2004 年 2 月 22 日 星期日 【晴】

今日一朝返到去亞琪佢比o左個鎯鎯我,哈哈!!亞琪,我同亞均一人一個攪到我地攞野架時候係到勁響^.^放學因趕時間返家,所以只用o左半個鐘由學校返到家門口(嘩....未試過咁快!!)之後同o左靚媽又係去o左沙田到.....攪完D野就回家啦!!

嘩.....今年唔知咩事,勁多表姐結婚!!有個仲要去到外國到飲,而有一個就係我生日前結,點解唔擇我生日個日呢?_?

唉...好多野都想做,同好多都唔知做唔做到!!同發覺哩個世界咩都要$$.......

>>February 23, 2004 at 11:01:28 AM GMT+8

2004 年 2 月 21 日 星期六 【晴】

今日同亞哥,靚媽一齊去o左沙田到行街,一去到沙田就撞到溫詠恩佢,哈哈!!好耐冇見佢啦,不過談o左一震就byebye啦,行完沙田我地又去o左尖沙咀到行(又去尖沙咀^.^")去到尖沙咀去o左搵barry佢,佢原來轉o左係尖沙咀到做,又係同仍傾o左一震又走啦,臨離開敉沙咀時,我地去o左換蛋糕,去o左換拿破崙餅(唔...都幾好食!!同我都係第一次食^.^)

今日都撞到好多好耐冇見架人^.^都幾好!!

>>February 22, 2004 at 1:44:35 PM GMT+8

2004 年 2 月 20 日 星期五 【晴】

今日又係返工架日子,可能禽日行街行到好攰,攪到今日唔想返工>.<"但搵$$仲要!!返到去冇幾耐...大老細返o左黎(我返o左咁耐係第一次見佢!!)我老細叫o左我去同大老細打招呼,一去到佢房門口一睇,咦....大老細原柩係一個師奶,但其實佢暗暗地係好勁個D人~~同今日比平時忙,又要周圍走,行到腳都有D攰!!放工同靚媽行o左一震就再同賤人係街,我地行到muji個個商場架時候,比我地撞到barry佢喎(嘩....差唔多成年冇見啦!!)佢一D都冇變,不過佢好似好趕咁我地只不過打o左招呼就走啦.....行完尖沙咀,去o左行又一城,好耐冇行過啦^.^我地去o左pageone到行,我買o左本英文小說(係比D十幾歲睇個D,即好似harry potter咁!!)諗住提升下自己D英文(哈哈~~不過自己仲有成本harry potter未睇^.^")加油!!

禽日唔記得o左打亞mo佢哩幾日都係到話我扮女仔,因佢話我入學存時候係好男仔,但人要變架嘛~.~"仲有禽日比miss佢話完我地要努力讀書架時候,突然我都諗起自己好似比開學架時候懶散o左好多>.<"要努力溫下書,如果唔係升唔到都唔知點算好!!

有D好激氣架事,就令我諗起D野,今日我搭MTR時,咁因唔想等車咁我就怱門,點知聽到有個人同普通話係到講"超危險"我初時以為係大陸人,我聽到之後令我好激氣,因香港人係咁架啦....香港人係好鍾意行路勁快,怱門,亂過馬路,追巴士......如果香港人唔係咁點會由一個小城市變成一個大都會呀!!時間就係金錢~~最後,最最最....激氣係比我知到話我個個人係香港人黎添,因我唔信佢冇做過以上咁多樣野呀~.~"

>>February 21, 2004 at 1:10:20 PM GMT+8

2004 年 2 月 19 日 星期四 【晴】

唉...今日架倉頡堂唔可以打日記,因上次冇返所以今次要打返晒D野>_<"打到手指都痛!!

lunch我地係到討論非禮,哈哈!!我地傾o左哩個問題好耐,最後得出係大家都好似都比人非禮個咁(因好難決定個個人係有心或冇意!!)返到去上堂時,我地全部人都係到研究手指,亞均D手指好恐怖可以唔知點樣咁屈,而亞均佢又係到不停咁玩我隻如意熊掌(哈哈!!因我隻手好厚肉^.^")佢話好玩同佢地係到話我手掌厚有福氣喎,唔知啦?_?放學我同o左亞mo+sylvia行街,不過sylvia佢要補習所以好早就走o左,之後我同亞mo繼續行,我地一路睇其他野一路等八婆出黎一齊去睇Jr D野,八婆出到黎,我地就啦啦聲去o左睇Jr D野,睇完我地去o左吉野家到大家係到開讀書研討會(哈哈!!不過我地開個D係日雜研討會^.^")我地討論到6點幾就回家啦!!

