2003 年 12 月 9 日 星期二 【晴】

召喚
呼聲
結束
落莫
寧靜
享受
回味

文字的悲哀，自有文字來結束，
你我的問題，也只有你我來解決。

萬物，其實皆如是。

>>December 10, 2003 at 2:39:38 PM GMT+8

2003 年 12 月 8 日 星期一 【晴】

今日係ellen的生日，
愈來愈多朋友12月生日了，真開心！
是不是12月生日的人都係搞野既人哩？
總覺得12月生日的人好好玩。哈哈！

以前我就5、6月多朋友生日的，
依家仲多埋12月，真的忙透了！

HRM TEST都合格的，中文今日演講得麻麻地，
不過都幾淡定，我都覺得幾開心，好似好有自信咁！

>>December 9, 2003 at 12:13:44 PM GMT+8

2003 年 12 月 7 日 星期日 【晴】

昨晚太累無沖涼，今朝一早又返學了！

下午一班新相識同學俾左一個surprise我，
係我一點都唔察覺之下準備左個蛋糕，
到家下我都諗唔明點解我睇唔到！嘻嘻~
不過真係好驚喜，完全估唔到自己都會俾人玩到，哈哈！

阿滔同doris送左禮物俾我，
初時見係playboy產品都真係嚇一嚇呀，但原來係個小錢包，幾靚的哩！
雖然我好耐無用碎錢袋，不過我會用的。

下午再打俾本源問下dabby有無返工，cool~~
好彩佢無事咋，原來佢只係之前開左幾日夜而無訓過，就搞到昨晚大昏迷，
唔記得左約左我地lu~~等大家仲要俾埋佢份tim！哈哈~~ 不過無事就夠啦。

>>December 8, 2003 at 3:15:21 PM GMT+8

2003 年 12 月 6 日 星期六 【晴】

無得去釣魚，又無打算約一大班人出來，
凌晨2點幾發左個短信俾angel約佢今日篤波，
真係估唔到佢竟然應承左！

我地今日食左元祿半價優惠，哈哈！
angel又送左一條頸鏈同耳環我，真係好多謝。
咁抵梗係要食d貴野啦！所以我地叫左好多貴野來食，海膽壽司更係我地首選。
食元野去左篤波，angel打得好左呀！
不過始終係唔夠集中力。

夜晚同左俊俊、kimmy、池池、carol、源源、貓頭鷹，去左尖東巴西燒烤，
我都係第一次去，不錯不錯！
仲有鬼佬唱生日歌俾我聽，佢以為我係佢地個妹，
又問係唔係女朋友，唉！尷尬死lor……
真係面都紅哂lor，不過好開心，有本源同俊俊既飛吻呀！(因為佢地俾鬼佬玩) 哈哈~~~
但其實我不知幾尷尬，真係俾個鬼佬玩死我！
之後又收到禮物，糖糖、

有無發覺唔見左dabby同炒蜆哩？
無錯！炒蜆一直都搵唔到，明明一早fion生日時都寫左係佢diary幾時係我生日的啦！
都仲可以問我今日係咩日子，激死lor！
dabby哩？佢話左來的，點知佢一直都無出現，擔心死我地啦！
電話又唔通，家人又話佢唔係家，send左message俾佢又唔答，好驚佢唔知出左咩事！
希望佢盡快reply我啦！
唔好有事呀！！

祈完禱，就去睡。

>>December 8, 2003 at 3:08:51 PM GMT+8

2003 年 12 月 5 日 星期五 【晴】

今日約左fion去銅鑼灣慶祝生日，哈哈！
除左食野之外，仲睇左一齣我好想睇的戲「愛上這個家」。
不錯！好舒服、感人的一套戲，
圍繞著三個男性的感情，兩老一孫的感情，
除了義氣、了解，還有感情，
有些說話更是不言而喻。

無左愛情，有兄弟情，有親情，
予人一種好新鮮的感覺，
故事，有頭有尾，是一套值得一看的一套戲。

fion送了我一條頸巾，藍色的，我鍾意。

本來想聽日釣魚的，點知一個一個都來不到了，只好取消啦！
要再計劃一下先得！

今晚同屋企人食飯，家姐買左蛋糕，
而且仲收到隻手錶同小飛俠電話線！
哈哈，好奇怪，like卡通人物有無錯哩？
自從d人知道我like小飛俠之後，就送d小飛俠既產品我。

這都是一份心意，多謝哂！

>>December 6, 2003 at 4:26:51 PM GMT+8

2003 年 12 月 4 日 星期四 【晴】

昨日出左去灣仔，已經有一排都無試過連續幾日都去灣仔了！
坐了兩個半鍾，同france、kitty咁就賺左二百五了，好開心！

之後落左銅鑼灣會angel、joey、heidi，呵呵！仲有禮物收tim~~
heidi送左隻錶俾我，唔話俾大家聽係咩錶住，因為我要帶出街俾其他人睇！哈哈
angel就送左一盒草餅俾我，好靚架！相信味道都不錯。而且爸爸又愛吃的！

我地先去左打機。嘩！個部咁既行山單車真係玩得好辛苦，尤其係個patpat，痛到死！
所以最後都係我包尾。哈哈！
打完機，pat pat痛痛，就去大家樂打邊爐啦！
我都知阿滔今日都係打邊爐呀，嘻嘻！來唔到你地個邊tim~
迫左少少，我都係like中環個間多d！哈哈。
不過同heidi互串真係好盞鬼，又可以串下joey、angel！yeah~~~

