2006 年 12 月 31 日 星期日 【晴】

３０／１２

尋晚已經１０點訓架啦，但２點幾先訓得著呀，
４點就要起身啦，原本８點半既機，
ｄｅｌａｙ至１０點，
諗住上機訓陣既時候，俾我搵到美女廚房睇囉，
但氣流超勁，頭暈眼花，
咁就訓左陣，但降落果陣，我耳隻痛到死，
忘記左食ｇｕｍ，我真係一個老人家。
過關時，過關果個人睇完我個護照後，
普通話超認真說：鍾楚盈，鍾楚紅是你的親戚嘛？
落機後，就去花海啦，食牛奶鍋，
真係好正呀，食完野，睇花海，
１望出去得葉～．～，未有花ｗｏ，
勁叫老公上上面影落黎啦，佢個老人家話勁支力，
（因為食野想影相果陣，先記得未擺電落相機，
　要老公豬跑去遠處拎）
但我並冇因為呢個理由而放過佢，
跑到上去，原來上面先係花海，好多花開左，
跟住呢去袖珍博物館，好多可愛既野呀，
話咁快，就到慢餐時間，跟老公豬去九份掃街！！
正宗牛肉麵，正宗珍珠奶茶，各種美食，
ｋａｋａｋ，之後再去士林！！再次掃街，
激大雞扒，大到連老公豬都食唔哂。
傷風的一天，真慘。

>>January 2, 2007 at 4:15:00 PM GMT+8

2006 年 12 月 27 日 星期三 【晴】

幾日冇打日記。幾日過得都幾好。
２４　跟媽媽、細佬、ｂｂ共進聖誕大餐，
　　　仲係我自己整架添ＸＤＤ，
　　　隻火雞搞到我要發火囉。

２５　屎忽痕，走左去駁髮，
　　　同場都唔計平ｄ！！但佢都送多幾束俾我。
　　　跟住又去ｂｂ度打牌啦，
　　　本來今日同ｂｂ家人去反，
　　　但佢阿ｅ又唔舒服，咁就變左打牌日啦。

２６　同４位姊妹去左ａｐｍ，
　　　因為只有ａｐｍ最夜收，所以今次既鈙會係向ａｐｍ，
　　　但當我地食完野，影埋貼紙相，
　　　已經收哂檔囉係。
　　　今次影少左好多相呀，因為ｂｂ唔向度，
　　　冇人幫我地影４人照！ＸＤＤ
　　　今次鈙會非常短時間呀，因為出到黎已經９點半啦。
　　　但都好歡喜，我係再一次得到最搞笑既冠軍囉。
　　　今日大家交換禮物，明年大家一定要著住黎約會呀！

２７　ｗｉｆ毅進、ｐｒｅ　ａｄ既人打邊爐。
　　　玩ｋｉｌｌｅｒ，好耐冇玩過啦。
　　　再黎抽獎，抽番自己買既禮物。

有感：
非常鐘意小妹送既卡，
上面寫既係：運氣不是必然，努力才是必須。
我真係好鐘意呢句野，
呢排番工，冇之前咁唔開心啦，多得ｓａｍｓａｍ既幫助？
佢經常同我傾計，得閒再自己諗諗，真係好好，
我而家每日都嘗試用最好既心情，去迎接最壞既事情。
開頭真係覺得自己變左自閉咁樣，
即使任何人同我講野，我都唔想講野，
因為到而家，我真係知道，呢個世界，
並唔係你對人好，人地就對你好！
我只係知道你對人地好、真心對人，係你蠢！
ｂｔｗ，呢幾日希望真係可以ｒｅｌａｘ下啦，
去埋旅行番黎，希望上網果ｄ好番ｄ啦。
好多人都問我驚唔驚台灣咁樣，
我唔驚呀，死左咪仲好！唔使熬啦！

>>December 28, 2006 at 1:55:14 PM GMT+8

2006 年 12 月 22 日 星期五 【晴】

今日俾筠筠嘈醒左，眼訓死，
出去陪佢睇ｅ生，等到勁耐囉，
食埋飯又要上班，好唔想番工！
今日６歲既家豪仔好型，
有個ｏ靚妹仔過黎問家豪叫咩名，
家豪勁惡咁話：走開啦你！關你咩事呀！
有咁既阿媽就有咁既仔囉，
好冇禮貌呀真係。
放８點，走遍元朗買聽日大餐ｄ野，
番到家，鼓起勇氣咁整朱古力蛋糕！
我整到想死，整到１２點幾，
ｖｉｎｃｅｎｔ哥哥打黎話去佢度反，
但我勁支力，話唔去，俾ｖｉｎｃｅｎｔ鬧，
我仍唔肯妥協，佢就使用軟功，
哈哈，咁我就去左啦，佢＆ｂｉｌｌｙ過黎車我，
笑死我，還有ｒａｃｈｅｌ都黎，
上左ｒａｃｈｅｌ家耍劍，ｂｉｌｌｙ做左ｍｏｄｅｌ，
耍完劍去左ｖｉｎｃｅｎｔ家，
原來小學同學到而家都可以一齊咁樣玩，
真係好難得！！！！！！