今日亞mo講o左一句好正架野就係.....問我係咪想養多個呀?_?哈哈!!我唔會架^.^"因我只有二宮同小山,但暗暗地就唔係啦!!

我好串咩?_?唔知點解亞mo同八婆今日都話我串,我覺得有D野係講實話啫~~不過我都知有D實話又真係會幾串^.^"好....等我收歛下!!

亞mo:哈哈!!我都覺得係^.^點都好而家哩一刻,佢地已經係一樣幾重要架野!!

賤人:終於黎啦^.^不過我都知你有黎架!!唔好嬲,哈哈~~

>>February 20, 2004 at 3:03:42 PM GMT+8

2004 年 2 月 18 日 星期三 【晴】

近日D天氣暖返好多^.^春天就到啦!!

今日都好似平時咁都係D返學放學架日子......不過上完account堂時,我同亞琪落o左去買野飲,又係正回程時,又比我撞到假lo,哈哈!!佢見到我時,佢個樣好突然(哈哈~~好得意,近期我覺得佢個驚訝樣都幾得意^.^"同好真實!!)放學又係去補習,之後同yuki佢傾o左2句就走啦,跟住打返比賤人(佢之前打個比我!!)佢原來都係旺角到,去o左搵佢!!我地去o左i.t同izzue,去到izzue見到又南佢,嘩.....佢剪到D頭髮好短!!佢一見到我地就不停咁同我地講野(暗暗地我都覺得佢幾煩~.~")而我就例牌咁暗暗咁串佢^.^"行完就回家啦.....

唉.....好耐都冇出現架小圈子活動又好似想返黎啦>_<"雖然唔係發生係我身上,但我都DD明白個D人架感受同都學期尾啦唔好咁啦>m<"

好多人覺得我地鍾意Jr係一件好無聊架事,因佢地係好遙不可及架人!!但我覺得就唔係咁講.....雖然佢地遙不可及,但就係佢地遙不可及先可以有咁多空間比我地幻想同佢地架關係(好似我會話我係二宮太太咁^.^錫下自己唔好咩?_?)再者佢地永遠都係比最好架一面我地睇,有咩唔好呢?_?鍾意Jr架朋友仔,唔好怕.....努力咁繼續鍾意佢地!!

>>February 19, 2004 at 1:02:41 PM GMT+8

2004 年 2 月 17 日 星期二 【晴】

lunch亞哥同o左我一齊食,我地去o左食味千,哈哈~~lunch好耐冇食得咁豪啦^.^"lunch之後就見到亞琪佢地係到開讀書研討會(哈哈!!大家記住佢地睇架係小說!!)放學之後去o左搵亞哥,我地去o左太子,唉...一去我就破產啦>_<"買o左成百蚊架日雜(鍾意二宮佢地真係會破產破得好勁>m<")接住我地去o左尖沙咀到行,我地去o左行Lcx同burberry,去到burberry架時候,亞哥又睇中o左件衫,成4百幾!!最後.....緊係買o左啦(呀.....屋企真係十萬未開頭啦,禽日靚媽先買o左隻金介子,今日亞哥佢又買o左件burberry~~大家都好似痴o左線咁~.~")係burberry個到D人又好似上次咁D態度又係咁差,連亞哥都係咁講!!最後我地去o左citysuper到買野食回家食.....

今日isis同我講開假lo D野,佢問我點解唔努力爭取?_?下....其實佢都唔係咁重要!!同順其自然啦,因自己知自己事啦,再加上我都唔識點樣努力爭取!!同今日我都冇撞到佢,証明我同佢都唔係真係咁有緣啫......

近期我好想做返小朋友......因我覺得小朋友真好,佢地講架野永遠都係咁真,做野前又唔洗點樣顧後果,想做咩就做咩!!同永遠都有咁多人就佢同咁鍚^.^"

>>February 18, 2004 at 1:18:16 PM GMT+8

2004 年 2 月 16 日 星期一 【晴】

今日個肚好返好多啦^.^

唉....真係開口中囉!!禽日先同yuki同賤人佢地講開,如果黎緊個幾日都撞到,我先信真係有緣!!但今日已經......小息同o左亞琪去o左買野食,點知回程時.....比我撞到假lo佢囉(不過今次我覺得佢得意o左~~可能係我撞到佢咁多次,佢個表情係最自然架一次啦!!)唉....唔好啦(到而家為止我都唔係好信真係咁有緣!!)lunch我同亞琪係街到做o左D好驚人架野,完之後.....我係笑到停唔到口架!!因太突然啦同係街到做.....

