2003 年 11 月 29 日 星期六 【晴】

我今日去左做義工，哈哈！
第一次咁正經做義工，
今日係文化中心搞左一個粵劇日，
我見到好多公公婆婆好開心咁玩遊戲、睇粵劇，
周不時有公公婆婆會好孩子氣的問我：唔玩遊戲可唔可以拿印章？
我也只好叫佢排d易玩的，
不過d公公婆婆真係好搞笑。

雖然我係做派d單張，
但我工作都不簡單，
首先就要背好今日的行程，
每區的所在，
又要記d名人既簽名時間表，
好等d公公婆婆捧場嘛！
有時亦要解答d旅客詢問的，
所以有時間仲要讀埋英文行程……

企左五小時多，
真係腳都軟，
幸好有免費飯食，
仲同左一個新朋友一齊食。

一整日，過得真不錯。
尖咀海旁d風景真係好靚，好正！

>>November 30, 2003 at 4:45:51 PM GMT+8

2003 年 11 月 28 日 星期五 【晴】

或者我既限制，
教我更懂得珍惜。
珍惜你我相處的日子，
相處的時間，
也試過只為兩小時的見面由沙田到灣仔，
因為你係我朋友。

你曾抱怨，
我也只好苦笑，
那是我的限制。
==================================================================================
找到了相同的觀點，
彷彿找到了同路人，
開始了話題；
找到了相同的原則，
彷似解開了某些問題的，
再不覺自己是怪人，
因為原來有人同我一樣怪。

>>November 29, 2003 at 3:40:24 PM GMT+8

2003 年 11 月 27 日 星期四 【晴】

告別十一月，
展開未來一個星期的放假，
有功課、有休息、有約會，
也有著很多不同的期待……

fion今日來電，約了我星期六，
哎呀！想想下，都有點兒擔心俊俊佢地會唔記得左啦，
前年就試過，記錯左我生日日期，
遲左成個星期先打來恭喜我。

今日測完最後一科，
心情算是鬆了一口氣，
但見近日頭暈暈的，
真不知發生甚麼事，
希望快d精神會好d啦！

下個星期又可以見到好多朋友，真係好！

今晚同時間可以聽到阿成同貴利把聲，
好開心呀！
佢地話我有d唔同左，不過我就覺得感覺一樣。

>>November 28, 2003 at 12:34:47 PM GMT+8

2003 年 11 月 26 日 星期三 【晴】

剛才睇到新聞透視，
民建聯的議席大敗，
輸左俾民主黨，
就算係一個新人來參選，
都輕易擊倒具多年經驗的候選人。

人人都話七一效應改變了整個投票結果，
如果真的因為民建聯支持政府而選投民主黨，
我想香港的市民仍是無知得很。
以一竹竿打一船人，
似係小朋友玩的遊戲嗎？

如果是因為希望政府有一批新血的湧現而投新人一票，
我反而覺得是一個好事，
新人事新作風，
希望新任人能真的是為香港好，
而不是以民主來打響旗號來反政府，
做一點應該做既事。

挫敗永遠讓人長大，
落選人也好應該回到起點，
好好的自我檢討一下。

>>November 27, 2003 at 11:56:10 AM GMT+8

2003 年 11 月 25 日 星期二 【晴】

TO：你
我不認同你所作的事。
我想，我們還是保持一個距離好些。

TO：你
你給了我幻想空間，
那孩子氣的我傻頭傻腦的在發夢，
讓我的生活添些情趣。


今日俾細B笑死啦，人踢毽佢踢毽，踢到對鞋飛左上UG樓層，而個毽就飛左去阿康個腋下。
笑到我肚都痛埋！真係服左佢。

哈哈！我覺得我既生活又慢慢的在改變中。
但到底我做左D咩，令有些人不時對我說：「我好鍾意你」「你好得意」？

>>November 26, 2003 at 3:49:42 PM GMT+8

2003 年 11 月 24 日 星期一 【晴】

心中生了一把長劍，
狠狠的刺在你身上，
如灑鹽在傷口上般，
痛得你求生不得，求死不能。

你的血，染紅了那純白的襯衫，
比我雙手所染的更鮮紅；
我笑，笑得有點憎獰，
就連我自己都有點兒心寒。

nokia，又話買細號碼，
點知得細b中左兩個字，哈哈！

>>November 25, 2003 at 4:20:27 PM GMT+8

2003 年 11 月 23 日 星期日 【晴】

昨晚同阿quin傾左成兩個鐘電話，破哂紀錄！
我已經係這兩年內都未傾過咁耐既電話了，
好開心的一晚。
quin真係一個好特別的人，
有時會覺得有點似我，
因為佢好易讚人。
這點是好的，人是需要讚的。

