2004 年 6 月 22 日 星期二 【酷熱】

今日都冇咁熱..haha!今日真係好開心呀...
因為有好多得意既驚喜事呀...就係見到方力申啦....
嘩....佢好靚仔呀..好大隻..型呀!!哈哈!個時肯定冇睇錯人架...
家因佢係我面前行過...個時仲行得好快...仲上左TVB架車添.....
哈..好開心...必同莊仲黎搵我添...請埋我飲野...傾計同埋玩囉...
所以時間好快過...冇咁悶嘛...咁有隊足球員係度招學員啦....
咁有幾個男仔係度派傳單喎....佢地傻傻地架...係度玩喎...幾搞笑呀!哈哈..

收工...之後同呀邦去大中..食野..見到有本書啦...係講狗既故事架...
有呀paul呀...本野叫...看得見的感動呀...勁想睇呀....

之後就食野啦...乜樂魚柳..買一送一...哈..好味呀!!
之後就行海濱...好涼...正!不過今日要早番家呀...
因為嘩嘩嘩打到黎...有paul仔嘛...幾搞笑呀..不過似訪問多d囉..ha!

>>June 24, 2004 at 2:50:41 AM GMT+8

2004 年 6 月 21 日 星期一 【酷熱】

一早就被人嘈醒叫番工...咁我先記得紅日喎..點解番一點既,
驚睇錯時間..點知呀佩打黎問我最早可以番幾點...
個時都10點幾啦...緊係番12點工啦..ha!
今年既端午節係最平淡既一年...乜都冇...家因冇整到"種"..
係人地比既..都只係食得一個...咁多渣..想食都冇呀...
節日仲要番工...真係冇晒氣氛....唉!
放工去左KFC食野...哈!好想食就去左去啦...
番到屋企飲完湯都包晒啦...hahah!

>>June 23, 2004 at 2:32:43 AM GMT+8

2004 年 6 月 20 日 星期日 【酷熱】

今日係謝師宴呀...成班人一齊玩得好開心呀!ha!
下就就已經出左去啦..同cat一齊陪湯圓買衫呀咁..
之後去左佢home到等時間...佢去左koam到買左手信番黎比我地
真係THX!係電話繩黎架...好得意架!仲有好細隻既杯仔添...
之後就出左佢地成班去啦...都幾開心呀..佢地有d著到去飲咁..
真係掂...全場最觸目既緊係大LAM啦...成套西裝...花費2000幾呀..
得佢一個係著得咁型架!!掂!!唔係好多老師都到齊呀...
不過LO SIR有黎..ha!好開心..不過都係講唔夠2句渣!
遲下真係要搵佢食下飯先....我地班都有好多人冇黎呀..
樂樂呀..家成個d都冇黎...唔知點解!ha!牛牛個班就係最遲黎既..
去打街喎...牛牛唔知點解好好人呀...好主動添..竟然係同我地影相..
仲要被我地點玩都唔嬲添...我同必...莊都有捉住佢地玩...影相呀咁..

有抽獎環節啦...我同cat...媚...陳秋個d都有中獎..好開心呀!
雖然獎品唔係好特別...但係中左獎已經比冇中既開心好多啦..
我中左盒RAINBOX糖呀...當然有分比fd食啦...蕃茄有搖控車呀..
想同佢交換添..ha!聽講草同家鵬gameover啦...唔知咩事...
不過睇黎都係有仲有機會既...因為呀草抽中份滑板..就即刻比左家鵬..
吾...我地個個人都一直覺得佢地係長久既一對..因為佢地真係好襯架..

完左謝師宴我地就番黎大埔啦...個時諗緊去唔去玩好..
就去左商場睇野...見到d龍貓既野....諗番起以前好鐘意睇架..
點知一問..原來媚媚家姐有碟喎...好yup!有得睇呀...我要睇!!

必必知道左啦...雖然佢話冇乜野..但係總係好有d野既...
吾...不過好似呀邦所講..做人應該向好既一面諗先既..
唔應該諗得咁複雜...簡單點...係既!我會記住架啦..ha!

>>June 23, 2004 at 2:33:22 AM GMT+8

2004 年 6 月 20 日 星期日 【晴】

忽然告別《嘩！嘩！嘩！》
吳君如杜汶澤執包袱封咪

吳君如與杜汶澤主持的《嘩！嘩！嘩！打到黎》，向來以言論大膽抵死聞名，即使兩位主持經常因有工作在身而未能開咪，收聽率依然高企！自從鄭經翰、黃毓民與李鵬飛相繼封咪，阿澤及君如每次請假均半開玩笑地以「封咪」自嘲一番，不過在前晚的節目中，兩人突然認真起來，坦言這是他們最後一次主持節目，因兩人將不約而同離開香港，他們更揚言完成節目後，便會雙雙到儲物櫃「執包袱」，不禁令人揣測他們真的決定封咪！

本報就封咪一事向商台對外事務部求證，發言人證實兩人向商台請了一個「長假」，理由是有其他工作在身！下星期開始，節目將改由谷德昭、何國良、黃貫中及鄒凱光輪流主持。據知君如日內將起程前往日本及泰國等地拍攝有線旅遊特輯，而阿澤則要往日本拍攝電影《頭文字D》。

本報訊呀paul仔有份主持節目呀!
不過真係想由番君如同埋呀澤主持番搞笑d啦...

