2003 年 8 月 16 日 星期六 【晴】

今日全日都係足不出户架,睇o左"六樓後座"都幾好睇同套戲D佈景勁正^.^唉....隻智慧齒比禽日仲痛,攪到我連食晏晝都係食粥>m<"次次痛親都攪到我食唔到野!!夜晚同manman+yuki傾傾下,又講到我同manman係係遵理架時候,係一句野都冇講過,係間唔中一齊搭lift架時點下頭就算個D黎同只不過得閒幫我玩下塔羅牌,之後就冇咩講野個D黎架!!但唔知點解考完會考之後我幫完yuki整完件衫之後,我就同manman就變得好熟啦^.^熟到可以日日見同成日傾電話,可能我地有時諗D野差唔多啦同我地成日都會見到D靚野時,大家會攞住D同款但唔同色咁話比對方聽好靚(哈哈~~諗返起

個個畫面都好笑^.^)不過我同manman講返其實我地有真正講野係只不過哩2~3個月架事,真利害!!跟住又講起....其實我睇"大逃殺2"架時,我係有D唔開心架,因我同今次個女主角有樣野好似(但我有佢咁勢利!!同只不過係間唔鐘係咁啫~~)同我好怕如果我好似入面架劇情咁樣,失去o左架話我都會好似女主角咁好後悔(有機會係我一生人做得最錯同最後悔架一件事!!)manman聽到之後有D突然,可能佢估唔到我會係咁樣掛......雖然係咁但其實我好幸運架啦!!同我都幾滿足架啦^.^

>>August 18, 2003 at 6:12:18 AM GMT+8

2003 年 8 月 15 日 星期五 【陰】

今日又係好早起身,因要做神秘嘉賓嘛^.^其實禽日同善萍約好o左今日同佢同施奶去美食節!!而施奶係唔知到架^.^本身我可以早DD去到架,但走o左班地鐵,所以攪到我比施奶遲o左DD,咁佢就知係我啦>,<"去到施奶好驚訝咁望我,佢話我變o左好多,1係頭髮短o左,2係佢話我靚o左,3話我成熟o左喎,4來佢話我好似拍緊拖咁!!跟住我話我冇,但佢唔信同佢話我今年應該都有~.~"(下~~我真係靚o左同成熟o左咩?_?同我真係冇拍拖同冇拍過拖,如果有話比你聽呀^.^)去到個度,勁多人....我地不停咁試食同試好多野(哎呀~~又食o左好多野啦!!肥啦肥啦>m<")不過個度好細,所以好快就行

完!!跟住施奶約o左佢家姐要走先,而我同善萍就去o左銅鑼灣到行(本來佢地想去尖沙咀....大家唔好咁啦!!因我諗佢冇係個到度做架啦,要返學架嘛~~同我而家好少去個到啦!!)去到sogo,嘩...勁多大陸人>,<"行完銅鑼灣再落葵芳行同食野,跟住就回家.....打日記跟住同靚媽落街食飯~~夜晚同yuki傾o左一震電話先sleep!!

今日都幾開心可以見返以前D friend,不過我覺得施奶變o左,變得好似沉默寡言o左同以前架佢唔同o左好多,可能人大o左要背負架責任就多o左啦!!而善萍同以前一樣冇咩點變,只不過變瘦o左^.^同發現原來我係見得返以前D friend最多架一個!!

哎呀....好痛好痛>m<"今日隻豬腳仲有D陰陰痛,但真係禍不單行.....隻智慧齒又痛啦!!攪到我食野都要就住就住咁,同初時以為痛牙係會生歪o左,經亞哥一睇係唔係架同佢話我生o左3隻,仲有一隻未生!!呀....唔好咁樣煎熬我啦>m<"

我終於明白點解靚媽之前會問D怪問啦!!同我知到家賊係邊個啦....真係日防夜防家賊難防^.^放心啦你地我仲好清晰知到自己做緊咩!!

