2004 年 9 月 5 日 星期日 【晴】

今日同貓都早左番去啦...仲早成半個鐘...
都好...起碼唔會遲...早番好過遲嘛..ha!

上頭個堂就教網頁設計....我地都學過晒...呀sir仲要由頭重新再教....
我同cat咪冇乜點理囉....都識既...ha!

之後個堂就英文...又難...又唔知講咩...
d人都訓晒教啦...個呀sir仲衰..次次都叫男仔...可能佢覺得女仔讀IT唔掂啦...
唔係點解我地答問題又話我地呀...唉...勁悶....唔係冇心機上..唔係唔上專心上架..
咁比得咁多錢緊係想學到野架啦...但係又...唔明..唉...

好搞笑啦..咁呀貓同我都開左2.go喎...咁佢send埋d百痴野黎..我咪覆佢囉...
點知佢部機唔知做咩有聲喎....真搞笑...仲全部望住我地..我地咪係度笑囉..哈..
佢部機個時關晒聲..連icq都 alway架...但..哈...咁都有聲...

lunch去左家樂大食野...之後仲有好多時間去埋買書...yup!都平小小架平野...
好過冇得平..ha!之後上堂...eng 作文...最唔掂呢樣....我係衰在文筆唔通順..
作對英文既感想.....都唔知作左d乜出黎啦..哈...今日上堂既時間真係過得好快呀..

放學去左見工...ha!唔知請唔請呢....好想佢請呀...haha!之後番黎大埔還碟...
又買下野食咁....d錢真係比我買好多野食都唔夠用呀....悲...
我都唔想架...但係真係好....餓....囉!

>>September 6, 2004 at 10:13:44 AM GMT+8

2004 年 9 月 5 日 星期日 【晴】

＜林一峰 音樂會 Traveling Live＞

一峰將於 10月6、7日舉行兩場個人音樂會

地點: 灣仔 伊利沙伯體育館

時間 : 晚上8時15分

門票分 $280 及 $180 兩種

>>September 6, 2004 at 1:32:36 AM GMT+8

2004 年 9 月 4 日 星期六 【酷熱】

今日徐紀請食飯....就約左我同貓啦....我仲借左一峰隻馴情記添...ha!
之後去左還library碟....就係大中行街啦....我同貓諗住買書..但係到到都冇..
唯有番學校訂啦......食完野我地就係街...

貓買書包啦...間野入面竟然有一峰張相..
一峰同個老闆娘一齊影..我即刻好開心咁叫左出黎....嘩...一峰呀...
之後我仲問點解既...個老闆娘話佢個仔同一峰係同學....間唔中都黎間店既..
我不知幾開心呀..仲留左電話添...話一峰黎既話打比我...佢仲話好添...ha!
勁勁開心呀...林一峰...yeah!!!

之後我地就走啦...釘左個耳環..ha!....又一個啦..yup!
我又買左好多野啦...哈...之後去左太和搵書....又係冇...
我仲買左一直好想買既...<看得見的感動>添...係講狗仔同主人既感人事...
當中有黃貫中架添..haha!電話唔知做咩壞左差電個位....買左個...好在平姐...ha!

今次大獲啦....希望唔好係真啦...當我感覺係錯啦....
不過...真係好驚...吾....算啦....唔好諗咁多仲好......唔係仲驚..
但係又...唉....又真係可能我累...;所以咁既姐....哈哈哈....

>>September 5, 2004 at 10:42:16 AM GMT+8

2004 年 9 月 3 日 星期五 【酷熱】

今日成日都係屋企...悶....諗住會悶成日架啦...
哈哈..點知細佬借番部電腦啦...yeah!!!
上番晒d野...開心晒啦...哈哈~~

5位曾經在香港樂壇留下個光榮印記的巨星——
張國榮、梅艷芳、羅文、陳百強與黃家駒,他們的星光會在明年的紀念郵票中再度出現,
相信對一直對他們鍾愛不變的忠心歌迷來說,是一大喜訊...

昨日「香港郵政」公布最新的「2005年最新蒐集郵品珍藏」中,
將會發行一套5款香港流行歌星系列,這是首度推出以流行歌星為主題的紀念郵票,
過往郵政局只推出過李小龍等影星系列,今次先選取了5位已故的巨星歌手做紀念郵票,
是有感於他們對香港樂壇貢獻良多,所以率先以他們作為主題。

>>September 4, 2004 at 7:45:38 AM GMT+8

2004 年 9 月 2 日 星期四 【晴】

一早出門口番學..等好耐先至有車....企左好耐呀...真累..
番到sch都係岩岩好時間,派野呀...講校規咁囉....有lock假...不過要比按金既..
又要係好細個d...仲唔夠用...至於書費都幾貴...有幾本仲不設代訂...係冇價錢架..
都唔知貴唔貴添呀...講晒所有野就放得啦...真係早呀....又話12點放...
其實放早係件開心事黎既....但係明明話12點...咁又早到好早喎...又約左人..

