2006 年 7 月 29 日 星期六 【晴】

今日９點就要起身，超級勁之眼訓！
尋晚同老公玩＆傾計到３點先訓，
今朝６點果陣，熱醒左ｗｏ，
屋企跳左製，但我房既冷氣要向隔離屋開架ｗｏ，
但隔離屋黎左隻狼狗，勁驚！
唔敢行過去，等老豆番黎搞掂先訓得著，
之後去左ｍ記買埋早餐出去，
今日我講左好多好多大話，
原來我做ｓａｌｅｓ都ｏｋ架ｗｏ！ＸＤＤ
今日講得最多既係：好襯你ｗｏ呢條！
講到自己都麻目左，勁老既人都話佢後生，
幾唔襯佢既都話勁襯佢，等等等．．．
至少唔使蝕啦！ｏｋ架ｌａ都！！！！！
但今個禮拜仍可能要同ｍａｇｇｉｅ番大６！
收檔之後去左老公既阿公屋企食飯，
１０點幾就番左黎ｌａ！

>>July 30, 2006 at 4:13:33 PM GMT+8

2006 年 7 月 29 日 星期六 【晴】

尋晚煲碟到朝早６點先訓，超正！
美好既星期六，都算是要向工作中度過啦！
今日老豆叫我起身出去飲茶，
但太眼訓，２點幾起左身，
出去搵老公，由朝早訓覺，
到晚上都冇停過雨，聽日點算好呀？
之後同ｍａｇｇｉｅ、老公去左中心食野，
超耐冇黎過ｌａ！！食完野，
去ｍａｇｇｉｅ度整野，整整整，
整到７點幾，同老公又出中心食野，
之後又番去整過！整到１０點幾先走呀！！

>>July 29, 2006 at 4:41:51 PM GMT+8

2006 年 7 月 28 日 星期五 【晴】

今日１１點幾就起左身ｌａ，要睇青出於藍，
之後煲下碟，３點鐘又訓過覺，
６點老公打黎嘈醒左我，
諗住今日過一日單身既生活，
睇下會點樣架ｍａ，但佢打黎打破左！
８點去接埋阿妹，阿麻今日生日呀，
去左天慈食飯，勁飽呀食到我，
碟碟野都勁好食呀！
特別最後既福建炒飯，
向呢間酒樓仲見到快將失傳既片皮鴨，
好勁呀，已經勁耐冇食過ｌａ，
而家勁難搵到有得食架ｌａ！
食到１０點半就走ｌａ！

豬先生 - 許志安

曲: 藍奕邦 詞: 林若寧 主唱:許志安


雖則天真的蠢豬 我未搏得歡呼讚譽
然而有你愛上我的短處 快樂也許不必富庶
繁盛世界慣了以冷眼 去看我滑稽的際遇
能令你去發笑 也有用處 我用傻事去捐輸

＊多麼蠢的蠢豬 個個也來揶揄
高攀不起公主 並沒段段艷遇
悠然面對這悲劇遭遇 齊集給了你當笑話書

多麼蠢的蠢豬 愛上那條人魚
即使爭都爭輸 仍然從未怪罪於天主
自信戀愛運很特殊 明日你前來叫我蠢豬
講愛情暗語＊

即使悲觀的烏龜 我亦看出牠的美麗
仍然有你愛我我都矜貴 快樂要先拋開智慧
誰又會似隻蟻去獻世 各有各獨一的慣例
同樣你愛錫我 那有代替 證實人沒有高低

開心多麼簡單 要愛有何疑難
不必苦苦支撐 但願是是但但
誰人自怨說生活艱難 成就似爬完勉強高攀

開心多麼簡單 那怕愛人平凡
A餐B餐C餐 原來無論吃什麼早餐
共你的每日都燦爛 而幸福秘訣太過簡單
於好處著眼

>>July 28, 2006 at 4:30:25 PM GMT+8

2006 年 7 月 26 日 星期三 【晴】

今日１２點就起左身，我好耐未試過煲碟ｌａ！！
今日約左ｍａｇｇｉｅ２點，
去食完野，又去深水步，今次又買左好多野，
不過都慳左好多呀！
慳到令我都覺得自己有ｄ過份！
跟住番去搵布，又買下ｄ野，
除左我地既貨品未搞掂哂，
其他ｄ雜野都搞掂架ｌａ！
今日我問ｍａｇｇｉｅ一個難題，
除左我低頭之外，好似冇辦法ｌａ！
我真係覺得好煩惱！！