>>August 17, 2003 at 5:33:17 AM GMT+8

2003 年 8 月 14 日 星期四 【雨】

禽晚又發埋D甩牙夢.....今次比以前個D恐怖,同又發o左個好攪笑架夢,其實個夢好開心,但真係發夢先會係咁(我覺得^.^")

10點幾就要起身,因要同亞爸去攪轉台D野!!攪完返o左屋企,等時間出去九龍灣同manman睇"大逃殺2"(哈哈~~第一次入去睇3級片*0*)同攞D phy notes比manman個細佬,但出到去因manman個到D巴士出o左問題,所以我地由本來睇2點變到睇4點幾,正我想買飛時,發現冇人睇架~.~"見咁樣就等埋manman黎到先買,好快manman到o左我地去買飛時,都係得4個人買o左~.~"D人唔睇架!!跟住我地周圍行,去到doudle park仲做緊slaes喎,睇睇下,睇中o左件女裝架T,嘩...50幾咋!!勁平...同唔差架喎!!所以決定買,呀....死啦又買衫啦>,<"買完又再周圍行,又行行下,發現個到都有間k2架喎!!緊係入去睇啦^.^入到

去發現原來多o左好多新貨,呀...要去another啦!!睇完,發現我自已睇中o左個到好多野,太靚啦!!快D特價啦,我就會去掃貸架啦^.^差唔多時間入場,入到去發現都係得10幾個人去睇,同多數都係一對對咁去,仲要全場得我同manman 2個女仔去睇~.~"攪到我地好似好怪咁!!最後原來所有人都係亂坐架,因真係太少人啦~~開場啦....點知D片頭好多都係D鬼片,呀...我最驚個D呀(大家去睇鬼片唔好搵我呀>,<")攪到我蓋晒眼咁睇>m<"原來3級片開始播前會播多DD野先開始架!!我地一路睇一路係到笑^.^"同我好似進入其中咁睇到好肉緊!!完場時我同manman係最後走架,點知我唔記o左有留梯級跟住就係....差錯腳

攪到扭親隻豬腳,勁痛>,<痛到大叫o左出黎,攪到個到D職員都望一望我咩事?_?(不過真係好痛,返到屋企都仲有DD痛同有D腫腫地咁添>m<")睇完同manman一齊搭MTR(沿途我同manman都覺得"大逃殺2"係冇1咁好睇,因2架教育味重D,冇第1集咁血腥,都係差D>,<")因佢要去上堂,而我就去同靚媽+亞哥食哩個pizza hut,好開心好耐冇食過^.^

等亞哥黎架時候,同靚媽行住等,突然見到好耐冇見架陳章兵同佢女朋友一齊,我地冇打招呼,但我諗佢應該認得我,嘩...終於見到佢傳說中架女朋友啦!!真係同人地傳說中所講架一樣(噓....以前成日話人地,原來自己個女朋友都係咁~.~"大家記住唔好亂話人呀!!)食完pizza hut仲要去o左KFC到食哩個咩芝士壤雞翼同葡撻,食得好滿足^.^仲要比靚媽話我好似放監咁(嘩...今日食o左好多野,死啦!!肥死啦>m<"但一次過食晒D新出野食!!)回到家好攰同明天要早起做神秘嘉賓^.^所以都幾早sleep,不過sleep之前搵返我之前唔見o左個D相啦,好開心呀^.^

咦.....唔知點解個icq用唔到,攪到成晚冇得用>m<"算啦...而家D毒咁勁,上少日啦!!

傻瓜yuki:好多謝你留言呀!!不過你好似誇張o左喎~.~"唉....真係差一科,但又有5科pass,真係好矛盾>,<"同冇得唔努力讀啦,自己知自己事嘛!!係做OL我一定要做in個個,而索就......唔洗啦,比而家瘦同正常就得架啦!!