唉...唯有周圍行下..食野...等時間過囉...多的是時間呀....行行下仲好大雨添..
之後我同cat就搵書局避雨睇書啦...我仲買左書添..ha!
終於等到啦...行過去搵湯圓學校...本身唔係好知位置..咪搵左好耐囉...
不過原來又幾近架播...哈哈...搵到佢...就陪我搵bus stop...因為我要去搵邦仔..
點知搵下行下....都出左去信和啦...咁唯有咪by 地鐵囉...HA!
去到啦....又等左好耐bus.....又熱....等左耐咪轉by 小巴囉...真激氣

今日同邦仔有好多搞笑野發生呀...哈哈......笑到呀...哈哈.....
仲之就.....哈哈...諗番起都搞笑......
夜晚勁眼訓.....番到大埔仲有last 小巴坐..yup!

>>September 4, 2004 at 6:50:33 AM GMT+8

2004 年 9 月 1 日 星期三 【晴】

何事我會妒忌我會擔心魔鬼搶走你?
何事我每次都不知不覺越來越想你?
腦袋不停為你轉到企不起
我想你笑 我想你跳 我想識法術 想留住你

就算我不懂秘技 還是會懂得親你 花光我餘生心機都要滿足你
遇挫折不需退避 每件難事我擔當得起 充當你的保鑣早晚維護你
常常常常懷疑自己高攀不起你 不知怎的開始害怕被處死

那些配角 太討我厭 我想將佢o地 變作空氣

和你看日落逛海灘 有心不需吃飯 陪你看電視到五更 從未渴睡
和你要日日見 算不算貪? 太緊會不會散? 誰決定緣份期限?

其實我會妒忌我會擔心魔鬼搶走你 其實我每次都不知不覺越來越想你
腦袋不停為你轉到企不起 我想你笑 我想你跳 我想識法術
想留住你 想迎合你 想融入你 想一生霸住你

>>September 4, 2004 at 7:16:12 AM GMT+8

2004 年 8 月 31 日 星期二 【晴】

今日下就約左貓同湯圓出去行下...
去左囉相..之後就去今日開既宗合大樓...都冇野行既...
之後出大中行...番home!
night邦仔去完swim電話冇電....仲以為傾唔到架啦..
不過都好好...番到hm都打番黎..ha!

>>September 3, 2004 at 7:56:24 AM GMT+8

2004 年 8 月 30 日 星期一 【晴】

今日比人一早叫醒去買野,之後番home,
冇幾耐又出番去,番暴龍囉番件衫佢地,哈之後就約左人食野,

我買左明哥隻碟呀,係送比呀邦既佢既至愛,haha!
去到佢屋企打番晒呢排既日記,真係好多呀
打唔晒.....都唔知點算好啦...之後都係認輸..打到累..
睇哥哥隻碟..我比左盒糖佢..佢好傻呀...哈..
不過佢冇即刻食...又係放埋一邊...算啦!我諗佢之後會食既!
我講左割手個件事比佢聽啦......佢話一定唔會再好似上次咁..
吾...我應該唔會再咁做架啦....

今日早左番屋企架啦....但是都冇野食...搞到好肚餓!

>>September 4, 2004 at 7:17:53 AM GMT+8

2004 年 8 月 29 日 星期日 【晴】

今日好早出左門口…迎新日呀…不過都唔算係..似講座多d…
咪又係講番面試個日講既野…我地班有11個人呀…9個男仔..
哈…佢地好呆..都唔知之後上堂點…哈…講完就同呀cat係尖咀搵工
有間元氣請人….不過要下午先見工…哈…之後我地就出mk..
囉左jay仔張飛啦…yeah…可以見到佢…之後湯圓出左黎…
我地就行街買野….哈…有到既朱古力好得意架..哈…我緊有買..
行到差唔多番大埔…行過暴龍見到子健仔…同佢行街街…
之後就搵妃….咁就過左一日…

>>August 31, 2004 at 10:15:21 AM GMT+8

2004 年 8 月 28 日 星期六 【晴】

今日係暴龍番工既last day…都做左3個月..唔捨得d小朋友仔..
哈…因為佢地好可愛呀…ha好天真…其實初頭被人調職..都覺得好唔低架..
係條街到又熱…又悶喎….不過雖然有唔好….
但係同小朋友仔接觸既機會多左好多…哈…又有得同佢地玩喎….
今日過得比較慢…橫風橫雨…勁大呀…個時咪冇派囉…
走左去樓梯口食野…哈…ha見到呀tom….佢同個fd一齊..
個fd原來係呀東家姐…佢話個時係暴龍做收銀…仲講左好多個時既野我知添
放工同必…莊係平台食野…件暴龍衫要day2個日囉番去呀…
今日子健仔喊呀….佢走落黎搵我呀…話被媽咪打….打到紅晒…
佢問媽咪囉錢唔比..咪打佢囉…真係…我仲應承放工請佢食野…
但係個時佢地已經走左啦

>>August 31, 2004 at 10:16:34 AM GMT+8