咁阿基同issac要上堂,佢2個就番學,我同broken去左打鋪機先,之後就上佢home休息,冇辦法5點3又要去東港城教水,所以上佢home,方便野~咁去教水啦,好凍,好大風~d小朋友嘴唇d紫晒,鬼咩,咁凍,我都想走呀~我已經著左件3mm厚既長衫長裨貼身膠衣,但都難逃一劫~就係咁我開始作病,已經係咁咳,又流鼻水,本來拯溺會有個party,係for9月生日既教練,我都係冇去,番home食完飯12點幾就訓~

>>September 23, 2003 at 2:55:59 PM GMT+8

2003 年 9 月 20 日 星期六 【微雨】

啊~又一年了~呢個日記已經陪我渡過左2個生日lu~^^一夠12點,先後有好多fd打黎^^thx~icq仲俾左份gift俾我tim,當到左我生日之後10幾秒,佢就"Your icq databas error, now icq will convert to your database",之後就shut down左icq,係度自己loading~最後12:03我先on番9~o~big gift野><12:30就訓lu
一早6點9就起身,食左個飽,7點幾出去維景灣畔教水,一路都冇咩特別,係見到小萍係隔離教左1個鐘水law,咁食lunch,奶春同ivy入左黎,到ivy教~咁我食完個杯麵就教埋班學前班~點知就出事啦~有個我平時都幾鍾意既妹妹~今日佢阿媽冇睇住佢,係咁問我媽咪係邊,又唔肯游~激死me~.~其他仲有一個又百厭~我費時理佢地咁多~教完就算~落堂,閃人,基約左我4點17分響TST mtr等,我4點40到,一個人都冇~妖!咁阿成黎先,之後phoebe,我地話唔等~去左許留山坐,食完野阿基先黎,佢打波坳左柴,由碼頭慢慢行黎,用左半個鐘~之後食完我地就行加連威老道,去利時,搵阿win個fd~又hea下先走,argon join埋我地,再過ice-fire,再行過尖東果面果2間hip-hop shop睇~好累~.~最後係行番去TST,落左88打機~打左1個鐘,再行過,去左IT,之後漢陽苑打黎話有位,我地先上去,阿win,winnie,issac先至到,好攪笑~phoebe同基有隻walkie表,阿基出左去拎野食,argon就拎左phoebe隻表,"呀~呀~呀~"阿基隔離d人望住晒~哇哈哈~笑爆!當日詳情睇我相簿啦~咁我地食完就行過海旁,之後坐底傾計,又玩game,hea到點幾我地坐的士過mk,各自各搭車走,好好彩喎~上左車先落雨,落車又有瓦庶頭~都3點幾先訓~

>>September 23, 2003 at 2:35:28 PM GMT+8

2003 年 9 月 19 日 星期五 【晴】

訓左成日,一訓起唔到~但又零晨2點幾先訓~聽早8點教水

>>September 23, 2003 at 12:19:48 PM GMT+8

2003 年 9 月 18 日 星期四 【晴】

今日5點幾去左維景畔教水,都ok,唔係太辛苦,之後9點幾出mk,因為約左班中學同學去打邊爐,提前同我攪生日ma,有ngamna,阿wing,灰熊,fish,黑仔,咁行去酒樓果陣仲撞到長毛同志勇,o~so good,咪一齊去law,好耐冇見佢地,好多野講~有個蝦look位,勁笑爆,灰熊夾左粒丸,點豉油喎,點知甩左,一野彈晒d豉油出黎,飛晒落fish件衫到,哇哈哈^0^白痴,咁夜d我地叫酒,我被隊~飲左幾枝~之後我同黑仔係咁玩~長毛同志勇走先,咁我地再玩多陣先走~咁黑仔同灰熊散左ma~所以佢2個唔知點咁,咁ngaman同阿wing話搭的士,拉埋灰熊走,黑仔又迫埋上去,咁我同fish就搭通宵van,ngaman打黎,問我地上唔上阿wing屋企hea,我地咪是但law,之後就係天馬苑落車,行過黃大仙,咁直覺話我知黑仔同灰熊會係度傾計,我同fish就過去睇,真係見到喎~哈哈,fish仲走近偷聽,偷聽左陣就走,走先賤呀~特登俾佢地睇到~cheap到爆!上到阿wing home,好熱,即沖涼,之後我地玩鋤Dee,玩到3點幾,我上網,又講外星人,講到4點幾,就訓~不過訓唔到~好逼,之後又有太陽,最後7點幾就走左lu~番home訓~

