2006 年 4 月 21 日 星期五 【晴】

今日１２點到起左身啦，坐左一陣，
１點幾就同玲玲ｅ呀，舅父佢地落去食野，
之後去左百佳買野食，今晚ＢＢＱ，
寶寶舅父超醒目，向龍媽分野俾佢拎果陣，
舅父已經拎最輕既野走！寶寶要拎５舊野飲，
阿ｂｉ都拎左２包炭！超醒囉，
之後擺低ｄ野，寶寶再陪我落去買野，
買野整娃嬉菜去，好眼訓呀整到！
佢又掛住打機，唔幫我手，整到成６點！
之後就出去燒野食，去到蝴蝶灣超多人，
過左咖啡灣租爐燒！燒到１１點，
大談愛情觀，我仲好勇敢問舅父：舅父，你有冇叫過雞呀！？
佢仲好老實咁答：梗係有啦！咩國家都有呀！！
好搞笑，之後我又好勇敢問龍媽條仔有冇叫過雞，
又係有～．～，ｗａ．．男人！！！！！！！！！！！
之後番寶寶度又打牌！！！！！！！！！！！！

>>April 22, 2006 at 6:11:50 PM GMT+8

2006 年 4 月 20 日 星期四 【晴】

今朝早又好唔想起身，但ｍａｒｋｅｔｉｎｇ好似就爆咁！
９點番到去，得３個人向度，
跟住佢又訓話，之後中途陪２拎佢地煲煙，有４、５個啦，
搞到番到黎好大陣味，ｙｏｙｏ開頭都冇出聲，
但之後佢開住對門，話我地好大陣味果ｄ又訓話，
之後ＩＰＣ　ｔｅｓｔ，覺得今次差左咁，
但我地係講左多ｄ既野，同冇咁緊張，
今次ｍｉｓｓ冇之前咁西面，食Ｂ仔同埋佢一齊坐，
叫左個Ｂ仔涼粉食，都有傾有講既！
番到柏麗５點，好開心呀！終於搞掂哂ｌａ！！
之後上番柏麗影相，影影下我話要走ｌａ，
寶寶要比賽，跟住２拎就話：傾多陣得唔得呀！
跟住就見到ａｓｔｅｒ拎蛋糕過黎！哈哈，
好開心！！跟住就日光日白，光天化日下吹蠟燭！哈哈，
個牌上寫住ｙｉｋｉ豬，佢地就不停圍繞ｙｉｋｉ隻豬黎講！想打死哂佢地～．～，
跟住ｋｅｉｋｏ講左個好殘酷既野我知：你今年最後一次１字頭架ｌａ！
原來我出年就２０歲ｌａ，到左出年，我就唔會話俾人知我幾歲！哈哈
食完蛋糕，坐左陣就走左，
番屋企換３，我個行李仲未執呀，哈哈，
仲擺左向度，６點幾先出門口，但寶寶７點就要比賽，
我出到，坐左陣就完ｌｕ，之後去左佢度打牌！
同佢ｄ屋企人佢地，打到２點幾勁眼訓，
居然係我最早訓！哈哈，舅父佢地反而係最遲訓，

>>April 22, 2006 at 10:06:42 AM GMT+8

2006 年 4 月 19 日 星期三 【晴】

岩岩打完生日既日記，心情好低落！
眼淺既我！！！！！！！！！！！
我唔知要點樣先可以引起佢地既注意，
點樣先可以令佢地知道我係佢地個女，佢地既家姐！！！！！
點樣可以俾佢地知道我打出黎既呢一堆野！！
岩岩睇左阿妹１９號既日記，
佢話ｍａｍｉ向１９號送左隻手扼俾佢．．．．
ｗａ．．咁我算係咩呀？？！！！

