2004 年 1 月 22 日 星期四 【晴】

夜晚出左去大舅個度拜年食飯...得三舅出左黎渣...諗住佢地成班都係度架嘛..
點知咁小人.原來佢地咁多個係年30晚出晒啦..
唉...悶悶...咁放八點放煙花啦..原來係牛池灣望到維港個邊既煙花架...仲好大聲添..
雖然係window到睇...但係都見到好大好靚呀...haha!第一次真實咁見到呀..
係window到睇左一陣就冇睇啦...太凍啦..咪係tv到睇番囉...haha!!!

>>January 23, 2004 at 12:14:19 PM GMT+8

2004 年 1 月 19 日 星期一 【雷雨】

今日都係好凍呀!留係屋企到就暖好多啦..冇出到街呀!
又凍...又落雨喎!雖然係悶..但係總好過出街呀!
部機原來前日已經上到網啦...如果細路唔同我講..我都真係唔知呀..
不過佢今日先至黎講渣..都好..有得用!
上到網就開心啦!唔駛悶呀!哈哈...咁份ENG就可以e貓比佢啦!

>>January 20, 2004 at 11:36:44 AM GMT+8

2004 年 1 月 18 日 星期日 【雷雨】

今朝落下雨...搞到訓遲左好多呀!成8點至起身喎..
之後咪打比cat囉...以為佢番左sch啦..原來佢番緊學喎..佢又遲起身呀.
真係岩啦,之後咪去左新達食早餐囉!haha!第2次遲啦...死得啦!
番到sch同其他人講我地係咁岩遲到,都好似冇人信咁..以為我地又係食早餐遲..
今日好凍凍呀...成9度!lunch除敬佢又玩魔術啦...今次係整穿張銀紙呀!
問題係枝筆到..要成60幾蚊呀!真係貴過小明果個呀!我地今次好多人睇呀..
haha!占士原來佢都有睇到馮德倫隻魔術碟架..不過係佢家姐既..
我好想買好耐架啦...但係唔知個碟名係咩喎...唔係一早就搵到啦,
開學頭個時已經問左ccw架啦...不過佢借左比d fd..唔知係邊個道..
唉...真係好想搵到呀!!!不過...唔知係邊有呀...唔制呀!!!!=="
係呀..ccw原來佢係903到做野架,仲有好多免費既CD添..我問左佢借一峰既CD我.
佢話好呀...不過就係要新年假後先有啦...冇所謂啦..佢有碟就得啦..
放學同媚一齊呀..CAT要去參觀呀嘛!我就上左媚HOME..之後就番左SCH到..
今日係朱SIR既追師會呀!所以好多人都好忙...詩詩佢地班好多都去呀..
之後就去左大中行下啦..我知間魔術店係邊啦...HAHA!入面有好多道具..
不過好貴下呀...之後咪多陣咪走囉..去到保湖又見到蕃茄同小明佢地..
咪一齊行囉...咁就番左HOME啦!!!
夜晚聽湯圓講..個追師會真係好多人去呀..仲好感動呀!分享左好多野....
我諗住搵佢傾計啦...佢講追師會既野我知..講完就冇出聲啦...佢仲話有去
添..我諗佢都係聽人講先至感慨..咁咪比佢冷靜下收左囉..搞到佢唔知點咁..
唉...真係SORRY啦!估唔到佢都幾感性架喎!
其實唔知係咪我feel錯呢..覺得佢呢排變左好多呀!都唔知係好事定係唔好..
仲之就好唔知點啦!應該係好唔慣呀!