>>August 16, 2003 at 1:46:32 PM GMT+8

2003 年 8 月 13 日 星期三 【雨】

禽晚因聽到話有隻好勁架毒,係會專破壞windows XP,所以攪到我唔係好夠膽上網>,<"上o左一震就off o左啦,跟住悶悶地自己用塔羅牌測自己,測o左好多野但因唔係太識解,所以等聽日manman解比我聽^.^"

點幾鐘sleep醒,就打比manman我禽日測個D塔羅牌點解?_?嘩...勁準,但未來個D就唔知啦^.^"傾完我就要同靚媽出去荃灣到行千色店,去到D買野食架地方,買好多湯包成2百幾蚊(好開心,可以成日有湯飲,仲要係我鍾意飲個D添^.^)仲買o左好多食架野,我地比$$時,個個人打少o左一包野,所以計少我地$$,哈哈~~好師奶咁^.^"買到比靚媽話我好似耐冇shopping咁,哈哈~~都幾耐冇行過D超級市場啦^.^"行完回家都成5點,本身諗住睇vcd,但左攪右攪同update電腦(怕中毒>,<)之後都成6點幾都食得飯啦~~咦...亞哥返o左黎真係又回復以前咁又互串>,<"跟住又係傾下電話同睇返"大逃殺"因明天要同manman去睇2嘛,哈哈~~終於可以光明正大咁入戲院到睇啦^.^

yuki好攪笑咁終於多謝加唔該o左我足足一個禮拜啦,傻瓜....比佢激死啦!!助人為快樂之本嘛,同我都想積返D陰德嘛,哈哈~~同yuki架媽咪都覺得我瘦o左好多,嘩...好勁只不過見過我1~2次覺得!!同大家都講到我好似瘦到要死咁,其實可能大家唔慣啫,放心大家我仲好健康^.^


>>August 16, 2003 at 10:38:14 AM GMT+8

2003 年 8 月 12 日 星期二 【陰】

晏晝同聰聰出o左荃灣(唔好意思呀!!遲o左咁耐到>,<")聰聰剪o左頭髮喎!!佢一見到我就話我瘦o左好多,仲要瘦過佢添喎~.~"同我地互交換禮物之後(嘩嘩...好多謝聰聰幫我搵到,我好想要個個keroppi架細水壺^.^)跟住就周圍行,行行下聰聰提議去影貼紙相,好提議^.^我好耐冇影過啦!!我地影完出黎一睇,嘩嘩~~我地影到勁似樣,由其事我地個髮型,大家都係整D留海落黎(哈哈~~twins咁!!同manman+hyde都話都幾似樣喎!!)而自己影完先覺得自己真係瘦o左好多同好似靚o左咁^.^"接住我地去o左飲野傾o左好多野^.^突然有電話,hyde打黎話manman唔去得同yuki佢要同親戚食飯,so又唔

得!!咁我就打比manman....最後我講到manman會去,但佢只不過會遲DD到!!而hyde就話同我係美孚到一齊出去,點知manman好早咁出到去,而hyde只不過仲係搭緊車,所以叫manman行震先!!聰聰見我咁仲陪多我一震先走,Thx^.^

出去會埋hyde時,manman打黎話佢原來只不過可以出一震,就要回去同屋企人食飯!!下.....我仲諗住可以行好耐添>,<"出到旺角我地同hyde去o左配con,原來D con加晒價,有D貴呀~.~"接住我地去o左家樂,本來我係諗住去釘多一個耳孔(想o左好耐,但次次都唔成事^.^")但點知個個人講到好恐怖咁,攪到我怕怕,怕佢釘歪o左第時帶就唔靚啦!!最後都係冇釘架,我諗我以後唔釘啦>m<"跟住我地又係去o左M記到食野,一路食我同hyde一路講自己同亞哥同細佬架娘野,好彩manman佢屋企冇哩D娘人啫,如果唔係就死得啦>m<"同我同hyde講到勁好笑^.^接住我地食完野,就要同manman分手,而我同hyde就落o左尖

沙咀利時到行睇下有冇禽日我睇個本fashion news入面個條手鏈(好多謝hyde呀,因為佢好咁攰都陪我行^.^)我地10點到去到,點知D鋪頭都開始收鋪,下...咁早架,平時都好似都係差唔多時間行架啦?_?好快咁行完,見到對面間k2未收就入o左去睇(即加連威老道個間!!)我試o左個大袋係寫住i love k2架,好靚同D字唔係好覺,但而家買要2百幾蚊呀...好貴(唉~~快D特價啦,我睇中o左好多衫啦褲啦同袋呀>,<)睇完我同hyde就回家啦!!哈哈~~我地行返屋企架時候,見到個個都係孤獨隻影咁返屋企,而我地就好似好奇怪咁2個人一齊行同一路線咁回家好攪笑^.^

