2006 年 5 月 1 日 星期一 【晴】

kidult - 傑斗
新式既名詞
由 kid adult 演變而成的
「Kidult原本有兩方面意義：
一是扮成熟的孩子（「人細鬼大」），一是孩童化的成人（「大唔透」）
但近年坊間使用明顯傾向後者為主，以指出社會裡一種冒現的成人孩童化現象。」

figure 的流行
成了年青至中年人的嗜好
市場來說，亦是以中年人為主
因為他們的消費能力比較高
願意去花時間、金錢和精神

這些人，被指是長不大的大細路。
因為他們的確正正是「童心未泯」
但喜歡玩樂、大不透的成年人們
是否也代表他們做事兒嬉？做事不認真？

當然 - 「否」
玩具 - 是滿足我們兒時的不足
安慰我們過去的一些遺憾
填補一下我們的心靈

坦白說，我也是一樣
我都算好喜歡玩樂
對figure，我都很愛兒時的卡通人物
雖然有時我會覺得自己好任性
但對於做事
我好認真的
雖然有時候，當要肩負起很多人的責任時
難免會有大壓力
但我還是喜歡冒險帶些歡樂俾大家

有時因為擁有了自己好想的東西
人，反而會更加用功
更加勤力，更加有神彩
========================================================
今日放學同左cathy去行街
第一次哩 ^^

>>May 2, 2006 at 3:48:03 PM GMT+8

2006 年 4 月 30 日 星期日 【晴】

5月
5月代表甚麼？
很多很多……也忘記得很多
有沉重的憂慮
有期盼著的事情

要為自己安排一下

結婚？
這個字對我來說，「遙不可及」
人總會盼望著的
我都不例外
但我憧憬的反而是婚姻生活
而非結婚

婚姻生活有甚麼哩？
有自己的子女
愛自己既相公
一個好的家庭

我總幻想著，將來我對子女應該係d傻傻地、怪雞的、可愛的
十足十我d傻勁就好啦！^^
仲會同我一齊係屋企跳下舞，扮下野
之後閒時一家人去篤下波
去下野餐……
再唔係一家人去釣下魚
拍下片

總之家庭樂啦！仲可以將來同埋其他朋友一齊
大伙兒一齊去camp、搞下節目

將來我的子女，可能好鍾意就係同我講：錫哂你
「好想食你煮既野！好耐無煮俾我食啦！」
「靚媽！我想食蛋糕」
同我扭下計！詐下嬌都唔錯…之後我就會作勢要打佢pat pat
=======================================================================

夢，還是由它慢慢的keep on dreaming

我的家人，總是……是可愛吧
回到家，就送上我一部手提電話
是高興的！也有點是……唉！太浪費了
我已經有兩部
仲係好駛好用既時候
竟送上新一部？？
為什麼總不能欣賞我這種專一的美德？
也許，我就是這樣的不合時宜、老土、娘氣十足的一個老娘子
換機既次數遠不比我的老媽
老娘真係搞唔明！但既然都有新的，而且最緊要，夠薄！老爹就是了解我的喜好…

正當老娘的爹爹要介紹新機有幾咁威水時
老娘我已經把玩到此機出神入化
嚇得老爹「嘖嘖稱奇」！
似乎我是在店裡售賣手機的店員似的
心想：你唔搞清楚這機就買，可不能這樣兒嬉哩！

手上有3部機
第一部係超薄LG機 (係老娘第一部手機！跟左我快4年了…)
第二部係prince 有得影相既手機 (只是一年！係舅父買左唔要送左俾我的！)
第三部 - samsung機

三部都唔係自己的，係家人送的！從來未考慮過要換機時就會有人買俾我
奇怪吧？老媽總會嚷著，叫我快d換！但明明部機仲非常好用…
結果我望著新機…… 由黑白機 --> 影相既手機 --> 進化成 有藍芽、紅外線、mp3……
想一想：到底將來我第一部由自己買的手機，會係幾時？

