2002 年 12 月 13 日 星期五 【晴】

+++諗番起丫明果番說話，我知道朋友究竟有幾重要。我知我一向都是過於高傲，冷漠.....總是不經意地流露出一種看不起人和自負的樣子。這是我所清楚知道的。可能我怎樣也下不定決心去改變自己一齊以來待人接物的態度。這是我的致命傷......從來都冇人會咁同我講野 (我唔係話你鬧我，我只不過是想說......)就是因為你這番話，給了我改過的重力，可是我不知道這力量會維持多久......笑.....對我來說真是一年難事，可能要慢慢「訓練」吧 ~

>>December 14, 2002 at 3:51:17 PM GMT+8

2002 年 12 月 13 日 星期五 【晴】

+++今朝我好早就起左身，好擔心唷~"~冇計喇，尋晚又訓得唔好......起左身之後，就去左換衫......好凍丫......一邊食野一邊溫書......唷 ! ! 又胃痛喇 ~ 不過算喇....成日都係咁.....
+++番左屋企之後，立刻去左換衫，因為陣間要番學校練舞......唉，將所有的心力同埋時間，都擺晒係musical~希望有既表現喇 ~ 匆匆忙忙咁食完 lucnch 就即刻撲向部電腦前。上左網之後開左 icq~ 咦? 唔見丫明既......過左五秒之後，竟然見到佢on 左 ! ! !哈^^咁arm 既~ 其實我係有野想同佢講,.....原本我諗住佢唔會咁早on....我想腥off line msg 俾佢...不過竟然佢on 左就.....直接話佢知喇......我同佢道歉，因為我呃左佢......我見佢好似好耐都冇應返我，有d 驚佢嬲左我以後都唔理我......好采佢最後都有應我....^^ 哈~我仲認左佢做丫哥 tim~
+++一點就出左門口，番學校練舞......排戲....好累丫 ....>.<.....又要溫中史......(星期二測喇....點算?)終於有床喇 (佈景之一)......好高好.....大...好重....要推郁佢真係好辛苦....最恐怖既係我要訓最高果張床。d 床係響大陸訂造嫁......勁 cheap ~好搖.....又冇床褥,.....d 木床板又有刺......唔知點解，我成日都會俾d 刺刺傷.....今日都唔會例外......
+++番到屋企之後，沖左涼。。。之後就溫書喇.....真係冇一刻可以停落黎俾自己抖下.....不過累都冇計喇.....點都要一個人挨落去! ! !我要堅強 d .....知唔知丫~傻豬.....^^
+++上左網，見到丫明係e 度番左言.....好開心丫~ 好多謝你的笑話丫~

>>December 14, 2002 at 1:15:51 PM GMT+8

2002 年 12 月 12 日 星期四 【晴】

%%%今日係星期五，完本應該要番學嫁，不過我又偷懶。。。請左病假唔番，因為係陸運會。講真丫，每次的陸運會和水運會都使我十分難堪。為什麼? 因為次次番到去都冇人理我，自己一個人戇居居咁坐埋一角。你知唔知有幾難受?跟住放晏晝的時候，更加無助.....自己一個人真係好異相......仲要忍受別人好奇和嘲笑的眼光。你知唔知有幾難受?我當然明白我的朋友唔得閒陪我，所以我都唔敢去纏住佢地.....可是我一個人真係......唔知點。咁我咪唯有唔番囉。我知我咁樣做係逃避，而並非解決問題的辦法......我已經好主動咁搵人講下野，但係佢地又唔理我......咁我可以點?有冇人可以答到我?
%%%完本諗住會有時間去行下街，買下衫。。。>.<。。。不過因為聽日有物理統測，要溫書，所以都冇晒時間 lu~唯有上下網傾下電話 relex 一下喇 >.^
%%%陸運會放左之後，我就去左搵我個 fd~因為佢想搵我幫佢彈伴奏......咁我就一個人冒住勁凍既天氣......跑丫跑咁去左佢屋企(跑左成廿分鐘......氣來氣喘.....勁辛苦......終於隻手暖番 d 喇 ~)囉左份譜之後又一個人咁番屋企......星期五的夜晚真係好多情侶係街上面熙來攘往。。。雖然天氣好凍，但係響佢地身邊經過的時候，都感受到一陣暖流流過，果種幸福的笑容，真係......好甜好燦爛 (^^.) 唉，諗番自己，真係.......
%%%番到屋企之後，又諗起頭先既情況，心裡面有 d ......酸酸地既感覺......想喊，又喊唔出......我好想有人哄番我，理下我，關心下我......我諗起丫明，所以我就打俾佢。佢聽到我聲唔多高與，就問我發生左d 咩事......我想知再更加緊張我，所以我就扮晒想喊咁.......跟住佢知道左之後，就話我其實咁樣做係一件好無謂的事........我知，我當然知道自己好白癡......
%%%丫明同我講，佢話：「你依家所喊的，只是細路仔的喊法。你成日都想人地當你係大人，但係你自己既表現就一 d 都唔似。大人喊係因為心好痛......你當初話你自己係一顆鑽石，我本來諗住你係想做一個好堅強既人......。但係依家呢?......(仲有好多好多，唔講晒俾你地聽喇).....」其實我覺得自己呃佢好衰，我好怕會因為呢個大話而搞到佢嬲左我......我唔想冇左呢個 fd~
%%%今日溫書溫到好夜......唉，二點先有得訓.......但係已經過左我既訓覺時間 (每個人身體裡面都有個生理時鐘，過左就冇晒睡意嫁喇......) 係張床上面碌左好耐都訓唔著......勁無奈......