突然近幾日自己係到諗唉....聽到身邊架人都升到中6,但自己真係爭合格多一科就可以讀到中6,同自己已經冇可能會上升中6架啦!!有時見到佢地好高興咁,但自己又好矛盾咁,自己其實唔應該開心,因又唔係考得好!!同我又諗第時會好快咁出黎做野or點呢?_?開始有D迷網,好似係到見步行步咁,真係好討厭自己>,<"如果我自己加油D就唔洗咁迷網啦!!唉...已經一去冇回頭啦!!怨邊個都已經冇用啦......

>>August 14, 2003 at 4:28:25 PM GMT+8

2003 年 8 月 11 日 星期一 【雨】

禽晚同manman傾電話傾到3點先sleep,係傾架過程manman張我帶到去我個幻想世界,就係當我真係成為fashion design時,係個catwalk台到行出黎同人地鞠躬時架我,嘩....死o左啦,有冇機會都係一個問題啦!!Thx manman帶我去到一個幻想架世界到,好開心^.^

而今朝要10點起身>m<"眼瞓....不過manman仲慘佢要打黎叫醒我,唔應晒呀manman,如果唔係我諗我sleep過時架啦!!不過manman叫我時,我有諗過同佢講不如我sleep醒先去,但諗諗下一定會唔夠時間行我地今日架行程,所以冇講到同啦啦聽咁攪o左成個鐘就出門口!!出到去係HMV到搵埋manman就開始我地今日行書局架行程啦^.^我地先行page one,經過another又唔見low b,不過冇失望喎,因為預o左架啦!!同我覺得佢冇做架啦+以後都會見唔到佢架啦!!加上見唔佢都唔係咁大件事啫,冇得玩art大件事D^.^)去到page one到我地一行到關於design個到,我地就好似著o左魔咁.....不停睇,我仲要睇到坐晒地,

因企到好攰加D書勁大本^.^我地淨係係個到睇o左成個鐘,攪到好攰因全程都係企同拎住D勁大本架書>,<"跟住我地去o左美心到食野加抖下,食完我地又去第2間書局再睇D design架書,今次哩間D fashion書勁正,最貴個本要成千幾蚊,仲要只不過係講今年架秋冬季架fashion咋喎!!而一本月刊都要成$90,仲要唔係最新個期添>m<"而睇睇下嘩....我佢一本月刊到睇到我買o左個個飛機頸鏈(即low b都有個條呢!!)個隻飛機變o左手鏈同仲有車仔添架,車仔都好靚呀^.^呀...我諗low b真係有機會係讀design架(呀....我暈啦~.~"太好啦!!)行行下有電話哦,又係上次打黎問我諗住第時點個個人,呀...又吹o左一震

水就電話冇電cut o左佢線,哈哈~~好野^.^因哩間書局唔係好大同唔係好多design架書,所以我地好快咁行完,5點幾就回家啦!!夜晚同manman傾多一震計就sleep啦~~亞哥今日終於接完10個BB回家sleep啦,又回復好似以前好吵咁^.^"

今日嘗試化妝比manman睇架,但當我搭地鐵開始都比人望(可能係我心理做用啦~.~")而manamn覺得我再化得深D可能會再好D,好我下次試下呀(哈哈~~我諗下次都係明天架是架啦^.^")

>>August 12, 2003 at 3:23:17 PM GMT+8

2003 年 8 月 10 日 星期日 【陰】

好多謝大家關心!!我諗我多人都想知我最後決定讀D咩?_?我而家係報o左ymca架行政秘書學文憑黎讀,同已經收o左我架啦(即第時做OL呀!!哈哈~~我去做OL好攪笑.我咁坐唔定同我個樣都唔似啦!!)而白英奇讀design個到雖然收o左我,但太貴啦,讀唔起>m<"所以算啦,雖然係我架心願,但我有去in過同試過,我都好滿足架啦!!放心啦大家我唔會雙失架~~同我返學都係係油麻地遵理對面,得閒就搵下我啦^.^

