2003 年 11 月 4 日 星期二 【炎熱】

今日見左一個都好一陣子冇見 ge 朋友仔 ~
同佢講左 D 感情上 ge 問題 ~
haha ... 好奇怪 ~ 我都好少會同男性朋友講依 D 野 ~
我發覺原來好多男仔都非常缺乏自信 ...

我記得 " 夏日的麼麼茶 " 入面，Sammi 話 : 點解我響人地眼中 ge 缺點響你眼中都變晒優點 ge ?
其實愛一個人係會愛佢 ge 全部，包括佢 ge 優點、缺點。
我可以愛你能幹，愛你有錢，愛你善良
更加可以愛你眼細、咀大、遲鈍、污 wear 、口臭 ......
總之就係愛你 ge 一切 !
比多 D 信心自己，如果過度自卑你 ge 愛人都唔好受
好多時一段感情都係比呢 D 自己製造出黎 ge 問題破壞，你話幾唔抵 !?
雖然呢 D 說話出自一個未拍過拖 ge 人口中好冇說服力
不過大家儘管參考一下啦 ~ 我諗死唔去 ge ~ 呵呵 ...

今日精句 : 一條數 ge 答案分只係得一分，步驟 ( 過程 ) 先佔最多分 ! ( 鳴謝梁暑假啟發 )


>>November 5, 2003 at 6:25:29 PM GMT+8

2003 年 11 月 3 日 星期一 【炎熱】

尋日收到本校刊打開一睇 ~
竟然見到我仇人 --- 老懵董 ....
真係驚死我 ... !!

今日終於都剪左個死人頭啦 ~
我都忍左好幾日 ga la !
頭髮長真係好辛苦 ge 一件事，又熱又唔知點 gel ... 煩死 !
依家剪左真係安樂晒 ~ 呵 ....

今日精句 : 唔通差幾個月， D 智商真係可以距離咁遠 !? ( 鳴謝 Miss Lam 啟發 )

>>November 4, 2003 at 2:57:27 PM GMT+8

2003 年 11 月 2 日 星期日 【酷熱】

今日 ge 天氣同我 ge 心情一樣咁熾熱 ~ 呵 ...
皆因我中史終於可以擊敗吹波 ~
真係好令人非常振奮 ~ !! 好感動 ~ 嗚 ...
要多謝一個借左 d 智慧比我 ge 人，唔該晒 ~
Miss 仲將我份中史功課影印黎做 model answer
真係好耐冇試過有 D 咁 ge 事降臨響我身上啦 ~
之前都係 F. 4 ge 事，我記得係西史 Miss Yan 曾經亦做過 D 咁 ge 野
講真，我真係好開心 ga !
其實我唔渴望要做咩大事，有咩豐功偉積
拎第一係開心，不過唔係最開心 ! 最開心係得到你地認同 !

放學果陣同兩個 Miss 傾左陣，有 D 久別重逢 ge 感覺
其實我知道一直都好多人支持我，我亦覺得好幸運
多謝你地 !! 你地都要努力呀 ~ 我都會無限重支持你地 !!

今日精句 : 做任何野之前都要覺得自己得 ! 不過係得，唔係應得 ! ( 鳴謝 Sammi 再度發功啟發 )

>>November 3, 2003 at 2:14:43 PM GMT+8

2003 年 11 月 1 日 星期六 【陰】

今日睇左 Sammi 一個訪問，講緊 ge 係 Positive Thinking ~
我自問一向都係悲觀主義者。
以前無論事情發生之前或之後都好悲觀，攪到自己有 D 心理不平衡。
中學之後進化到事情發生之前好悲觀比個心理準備自己
發生之後會樂觀 D 睇，結果係得 ge 就係一個 bonus ，唔得都心甘命抵。
今日發覺咁諗都係唔得 ! 我應該要做到任何情況低下都咁樂觀 ~
唔洗比 D 負面情緒影響到自己 D 表現，最緊要就係幾時都心理健康 !!
好啦 ~ 就由呢個月開始啦 ! 樂觀 D，有咩唔可以 ?

今日精句 : 小鳥依人有小鳥依人好，硬淨有硬淨好，最緊要係 Positive Thinking ! ( 鳴謝 Sammi 提供 )


>>November 3, 2003 at 2:11:29 PM GMT+8

2003 年 10 月 31 日 星期五 【陰】

足足有成個禮拜冇得寫日記 ~
唔知係好彩定唔好彩呢 ? 呵 ...

今個禮拜我淨係記得我 M come ...
咩都睇唔過眼，係咁講人是非 ...
傾左一個好舒懷 ge 電話
測左一個好順利 ge 中史
上左好多堂好開心 ge 英文
同埋剛剛食左個涼粉味 ge 芒果布甸
其他咩都唔記得 ~ 好野 ~

今日精句 : 兩個人可以走埋一齊唔係咁容易 ga ! ( 鳴謝 Stella 提供 )


>>November 1, 2003 at 9:44:50 AM GMT+8

2003 年 10 月 22 日 星期三 【晴】

今日竟然冇 maths 堂 ~ 好感動呀 ~~~
不過都捱左堂半中文 ... 我係咁同睡魔搏鬥呀 ...
上完堂半好靜態 ge 中文又要上堂半好動態 ge PE
非常精神分裂呀 ...
我 PE 堂好勁呀 ~
響 check 襪 ge 時候，我對可以扮短襪 ge 船襪終於大派用場 !
不枉我重金禮聘佢返黎 ~ 呵 ....

今日因為一個動作，令我好嬲
因為令我諗起比人非禮果單野 ...
下意識咁對個朋友惡左兩句 ... 唔好意思呀下
唉 ~ 原來比人侵犯完真係會有陰影 ...