>>September 23, 2003 at 12:14:20 PM GMT+8

2003 年 9 月 14 日 星期日 【溫暖】

今朝較左鬧鐘8點3起身,但又訓番,番到9點先俾阿媽叫醒~好累好累~p~之後執野,飲左包奶就走lu,不過9點9我仲響樓下,又累喎~所以又搭的士~呢排有野做成日搭的士~死啦~節制下先得~咁番到去冇咩特別野~魯sir做班主任law,預左ga啦~之後選下班會咁law,有d C班既同學調左過黎,佢地好悶咁~之後攪左一輪,好悶~落去canteen,因為3be,阿成,argon,等等大班人都係度~又落去發下顛咁law~之後就上禮堂聽下野~咁到d阿sir miss逐一上台介紹下自己果時,kfc & leo 係咁俾人"her"~尤其士kfc tim呀~超憎佢!之後聽完我地就落左neway唱k^^好玩野~最祗死係阿基,點左"漣漪",issac同我同阿基一齊唱~唱到娘娘腔+走音,笑爆呀~仲起雞皮tim~咁唱到4點9我就走先,因為又要教水野~_~d水仍舊好凍~但d細路仍然係咁開心,係咁玩~尤其係高班果班死仔,玩到十彩^^之後收工,番屋企~好累!

>>September 16, 2003 at 6:09:48 AM GMT+8

2003 年 9 月 13 日 星期六 【颱風】

晨咁早6點幾起身,訓左4個幾鐘,好辛苦~要玩就要付出ga啦~去調景嶺教8點~搭mtr去到,嘩~超勁大雨~冇傘用~shit~衝上去,yeah~濕晒~之後拿拿聲換衫~教操水班先~操到佢地死~之後教水,好肚餓,冇食早餐,教到1點9,有9個字飯鐘,沖左個麵,之後再教,教到3點半,教完,走場去荷里活繼續教~仍然好肚餓~.~哇~超勁大雨~咁樣樣淋法,唔知會唔會病~終於6點半,完成^^本來童軍果邊7點有meeting,但我真係撐唔住,好累好餓~於是番home食野,咁本來諗住早d訓~聽日番學~點知部腦又中毒,攪左一大輪~11點先訓~好累~.~

>>September 16, 2003 at 6:09:37 AM GMT+8

2003 年 9 月 12 日 星期五 【晴】

今日要考水急~點知發現本log book唔係自己度,大獲,即刻落會搵,又搵唔到泉泉,問佢擺係邊~攪得兩攪都差唔多夠鐘lu~搭的士過李鄭屋~剛剛好入場~考試都ok既~係做處理嘔吐果陣俾考官交叉左我~shit!話有一隻手冇stable~o~no!!!但應該冇大礙~_~之後考完搭bus番屋企,好鬼熱~.~冇冷氣野,之後番到去hea到8點,今晚同拯溺會所有教練bbq,準備落泳池集合,點知maggie打黎叫我去搵爐先~我話"依家先搵爐?冇ga啦bor!",之後我去到梗係冇啦~咁佢地買野.我等佢地上黎,等呀~等!等左成個鐘,火都黎~咩都買到啦~佢地上到黎之後,都係搵唔到爐,最後決定左去winnie同泉泉既新居打邊爐,不過winnie聽日仲要考拯溺教練~打攪晒@.@不過佢地養果隻貓仔好得意野~手長腳長+尾長,一路打就一路吹水,之後12點幾就走lu~聽日教水ma~又搭的士野~

>>September 15, 2003 at 4:12:44 PM GMT+8

2003 年 9 月 11 日 星期四 【晴】

一早去到大埔3be佢要上中山,sylvain,argon,波仔佢地搭火車走先,咁我同左基,成,issac去食早餐,又係吹水野,講下黎緊既萬聖節同埋聖誕節有咩攪~hea到8點3,3be打黎,話佢d屋企人未到,要我地陪佢傾計,驚會訓著喎~佢地3個同佢傾先,之後到我啦~哈哈,我係咁唸佢訓~^田^收左線~咁我地就搭火車,各自各番屋企lu~我訓到去9點半,沖完涼on下9,睇埋"美麗在望",11點先訓覺~因為約左阿基同埋issac一陣出mk買野~訓左5個鐘就起身,6點幾就出到去,出到聯合,搵左little先~佢果個彈彈pass真係好好玩^^咁基黎到咪行law,不過issac就一睡不起~.~行完聯合,就上新世紀,行quiksilver,double park & icefire,本來我話左買鞋先,點知阿基就買左個袋先SCENE野,幾好~我之前都想買,但係要adidias,之後就落左去瓊華行~去到apart shop,又入去hea,今次呢個sales都ok靚女喎~叫做大茵,但好似化左妝先得炸~咁我地再過波鞋街行~行呀行~行左好耐,成條街都行晒,反而係睇到我想買既adidias bag,即買~仲平阿基果個$1,咁阿lam又蒲頭喎~同埋我一齊去買鞋,終於買到,咁睇開,lam又想買,佢見到對高筒$500話平,我話見到$399炸喎~又行過,終於佢都有買~好野~大家都有收穫,幫下香港,增加消費野^^仲有阿基個fd,女仔黎既~又join埋一齊,話聽日就去UK,佢話第一日見,以後唔見喎~之後去左食野,自早餐之後一路冇食野,依家都11點幾lu~咁食野果陣,lam話taiffany同阿dick一齊左,我係超勁"O"嘴law~仲有d驚tim呀~雖然唔關我事~但我完全唔同意佢地係133整d咁既野出黎~2個都做領袖,真係唔好係133裡面做d咁既野~食完我就同阿lam走先lu~

