2003 年 2 月 4 日 星期二 【晴】

雖然辛苦，但今日畢竟過得不錯。
一朝早，同阿媽入左坪洲同婆婆拜年。
無入去一年，坪洲真係變左好多，路平左，但個海都被填平左好多啦。
午餐時，婆婆整左一大碟「鮑魚仔」俾我，好好味呀!!!!!!!
真係唔可以小看老人家，無入坪洲一年，阿公仍能打理得間屋井井有條。

他們倆老真係老左好多啦，但睇到佢地仲係咁恩愛，真係教我又酸又甜!
希望他們身體健康!!!

今日我依舊去左海灘到吹吹風，陪我的是我隨身攜帶的口琴，一邊吹口琴，一邊享受風景，個種感覺就好似自己個人的音樂會似的 (雖然走左好多音! )。
天氣好好，真係好舒服。風吹埋來的感覺好正。
一星期可以去海邊兩次，真係爽!! 最意外係拾到兩個好美的貝殼，雖然它們都欠缺了一部份，
但在我心目中，已經是最好的。

你是最好的，你知道嗎?
======================================================================
係日記度同人講: 「我好好好好好掛住你呀!」感覺到底係點呢??..............
睇既可能係好感動。
因為我睇到人地個diary咁寫時真係好感動，好羨慕。

>>February 5, 2003 at 3:43:26 PM GMT+8

2003 年 2 月 3 日 星期一 【晴】

多謝nokia今日的幫忙，小女子真的十分感激呀。

今日可以睇到亨特利的出神球技，好興奮呀!!
搞到我手又有d痕了........哈哈!
=============================================
縱然我並不是讀書的材料，
但我會努力不懈的求上進。
你都要努力，
縱使生活苦悶，但仍望你能活出色彩，活得逍遙。

>>February 4, 2003 at 1:43:55 PM GMT+8

2003 年 2 月 2 日 星期日 【陰】

好抱歉，令大家誤會了!
破左一千係指我個diary的瀏覽人數已經過左一千啦!
唔好以為係我的利是....(雖然我都想!!! )

今日係俊俊的生日，一定要大大聲聲同你講:「生日快樂」呀!!
一陣會同俊俊BBQ，呵呵，諗起都令我興奮。記得上次燒野食已經係...係...2年半前? 太耐啦!!
DABBY同貓頭鷹又唔去，有D失落!
====================================================================================
"當我們走在一起，真快樂無比。"
多謝。多謝。多謝大家今日又給了我難忘的一天。
雖然人唔多，俊俊、kimmy、fion、炒蜆、carol同埋我，六個人都照原定計劃去bbq!
為的都是俊俊的生日。我地去左石澳燒野食呀!

每個情景我都要一一的記住。
我地買野食時的狼狽，尋蕃薯的歷程，四小時的惹火會，carol遇上界女王，
炒蜆"施暴"美女，fion與小狗的短聚，俊俊的多春魚燒法，我們大家庭的新家規，
海灘上的大型生日卡，海灘上的俊男美女，唱生日歌... ...

開心、興奮、滿足、感激、浪漫..................點點滴滴，都令我感到自己好幸福，因為有你們。
真要多謝俊俊的生日令我們玩了如此開心的一天。

希望下一次有機會的話，我地會睇到星星。

>>February 3, 2003 at 5:57:36 PM GMT+8

2003 年 2 月 1 日 星期六 【陰】

嘩......太高興啦! 破左一千啦.....呵呵!!
真係太令我感動啦!!!
====================================
今日好開心呀，勁去掃貨。買左3 件衫呀，呵呵!
之後去左約左個朋友去銅鑼灣食飯。

heidi,
如果可以既話，早知就約你啦! 悶死我!

>>February 2, 2003 at 1:07:09 PM GMT+8

2003 年 1 月 31 日 星期五 【雨】

濤,
記得我昨晚同你講的話嗎? 原來神聽到我講的，好奇妙，亦好興奮。 它亦贊成我的決定，
我好感動，佢既話語令我的決心更堅定了!
==============================================================================
即使長大了，人還是要進步的。
我不要那潭死水，讓它變得更清澈吧!

祝大家新年快樂 ! 搵多d !!
==============================================================================
大年初一，我同屋企人先去車公廟拜神。
我係基督徒，其實並唔需要拜神的。
但對我來說，只要可以保佑我的家人、朋友、身邊的人，我都會拜。
始終，禮不可廢。是中國人的特性嗎?

>>February 1, 2003 at 10:59:32 AM GMT+8

2003 年 1 月 30 日 星期四 【晴】

嗚....阿成最後都係唔可以賣部數碼相機俾我!

要改變，一個理由就夠了。
但要找理由去堅持自己，往往吃力更多；
因為我們幾乎先要推翻所有會動搖自己的理由。
正因如此，世上幾乎沒有所謂「不變」的定律。
除了回憶。

>>January 31, 2003 at 10:16:44 AM GMT+8

2003 年 1 月 29 日 星期三 【晴】

開心哂啦,
不但精神好了不少, 而且今日都很順利。

昨晚同俊俊係icq傾左一陣，唔....我地好耐都無傾心事啦。
不過我地都傾得好開心。
俊俊呀，你記得我同你講過的野就得啦。嘻嘻....

你可以選擇 ---
做你想做的自己，還是改變成別人希望眼中的自己

聽日開始放假........真高興。過埋今個假期，就唯有等長暑假了。
要好好的過呀..!! 半年了....

>>January 30, 2003 at 4:24:36 PM GMT+8

2003 年 1 月 28 日 星期二 【晴】

今日有想哭的衝動，當fanny係巴士無意中挨住我的肩膊時，我發現原來我的膊頭一直都好重，
重得我好想砍下來，然後大喊一場。

Fanny，對唔住，我唔係有心的。但當你提起佢時，不知為何，我真的覺得好累，所以我全程都差不多都在合上眼。

當你挨著我時，其實我好想同樣地挨住你，不過，我知道我唔可以，我唔希望你會成為我的依賴。你同阿濤、阿RON、阿FAYE都一樣的，對我好重要。

原來想哭都如此的難。

>>January 29, 2003 at 10:34:38 AM GMT+8

2003 年 1 月 27 日 星期一 【晴】

下星期一係沈祺同俊俊的生日了!
由於新年不是太方便去拜沈祺，
所以今日我約左kimmy一齊提早去拜沈祺，
又一年的生日了!

頭還是不舒服，真的是貧血嗎? 為什麼每天都會這樣的?
=====================================================

人就像月亮
總有些不為人知的地方是被遮蔽了

>>January 28, 2003 at 3:59:16 PM GMT+8

2003 年 1 月 26 日 星期日 【晴】

如果時間會倒流，我還是會愛你的。但時間會倒流嗎? 不。 所以我並不愛你。
如果沙漏不會流盡，我還是會愛你的。
但沙漏會流盡嗎? 會。但我會把它倒轉再流。所以我會繼續去愛你。 (26/1, 1am)
================================================================

感謝神! 終於俾我約到christine，等我可以同大家一齊食飯。
實在太好啦! 今日真係好開心，出席的人都有13個。
好感動。因為大家真係有開心過的。

多謝大家俾左一個好開心的一天我。

之後我同fanny行左一陣街，然後再同阿滔篤左一陣波。
但我的水準太差啦，好唔滿意。 (27/1, 11:10pm)

>>January 27, 2003 at 3:16:09 PM GMT+8