2007 年 12 月 16 日 星期日 【颳風】

琴晚返到屋企冇打畀您，都知道實出事o架喇，結果今晚又嗌大交…唉…真係令人苦惱。

唔知您有冇睇過一本叫做《男女大不同》o既書呢？我覺得呢本書有可能好o岩您睇。

o係個書架上面挪返本書落o黎，見到個書頂已經鋪滿晒塵，即係有一段日子冇睇過。打開睇一睇，原來係01年買落，o個段時間我都買落好多書，其中有o的到而家都未有時間睇。01年o既下半年o係中大讀M. Phil.，成萬三、四蚊一個月，結果搵幾多就駛幾多。如果o個陣時識得慳，可能而家都已經儲夠錢買樓畀首期喇…

講返呢本書，其實真係幾有用，因為作者用佐好多例子去教人點樣相處，有時都唔止係例子，直頭畀個model answer你去follow，我睇完之後都改變佐些少待人o既態度（不過江山易改，本性難移…），如果係拍過拖o既人去睇呢本書就一定會有共鳴，雖然每個人o既性格唔同，但係總會有o的部分係講中自己又或者另一半，所以呢本書係絕對值得一睇o既！

>>December 24, 2007 at 2:13:47 AM GMT+8

2007 年 12 月 15 日 星期六 【颳風】

晨早返到公司就開始做o野，冇得蛇。因為今日林峰o黎佐新翠搞簽唱會，搬搬抬抬做到隻「積」咁，真係多人到你驚，拍得住兩年前o既方力申。

就係呢壇o野，足足搞佐我成日…



放佐工去車房挪返架車，Kenji陪我踩佐轉，之後我再去佳翠苑幫手開業主會。神奇地個會九點幾就開完，之後我就返公司換衫。

點知Kenji個friend蘇宗又o係度喎，而且佢又係咁o岩未食o野，咁就索性一齊去食，順便等佢指導o下我手車。我o地去佐筲箕灣東大街，點知o的舖收得七七八八，於是就轉去西灣河太安樓買車仔麵外賣，再駕車去石澳食。

石澳呢條路都幾得人驚，真係冇乜特別事都唔好叫我去。第一次真真正正咁駕車，心情非常緊張呀！因為條路都冇乜車，都可以順順利利咁以安全車速咁入到去，蘇宗講佐o的心得我知，希望第時用得著。

食完o野蘇宗又手痕，駕返架車出小西灣返屋企。送走佐佢之後，就得我一個人四圍搵地方泊低架車。o的停車場唔係冇人o係個更亭收錢就係以圖屈水，同我講雖然已經過佐十五號，但係全日泊至三十一號都要收七百幾蚊，梗係唔啋佢啦！原來搵個地方畀架車訓真係一件好很煩o既事！

同架車一齊流浪到點半，Kenji打o黎問我搞掂未，結果就連人帶車一齊返新翠，再等埋佢一齊去搵地方泊車。搞掂個車位之後就同佢走多轉，去到西環再返柴灣。駕車要好集中精神，真係勁累呀… @_@

>>September 3, 2008 at 12:52:37 AM GMT+8

2007 年 12 月 14 日 星期五 【颳風】

因為星期六、日要返工，所以今日放假抖抖先。o岩晒啦，可以去運吉署搞埋架車個牌簿。

琴日打畀車房條友，佢話唔得閒同我o地去續牌簿，叫我o地自己去搞，話退返o的錢畀我o地。頂佢o丫！雖然我o地續牌簿呢單o野係一波三折嗟，都唔駛話唔做就唔做呀嘛！

o係運吉署撞到以前o係新翠做過o既人，呢o的運吉署保安就o岩晒佢做啦！又唔駛輪夜又唔駛講o野又唔駛急才。我冇認佢佢亦冇認我，見到我仲「dup」低個頭添！咁算點先？！

嘩，一年牌費都幾貴，要成四千蚊，好在兩個人夾，一個人真係好難負擔得起。超勁呀我，自編自導自演做授權人，好在出去之前整佐份授權書，如果唔係今日又運吉喇。搞掂晒o的手續之後打畀車房，條友居然話自己o係元朗唔可以挪返架車畀我o地！吼！火都o黎呀！

結果今日冇車玩。

見之後兩日都要返工同唔到您去街街，今晚就o黎接您返屋企啦！嗯！等我練熟手車就可以得閒就去載婆婆收工，唔駛迫巴士迫地鐵喇！我愛您！

>>December 19, 2007 at 4:34:42 AM GMT+8

2007 年 12 月 13 日 星期四 【颳風】

我想說一聲很愛很愛您！

----------------------------------------------------------------------------------------------------------------------------