今日本來諗住同manman出去尖沙咀到睇關於design書,但因為如果要出太趕啦,大家都唔想出!!同healthy有打黎問我點?_?healthy thx呀!!但點知豬珩打黎話出去飲野,就改變o左我要出街啦~~會豬珩前,我係花園街買o左一個$5架大滕籃,本來係$10但因有D爛所以計平o左我(我唔係講笑真係勁平,事後豬珩都買o左幾個添!!)出到去大家都感覺到大家都身心都好攰,個樣大家都好殘咁>m<"好快就會冇架啦!!同我發覺上到中6都唔一定係值得高興架事,因為有太多因素影響,而上唔到架我最多覺得以後都唔可以再讀正規架課程!!同豬珩行新世紀,去o左個到間k2到睇請唔請人?_?請呀....但係做full time架>,<"

攪錯人地想做part time呀!!接住同豬珩去o左太子到攪D野,攪完到又到佢陪我去差館到幫亞哥問野?_?第一次入差館,嘩.....入到死氣沉沉,個都好似好唔知點咁~~而我問野架時候,個差人又勁惡咁問我去做咩?_?(唔知係未個個差人講都係咁架呢?_?)好彩最後佢都變得好有善!!問完當踏出差館架時候,我見到有D人同奇怪架眼光望我地架>,<"咁又唔怪得人架,因為多數有事先會去差館架!!接住豬珩回家,而我去尖沙咀到搵黑無常,出到去我唔知點解行隧道行到迷o左路,好彩最後都行得到去文化中心搵黑無常,去到見到佢係到整緊展版,我放低o左野就出o左去買完野飲,再返去睇佢地做成點,突然唔知

點解自己好有勇氣咁同個到D人講我自己架意見,而佢都幾鍾意我架意見(記住個到我淨係識黑無常架咋~.~"其他都係未見過架!!)比完意見我先發現頭先同我講野個個係一個Miss黎架,佢仲要係教art添!!跟住令一個女仔同黑無常講我好熟面口,唔知邊到見過我?_?我聽到佢地講野,黑無常就同我講個個女仔都係住大埔架喎同佢以前都係讀我以前間小學"孫方中"但佢係細我2年架喎....最後都係唔知邊到見過我!!不過今次我地識o左,佢叫亞芝^.^咁下次我地一定記得啦,哈哈~~我比比下意見之後都落手做埋啦!!同最後都識埋佢地個Miss,叫sisi^.^攪到咁上下我都回家吃飯啦!!

亞芝問我有冇讀過art,而我話比亞芝聽我冇讀過art+我解釋o左點解我冇讀架理由時,佢就好激動咁話唉...sihe晒!!我咁有天份喎^.^"同sisi(即佢地個Miss)都話我應該要去讀art+design!!唉...已經有一個art攞A架人(即黑無常)話我應該讀art,而家仲要加多個Miss,仲要係教art架添>,<"已經有7個人問我點解唔去讀art同design啦>,<"初時先有yuki+aemi+hyde+manman+黑無常+今日識架亞芝同sisi,唔知到第10個咁講我架人我會係點呢?_?其實我去過白英奇到in過都好開心架啦^.^起嘛有試過嘛,係咪!!好多謝大家呀~~放心啦...我一定唔會放棄任可機會架,發揮我架小宇宙架啦同唔會減少我對art架興趣架^.^

好開心今日可以做D關於art架野^.^係我放榜後比較開心架一日,因為我突然覺得我原來仲可以接觸到關於art架野!!我希望日後仲有哩D機會啦!!我諗我愛上o左art啦*0*~~

