2003 年 10 月 7 日 星期二 【微冷】

原來我有一對千里眼 ~
今日返學 ge 時候見到你響好遠好遠 ge 馬路行過
不過我一睇就知係你 ~
我仲發覺我 D 行為愈來愈似你 ....
難道我地日日表演一幕又一幕向左走向右走 ge 同時已經不知不覺咁模仿大家 ?

今日我終於可以利用味蕾回味同你地一齊日子啦 ~
一坏特濃 ge 朱古力同吉列豬扒飯都有我地 ge 回憶 ~
好開心 ~ 不過係以前 ~

今日精句 : 有 D 野係天生 ge，我都唔想 ! 你唔滿意都唔好怪我 ! ( 鳴謝 Carrie 啟發 )


>>October 8, 2003 at 4:12:11 PM GMT+8

2003 年 10 月 6 日 星期一 【微冷】

好感動呀 ....... 我今日終於能夠 gel 一個立體 D ge 頭啦 ~
而且仲有好強 ge 持久力 ~
好 ~ 我要再接再勵 ~!

今日收到一張分數幾可觀 ge History test ~
我好似有好耐冇拎過呢 D 分數 ~
突然之間好掛住 Miss Yan ....
記得果時響佢手上拎過一張 28 / 30 ge essay ~
呵 ..... 不過今時唔同往日 lu ~

放學做 board ge 時候發覺原來依家 D 男同學都幾細心 ~
難得 ~ 難得 ~
我一路攪下 lee 攪下 lo ~
攪到 7 : 00 先歸家 ~ 明天繼續 ~

今日精句 : 我發覺我身邊 ge 同學仔一個比一個淫賤 .... ( 鳴謝各位淫賤同學仔啟發 )

>>October 7, 2003 at 2:48:46 PM GMT+8

2003 年 10 月 5 日 星期日 【微冷】

呵 ...... 點解圍繞響我身邊 ge 朋友仔都開始淫賤起來 ge !?
難道真係比我教壞 !? =P
定係係一個天然 ge 淫賤大氣候呢 ?
相信都係後者 ga la ~
況且我都唔係咁淫賤姐 ~
聽過今日阿敦 ge "炒飯的故事"，真係覺得自己其實好純品 ~

放學 ge 時候整 Coral 個 board
期間發覺有 D 同學仔同老師都好可愛 ~
Miss Lui 你放心啦 ~ 我下次見到你會調頭走 ga la ~ 呵 .......
下次唔好咁惡啦 ~ 知嗎 ?

今日精句 : 愛不是目標，而是一段過程。( 鳴謝周生生廣告提供 )







>>October 6, 2003 at 3:31:46 PM GMT+8

2003 年 10 月 4 日 星期六 【晴】

原來星期日行旺角係十分之危險 ~
見到 D 唔係咁想見到 ge 野 ~ ( 阿蕭除外 )
唔洗驚 ~ 我唔係話你 ~
我話緊我 D 新 ge 同級同學姐 ~ ( 雖然我仲驚見到你 !! )

今日我老豆話我以前就比電視累 ~
依家就比電腦累 ..... 難道真係 !?

今日精句 : 有 D 人淨係記住人地對佢幾衰，唔會記人對佢幾好 ! ( 鳴謝我屋企人啟發 )

>>October 5, 2003 at 2:19:22 PM GMT+8

2003 年 10 月 3 日 星期五 【晴】

呵 ...... 我今日終於睇左傳說中 ge " 無間道 2 " 同埋見到傳說中 ge 天佑表弟啦 ~
不過 ..... 擺明係鄭嘉穎 bor .....
o拿o拿o拿 ~ 阿甄姐 ~ 唔好搵人冒認我天佑呀下 ~

唔知係香港 ge 公民教育太差丫 ~ 定係 D 後生仔冇入過戲院 !
今日竟然比我遇到有人睇緊戲果時食煙 ~ !
Wa ~ 依家咩年代呀 !? 我差以為我坐響幾廿年前果 D up dup 戲院呀 !
我就係覺得奇怪 ~ 點解見到黃秋生食煙會真係聞到煙味 ge !?
唉 ~~~ 真係世風日下 ~

今日精句 : 做女人好簡單 ga 姐，只要個男人好，我做咩都得 ! ( 鳴謝 " 無間道 2 " 劉嘉玲提供 )
p.s. 男人都應該係咁

>>October 4, 2003 at 10:25:50 PM GMT+8

2003 年 10 月 2 日 星期四 【微冷】

唔知點解由開學開始就已經咁多人叫我參加歌唱比賽 .....
就連有 D 老師都認定我會參賽 ....
其實講真，我到呢一刻都唔係好想唱
我都唔係好知點解今年會咁避忌呢樣野 ....
可能真係冇咁 ge 心情 ~ 今年好想平平淡淡咁過 ....
我真係覺得參加一個歌唱比賽對我黎講好大壓力
有可能因為冇左你地響度
又有可能因為多左一 D 人 ge 存在
好多好多野導致我唔想玩 ...
總之好多謝一直真心鼓勵我參加 ge 人 ~!!
不過難保我有一日痴左條根就會自自然然咁交報名表格 ~
所以 .... 都係隨緣啦 ~

今日 lunch 去左買飯返黎食 ~ 好耐未試過 ...
阿佬飲左杯好濃朱古力，我記得上年阿 Fa 都有介紹我飲呢杯野 ~
等我下次都用我 ge 味蕾回憶下我地一齊 lunch ge 日子先 ~

仲有呀 ~ 我今日終於都著左短褲上 PE ~
呵呵 ...... 冇乜邊個見過我短褲 look ga ja ~
不過係咁跑跑跑 .... 差 D 哮喘病發 ..... 呵 ......