係quin面前，我好似好多優點般，
經常聽到佢讚我，哈哈！

昨晚做project到3點，今日一早返學校再繼續，
特登走左上午d堂來做project，好似好勁！
雖然我都係第一次咁大膽係最後交project個日先做，
不過有機會我都希望早d完成，
而唔係用半日時間去做2個月既project。
幸好，最後都做到一個似樣的project出來，
當然多得大家拚命合作啦！

原以為可以返屋企食飯的，但最後還是同左quin等人去唱k，因為我都想同阿耀、阿quin唱！
意外地阿ken都去，呵呵！好開心。點都唔似佢係會去同我地唱k的人。
不過今晚真係好開心，
原來大家既歌唱水準係咁高的，
阿耀差不多係由頭唱到尾，
而我都有進步，少左病之後把聲都好左好多。
不過我總覺得自己唱國語歌好好多，粵語總係好似唱得無咁好。

呵呵，今日阿ken同阿耀仲有quin都讚我唱得好呀！哈哈~~~好開心。
亦都好搞笑！

>>November 24, 2003 at 4:41:09 PM GMT+8

2003 年 11 月 22 日 星期六 【晴】

上完堂，就去左同ben哥篤波，又輸左，哈哈！
本來昨日蔡寶叫我今日去旺角的，不過一早約了師父，無辦法！

之後同左阿媽去睇戲，
佢竟然有免費飛，
仲係青雲、柏芝既「忘不了」，
整體來講還算不錯，柏芝都真係幾專業，拍戲就真係唔化妝，而且清清地都真係幾靚。
只係我覺得這套戲俾唔到青雲有發揮的機會。

足足一星期都係係街食，無錯！
我阿媽的「離家出走記」終於告一段落，
好希望聽日可以留係家食飯。

但係我仲未開始做聽日要交既project，
第一次，大家忙到最後個日都未開始做。

>>November 23, 2003 at 5:37:58 PM GMT+8

2003 年 11 月 21 日 星期五 【晴】

昨日完成了話劇，我見到小芝，仲見到nokia，真係好開心呀！估唔到佢地真係返，而且仲可以一齊影相，最記得就係同返上一年既同學一齊影相，可惜才左fanny、galaxy、faye，否則會更完美。

剛剛想到，上一年的同學，昨日全體參與出席開學日，神不神奇，留係ive既12人，都出席！我覺得好奇妙。

晚上本來約阿quin食飯的，又俾阿耀佢地叫我去唱k，不過我最後都係同左細b、nokia去篤波，著西裝篤波我都係第一次，好型仔，連入幾球，嚇死細b同nokia。今晚好開心，打完波再join小芝、阿康打邊爐，一條粟米引起左大家既聯想，笑死我！哈哈~~~~

兩日來的相處，有好深好深的感受！

>>November 23, 2003 at 1:15:55 PM GMT+8

2003 年 11 月 20 日 星期四 【晴】

演出日終於到了，一早還要洗完衫、搞好哂家務開始才扮靚靚。今日我著suit呀！好興奮！當然其他人都要著，大家一變身，真係好正！就連細b、阿康、阿ron、阿滔……所有人，著到好似我地係出席一個好重要的婚禮般，好熱鬧，好開心！

演出前作最後的綵排，我真係好緊張，要擔心這又擔心那。最擔心就係neol會唔記得嗌「反對」，之前幾次綵排都唔記得，真係好驚。幸好真正演出時neol記得嗌「反對」，我地成班坐係旁邊既陪審團真係嚇個半死！

今日每一班既表現都好好，雖然我地班唔係冠軍，不過我對自己班幾位演出的演員好自豪，他們所擔當的位置都十分稱職。無論作為律師、書記、法官、證人、陪審團，甚至旁白，我都覺得我地選對了人，儘管演出的人不多，但背後付出的人，可謂傾巢而出。

我對兩位律師，pantene及neol更真的自豪。事實上，結案陳詞昨日才真的寫好，
繁忙的十一月，我根本不敢多要求別人做野，平時更怕要求他們綵排。至於正式的排練都只是三、四次，因為大部分都係一對一的對手戲，不用所有人都出席，私底下對稿就可以了。昨日，兩位律師還主動要求對稿，就算對手不在，其他同學也自願代替來幫他們，這一點真叫我感動。

我這個不稱職的編劇，多得阿quin及阿康等人的幫忙，只好講多一次多謝你地。否則我不會支持到今日。 (續…)

>>November 23, 2003 at 1:04:03 PM GMT+8