只得一次
關淑怡

聽聽歌曲再次記起
奔波中生活或太膩
誰願花光　全部心機
為求剎那的歡喜

他跟她可會再記起
彼此相識就是趣味
名利拋開　曾無私獻技
原來這是誰的福氣

偏愛面子　總不肯開口　太沒有意思
明明可以　像回復當年那樣子
捨棄面子　講一聲很愛　聽罷就會知
然而　忙著多的是　誰沒有守時
而這種機會只得一次

很想講一句在意嗎
親暱的關係未變吧
如若講出　遲來的說話
連人間寂寥都不怕

偏愛面子　總不肯開口　太沒有意思
明明可以　像回復當年那樣子
捨棄面子　講一聲很愛　聽罷就會知
然而　忙著多的是　誰沒有守時
而這種機會只得一次

寫上地址　簡單的祝福　看罷就會知
然而心意　若遺下了就變歷史
捨棄面子　講一聲很愛　聽罷就會知
然而　忙著多的是　誰沒有守時
而這種機會只得一次

誰人寫出心事　誰人沒有守時
原來這種機會只得一次

>>December 15, 2007 at 1:39:18 AM GMT+8

2007 年 12 月 12 日 星期三 【颳風】

您病佐呀，仲請佐病假添！

今朝一起身就打電話畀您，點知一聽您把聲原來您仲o係度做緊豬豬，您聽到我把聲時第一句就係︰「死喇…」呵呵呵，您應該係返訓出事喎…

於是乎今日您點都要死死地氣去睇醫生挪病假紙啦！琴晚又唔畀我陪您去睇醫生，叫佐您乖乖o地「病向淺中醫」o架啦，成日食埋晒雪櫃裡面o個o的過期葯！第日您同我住您唔駛旨意有o的咁o既事發生呀！哼！

放佐工入大埔同您食飯，見您個人好累喎，其實o的葯力重o的都好o架，起碼可以令您乖乖o地走上床訓覺休息啦。拿，乖乖o地食晒o的葯去，唔好留喇，您病佐我會擔心您o架嘛！

架車份新燕梳進入直路，希望星期五可以出到車啦… @_@

>>December 13, 2007 at 2:37:03 AM GMT+8

2007 年 12 月 11 日 星期二 【颳風】

琴晚終於死掂佐份同事畀人打o既IR，訓佐幾個鐘又話要返工…頂！

Send得畀個regional i/c睇，就預佐會畀佢打電話o黎煩足你一粒鐘，出乎意料之外，呢份IR佢冇乜o野想刪，不過就依然係畀佢電話轟炸佐幾次，白白浪費佐個幾鐘…唉…

再要做埋晒o的瑣碎事，五點鐘先叫做有時間開始做o下自己o野…唉！好慘呀！

收工前同老趙傾佐陣電話，一個咁捱得o既人，我都係第一次聽到佢話做到精神衰弱，仲要係由佢老婆發現佢成日手震佢先知道，原因係成日擔驚受怕個ex-regional i/c打電話o黎搵佢，即使係放假亦都難於幸免… @_@ 呢個regional i/c，係低能的嗎？

>>December 19, 2007 at 4:23:13 AM GMT+8

2007 年 12 月 10 日 星期一 【颳風】

可能係訓得太多o既關係，搞到訓到凌晨四點幾就醒佐，既然醒佐，之前又帶佐o的o野返屋企做而未做，咁就死掂埋份途人撞玻璃門事件IR啦…

做完份o野都只係六點，如果再訓就一定訓到過晒鐘唔知醒，見今朝婆婆要早起接client去將軍澳見工，咁就等我入去接您返工先~

七點八就出到門口都算您早啦，不過搭巴士就趕唔切喇，唯有一齊去坐火車轉地鐵啦。您好似有o的唔舒服咁喎…定係眼訓呢？

今日新翠搞聖誕亮燈儀式，極無聊。本來又話租務總經理會落o黎，但係最終都係由佢o既助手代替。不過咁樣畀佢搞一搞又忙佐成朝…



下晝仲要畀個死人regional i/c煩佐個半鐘…頂！講來講去都係o個三幅被…

>>September 3, 2008 at 12:51:40 AM GMT+8

2007 年 12 月 9 日 星期日 【颳風】

大昏迷日…除佐食佐兩餐之外，真係訓足廿四小時！

勁buy「Plain English Campaign」呢個組織！

----------------------------------------------------------------------------------------------------------------------------

'Human relationships depend on communication. Bad writing is a barrier to communication. When a large organisation such as the Government tries to communicate with the man and woman in the street the scope for misunderstanding is enormous. Too often clarity and simplicity are overwhelmed by pompous words, long sentences and endless paragraphs.