簡簡單單幾個人坐係一齊，唔係食貴野，但都開開心心，感覺就係舒服啦。

我剛諗起昨日同阿成、貴利影相，原來我地真係無認真咁一齊影過相的！
所以我特別珍惜昨晚。

多謝。多謝。

>>December 6, 2003 at 2:40:43 AM GMT+8

2003 年 12 月 3 日 星期三 【晴】

今日好開心呀！
好耐無見貴利、蔡寶、阿成啦！
難得今日成哥放假，貴利放早，蔡寶返夜，大家先有時間坐埋一齊。

不過我今日真係愈過愈開心~~
先係同貴利一邊篤波，一邊等蔡寶同阿成，
貴利話我篤波好勁，哈哈！我都話我打得好左架啦！

之後等埋蔡寶就去左飲下午茶啦！
仲以為阿成唔來tim~~~終於都出現左，真係好！
阿成仲帶埋小白出來，蔡寶就帶左小黑，哈哈！
小白小黑係兩部相機來的，不過真係好正！

係就重左d，不過我用起部機上來都似模似樣的，
因為我有老豆的遺傳嘛！
我地影左好多相呀，去左灣仔同中環影，
仲有途中幫cookies影相tim~
佢地以為阿成同蔡寶係記者，我就係佢地個跟班，
因為我拿住個腳架，揹住個相機袋等佢地影完。哈哈。
不過我真係唔覺得悶boo~~~我覺得好型仔，當然係話我自己啦！呵呵~~
睇佢地影相，有時我又有得玩真的不錯，
本身我自己又係專業影相人士，又鍾意影靚相的人，
既然大家都咁專業，就梗係唔會覺得悶啦！

yoyo~~~今晚影相擺左好多post，好搞笑，快d有相睇就好啦！
記住哂相俾我呀！(我知你睇到架！) 嘻嘻

>>December 4, 2003 at 3:47:51 PM GMT+8

2003 年 12 月 2 日 星期二 【晴】

開心！開心！
收到阿明既長途電話，
真係估唔到佢會打俾我，
佢唔知係唔係唔開心哩？總好似有好多野想講又唔方便講咁。
不過點都好，我聽到佢哈哈大笑時都放心d！

今日，阿康、阿星、阿ken、fanny、galaxy來左我家做project，
好熱鬧，迫迫地一齊坐係度傾野，
不過講笑多過傾野！
我地第一次叫左麥記外賣，
真係好快手！
阿星今日最強，
個case由頭到尾都係佢理解哂，
解答左我地不少疑問。

之後出左尖咀約大家姐去試衫，
可能我瘦左呀，著衫時有鬆動，
真係估唔到！
我要努力d keep住先得！

俊俊佢地終於都打電話俾我啦，
不過係約我星期六晚。
哈哈！等我仲留左星期日俾佢地tim~~~
依家又要計劃一下星期日點算啦。
問左阿滔有無興趣去釣魚，好耐都無試過啦！
如果真係去到就好了，
定係唱k好哩？

>>December 3, 2003 at 3:54:15 PM GMT+8

2003 年 12 月 1 日 星期一 【晴】

快到阿滔生日了，
哈哈！又大一歲~~恭喜哂！

留在家中，聽著流行曲，
靜靜的一個人在思索，
在想甚麼？
想起了好多不同的人和事，
拿起左d獎杯出來拍照，
又拿左d小飛俠來拍照，
一個人沉醉在自己的一片天地中。

百無聊賴的按著電視遙控，
轉到頭昏眼亂，
是我的心情壞了嗎？
也許吧。

緩慢的動作，
56k的反應，
跟流行曲的節拍格格不入，
按下鍵盤，
關掉樂聲，
讓一切都歸回原狀。

>>December 2, 2003 at 5:15:43 PM GMT+8

2003 年 11 月 30 日 星期日 【微冷】

一整日的行程，
絕無欺場！

因為nokia話去篤波先去bbq，
所以一早大班人就到左屯門篤波，
仲話叫佢起身！哼~~ 點知nokia叫極都叫唔醒！
反而細b竟然係最早到的一個！

可能一早起身，大家的篤波表現都麻麻，
希望有機會下次再打過。
之後一行人，阿滔、阿康、細b、我、nokia、ken、doris、阿星，
8個人浩浩蕩蕩入左龍鼓灘，真係爽！
好辛苦先可以叫到阿滔唔等doris，因為doris要買蛋糕俾阿滔。
龍鼓灘真的不錯！
方便，又多野玩，全日都只不過係100蚊度(包篤波、車錢)，
真係抵到爛！
中場加插了放風箏，係我最想玩的節目。
原來其他人近乎未放過風箏的，
但係點知一陣風就吹起左個風箏，
根本唔駛學點放，哈哈！

我係風箏上寫上左阿滔廿二大壽，仲有我地既名，
放上天空中，好似話俾更多人知大佬滔生日啦！哈哈。
今次放得比同俊俊上次輕鬆得多，
但係上次接力更有意思。(雖然辛苦左d！)

我地影左好多相、又有傾計，由兩點燒到十點，真係不得了！
不停咁食野，肥死Ａ米我了！

哈哈，其實今早搭車時我一直想住上年bbq的情景，
想起平時大家既說話，
我就好期待再次同大家bbq了，
今日，雖然主角不是我，
但我好盡興，又好開心wor！
最開心就係有個靚芒果蛋糕，
我想食好耐架啦！呵呵~~~doris真係醒目！

>>December 1, 2003 at 5:24:43 PM GMT+8