>>June 21, 2004 at 2:50:25 AM GMT+8

2004 年 6 月 19 日 星期六 【酷熱】

今日原來係酷熱而氣喎...真係熱得要命..派傳單個時仲覺得好暈添..
嘩...仲之極熱...出晒汗...唉...番到公司個時諗住飲水...
點知唔見左個水樽....真係....唉....點知就由一早到6點幾都冇水飲..
番工個時見到好多同學仔呀..haha!聽日可以成班都見到面啦...好開心呀!!!

接近放工個時....terry同kwan行街黎搵我...哈哈...我就緊係叫terry買野我飲啦...
本來都臨住放工即走去買架啦...點知佢黎左就緊係佢請我架啦...
哈哈...之後收工一齊行街...傾計....約埋聽日一齊去...
之後就打埋機回家啦...YEAH!!!

不過同佢傾得好小渣....唉...不過佢都係為我好既...ha!!
明架啦....但係真係想傾耐d...最衰又訓得咁快啦...

>>June 21, 2004 at 4:51:46 AM GMT+8

2004 年 6 月 18 日 星期五 【晴】

今日勁熱呀,係超級熱呀,好似焗爐咁..
睇中左對PUMA AR...勁型呀！不過冇錢買住...唉!
遲下先囉...不過真係又排等...有排先有錢...

IT last lesson呀!有証書囉呀...上左三堂都學到野架!都係要多謝班老師既
咁夜都番黎教我地...HA!番到屋企真係....嘩....本身都好煩架啦
見到D野又亂過....又煩！

有d野真係唔可以隱瞞待幾耐...要知既遲早都知..
我知咁樣係唔岩...但係我已經盡量問乜答乜架啦...
差在未講...我知必係知d野既..但係又冇直接咁講...
其實唔同佢講..係僱慮左好多野....

>>June 23, 2004 at 2:33:56 AM GMT+8

2004 年 6 月 17 日 星期四 【晴】

今日好早出左去.....等左佢好耐...好驚自己落錯...
哈哈...原來岩左冇錯...哈哈...等得耐冇所謂..係驚落錯車姐..ha!
係home睇碟......佢勁勁多beyond呀...仲借左一疊比我添...
係電視節目個d呀...總之好經典架啦....真係珍藏呀...不過係好多格仔好難睇..
仲有mp3添..又係all beyond..呵呵!

出左海滂睇激光,都冇咁特別既...呀ｓａｍ個手印勁多人留意呀..
家因佢呢期紅嘛!

>>June 21, 2004 at 3:12:33 AM GMT+8

2004 年 6 月 16 日 星期三 【清涼】

今日去左bank入錢..入完啦..咁見時間尚早喎..就行陣啦..
咁睇衫啦..睇完又想買...買買下又超時...咁就遲晒大到啦..
哈哈...今日企係度都流汗呀...嘩...真時都唔會咁勁呀...
証明真係酷熱呀...雖然落左陣雨既..但係都極熱呀....
訓覺都好難訓得著呀...=="

當我派緊傳單個時...收到個信息喎..咪睇下囉...
原來係必必send黎...佢話你睇下後面係邊個...咁我咪望去後面囉..
點知個傻婆同莊係上面落黎...仲勁笑..傻架!!!玩我..哈哈!

>>June 18, 2004 at 1:26:26 AM GMT+8

2004 年 6 月 15 日 星期二 【陰】

好yeah..又到星期三啦...哈哈!!因為可以見到佢嘛...
今日既傳單有番免費既遊戲紙啦...當然就多人囉左啦...
因為d小朋友醒目...知道免費有得玩就囉多幾張...哈哈!!

放工同佢食DINNER..之後就搵車搭....佢知暴龍係邊啦..哈..仲見到有門口隻暴龍仔..
我唔記得左大中係邊有得搭....之後就出左大埔區搭啦..哈哈哈!!
去到大尾督都冇乜人BBQ....幾好呀!!不過就個天就勁勁閃電..佢仲話可能放煙花..
哈哈....真搞笑...行提霸想行到盡頭架....但係又驚落雨...同埋好黑...
行唔晒都唔緊要...因為已經勁開心啦嘛....時間真係過得快呀...傾下計咁就好夜啦..
之後佢送我回家...就去左fd到睇波啦...haha!
星期5呀...睇激光...yeah!!

>>June 17, 2004 at 1:57:53 AM GMT+8

2004 年 6 月 14 日 星期一 【溫暖】

今朝一起身被行雷嘈醒左....勁大雨呀!!!開電腦個時仲被電電親添...
都唔知點解咁搞笑...正當開機個下...突然閃電...一電..部腦都有電..
不過都係個一下姐..hahah!

終於都出左糧啦...不過少到..唔夠用添呀!!唉......
今期電話費將撥入下期份糧啦....睇黎都要遲交一次啦...哈哈!
因為下個月份糧應該會多d架...家因呢個月番得長左嘛...

放工就買左對狗狗...極開心呀....好得意架...當然買埋cat個份啦...
之後番到去就叫左呀cat出黎..佢拖埋黑黑出黎散步...呀笳都出左黎..
佢仲買左枝隱形筆....寫左係睇唔到架...要用某d光先至睇到...
個傻婆仲諗緊聽日考試點出貓仔添...ha!!!

呢排派傳單見到好多小學同學仔...囉番張畢業相出黎睇啦..
見到以前同宜家既分別就相當大啦...因為個個都大晒嘛..
哈哈...都係以前細細粒既同學仔得意d...我諗呢...
遲下大個左...又囉番中學張相出黎睇...實又係好得意架...ha!


十大中文金曲頒獎典禮"VCD "由1987年 ~ 1991年都有...
入面有好多BEYOND當年得獎及頒獎既片段...突然好想買晒去添...haha!

>>June 16, 2004 at 1:14:46 AM GMT+8