>>August 12, 2003 at 12:34:18 PM GMT+8

2003 年 8 月 9 日 星期六 【雨】

今日又sleep到點幾先成起身,嘩....生o左勁大粒暗瘡>m<"唔要呀!!同靚媽食完野就返屋企打多震日記+拾埋野就落街等埋hyde一齊出旺角會埋manman去izzue,hyde一見到manman就問佢係未有D咩事,好似唔係好開心咁架?_?而manman就答冇野(其實我初時我係睇唔出,但之後慢慢感覺到好似係喎!!)上到去又見到又南企係門口位,同佢有hi manman同hyde,而問我會唔會買個件褸?_?咩佢咁記得架>,<"我地行o左一震本來係話去到銅鑼灣先買,但hyde因見到亞朗係到,所以就話如果係亞朗sales架話不如係哩到買,最多係佢拎添(hyde見到亞朗就係顛o左架啦^.^)我試架時候,唔知3號好D

or2號好D?_?而亞朗就話我著3號好D,跟住我話上次又南覺得我著2號好D,亞朗聽到之後就即變黑面同好串咁>,<"最後我地估佢同又南係唔啱架!!因hyde肚餓我地去o左M記到食野,食食下有個怪人出現,攪到我地要分開坐>m<"最後個怪人都走開o左!!接住我地行o左一震潮特(沿途hyde見完亞朗就發o左顛,同佢地好衰架....人地冇諗low b架嘛!!攪到我好掛住佢添>m<"仲要問我去唔去another,緊係唔去啦,生o左粒大瘡喎!!)最後我地去o左銅鑼灣架東角駛行(係一個新商場!!)我地行到一到買漫畫架地方,manman就變得好雀躍同開始有返D笑容^.^而個到D sales好攪笑咁勁sale我地,同我聽到佢地講唔知D

咩....你係未想呀,我幫你啦!!我同hyde講唔知佢地講咩呢?_?hyde話佢地可能想識manman^.^最後manman買o左一套漫畫成3百幾蚊架,不過manamn鍾意同見到佢開心返都係值得架^.^行到一間野到,突然個sales問我個袋個鎖匙扣,係邊到買同問我可唔可以按下?_?下~~隨手買架喎!!同比佢按完覺得比佢按蝕o左添>m<"再去金百利到行o左一震,我買o左上次見到個對音符鞋帶,睇咁多款都係哩個最靚^.^跟住我地去o左銅鑼灣個架k2到睇野同問點樣成為VIP,係要買野滿$1200就可以成為VIP,以後買野有8折,嘩...$1200喎>,<"都係唔~~等特價好D!!最後我同hyde都話去食糖水(其實係想問manman發生咩事,

攪到佢咁唔開心咁!!)我地一路食一路傾,原來manamn係唔係好鍾意食甜野(好好人manman,咁都同我地去食*0*~~)最後我同hyde都知知地manman發生咩事?_?唉...我諗manman好快冇事架啦!!manman走先,而我同hyde又行埋red earth到買野,呀....買到我快破產啦,而家先星期日>,<"接住就回家啦!!

好攪笑hyde突然講起我地第時,會一齊返學+lunch+放學,同星期6 or日又會同yuki佢地出街又會見到,遲早會見到悶,再加上我同hyde都只不過係住隔離坐,所以我地係除sleep架時間唔見之外,其他時間都會成日見,哈哈~~我地都可以叫做半同居生活^.^

manman記住有咩事要同人講呀!!hyde會借佢個心口出黎,而我會借我個膊頭比你架,同時我地都會借出我地個耳出黎聽你講野架^.^我諗yuki都會係咁架,yuki可.....^.^

>>August 11, 2003 at 2:43:01 PM GMT+8

2003 年 8 月 8 日 星期五 【晴】

今日終於sleep o左一覺好架,但發o左一個好恐怖架夢,就係甩牙,怕怕...>,<"本來睇諗住睇禽日皇馬對港隊架,但點知盒帶唔知點解壞o左>,<"好彩夜晚會重播^.^攪到全日係屋企到拾野,拾D以前D校服出黎掉同拾遵理D notes出黎掉,但我係唔會掉以前用過個個D書,因為我覺得攞起佢地好似會嗅到同感覺到我自己架氣味+睇到自己以前努力過架野.....但我張遵理D notes拾入袋時,突然好捨得同有D心痛,因為覺得.....唉~~我以後唔可以讀我最鍾意bio啦!!最後用o左2個鍾到拾o左7大袋野,嘩...一個會考就要讀咁多野,真係估唔到自己個時點樣讀架?_?不過最後好開心我最鍾意架bio notes,