>>January 20, 2004 at 6:38:07 AM GMT+8

2004 年 1 月 16 日 星期五 【晴】

[fly]約會[/fly]
我知你一直都好想買左麟右李既飛~但係因為遲左買飛~冇得睇
當我知道你買唔到飛個日開始　我就問左好多人飛既情況 希望你買到　　
不過有既只係得400既飛~ｄ飛太貴啦你又唔會去買既　
跟住我就日日都去搵飛既資料　個時真係為左件事好苦惱架　
我就連YAHOO 既拍賣場都落訂買飛　個時唔諗得貴唔貴架啦　
雖然個度既價錢真係貴左成培呀　但係都唔理啦　點都好都一定要買到比你
你雖然冇叫我咁做　我亦唔想你知道我咁做　因為我驚買左你唔去睇
但係點知佢地加場喎　不知幾開心呀　哈哈　之後就即刻打比你啦　
你都知道左加場既事　仲話一定會去買　咁就緊係啦　哈哈
你仲話會9點幾先去排隊　傻左定啦　咁遲就會好難買到好飛
我就話會幫你去排隊啦　哈哈　呢日我真係好開心呀　
我好早就出左黎幫你排隊啦　都買都好既位置　之後你仲同食我去吉野家食早餐
不過唔開心既係你同邊個都係咁講　話你自己去排隊既　
唉～都唔明你既　點解你唔可以話同你個FD去買呀　都好聽過話你一個去呀
你當我有冇存在架　你同任何人都係咁講　就連你日記都係咁寫
連小小都冇提過我呀　好失望呀　我唔係想你真係寫我　我係想你提下我姐
連呢點都冇呀!不過算啦....　

呢日係我心目中算係同你既約會黎架啦　可能只有呢一次　
但係我已經好滿足架啦　因為只有你同我!!

>>March 6, 2004 at 3:34:27 PM GMT+8

2004 年 1 月 16 日 星期五 【晴】

今朝一早就出左去啦!!!去左幫佢排隊買飛呀!個時去到前面仲有2個人~
之後到左差唔到開個時就好多人排啦~好采早d去排姐..而佢當然買到飛啦~
仲好開心添..緊係啦..唔駛佢咁早黎~又買到好位喎..我就冇所謂既~
好樂意幫佢黎排隊!佢仲話想睇埋放生喎!不過佢d fd唔知點!!
其實佢想睇我好都想陪佢睇架!但係佢都.....haha!佢都唔會同我架啦!
諗咁多都冇用..之後咪去食早餐囉..緊係佢請啦..之後咪番home囉~
其實好想行多陣架..不過佢話眼訓冇計~其實最累果個應該係我~
尋晚仲驚今日起唔到身而訓唔著!不過係值得既~佢開心就得啦!
而我今日都好開心呀!!又幫到佢喎!我唔介意佢點對我...只要有咁既機會..
就好開心..可能仲會難忘添!唔知下次有冇咁好既機會同佢一齊呢....haha!

係903聽到明哥and千嬅個拉闊音樂會..佢地唱得都幾夾呀..仲好正添!
仲有組BAND時間..好耐都冇聽啦..轉左去Five O'clock開始喎..真係早!
今日仲有BEYOND聽添呀..佢地分享番巡迴演唱會既感受..呀榮就冇去到..忙緊!
係呀...去過既FANS仲可以同佢地傾計添...真係好正呀!有個仲係bm既fans.
佢地宜家因為好凍既天氣關係會暫停巡迴...等到遲下再遊過世界呀!!

係呀...上年conect既左麟右李下星期有得播呀...哈哈!
咁到時咪好多人都知佢成日講既野係黎至邊囉...
實有人睇睇下會記得邊個講過既...haha!實好搞笑啦!

>>January 19, 2004 at 1:13:52 AM GMT+8

2004 年 1 月 15 日 星期四 【晴】

今日係好靜同好悶呀!!eng默完書就冇講書..miss話我地冇帶page就唔講..
但係仲有page2..佢又唔用喎..係要用2003個本..真係..又話冇時間喎..又要咁..
人類堂今次好認真做會考題呀..haha!調左位係唔同d既..
tarry佢儲左好多人既學生相呀..連呀cat都睇左佢個張相啦.都係話唔似..
唔知係咪真係佢呢...好想知!chi好悶呀..又係睇番套野...咪冇睇囉!
慧慧咪教我摺星囉..不過都係唔太明呀!佢都已經好努力教我架啦..HAHA!!
小明佢好叻呀..有個新既魔術呀..係變走條絲巾架...佢個魔術值40幾蚊架..
我地成班人係度睇喎..佢仲表演左好多左..但係我地都係睇唔出..
嘩..真係大開眼界呀..都唔知點變架..好神奇呀..不過識破左又唔好玩喎..
我只係想佢表演多幾次....係有小小想知點解會咁既..但係佢話識破左就覺得好
幼稚...我諗唔係既..咁我地睇唔破咪係我地幼稚..哈哈!!
左麟右李加開多一場呀...真係好開心呀!咁佢就有機會睇啦..
都話一早唔好咁灰架啦..想要既就一定有方法架啦..好似宜家咁..咪有得睇囉,
咁我就唔駛再為呢件事而煩惱啦...哈哈...雖然唔係我睇..但係佢有得睇..
我極之開心呀!佢就唔駛唔開心啦..HAHA!佢唔會錯過埋呢個機會既..