>>July 27, 2006 at 1:10:18 PM GMT+8

2006 年 7 月 25 日 星期二 【晴】

今日起左身，老公陪我番去拎成績表！
冇唔合格既係！但唯１令我不滿既係，
ｍｏｎｋｅｙ　ＩＰＣ居然可以高分過我！
算啦！１直俾個咁既ｍｉｓｓ視為搞事之人！
難免會咁樣！不過實有１ｄ不甘啦！！
之後拎完就衝忙咁走左啦！
因為又要為穿珠仔ｄ野煩惱ｌａ！
去左食ｊｏｅｙ推薦既士林！
真係幾得ｗｏ！又抵食！！
我未試過見到老公會食唔哂ｄ野！！！
跟住去左會所同ｊｏｅｙ佢地整野！
創意呢家野真係唔夠貨！整左２條已經好眼訓！
之後又行下，買下ｄ工具咁！
最重要既係要提１提去食左紅豆沙加湯圓！
因為ｍａｇｇｉｅ話今日睇東方，
話屬兔既人今日要同合作夥伴食呢樣野，
咁就會好運！哈哈，過然我地又會陪佢去顛！
但３個都唔鐘意食呢味野囉！
３個人叫１碗，仲要食淨半碗！ＸＤＤ
之後等埋老豆佢地出黎，去左買３！
行行下，經過眼鏡鋪，見到１位我好細過已經搵佢買眼鏡既叔叔！
我既第１副眼鏡就係向佢度買架！ＸＤＤ！
佢開左鋪，之後我話：早知向你度買啦！我岩岩先向眼鏡８８落訂ｊａ！
叔叔：買左幾＄呀？！？！
我：＄４００　６對呀！１個月果ｄ！
叔叔：我呢度＄２６０　ｊａ！！
之後就去眼鏡８８退訂啦！個死肥婆寸咀到丫！！
之後阿妹又向度買眼鏡！居然佢會買ｇｕｃｃｉ眼鏡。
實在驚訝，可惜，我帶唔到眼鏡，
戴左既話會變左””家嫂””！！
之後１家人去左韓燒，比起韓舍好好多呀！
今日我全家人都話我肥左！！！好悲哀！

>>July 26, 2006 at 5:27:40 PM GMT+8

2006 年 7 月 24 日 星期一 【晴】

今日１２點幾起左身，本來話起左身打俾ｍａｇｇｉｅ去佢度，
但天氣實在非常非常的熱呀！！！
等埋老公３點先去左搵ｍａｇｇｉｅ！
跟住就開始動工啦！！好多唔同既ｓｔｙｌｅ！
就要比１比邊個賣得好ｄ！哈哈！
連老公都有份整！好勁呀！！！
但我實在為我地果幾日而擔心！
因為太熱ｌａ真係！！之後出左去買野飲，
去講好爛既英文！！哈哈哈，
跟住就走左ｌａ！去左陪老公睇波，
再上佢度，到晚上７點幾先有人問我聽日係咪要拎成績表～
俾咁多學費，信都唔寄封黎！！！！！
今晚買左６合彩，一如以往，只中一個！哈哈！
不過加埋老公買，都只中２個！！！

>>July 25, 2006 at 5:00:55 PM GMT+8

2006 年 7 月 23 日 星期日 【晴】

本來今日番大６ｄｕｍ骨睇貨之旅又要停１停！！
全因為麻煩既ｍ到！！！！！
搞到咩都做唔到，今日又肚痛，
連街都唔想出。真係好麻煩！
全日向屋企煲碟，終於睇完ｌａ，
而家又煲新碟，＜愛情魔法師＞，
超熱既一天！！開左冷氣都覺得好熱！