唔知點解近日成日比亞mo佢騙到我,好似上次佢同我講冇幫到交到功課,咁我就又再交,最後攪到有2份一模一樣架功課>_<"今日佢又騙我,但我又信o左佢,唉....我真係好豬>m<"同佢又成日話我唔知咩又蠢又鈍又唔知咩咩咩......

亞mo:其實我打個D野,不但係比你睇,係比大家睇!!同禽日架感受我都好明白,因有時架我都係咁^.^"

>>February 17, 2004 at 11:41:38 AM GMT+8

2004 年 2 月 15 日 星期日 【晴】

個肚仔好返好多啦.....不過都唔咁亂食野>_<"小心為上!!

今日又係幾趕咁返到學.....上上下account miss佢好攪笑咁突然爆瘡,仲要係留血個隻(哈哈!!好攪笑^.^"account堂成日都有哩D咁突然架野!!)小息之後上打字堂....上到電腦室架時候,比我見到假lo佢係門口到路過,其實都唔係咁大件事,最大件事就係.....lunch!!我同亞琪去o左買野食返學校到食,點知比我地與到佢(即假lo)同佢D fd!!連亞琪都話我地有緣(都唔知係好定唔好?_?)等攞野架時候,佢都係到等緊.....當時我做埋D唔知自己係到做咩架野?_?混亂.....同暗暗都覺得佢都幾樣衰!!最後佢地走架時候,佢係全程向下望架!! lunch之後又係到account今堂派返上次test架卷,唉.....放學本來今日要排劇,但唔知點樣攪攪下就大家都要晒唔洗排!!

其實我覺得大家都可能係臨急抱佛腳架人!!試諗下暑期作業,係唔係會推到最後個幾日先做呀?_?就快要考試,會唔會係考試前成個月溫定呀?_?功課係咪等到交架前一日先做?_?如果中晒係就係臨急抱佛腳架人,我本人都可以叫做係哩類人,所以有時自己對住一D臨急抱佛腳架人時都唔會特別激氣,因自己都係咁,如果話人地未即係有口話人冇口話自己!!同大家架價值觀不同,就終有皇帝唔急太監急架現象!!

>>February 16, 2004 at 9:54:37 AM GMT+8

2004 年 2 月 14 日 星期六 【晴】

近期唔知點解好似多o左好多校園暴力事件,定係有人有心咁張D野誇大同攞返出黎講呢?_?因哩D野好似不嬲都有架啦......但冇而家咁明目張膽,連亞sir都打!!突然覺得以前陳南昌都唔係真係咁差,雖然D人架成績真係差,但有品好多!!佢地打人起碼會等放學之後呀,唔會係學校入面,佢地唔會冇啦啦攪人(除非得罪佢地啫!!)同D亞sir佢地有幾煩佢地,佢地都唔會打亞sir,不過最多串下亞sir啫,有時佢地都會同D亞sir都幾friend添~~唉....咩而家D人好鍾意打交咩?_?

今日全日係家,但D腸胃炎可以叫做好o左D,但未仲有DD痛>_<"

>>February 15, 2004 at 7:04:06 AM GMT+8

2004 年 2 月 13 日 星期五 【晴】

返工架日子,唉....竟然遲到>_<"一去搭MTR時已經見到一大束一小束架花(嘩....好壯觀!!)一返到公司都冇咩野,但過多o左一震就發現原來已經有人收o左花同個到D人又送o左朱古力比我(呀....我架腸胃炎未好返,收o左之後都係有得睇冇得食>m<")收工之後,同o左靚媽行尖沙咀(又行尖沙咀!!)嘩....勁多人,周圍都係人!!最後我係買o左禽日係aganes b到睇中o左個個袋^.^(呀.....好似十萬未開頭咁~.~")又見到禽日幾靚仔個個sales^.^"之後就凱旋回家啦.......

今日唔知點解有D唔想出街,好想全日係家....不過點都好,最後我都有出到同祝大家情人節快樂!!

>>February 14, 2004 at 10:28:20 AM GMT+8