>>April 20, 2006 at 3:12:20 PM GMT+8

2006 年 4 月 18 日 星期二 【晴】

今日係我既生日，今朝早起左身就去左機場，
向果度大家向度傾計，有個男仔呀，超勁呀！
佢個樣似２０頭咁大啦，但佢２６歲，
仲要係老師黎架！仲要教好難既ｐｈｙ，超級勁！
其中既１ｄ團友仲買左蛋糕俾我，都好開心！！！
覺得佢地既祝福好真心呀．．唔知點解．．．覺得好真囉！！
哈哈！下奏２點幾番左黎，
落到元朗果陣，我同寶寶好似岩岩向大６番黎咁！
勁爆熱，打的番屋企，搞掂哂都５點幾，
出門口之前同阿ｍａ鬧交！！今日係我生日囉！！唔該！！！！！！
其實好想喊，不過寶寶向度，喊左唔知點咁！
之後去左寶寶度，去左溫書！
佢阿ｍａ番到黎向度問寶寶玩成點呀果ｄ咁，
令我覺得．．阿ｍａ原來應該係咁架？？！！
之後同埋寶寶、佢阿ｍａ、阿ｂｉ出左去，
我去左考試！都應該合格既！！！！！
之後同佢屋企人去左扒王之王，好搞笑，
都幾開心，之後番去佢度，佢買左個雪糕蛋糕，
今年既生日，我都唔覺得係自己既生日，
生日黎到果陣，真係好開心，我真係要愛死你ｌａ！你知道嗎！？
但番到黎ｈｋ，好似唔同左咁，就算向泰國機場佢地唱生日歌果陣，
我都覺得係我生日架！！但１到步，真係好似變左冇特別既一日，
可能個個都以為我晚機番啦！個個都係向１９號既１１點幾先同我講生日快樂！
今晚我冇同屋企人過生日．．．我開始覺得我唔係屬於呢家人！
或者對於佢地黎講，買個蛋糕俾我，其實都好麻煩啦！！

>>April 20, 2006 at 3:03:57 PM GMT+8

2006 年 4 月 17 日 星期一 【晴】

第１站去左峰皇店，好想買野，不過勁貴，
仲貴過ｂｕｒｂｅｒｒｙ香水，哈哈，
但寶寶買左，如果係我自己帶＄黎既話，
我一定會買，但唔係，唔想用寶寶ｄ　＄，
呢幾日我已經使左佢好多咁，
之後要搭成２個鐘車番ＢＫＫ，去左老虎樂園，
睇老虎餵豬仔飲好，同埋豬餵老虎仔飲奶！
哈哈，仲睇埋狗 + 豬 + 老虎一齊玩，
好搞笑，仲賽豬，我向度行行下睇其他野果陣，
１擰轉頭，個泰國人隊左條蛇向我度，
勁驚！大叫，仲驚到喊囉！好樣衰呀！妖妖妖！！
４石後又去左食飯，食完落勁大雨，去左航空博物館，
睇飛機，超級熱，跟住去左行街，
終於買到野俾我阿妹，不過都唔算係我送，
應該話寶寶送，跟住去左海味店，買野食做手信，
食完又去行街，ｎｉｇｈｔ　ｍａｒｋｅｔ，
又開心死，跟住又番酒店！

>>April 20, 2006 at 2:48:05 PM GMT+8

2006 年 4 月 16 日 星期日 【晴】

今朝同寶寶都唔想起身，今日既早餐終於似番下樣！
食完就出發去左珊瑚島，開頭寶寶話驚玩降落傘，
俾我唆擺下去左玩，玩左３個圈，
玩完都唔覺玩完咁！向上面勁悶呀！哈
之後坐番大飛去珊瑚島，去左玩香蕉船，
超好玩呀！好正！相比降落傘超級唔抵！
之後玩下水，食飯，勁污髒呀ｄ野！又難食，
之後就走左ｌａ，番左酒店游水，
游左陣就上去沖涼啦，之後又出發去食野，
泰式魚翅，再去古法按摩，開頭幾舒服，之後搞到我叫救命！
頂！勁樣衰！所以冇加佢鐘！去左食ＫＦＣ，
佢個士多啤梨ｃｈｅｅｓｅ　ｃａｋｅ好好食架！
之後有個ｈｋ　ｍｋ人，俾ｔｉｐｓ　ＫＦＣ　ｄ人！
勁大聲話：Ｔｉｐｓ　ｆｏｒ　ｙｒ　ｓｔａｆｆ！！
但明明我同寶寶一入到去，見到佢爆哂粗鬧ＫＦＣ　ｄ人，
之後番去，因為仍然係潑水節既關係，
寶寶俾人潑水！勁搞笑！我地見到佢地衝過黎已經即走！
但都走唔切！之後去左食飯！試東蔭功，之後又去左行街！
行完之後，都只係ｈｋ既９：００，咁就要番酒店，
但我又勁唔想ｗｏ，寶寶勁支力都陪我再行過街～
但過左陣我就好支力ｌａ，咁就搭篤篤番黎～
我發覺我係曬傷左架！超痛呀個膊頭同背！！！