老娘並不是不想換機
只是……實在看不上！比得上我的LG，我才會考慮！
新既samsung機，坦白講，除了不是接機外，佢不失為一部好機！
我會俾80分！

>>May 1, 2006 at 5:44:15 PM GMT+8

2006 年 4 月 29 日 星期六 【晴】

哈哈
終於都整到d相上網
原來係要搵個support到你可以存取既link
先可以放係showhappy哩度
真係整死我

但係總算可以真係俾大家睇下
d相係 大家用有限的一小時完成的
所以其實大家真係好勁架

今日一早起身同阿b (師父之暱稱)去左篤波
好sleepy哩
打左4個鐘 (8板)
局數 五比三
阿b 贏左
結果係正常的，唔正常既係，我竟然會贏3板
其實我自問win既只係得一板
另外兩板係阿b不停咁「達死」

我今日帶cue出去迎戰
前排無聊時拎返支cue出來
仲用左 砂紙 磨走 cue 既光面 (因為實在太「啜手」了)
終於今日試cue日
可惜支cue太長啦 (高過我！拎上手有點怪怪的…)
但竟然都打出不錯的表現
好開心呀！好似同cue做左朋友似的^^！good！

我今日第一次聽到阿b同我講
「你可以試下打比賽，去體驗下」
等左佢哩句好耐啦！

以後，大把機會的！

>>April 30, 2006 at 4:44:43 PM GMT+8

2006 年 4 月 28 日 星期五 【晴】

yumi萬歲！
好叻呀！大家都來睇下我地精心的傑作…

為左同大家分享
我決心去學下將相放入這個日記中
但係都幾辛苦
不過哩，值得既 ^^

最佳美術指導 - yumi (十二盲徒)
最佳攝影 - fanny、cindy (十二盲徒)
最佳造型設計 - yumi (十二盲徒)
最佳技術指導 - yumi (斷臂山)
最佳女主角 - cindy (金象獎新人圖)
最佳男主角 - frankie (斷臂山)
最佳劇本 - 女人魅
最佳電影 - 斷臂山

十二盲徒 -
左起: cathy、yu、iris、yumi、ray、rachel、amy、natalie


金「象」獎最佳新人候選名單
後：rachel
前：(左) cindy、amy、ray、yumi


男人魅 vs 女人魅
左圖：
後 - vincent、fai、ray、cryus
中 - ken、frankie、jason
前 - tony、henry

右圖：
後 - fanny、yumi、rachel、cathy、iris
前 - amy、yu、natalie、ray、cindy


情義我心痴


斷臂山


雖然只有半年的校園生活
但有這些相片，我有美麗的回憶
有你們，我開始喜歡學校
有你們，我開始有點不捨
有你們，我開始對這校有點歸屬感

這些相片，會成為大家將來的回憶嗎？
我一定會！

>>May 9, 2006 at 3:00:24 PM GMT+8

2006 年 4 月 27 日 星期四 【晴】

失去是為了給我更好的

清晨，大雨依然
行程還是告吹
天意？ 也好的

行程雖然取消左，但我就同yumi因為都無得訓返既關係 (因為我倆都洗濕左個頭)
結果相約左出來食韓燒
哈哈！奇怪的組合吧？
amy同yumi都係第一次出街
第一次單獨約會
好開心哩！！有你相伴真好呀
下次我同你去間有咖哩蟹既再去食好嗎？^^
之後倆個人行足一日

我地兩個人行左去vcd舖參考d 影碟posts
真係收獲不錯

買左d小物品
之後相約蔡寶睇戲
有手信收！thanks，好似我！

是夜睇左「舞‧出色」
係我2006年睇過最出色的電影
睇到我拍哂手！睇完之後成個人都想跳舞
真係好好睇呀！無得彈！
初初我都以為係一般教學既電影
沒想到，效果好好！
三個人跳社交舞見過了沒有？