今日精句 : 我聽的歌， 愛的人， 說的話 ...... 是不是美麗的誤會 !? ( 鳴謝林夕提供 )



>>October 23, 2003 at 4:08:30 PM GMT+8

2003 年 10 月 21 日 星期二 【炎熱】

ha .... 好多謝大家關心 ~!!
我仲未會死住 ~ 大把野未做呀我 !
我尋日都係發洩下姐，大家唔好咁緊張 ~
不過我都唔知點解會咁冇自信 ....
如果有個人可以比 D 智慧同自信我就好啦 !

今日溫書溫極都溫唔識 ...
我 D 智慧開始越來越少啦 ...
不過溫返 F.4 ge 野會有 F.4 ge 畫面 ga ~
一幕又一幕，響我腦海浮現 ......

呵..... 尋日寫 ge 野竟然比 Emily 拆穿左 tim ~!!
係囉 ~ 唔知你明唔明呢 ?

今日精句 : 著名牌 under 要講先有人知 ge ~ 都唔知著黎做咩 ~ ( 鳴謝 Suyi 啟發 )


>>October 22, 2003 at 3:29:42 PM GMT+8

2003 年 10 月 20 日 星期一 【炎熱】

唔知點解.....
冇左你地 ... 我變得好驚 ... 好冇自信 ...
讀書 , 唱歌 .... 做咩都好驚 ...
一個小小 ge test 我都好緊張 ...
點解會咁 ga ... ?
面對 ge 一切一切都好似好陌生 ... 好危險 ...
我甚至有 D 厭世 ... 我開始搵唔到生存 ge 意義 ....
好驚 .... 我真係好驚我有一日會自殺 ...
乜我唔係好樂觀 ga 咩 ... !?
我都唔知自己幾時變成咁 ......
以前我會話陶淵明冇大志，但係我依家好明白佢 ge 感受。
唔知你地明唔明當一樣往日帶比你最多自信 ge 野今日再比唔到信心你咁感覺係點呢 ?
我依家真係好驚好驚 .... 好無助 ....
我甚至有少少想 : " 終於一個人，在水中都市，解開一輩子的牽掛 ..... "
有冇人可以幫下我 ....

今日我好叻 ~ 同你掂行掂過
冇望過你，一眼都冇。

今日精句 : 當一樣往日帶比我最多自信 ge 野，今日竟然再比唔到信心我 ... ( 鳴謝 D 咩好呢 !? )

>>October 21, 2003 at 2:26:06 PM GMT+8

2003 年 10 月 19 日 星期日 【炎熱】

其實我今日係想用一個好嬲 ge 表情 ! 可惜冇呢個樣比我用 ...
食 lunch 果時有 D 唔係咁愉快 ge 經歷
我完全了解唔到點解依家 D 細路會有 D 咁 ge 心態 !
鍾意大大聲講人 ! 上次講我我都一笑置之
今次竟然講我 ge 朋友，真係狗口長不出象牙 !
我差 D 想兜巴星落果隻野度 ga la !
我少會有"中" 一個女仔 ge 衝動 !
今日我真係覺得果隻野個樣好猙獰 !
一個人又冇內在美又冇外在美我都唔知佢仲生存響依個世上做乜 !
不過唔緊要丫 ~ 咁多年黎 ge 歷史話比我知得罪我 ge 人多數都冇乜好結果
而今日我亦向我班 ge 色魔報左仇 ~ 大快人心 ~

聽日要早 D 起身 ~
如果唔係又好似今日咁趕到裙甩褲甩 ....
唉 ~~~ 貪靚之過 .... !!

今日精句 : 一個人又冇內在美又冇外在美我都唔知佢仲生存響依個世上做乜 ! ( 鳴謝一隻人類以外 ge 生物啟發 )



>>October 20, 2003 at 2:40:01 PM GMT+8

2003 年 10 月 18 日 星期六 【晴】

歌唱比賽 ....
其實我一聽到呢 4 個字就會好唔舒服 ...
講真，我真係好鐘意唱歌，真係好鐘意好鐘意
有時我會覺得只有唱歌 ge 時候先搵得返少少自信....
我又會覺得響歌入面先搵到自己，又或者係搵到另一面 ge 自己
曾經以為歌唱比賽係一個可以帶比我更多野 ge 地方
點知唔係 ...
我唱歌，係因為我鐘意，唔係為左比賽
睇返之前 ge 兩次比賽，其實我都冇唱到我最想唱 ge 歌
冇忠於自己，我甚至覺得有 D 罪惡感。
老實講，我真係好想有一支 sportlight 打落黎比我用咪 stand 唱容祖兒 ge 歌姬 同Eason ge 低等動物
又或者比我拎住個電結他唱我們的永遠
不過，學校接受到嗎 ? 你地接受到嗎 ?
明白我想用聲線表達 D 乜野嗎 ? 真正明白 ge 人又有幾多個 ?
我寧願響屋企關上門熄晒燈咁唱，起碼我滿足。
但我亦自問未有咁 ge 能耐同膽量 !
既然社會同自己都未準備好接受呢一套，就留待日後 ge 日子啦 !
如果唱歌唱得咁唔開心，咁大壓力，我會選擇唔唱。
你地覺得我唱得好我好開心， 不過都希望你地明白我 ge 心情。
唔好再追問呢件事，好嗎 ?

今日精句 : 做人好簡單 ga 姐，最緊要開心。唔開心咪唔好做囉 ( 鳴謝歌唱比賽啟發 )

>>February 28, 2006 at 8:09:53 PM GMT+8