>>April 20, 2006 at 2:39:24 PM GMT+8

2006 年 4 月 15 日 星期六 【晴】

尋晚勁支力，成晚冇醒過，超眼訓！
今朝８點半先起身，ｄ早餐勁難食，
食完早餐去左睇袋，ｐｏｌｏ銀包只係百幾！！
超級抵，係真野黎架！！唔係街邊架！
不過都冇買！哈哈，之後去左植物保健中心，
但只係寶寶買野，之後去左食飯，
但我地既感覺好似先岩岩食完早餐咁！
又係勁難食！去左珠寶城！！！！！頂佢個肺！！
超臭寸呀條友！！又話拎咩ＩＳＯ保證！食屎啦！！！
之後去左芭提亞，去左騎大象，腰骨都痛埋！
之後就番左酒店ｈｅａ同溫書，溫左陣勁眼訓！
咁就落左去食飯，仲去左睇ｍｏｄｅｌ　ｓｈｏｗ，
我平生第１次睇既”豔舞”，都幾搞笑！
男人咸濕要付出代價架！！！！！
之後去左ｍｉｋｅ行街，又買野，開心死我～
行到１１點幾就番酒店ｌａ！！！！！

>>April 20, 2006 at 2:25:13 PM GMT+8

2006 年 4 月 14 日 星期五 【晴】

今日係寶寶既生日＞３＜

打打下牌１２點訓左，２點幾俾佢地嘈醒左，
又起身打過，勁懶賭囉我！哈哈哈，
４點同埋寶寶＆馬田打的出市中心，
笑死我，我地傾傾下，問馬田向邊度番工，
佢話向新浦江，跟住個的士司機問：果度而家拆左ｗｏ，起緊咩呀？！
ｍａ超正經嘈話：哦！起酒店丫ｍａ！
司機：呀！係呀係呀！！
ｍａ：下！真係架！？我講下架ｊａ！
勁搞笑呀佢ｄ動作，等到４：５０先有車，但半個鐘已經到左機場，
勁眼訓呀頂！去左ｍ記食早餐，超正！
食完仲有成個鐘，同寶寶坐左向大堂訓，
但硬係覺得好多眼晴望住嘈，都訓唔到！
由於個領隊講解完，都差唔多要上機，所以冇為我既朋友買煙，
８點起飛，勁眼訓，又訓得超級辛苦！
９０度咁訓呀頂！落到機又超級熱，寶寶已經即刻滴汗！ｈａｈａ
去左夢幻樂園，泰國人超級冇禮貌！！想推跌哂佢地呀！妖！！！！！！
我想玩既野，寶寶又唔敢玩！寶寶敢玩果ｄ我又唔敢玩！！
咁唯有玩低ｂ野！哈哈，水上轉轉轉呀，碰碰車呀水上單車呀果ｄ囉！
同睇真雪樂園，下奏食左個好好味既ＫＦＣ！好食過ＨＫ，哈哈
玩到４點，就去左食飯，泰式火鍋，好死正呀！
之後去左泰國最靚既商場ｓｈｏｐｐｉｎｇ，
導遊話呢度最多名店，又最貴，貴過ｈｋ，
咁唔知黎做咩囉，咁就同寶寶去左對面間ｎｉｋｅ睇！ｈｈａｈａａ～
之後去左睇人妖！好索呀有ｄ，之後做完啦，
咁ｄ人妖向哂樓下叫人同佢地影相，一落到去，
ｄ人妖出哂ｄ男人聲出黎叫人同佢影相！哈哈，
有個超索呀！我得閒真係要擺佢張出黎，好索，之後番酒店，

>>April 20, 2006 at 2:18:03 PM GMT+8

2006 年 4 月 13 日 星期四 【晴】

今朝１２點先起身，起身搬哂房ｄ野走，
老豆要轉位，勁煩，又勁支力！
搬到３點，跟住出左去，去食野，
夾定波波佢地搞生日會，
但佢好似冇咩特別咁，今晚４點將會出門口！
寶寶話唔訓等出去，咁佢邊有心機聽日陪我買野呀！？！？

>>April 14, 2006 at 12:15:30 PM GMT+8

2006 年 4 月 12 日 星期三 【晴】

今日冇番第１堂，因為拎左蛋糕去寶寶屋企擺，
我自己整架！！之後番去上堂，
今日著住件ｅｖｉｓｕ俾人地當做ｌｅｖｉｓ，
好樣衰呀！同埋好灰囉！
最尾上中文，睇人ｐｒｅｓｅｎｔ，
放學就去左染髮啦，想染紫色，
等到勁憫呀頂！！仲要染到我黑色咁！
發脾氣，佢仲要死撐話係有紫色！
佢老尾！之後話如果真係洗完冇甩先幫我染番！
想打佢呀！煩死人呀！之後去左食日本野，
跟住番左屋企執行李！！

>>April 14, 2006 at 12:11:24 PM GMT+8