你真係要睇！如果我之前介紹俾大家既
你地都覺得好睇的話
希望你地都可以抽d時間去睇

>>April 28, 2006 at 6:38:33 PM GMT+8

2006 年 4 月 26 日 星期三 【晴】

剛睇完ac milan
等到 75分鐘先出雷哥斯達
真係嚇死我…… 旁述個個人又係咁叫雷哥斯達個名
搞到佢好似真係最後一埸似的

終於完埸
ac 0:0，但都係出局
太擔心係佢最後一埸了
不停咁serach網上既資料
終於俾我發現……
2006年3月22日，ac milan已經和雷哥斯達簽下了新的合同，新合同將到2007年6月30日
真係白驚了一埸

「其實關於雷哥斯達庫塔續約的消息，AC米蘭此前已經放出風來，34歲的雷哥斯達庫塔原先的合同是到2006年夏天，他原准備在合同到期之後退役，但由於本賽季雷哥斯達庫塔幾次替補上場表現相當穩健，證明他目前的狀態仍能成為球隊中有用的一員，考慮到史譚的離隊，以及馬甸尼傷病日漸增多，AC米蘭俱樂部最終決定再與雷哥斯達庫塔續簽一年的合同。雷哥斯達庫塔在上周末的聯賽中助攻吉拉迪諾打進漂亮一球，這份新的合同是最好的回報。明年的夏天，雷哥斯達庫塔將已滿41歲，這又將是綠茵場上的一段傳奇。」

太好啦！原來仲有得睇佢……仲未結束。

雷哥斯達曾經講過，退休後希望係floence開自己名的足球學校
好有大志哩 ^^

>>May 2, 2006 at 12:47:59 PM GMT+8

2006 年 4 月 26 日 星期三 【晴】

今日我好開心
真的！好多謝各位……多謝大家對我既信任
可能我係比較執著
成日都想大家都同我一樣擺個d post
因為我覺得：大家一定會開心的！

好自私的想法
但係我哩……見到大家可以咁配合地去擺post
我覺得好溫暖呀 ^^
好多謝大家

仲有個班男仔
無想過佢地會無條件俾我地係度指指點點
多謝大家既信任

仲要多謝cindy、yumi、fanny、rachel……
未俾大家睇個d圖時
我其實都好擔心的
但當見到大家對d設計圖咁開心

汲取左上次既經驗
今次大家一埋位就好professional哩
影到……唔捨得上堂

真係……好多謝各位！

>>April 27, 2006 at 5:23:52 PM GMT+8

2006 年 4 月 25 日 星期二 【晴】

今日……都係帶飯日？
係wor.... 今日放學同左cindy聽talk
之後大家都各有各事忙

我哩……今日無咩野做
放哂d校園生活照上網
繼續忙著cpd assignment

只係想講，
我想睇「舞‧出色」

>>April 27, 2006 at 5:48:48 PM GMT+8

2006 年 4 月 25 日 星期二 【晴】

於新聞見到雷哥斯達係度熱身
就知道，佢一定會出埸！

一會，4月27日，2點45分
巴塞對ac milan
終於，都有雷哥斯達出埸了
好事定係壞事？

好事，因為有得出埸
壞事，這可能是他足球生涯的最後一埸

他說過 06年 會結束 他的足球生涯
今夜，我一定要起身睇佢比賽
好想ac可以win
因為咁雷哥斯達先有機會打多一場

我想陪著他一同結束
遠遠的望著他，我可以做的其實只得這件事
默默支持！加油呀！
雷哥斯達係我地既神！

>>April 26, 2006 at 4:24:03 PM GMT+8

2006 年 4 月 24 日 星期一 【晴】

今日帶左飯
因為我知道一定要開始實行哩
而且，我知道今日一定會係canteen食的
哈哈！

約等大家星期四著suit好嗎？
因為好想同大家來個合照

一大班人係canteen同cryus唱生日歌
唱得最大聲的，竟然係唔太熟的我們
相反，fankie、妍、等人都無一齊唱

>>April 27, 2006 at 5:43:03 PM GMT+8