>>January 19, 2004 at 1:13:12 AM GMT+8

2004 年 1 月 14 日 星期三 【晴】

今朝同cat去大家樂食早餐啦,見到慧慧同佢bf喎..
之後我地就買野食,叫佢唔好走住..陪我地食埋先走..
佢就比左張單我地..佢早餐張單冇收到呀..keep住左..
我咪比左個人叫囉...點知就有多個免費早餐啦..haha!
不過慧慧佢地要走呀..就得我同CAT啦..咪叫人黎食左去囉..
費事曬呀嘛..CALL左幾個人..佢地已經入左SCH啦..之後咪叫佢囉..
佢就黎左啦..HAHA!好開心呀!食左冇幾耐..Cg就黎食啦...
佢話如果有訓導見到我地係度食既就會記小過呀...前2年仲有人試過呀..
真係危險啦!!!個時已經係8點幾啦..我地番到去都預左遲到架啦..haha
今年第一次遲到就係因為食早餐啦...哈哈!

上chi呀sir要監考呀!而我地就要做hw啦..都未教就要做啦..真係..
人類堂呀..miss話想話有好多人成績差左..又要調位啦!不過都幾好既...
有慧慧同我一組...Trarry佢比左張相我地睇..佢話係佢黎架..但係冇人信囉..
因為同相果人係2個人黎既..不過佢又唔知點咁喎!-.-"
鄔SIR今日請另外個班食passzs呀!之後我如cat食完lunch咪上去囉..
上去用左陣電腦呀..嘩!見到有張飛呢...超平呀!原價都係加左20蚊渣!
我過個時打左鐘...冇時間去拍賣呀!唉...真係時間緊迫啦!
放學我地陪媚去剪髮呀...剪左好耐..我同cat咪去左好多間寵物店囉..

我覺得佢地真係好幫我呀!知我係固執..唔迫我同佢既事..仲幫我添!
真係thx佢地啦..哈哈!佢對佢宜家都有關心,不過呢種關心我係明既..
佢唔一早講清楚搞到我地以為佢..原來係另一種關心..不過...就...
唉!唔知佢係咪因為佢講既野而咁介意呢..個日開始佢都冇以前咁啦....

>>January 19, 2004 at 1:12:40 AM GMT+8

2004 年 1 月 13 日 星期二 【晴】

今日學校宣佈話下星期一有紀念朱sir既追師會...不過係Night!
我臨住叫晒雪人佢地班fd同埋洪拳去渣..睇下點先啦!
eng堂好鬼眼訓呀...訓住黎聽玲聽..真係..累!我比左包飲管比媚佢教我摺呀..
之後佢地就囉左黎摺左好多啦...haha!都唔知買黎做咩架..見平呀嘛!
但係有諗過咩架..不過學唔識呀..都係好難難呀!
chi堂係又係人類室上...我地全部女仔坐埋一堂..係一齊出貓呀..
哈哈...仲出埋比家成佢地個班聽...搞笑!佢同cat maths成堂都係度聽mp3
同埋send信息..仲差d被呀sir收添呀...
圖傳今日開始就做會考既hw啦...好多野做呀..仲唔識添..又快..又唔明喎!

Lunch個時...佢地成班boy係下面操場到玩喎..咁初頭踢毽啦...
蕃茄好搞笑呀..踢到跌左落地下..整親...哈哈!講比媚知佢又冇反應喎..
真係數興..不過佢冇心情..又煩緊野喎..咁又係既..
係囉...唔知做咩呀..覺得蕃茄今日好似憎我咁喎...不過唔係真就好啦..
我最怕自己唔知做左d乜..搞到人地嬲我...但係媚又話佢冇喎..唔知呀!

放學同cat,媚去左買朱古力呀...好多呀..不過我就唔底啦..買左小小都咁貴..
而cat就唔同啦..同個人熟..成大包都係好平渣!早知就...haha!
遲下去買多次番學請人食先...哈哈!

尋晚又係好早訓左呀...病左就頂唔順要早d訓呀!本來打比佢講聲..
不過冇太累...haha!今晚唔會咁早訓...頂埋去!
今日呀lunch個時..又係冇同君佢地2個食,佢地又係都唔想同我地食..唉!
唔想同我地食就早響啦,宜家唔會再同佢地一齊食架啦//費事煩呀!