>>July 24, 2006 at 11:43:15 AM GMT+8

2006 年 7 月 22 日 星期六 【晴】

尋晚睇埋戀如水先訓，又係好好睇既書！
睇到３點，我副老骨頭就黎散左ｌａ，
絕對係老公特肥！！！搞到我好似冇訓過覺咁！
好似好耐冇訓過覺好咁呀！！
今朝１２點，阿ｓｏ打黎叫我番工，
冇應承，唔想再向ｄ咁”鳩屎”既地方做野，
正豐已經唔同哂！！唔再係以前咁番去玩既地方！
之後起左身，白白累ｍａｇｇｉｅ等左半小時，
去左視察一下！好熱好熱！！！
跟住食野，過柴灣交＄，希望冇後悔啦！
再去深水步買野，搵到我好眼訓呀！！
要搵哂咁多ｂａｓｉｃ野已經好麻煩，
買珠仔就先勁麻煩！！望見花多眼亂，
但冇野係我好想好想買好多好多佢番黎！
行到７點就走左ｌａ，同ｍａｇｇｉｅ番到去＄１０店。
買一大堆野，之後買埋野食就走啦，
要趕住番黎睇美女廚房，望見ｄ珠仔就好頭痛！！
自從老公冇做野，我又唔使番學，
我就日日見住你咁濟，但點解睇極都唔厭？？！！

>>July 23, 2006 at 2:43:33 PM GMT+8

2006 年 7 月 20 日 星期四 【晴】

今日１１點幾起身睇電視，跟住出左去，
勁熱呀！！！之後等埋老公，
諗住等埋ｍａｇｇｉｅ，但ｊｏｅｙ打黎話煮好飯，
咁就去左食先啦！哈哈！！！幾好食！！
等埋ｍａｇｇｉｅ黎，開始整野，
整完１條已經好眼訓呀！！
原來開檔好麻煩呀！！仲有好多野要買呀！！
跟住去左搵袋呀，點擺呀，果ｄ，
５點行完就走左ｌａ！星期日去視察１下環境！
之後去左借書，再去老公家食飯！
之後搭ｌｉｆｔ果陣勁白癡，
我勁無聊咁禁哂上面ｄ制，
跟住佢就好認真咁望住我，
好似講鬼故既聲音話：你玩ｌｉｆｔ，ｌｉｆｔ玩你！！！
勁白癡！！！

>>July 21, 2006 at 2:04:38 PM GMT+8

2006 年 7 月 19 日 星期三 【晴】

今日１２點幾就起左身ｌａ，本來可以訓耐ｄ！
但老公佢實在太煩！煩醒左我，
本來諗住又打邊爐，但我唔想洗野，
出左去食日本野，行街買野，
點解冇我鐘意既野！？想買３買褲，
但冇我鐘意既，又礙於隻手既問題，
夏天都冇得買背心，好悲哀！
之後老公走左，去左搵家人，
行左陣，買左野，想搵ｄ好靚既涼鞋，
又冇！！！咩都冇！咩都冇岩我心既！
跟住阿媽話買過部相機，但我唔想行元朗，
太悶！咁就去左上水行街，
見到好多熱心既市民去捐血！排哂長龍！
我都好想捐呀！唔知我血管粗番未呢！？
之前做左正豐應該大隻左！
我好想知自己咩血型呀！阿媽話佢同老豆唔知邊個係Ａ，邊個係Ｂ，
但阿妹捐血得左個Ｏｐｌｕｓ番黎，
搞到我都唔知自己係咩型！
之後去睇相機，同阿妹有分歧，
佢話上下網睇下ｄ人點評部相機再買，
之後番左元朗食飯，跟住就番左黎ｌａ！
下個禮拜１跟阿媽番大６ｄｕｍ骨同睇下有咩靚野買！

>>July 20, 2006 at 1:03:08 PM GMT+8