>>September 13, 2003 at 9:48:46 AM GMT+8

2003 年 9 月 10 日 星期三 【晴】

今日中秋節野^^今日成點鐘先起身,食飯~之後3點就去到星河名居教水,今日係last一堂教servena,佢個衰妹都幾乖幾叻,終於學識晒成個自由式,仲游到15米,4歲炸~見佢識我都好開心喎~始終都係自己心血教出黎^^教完之後番左屋企,本來阿媽叫我入沙田食做節飯,不過夜晚要教拯溺啊~所以冇去,咁我就響屋企備課lu~.~備完課又同劉作為傾下電話,之後就落泳池lu~落到去都未有其他教練番到,唉~中秋野係咁~之後我開始點名上堂先,小萍同泉泉都番埋黎,跟住教到10點落堂,咁佢地就走先,我自己留左響拯溺會一陣,打俾阿成,諗住同佢一齊入大美篤,不過佢話響cb冇咁早走,所以我就去mk join阿lam先,上地鐵又撞到阿安~咁join左阿lam,就同佢過太古,上阿浚屋企先,之前應承左,唔去唔係咁好~去到太古就撞到bearbear,出埋地鐵站就見到阿浚同埋小明~我同阿lam未食野ma,就過左澳門茶餐廳買外賣,上阿浚屋企食,lisa早已經係上面,一路食又一路傾下閒計law,好耐冇見過佢地~咁一路傾,阿成都先後打黎約我時間,最後決定左2點響側魚涌等,咁落到去見到阿成,佢話火車2點2冇車,所以我地去觀塘搭小巴入大埔,之後再搭的士入大美篤,入到去準時3點半,香港最南去最北,需時90分鐘~都快喎~之後我地就上堤壩搵佢地班人lu~short ga,行超勁遠~有阿基,3be,issac,sylvain,argon,波仔&frds,上到去冇野做ga,賞月+睇星law,hea野,之後又吹下水,講鬼故,有野得d既野,就係我陪左issac係堤壩下面小便law~又驚人睇到,攪笑^^都ok好玩既,咁我地一路hea,最後睇埋個咸蛋黃,我地先至走,搭巴士出番大埔~晨咁早7點半係大埔~勁耐冇試過~

>>September 12, 2003 at 9:51:52 AM GMT+8

2003 年 9 月 6 日 星期六 【颱風】

今日晨咁早就入左維景灣畔~起身食左2個饅頭,之後就番工一路教水,唉~我件膠衣放左係東港城~今日剩係著住件防曬衣,冇咩用,好凍~_~一路教到1點9,因為果度食野唔就腳,而且我得9個字食飯,所以帶左個杯麵同薯容去食,咁入去即刻煲水,頂~煲左成2個字,早知煲小d水,之後沖左個杯麵同薯容,超快食,因為就夠鐘,仲有太熱既關係,食左個麵,但薯容就食左一半,又即係準備上堂~_~好辛苦野~跟住上多一個鐘落堂,準備走埸過星河名居上堂,點知ricky話個麻煩陳太話取消喎~shit!正仆街,上唔到好多次,一個星期推一個星期,有錢大晒咩~>p<咁今日同阿婆攪生日,所以今晚要出佐敦食飯,咁我走得黎都成4點,番屋企又遲,所以出左去搵我媽媽先,咁我去到恆豐佢都未到~咪自己行下先law,之後媽子都黎到,佢同阿姨話要去toilet,去完之後就同埋2個表妹一齊行,係呢個時候~神推鬼撞,見到cherry,本來我唔應該係呢個時間出現,我本來身在鑽石山,係law~整定掛@.@之後過左麥記join埋阿婆舅父佢地,點知一坐就坐左成個鐘,因為未咁快有檯,我之後同左媽子去GUCCI睇下d袋,隻牛角袋仲未出呀~想點呀???跟住行番過去又撞到阿泉同winnie喎~咁番過酒樓都食野lu~今日成日流流長都冇食野,又累又餓,終於可以食番餐好既~阿婆生日快樂^^長命百歲,一路食一路同d舅父舅母阿姨吹水,可能我個腦轉數快佢地一個turn,成日俾我駁到嘴~
大姨: 阿傑,你今日應該同我地一齊去街啦~
我: 唔駛做呀?
大姨: 你個pat夠大,可以幫我地試下d廁所板ma!
我: 駛咩即~妳塞妳自己個頭入去,入到咪0岩law
大姨: (爆笑到出唔到聲)
今日就係咁~又係一日辛苦野,聽日再黎過~努力~搵錢!明天會更好!

>>September 7, 2003 at 5:27:29 PM GMT+8