>>December 14, 2002 at 12:50:28 PM GMT+8

2002 年 12 月 11 日 星期三 【晴】

續......12月12日
囡囡(姐係apple~我個乖乖契女)今日黎睇媽咪既日記，仲留埋言添~"~真係勁開心勁感動囉^^講真嫁 ! 放心喇~媽咪會好好照顧自已，唔會令自己唔開心......其實我都知道身邊有唔少人關心我嫁......我會好好珍惜，因為我以前實在太過自我中心了~放心喇，我大個囡左，諗通左唔少野......當然仲有一些事情係現在所放唔低的，不過我相信遲d 一定會冇事嫁喇 ~^^~

丫明今日去左捐血......我聽到既時候，真係嚇左一跳......我不斷係度諗：咁佢依家手臂上的針口咪一定會好痛囉?死喇，有d 擔心佢tim~呢排咁凍，少左d 血咪仲凍d??雖然我知佢係諗住幫下人，不過，點都好喇。總之我就叫佢多d 休息......真係擔心死人~我都未見過有丫妹去擔心ar 哥......唉，從來都係丫哥照顧丫妹嫁嘛......d 角色倒轉晒......>.<

>>December 12, 2002 at 3:35:30 PM GMT+8

2002 年 12 月 11 日 星期三 【晴】

。。。尋晚係我訓黎訓去都訓唔著既時候，收到丫明腥俾我既短訊。我睇完之後，真係唔知應該點應番佢好。我真係好感動，因為佢實在太細心，好少既野佢都留意到......其實我覺得自己好好采，因為我有一個咁關心我既朋友。與此同時，我開始係度反省：點解我成日都話自己冇朋友?係唔係我唔多留意身邊既人和事，又或者自己壓根兒也沒有把自己的心放在他們身上。也許我過去只懂得把注意力放在自己身上，從來都沒有真心地為朋友付出過。我太自私了.....
。。。今日有音樂考試，要唱詩歌。考之前，真係好驚好擔心，加上天氣咁凍，我的身子不自由主地顫抖起來。昨晚雖然睡得不錯，可是昨天在趕做壁報的時候，不斷叫喊，把自己的聲帶弄得很痛......今天起來的時候，差點說不出話。我也不禁替自己擔心起來。幸福，到了要唱的時候，聲線還不錯......我真的很害怕，有點緊張，因為同學們的眼睛都集中在我一個人身上.....最瘀皮的事，算得上是我在老師cut 左之後(即把伴奏停下的時候)，我仍沈醉在歌唱之中，傻呼呼地唱多了幾個音.....這可算得上是solo (獨唱)ar ! ! 真是瘀死人了~^^
。。。中午之後的那一堂，完成了普通話測驗，真的鬆了一口氣......>.< 希望成績還算不錯吧 ! (我的普通話一向也不是很好，甚至是頗差的)
。。。很期待今晚唷~會有什麼驚喜呢??