>>December 24, 2006 at 3:22:32 PM GMT+8

2006 年 12 月 21 日 星期四 【晴】

尋晚ｙｕｋｉ好好，佢知我唔開心，
打俾我同我傾計，一路傾傾傾，
由放工開始，直至ｙｕｋｉ打黎，
我向度諗，我有咩問題，我有咩做得唔足呢？！
ｙｕｋｉ打黎之後，我發覺原來我諗既野，
係多餘！！！我真係覺得佢地係好撚好撚無聊囉！！
２幾歲人，個仔都６歲啦！點解做野可以咁幼稚，
我ＥＱ已經係低，處事手法有時都會好幼稚，
但點解一個人生閱歷比我多既人，
處事手法可以咁幼稚？
同ＹＵＫＩ歷時１小時３８分鐘既通話中，
我只係知道，向呢度，我真係要改變我自己，
聽完一切之後，真係覺得自己鬆哂！

>>December 22, 2006 at 1:22:09 PM GMT+8

2006 年 12 月 20 日 星期三 【晴】

番工日。好唔開心，知道多左野，
其實我今日番到去，已經知道有野唔同左，
不過既然你地唔出聲，咁我都扮唔知囉。
但我最後都忍唔住同ｙｕｋｉ講，
我冇講任何人既名，冇講過有咩發生，
我只係話：今日心情好差！
但ｙｕｋｉ已經知道咩事。
ｙｕｋｉ只係回應：你唔使理佢地！
　　　　　　　　我完全唔覺得你有問題！
　　　　　　　　有問題既係佢地囉！
ｓａｍ又話：佢地做既行為係好幼稚！你唔洗理佢地！
今日睇左一日書，有段野好好喜歡！
”我從來沒要求別人的讚美，
　為何卻總是聽見躲在背後的壞話？
　如果不和別人比較的話就無法建立自己嘛？”
有時真係唔知自己應該點樣對別人，
有時真係唔知邊個先係應該信得過！
我以為一切都有進步，但其實我越黎越退步。

>>December 21, 2006 at 2:14:28 PM GMT+8

2006 年 12 月 18 日 星期一 【晴】

番工日。雖然只係番左幾個月，
但我真係向呢度睇到好多野。
明白到向社會做野既種種仆街事！！
只係向一間小小既鋪頭，都已經頂唔順呢ｄ野，
如果向一間大公司做野，咁會點？！
但我最擔心，係我將會變成點？！

>>December 19, 2006 at 3:10:44 PM GMT+8

2006 年 12 月 17 日 星期日 【晴】

起身，ｗｉｆ　ｂｂ食野，好耐未食過既日本野，
跟住番去飲健康茶果ｄ啦，
自從尋日大家度完身體如何之後，
大家都好努力咁減肥／ｋｅｅｐ住而家咁樣！
星期１唔知點解一定特別冇人架囉，
ｙｕｋｉ就提出，用招財貓貓黎打邊爐！
創意無限，呢個原先係煲水的！哈哈哈。



>>December 18, 2006 at 2:59:06 PM GMT+8

2006 年 12 月 16 日 星期六 【晴】

尋晚ｖｉｎｃｅｎｔ　１２點幾打黎話打牌，
都好耐冇見ｒａｃｈｅｌ啦，咁就去啦，
ｖｉｎｃｅｎｔ過黎車我，佢渣車果陣，
真係唔覺得有咩問題囉，但落車果陣，
ｂｉｌｌｙ仔勁笑，我問佢笑咩，
佢話：你覺得佢渣到點呀？
我：冇咩呀，咪又係咁！
ｂ：佢岩岩隊左成枝芝華士ｗｏ，仲渣左車１０次都冇！
如果我早ｄ知既話，我一定唔會坐，
加上會留番屋企訓覺，ｒａｃｈｅｌ過埋黎，
上到ｖｉｎｃｅｎｔ屋企，佢同ｂｉｉｌｙ仔就除褲，
淨著住條孖煙通周圍走，我同ｒａｃｈｅｌ嘩左下，
我：我同ｒａｃｈｅｌ同你只不過小學同學ｊａ　ｗｏ！
　　未至於ｃｌｏｓｅ到咁下話！？
跟住就傾計啦，ｒａｃｈｅｌ不停咁俾我地鬧，
傾傾傾，只係打左６鋪牌，笑死我，大家成晚不停咁講”好玩得”，
有一個新ｔｅｒｍ形容啦，ＸＤＤＤＤ。
走果陣ｒａｃｈｅｌ既一句：你件３勁玩得囉！
打到４點幾，ｒａｃｈｅｌ第２日要番工，
就話走啦，ｖｉｎｃｅｎｔ又話要落元朗兜番轉，
上埋大棠，如果俾ｂｉｌｌｙ學到車就死啦！
佢顛架，跟住渣渣下啦，行錯路，
明明２條都係單程路，ｖｉｎｃｅｎｔ死都要ｕ　ｔｕｒｎ，
我地３個不停叫佢唔好，佢係咁話：得架啦！得架啦！
癡線，差不多６點先歸家，眼訓死，
起身番工，憫左一日，ｄ人又講價！煩死！
放８點半就番家啦。。

>>December 17, 2006 at 3:12:01 PM GMT+8

2006 年 12 月 15 日 星期五 【晴】

又係番工日，
好想好想好想好想快ｄ去台灣呀，
因為而家既生活真係好悶好悶，
２４／２５／２６節目安排好了，
過有幾個ｐｌａｎ俾我選擇！ｋａｋａｋａ，
希望工作唔會延誤左我個ｐｌａｎ啦。

>>December 16, 2006 at 2:33:30 PM GMT+8

2006 年 12 月 14 日 星期四 【晴】

再次番工日。

其實聖誕又點？

>>December 15, 2006 at 2:55:25 PM GMT+8