係會比hyde架細佬架,希望佢bio可以攞C啦!!如果唔得我諗我會好忟>,<因哩個係我架心願,但因自己做唔到,但都希望攞到我D bio notes架人可以幫我達成啦(我同hyde講完哩D野之後,hyde話我好似講遺言咁!!其實都可以叫係架,因為我自己已經唔會再有機會做到嘛>,<")而phy notes就比manman個細佬,又希望佢可以攞得好成績啦!!

夜晚同靚媽去o左yuki介紹架個間米線,個到連夜晚都幾多人,不過好快就有位!!食完靚媽都係覺得Aemi介紹個間好食D同辣D,死啦...佢已經愛上o左個間野啦~.~"我地行o左一震千色店買o左個枕頭,因而家sleep開個都唔好sleep架,仲要係係muji到買添!!回到家,就開始同manman傾電話,跟住我地就變成4個人傾(即我+manman+hyde+yuki)我就一路傾一路睇禽日皇馬對港隊,嘩人地皇馬似行街多過似踢波,而我覺得皇馬輕敵先會失2球,大家唔好意思....睇得太頭入影響o左你地添^.^"同我地勁講亞X姐架衰野,最後我地覺得亞X姐冇一樣野覺得佢係好架>,<"雖然我同佢唔係好熟,但我開始勁hate佢!!傾傾下

我+hyde+yuki都要去沖涼,但又唔想cut線,所以我地留低manman一個等我地,最後我最快沖完再傾過,如果唔係就悶死manman架啦!!最後我地傾到4點manman話要sleep不如byebye時,我地突然唔見o左hyde,等o左一震都唔係到(因為佢冇講話要行開一震~~)最後我地冇同hyde就cut o左hyde線去sleep啦!!個新枕頭好好sleep呀^.^

manman好多謝你呀^.^放心我一定會記得我地架夢想架,但我就好難達成啦>m<"希望第時會有機會令到我可以出自己架品牌啦......

>>August 10, 2003 at 5:32:43 PM GMT+8

2003 年 8 月 7 日 星期四 【陰】

今日心情真係好複雜>,<而我個品牌就........算啦!!踏實D吧~~

禽日又攪到2點到先有得sleep,今朝唔知點解8點幾就起o左身,跟住就打比yuki問佢去面點樣?_?原來戰況激烈,唉~~死啦唔洗試啦!!最後我都係有出到去架~.~"出到去嘩~~真係好激喎!!同manman幫我地睇住網仲有幾多位~~跟住見個勢唔對路時係去o左食早餐架^.^"食完打比yuki問佢點,佢話又去要去第2度試!!而唔知點解心血來潮去o左荃灣一間中學試下,去到荃灣時,突然落大雨攪到要買傘架>m<"同仲要搭的士去個間學校到,去到個到D老師好好人,佢地唔會話你低分就勁串,同好好人咁解釋比我聽,不過最後都係唔收架,因佢地話我冇最低入學資格,唉...如果比多科我合格我諗佢地都會收啦!!

最後都係搭巴士出旺角到報ymca架秘書文憑讀,搭車時突然好討厭自己,如果有6科合格未好囉,就可以讀中6架啦!!同做事成日都係高不低不就+周身刀冇張利.....永遠都係做D邊緣人>m<"差D係架巴士到水喉流水,如果真係我諗D人以為我痴o左線!!同打電話比yuki叫佢去試下我頭先去過個間,因我覺得會收囉!!去到ymca都唔係好多人去報,可能早啦D人仲係出面度搵位啦...個度D人都幾好人,唔會好串!!入到in時,我都有DD驚,因怕好似白英奇個到D人咁,最後係唔係架....仲要係我同in個個人最少傾o左成半個鐘有多(其實佢係in我15分鐘到佢已經係收我架啦^.^")而比佢話我諗野長遠(係我怕迷失方向