Night個時打比洪拳喎..佢話會去追師會呀!不過最去靈堂個度拜去囉..
但係又唔知去唔去得..同埋係邊喎..我諗住聽日幫佢問問呀!
朱sir以前都有教過佢架..所以佢都想去拜佢..咁又係既..
之後問雪人立啦..佢都話叫埋班fd星期一黎..咁就好啦!
佢同以前一樣都係冇變過...haha!有成2年冇搵過佢啦,真係耐呀!
佢仲以為我好似以前咁...其實我變左好多架啦..佢唔知姐...
佢仲話我搞笑左好多呀!緊係啦...haha!佢都唔知咩事!
我星期一多數都唔會去追師會架啦..佢又唔識我..又冇教過我..
不過我會叫番以前識得既畢業生...當做番件好事囉!我都想做番d野...

>>January 15, 2004 at 5:25:23 AM GMT+8

2004 年 1 月 12 日 星期一 【晴】

今日好鬼凍呀!又辛苦喎..猛咁咳同埋傷風喎..冇人關心我既..
諗住唔番架啦...尋晚又去得夜..今日又唔舒服喎..不過被人叫醒左..冇計!
佢今日冇番學呀..估到佢會換証架啦..之後cat打比佢..真係喎..
仲同fd唱緊K呀..哈哈!佢一定勁唱左麟右李既歌啦!haha!
有成四堂都係自修呀..都係上網..悶呀嘛!世榮又被人追數啦....
真係好興囉...好想快D搵人啦左條友佢..睇下佢咩事先得呀..
一次比一次玩得仲犀利..今次走去紅觀條隧道貼成40幾張...
有病架條友..我信相呀榮一定冇爭人錢...唔會懷疑佢....
再係咁樣..呀榮就會負擔大左..會影響到家人同埋佢既朋友...唉!

仲有呀....睇佢個DIARY到見到佢寫左好多感受..發覺佢真係大個仔好多
仲識諗左呀..唔知係咪因為睇左果本野既關係呢..haha!咁樣咪好囉..
小明佢明明話因為紀念朱sir件事而唔會再sat頭同埋食x,
本來信佢真係唔姐頭架..但係今朝見佢....但係下就番黎冇左喎.
都唔知佢點既...傻傻地..都係信唔過呀!!=.=""
係呀..真係好後悔冇一早問ccw囉...原來佢係做個d飛既部門架...
今日一問之下先至知...佢話佢有個d飛...仲比晒人..唉!
宜家得一個方法架渣..就係上網買飛囉..唔係就冇計..為左佢..
我一定要買到架...唔係佢實唔開心架..因為佢好想睇呀!!唉!
近日都係正煩呢件事呀!!!火頁!

>>January 14, 2004 at 3:19:33 AM GMT+8

2004 年 1 月 11 日 星期日 【晴】

人生命的無常...我們有幾多可以預料...
今日朱 sir ( cc ) 離開了我們...只留下我們為他的禱告...
明日我們已知道有很多事我們不得不說....
因為到死了要離開的時候...真的說不到了...
是否還要再三逃避自己的感受呢...到處為自己為別人傷痛多一次呢...
現在心裡想說的話...是愛是恨也好......不然想逃避到死後才說..

今日...番學個時同cat去左食早餐...見到miss呀sir個樣都好謝...
番到學校校長同我地講朱sir離開左我地...其實星期六已經聽人講左..
但係始終都唔信..仲叫佢地唔好玩啦..邊有咁快呀..但係到尋日..同埋今日..
真係完全相信啦..但係都接受唔到..唉!點解會咁快架..明明已經有得換架啦..
但係又...聽到消息後真係好唔開心呀...佢又咁好人...點解呢個世界咁唔公平架..
好多人都因為件事而一樣唔開心..同埋喊...學校今日都好靜...唉!

放學搵呀LO LO啦..都知佢唔開架啦..佢心情都一樣唔好..同埋因為考試要暫停
之後就去左幫呀JOE同邦買BAND SHOW既飛啦/..同埋陪cat買卡就走啦..
番到去就換衫去飲啦..唔駛自己搭車去呀..有車接送...仲好...
飲到好夜就番home啦...

成日冇同佢講野呀..咁又係既..個個都心情唔好呀嘛..
今日開始同cat玩交換日記呀..本野好得意架..haha!

>>January 14, 2004 at 3:21:35 AM GMT+8