If we all wrote in plain English, how much easier - and efficient - life would be. It is no exaggeration to describe plain English as a fundamental tool of good Government.

Some people think that flowery language and complicated writing is a sign of intellectual strength. They are wrong. Some of our greatest communicators were - and are - passionate believers in the simplicity of the written word. As Winston Churchill described a particularly tortured piece of 'officialese': 'This is the sort of English up with which I will not put.'

The Civil Service and public administration generally have made great strides in the use of plain English in recent years. Jargon and 'officialese', while far from extinct, are dying out. I would like to see them banished forever. Plain English must be the aim of all who work in government.'

Baroness Thatcher, former Prime Minister

Plain English Campaign

>>December 13, 2007 at 3:12:03 AM GMT+8

2007 年 12 月 8 日 星期六 【颳風】

BBQ大會！首先要多謝我o地今晚o既節目主持人Carol小姐！

另一個夠晒畀面出席o既人呢，就係我o既女朋友婆婆喇！佢仲帶埋佢個朋友仔o黎添！

今晚我o地九個人兩架車，Carol先o係灣仔pick up佐我，不過過海就好唔順利喇，因為星期六呢o的繁忙時間一定係超塞車，簡直係o徙晒Carol架咁正斗o既四驅車。佢好唔熟路咁明明排緊隊入紅隧，居然又會突然之間扭去隔o黎線…咁就唯有改行東隧啦… @_@ o係香港唔熟路真係都幾煩，尤其是o係商業中心區呢o的位置，所以o係香港駕車除佐o係夜晚或者假日，根本就好難享受駕駛o既樂趣。

我o地兜來兜去，千辛萬苦先去到旺角火車站接您同埋您個friend，再開始入去馬鞍山白石呢個地方燒o野食，中途繼續多次迷路唔識行… @_@ 呢個燒o野食o既地方係露天o既私人會所，附近o既環境都幾清靜，佈置同設計都係o的普通o野，一般啦但感覺好舒服，而o的o野食亦都ok。不過咁鬼僻如果冇車都幾難搞，而且真係要一大班人圍住個火一邊燒一邊傾一邊笑，先至好玩。

您o既朋友仔都幾容易同班連我都係第一次見o既「朋友o既朋友」傾得埋喎，您o既表現亦都唔差，有機會o既話就真係要多o的參予喇！唔同多o的人交流o下，接觸新資訊、新知識o既機會都少o的呀！

其實今晚最令我意外o既，係佢兩個居然已經冇晒事，好神奇。唔通真係好似我同Angel所講咁佢撞佐o野？畢竟多年o黎o既感情，係應該好好珍惜，輕易令自己出軌確實係超級大錯！

不過咁，要一個女人心軟其實唔難，要佢硬起心腸先係最難o既事，一切就在乎男人o既做化。此刻能夠回頭是岸，以後就唔好再次令到自己愛o既女人受到咁嚴重o既傷害喇！

大家為著自己將來o既幸福都要加油呀！

>>December 18, 2007 at 12:36:25 AM GMT+8

2007 年 12 月 7 日 星期五 【颳風】

今日同老趙通電話，佢話琴日放工前已經同呀Mi做佐appraisal，同埋叫佢到佐年尾自己執包伏走，但係呀Mi今日居然冇異樣喎！

琴日鬼鬼鼠鼠返到office，見老趙都未返，但係六點左右再入一入，就見到呀Mi坐佐o係老細房入面，仲有講有笑咁，都唔知佢明唔明佢o既情況係幾咁嚴峻，亦都擔心好似呀Man所講，佢會扮傻同埋以為有新老細，一切可以從新開始。

老趙話叫佢自己辭職走o個時，呀Mi仲要多謝老細冇炒到佢，仲叫老趙唔好將呢件事講畀我同呀Man知，話怕瘀喎…佢唔係咁都sense唔到想佢走係萬人o既希望呀嘛？！

不過今日呀Mi對我o的態度同以前好唔同，變晒，居然仲要點我做o野，唔通佢真係決定佐辭職所以呢段時間乜事都做得出？！

>>December 13, 2007 at 2:28:30 AM GMT+8