今日精句 : 如果真係唔想咪唔好玩囉 ~ 唔好諗咁多 ~ !! ( 鳴謝阿甄唔知幾時提供 )



>>October 3, 2003 at 3:18:42 PM GMT+8

2003 年 10 月 1 日 星期三 【微冷】

今日早會有一個宣傳好值得我講下 ~
我稀釋記得有以下 ge 對白 :
" 勁 ~ 好睇呀 ~ " " 勁 ~ 好玩呀 ~ "
仲有 " 個活動咁多女仔玩 ~ 都唔會暴力得去邊啦 ~ "
依幾句說話反映左兩樣野 ~
第一，係時下年青人講野真係好冇水準 ~
用個勁字形容 一 D 野都唔算好大問題 ~
但係將呢個字 ge 語氣刻意加強，仲要諗住用黎攪 gag 就真係幾核突兼老套 ...
第二就係思想唔正確 !
邊個話女仔參與 ge 活動會暴力呀 !? 打交打到爆晒缸 ge 女仔大有人在 !
再加上十個阿媽九個暴力，難道我阿媽唔係女人 !?
其實呢句說話好大程度上仲有歧視成份 !
我覺得下次真係要搵先生幫手對對稿先好出街 ~

呵 .... 今日見唔到你 ~ 好彩 ~ !!
難道冇返 !? 呵 ~ 最好以為都唔好返 ~
我真係好唔想見到你 ....

今日精句 : 一個人比人恰，唔單止係恰佢果 D 人 ge 問題，佢自己都應該檢討下 ~ ( 鳴謝 x 蓮提供 )

>>October 2, 2003 at 3:39:24 PM GMT+8

2003 年 9 月 30 日 星期二 【酷熱】

呀 ..... 原來放假真係會令人懶散 ....
今日好唔想郁 .... 想用黎訓晒佢呀 ~
所以呢 ~ 直到依家我都仲未溫中文 ~ 呵 .....
唔得唔得 ~ 十月真係要開始勤力 D 啦 ~!!

今日精句 : 我真係好擔心彭 Sir ge 病情 ! 好擔心佢幾時好番返黎教我地 ~ !! ( 鳴謝我阿妹提供 )


>>October 1, 2003 at 3:56:25 PM GMT+8

2003 年 9 月 29 日 星期一 【晴】

今日明明見到你遲到 ga bor .....
點解唔洗罰 ge !?
最衰今日要升國旗 ~ 如果唔係一定見到你個遲到樣 ~
呵 ~ 抵死 ! 有人遲到 ~

經過我兩日 ge 努力，中史 MC 由o岩 7 條變到o岩 14 條 ~
好野 ~ !! 不過長題目都唔係好識 ....
唉 ~ 中史真係好奇怪 .... 明明溫左都唔識 ge .....

今日比華納同英皇洗劫呀 ....
梁詠琪 .... 容祖兒.....我記住你地 ....
呵 ..... 好窮呀 ~
我今趟真係要慳錢啦 ....
你地唔好再引誘我食野啦 ~

今日精句 : 我課課都溫晒，呢 D 唔係叫勤力，係叫體育精神 !! ( 鳴謝 Suyi 提供 )

>>September 30, 2003 at 1:48:48 PM GMT+8

2003 年 9 月 28 日 星期日 【晴】

呵 .... 今日又有幾個愚蠢 ge 人類啦 ~
乜依家 D 人睇野咁表面 ga ~ 人地表面做乜就誤信為真 ~仲要覺得好肯定 ~
唉 ... 人類不但愚蠢 ~ 仲十分膚淺 ~
其實我覺得要睇兩個人係咪情侶唔係太難 ~
成個感覺，彼此之間 ge 交流根本完全唔同 !!
一對情侶其實唔洗做一D好親暱 ge 舉動，從大家眉宇間已經可以感覺到 ~

今日仲比我發現多一樣野 ~
原來我果班不嬲都唔興男仔同女仔玩 ~
呵 ..... 乜原來依家仲有 D 咁迂腐 ge 思想 ga ~!?
奇怪 ~ 奇怪 ~~

今日精句 : 女人往往響比選擇人之前自己已經下左決定 ..... ( 鳴謝 Carrie 啟發 )

>>September 29, 2003 at 4:22:08 PM GMT+8