>>December 12, 2002 at 12:19:24 PM GMT+8

2002 年 12 月 10 日 星期二 【晴】

>>>好開心丫~丫明留左言.....死喇.....佢睇左我d 日記tim.....不過算喇，寫得出黎都預左有人睇嫁喇......
>>>剪左個新頭，今日番到學校引起勁大回響.....有d 人勁尖叫，有d 係度hur 我....仲有d就用一種好驚訝的眼光呆呆地看著我......那當然喇 ! 留左咁多年，唉.....連我自己都勁唔捨得......嗚嗚嗚......佢地個個都追住問我點解會咁，係唔係受左d 咩野刺激......哈^^可能係我想有個「新開始」喇~"~講真丫.....我真係未可以下定決心話唔諗佢，不過.....慢慢喇.....我迫自己都冇用既.....迫左咁耐，咪又係放唔低? 我信我自己，係一年之後(姐係1 月4 號之後)一定可以唔再為佢而心痛.......(至少有個目標.....)
>>>做壁報既時候，唔小心剪親手，勁流血，所以我打字都慢左......沖涼既時候又勁痛.....慘慘慘.......不過我點痛都好喇~都唔會有人理下我.....自愛?我從來都唔會囉.......傷咪由得佢傷囉.....少少血加上少少痛......可能會令我冇咁盲目.....(我都唔知講緊d 咩....傻左-,=") 放左學之後，我又一個人留係課室，一個人係度整野......果種孤獨既感覺，真係唔知點形容，只有親身經歷過自會深深咁感受得到......

>>December 11, 2002 at 11:53:38 AM GMT+8

2002 年 12 月 9 日 星期一 【晴】

###今日朝頭早去左剪頭髮‧‧‧一把留左好耐好耐好耐。。。的長頭髮.....嘩嘩嘩 ! ! ! 一瞬間冇晒 ! ! ! 媽咪話個樣好左喎.....後生左.......(者係話我之前好老) -.=" 但係自己就好唔慣囉。。。
###跟住就去左旺角買衫，都幾大收穫下(緊係喇 ! 媽咪出錢啵.....)拿.....買左白色外套(幾暖嫁 ! !)新既書包，仲有冷帽......哈^^好開心丫~因為唔使做功課，可以有機會俾自己抖下~"~又可以望靚仔......(死喇~弊喇~我係依家深係鐘意「你」一個嫁咩?)
##收到丫明既訊息.....好開心，因為我feel 到有人關心我。。。點都好喇，我會好好咁珍惜呢個好朋友.....無論我地有冇機會出黎見到面都好，我都會當佢係我好朋友。我腥左d 相俾佢睇，笑到佢死咁滯.....(你想知係咩相?緊係唔係d 唔見得人既相喇.....不過......總之就好恐怖喇 ! ~)
###應承左丫明要早d 訓，好喇，我依家就去訓 lu~

>>December 10, 2002 at 3:36:24 PM GMT+8

2002 年 12 月 8 日 星期日 【晴】

***今日一朝早就去左整牙.....嘩嘩嘩 ! ! 箍牙痛到死丫 ! 食唔到野.......但為左d 牙整齊d.....冇計喇 ! 跟住就係二點到去左學琴.....又喊喇......點解 ? 因為我好鬼死蠢.....先生問我d 野我唔識答......佢唔係惡，不過我覺得自己好冇用.....喊到收唔到聲.......(好想你係我身邊......安慰我......咪發夢喇 ! )雙眼勁紅......驚俾媽咪知道......所以我就企左係屋企門口......等......(係唔係好傻呢?)
***好多功課要做丫......累死死人喇。。。突然間收到丫明電話，聽到佢話唔開心，真係有d 擔心佢丫。不過，好彩佢好睇得開(又或者唔想我擔心，所以扮出黎喇......唔知呢~?)佢話佢會搵丫Chris 出黎傾下喎~咁都好既，有朋友既支持同埋開解下佢......唔使我咁擔心.....佢仲係收線之前提醒我要好好咁鍚自己......留心自己既健康......唉......我係度諗......‧‧‧。。。<<<咪傻喇>>>

>>December 9, 2002 at 3:38:23 PM GMT+8

2002 年 12 月 6 日 星期五 【晴】

+++今日很累唷~昨天睡得很少......為什麼我睡得這麼少﹖這是因為昨晚有人寄了一條訊息給我。內容是：「你早些睡吧，明天還要練舞，小心身體，若不聽我話就會唔靚嫁喇！」就是這簡簡單單的幾句話，就把我感動得哭起來了。已經很久沒有人待我這麼好......自從那天之後，我就沒有機會再感受到那種關懷了。我不知為什麼要哭....也或是太感動，又或者是想起了當天的他......不過無論什麼也好，我心裡真是十分希望親口對你說聲多謝。
+++今天中午一時左右到達學校，嘩！天氣真熱唷~那時真的有點兒後悔留了一頭長髮呢！一直練舞，練歌，綵排等等......累得我不似人形.....加上我午間沒有吃過什麼，轉眼間就把胃裡的食物消化得一乾二淨.......弊了.....又開始胃痛起來。

>>December 7, 2002 at 1:11:37 PM GMT+8