架感覺啫!!)同哩個in架人傾完之後,我又同第2個導師又傾o左3個字到(哈哈~~唔知解我同個到D人咁好傾?_?)最後比埋$$就成為hyde架同學仔啦同仲要係有校服著架^.^我攪完之後,諗住打電話比好多人(因我有太多miss call啦^.^")點知....冇電到傾傾下會cut線架,嘩~~第1次係咁跨張!!所以返到屋企就開始不停咁覆電話,最後比我知到好多人都有學校收,真開心!!人人有書讀,咁就人人有工開啦^.^同yuki去o左我叫佢去個間收o左佢(佢就開始多謝我到夜晚架,傻瓜~~我自己唔好都想我D friend有書讀架啦!!)而八婆係最尾一刻好驚險咁收o左佢,仲要同yuki同一間學校添^.^而亞豪就...唔知叫好慘好or叫好運

好?_?要去到大澳到讀,對我黎講太遠啦~~不過有書讀唔怕啦!!突然諗起我自己係班到最低分架一堆,同原來我地5s1係好加架一班,因多數人都有進步同一定係冇人退步o左先勁^.^

同yuki傾電話時,yuki媽咪話要請我食飯,同係禽日已經講o左話要(下~~我又唔係做過D咩?_?只不過禽日陪yuki去搵學校同今日介紹o左間學校比佢啫,又唔係D咩事!!同manman+hyde又唔得閒出黎一齊喎~~)而我地去o左尖沙咀和民到食架,我同yuki出去搵位先架!!出去前我見到自己個黑眼圈大到同黑到好似比人打o左一拳咁,而yuki都話都見過我個樣咁殘咁>m<"但我見yuki今日咁開心,就同佢去o左izzue到行,又南今日有返工喎,yuki真係喜上加喜啦^.^嘩~~轉o左新貨同今年冬天係會流行藍綠色架,勁正!!我最喜愛架藍綠色*0*~~而我係izzue到睇中o左件褸架,仲要緊係藍綠色啦!!但我想試架時候,唔知

點解件3號開唔到拉連,最後試o左2號先再叫又南幫我試下開個條拉連,佢點知賴攪笑咁同我講野,但我架回答係暗串佢架~.~"試完之後我都係唔買住,因等hyde張VIP有9折先買!!去完izzue,yuki就變到有D呆啦,因唔知點解今次上去又南冇同佢講野喎(諗返下又係喎!!同今次上去唔記得聽hyde講要著大褸去喎,哈哈~~)接住我地就啦啦聲去尖沙咀和民到攞位啦,而我地會經過another到架,而low b今日係冇返架~~今次我地等o左差唔多成個鐘先有位架!!真係好開心好多謝yuki佢地一家請我食飯^.^而我終於明白yuki媽咪點解覺得我有性格(其實好少人咁講我!!)因佢覺得我有主見,但有D人覺得我係有D自我!!在

傾計中,yuki媽咪係今日話我諗野好長遠架人(哈哈~~好似攪到我今日心景老o左咁多咁架,同yuki唔好意思呀,我好似攪到你比你媽咪話你咁^.^")同我覺得yuki D屋企人好好,都係一個開明架屋企^.^10點幾走架時候,見到大眼講野得意哥哥,佢好似認認地得到我,因我冇入到去,所以冇say hi,接住就搭地鐵回家啦!!

我覺得經過今次放榜搵學校事件,睇到好多人架真面相+邊D人係好心人同邊D人真係幫到自己!!真係世間險惡~~同經今次可以知到邊D先係自己架真正朋友!!我諗雖然上唔到中6,但我賺o左好多友誼返黎^.^雖然係遵理只不過讀o左半年,感情都可以叫做唔係好深厚,但我真係好鍾意遵理+5s1架同學仔!!識到佢地係我架榮幸,希望日後可以繼續keep住我地架友誼啦~~我心信大家都好攰架啦早D sleep啦!!希望大家有sleep覺好架啦^.^

皇馬對港隊竟然係4比2!!下....唔係呀嘛,係咪讓賽架,等我聽日睇返帶先!!

>>August 9, 2003 at 7:42:38 AM GMT+8