2006 年 5 月 21 日 星期日 【晴】

Performance Management Examination
6:30 - 9:40 pm
Marks: (Unknown)

太多想像唔到既結果！我答左好多野…但係原來大家對題目既理解都唔同
根本……就唔知點算！

今日開考前，去左搵ken同君良兄等人…
好多ken同君良兄，臨時抄返咩叫best fit，阿聲就慘d，無位抄！
以下就係我兩既notes (A4 size)


開考前，阿聲話想去飲d野，佢想飲「大檸」
但我話唔利是，「大檸獲」wor，唔好聽！所以最後都無飲啦！
聽到身旁另一位同學仔都笑左出來，仲叫阿聲應該食 香腸雙蛋

我已經好努力……寫！寫！寫！足足寫到最後一版
但係兩條我都無寫過concludion
也罷，一考完沖左入tiolet！ 之後cindy同fanny來恭喜我，話我一定識做，choose第3條，performance appraisal…
哈哈！真係唔好意思啦！我係choose左第1條 - PM Sys
SInce i really don't know what 360 degree appraisal is...
所以我最後還是choose左低風險題目……PM sys

捱過之後真係鬆哂！同左大家去食mcdonald
今日放學時遇到行雷閃電
我同cindy都好驚呀……原來佢同我都會驚到大嗌既人來的

因為枝姐最後都係決定唔去海洋公園關係
最後都係決定狠心唔同cindy預祝生日既關係
我地決定……杯葛枝姐大行動正式開始！

係mcdonald食野之間，大堂響起「最後一班往羅湖列車已經開出…」
枝姐話：「咁amy同cindy咪無得返屋企lor？」…… 知唔知問題係邊？
哈哈……總之，當時我都唔知答唔答你好呀！
靠yumi既提醒……今日的確有好多趣事！^^
亞枝講咗個色魔故事, 切勿買黑鞋買到一點...
Cathy講咗個搞笑既打劫故事, 被人打劫切勿報警...

Cindy講咗個人間慘劇~
Cindy原來鍾意背大家既日記...
Cindy背今篇日記, 星期四考妳~

>>May 22, 2006 at 8:04:48 PM GMT+8

2006 年 5 月 20 日 星期六 【晴】

返左學同阿聲一齊讀書
本來唔想返的，因為一來條腰唔知做咩痛
二來，我好累！
但係應承左，亦唔想搞到人讀唔到書
只好都返來
返到去其實都係抄notes
所以我都算係勤力的…… dinner食左 叮叮意粉！不錯wor^^

原來阿聲昨晚係飲「大檸」的……


是夜，回到家再搏殺……
背著窗口不停地抄notes
時間原來過我好快……轉眼已經清晨6點了
係一個奇蹟！我以前兀通頂，永遠捱唔過3點的！
家下……竟然讀書可以讀到6點！而又唔係太累…真好！

臨上床前……我用手機影了一下外面的世界一會
「外面的世界很精彩？」 但此時此刻的景象，仍是很寂靜
感受到外面的清靜嗎？


>>May 22, 2006 at 7:15:13 PM GMT+8

2006 年 5 月 19 日 星期五 【晴】

今日，一早起身返左去左ken、君良兄、小魚、芷珊 傾下performance management
可能我既出現真係令大家太高興了
我一返到來已經傾唔到 performance management
係咁俾君良兄撩我講野
搞到我又不甘示弱的反擊
結果打左好耐牙骹
邊有男仔話自己可愛的
仲要係一個比佢更可愛既人面前話自己可愛
真係……無道理呀！

左：ken 右：可愛的人 - 君良兄


未試過同阿ken講咁多野
開始對眼前這兩個人改觀
原來佢地都好和善的

wor！大家又分享一下係香港區讀書既經驗
wor！有人為左女仔去公理讀書
有人就讀左三間中學都係st. xxxx 的

阿ken撩我篤波wor……好彩我無被誘惑到 ^_^
君良兄就好懷疑我夠唔夠高！哼！未識死過呀真係
下次下次！一齊去篤波！！

昨晚，好開心呀！因為係好事哩
我一個好朋友，佢拍拖啦 ^^ (天大喜訊)
因為應承左人，唔會講的！hehe…
但係我拍心口撐你架！你地一定會幸幸福福的
都係個句，只要你鍾意既，我一定支持！

依家連你都拍拖了，他們都……一樣！
那我該怎麼辦？ 好彩仲有好多女仔係單身的……否則我就草草搵人要左我算

我竟然聽到有人同我講：「我身邊無咩朋友襯得起你！」
好大打擊！感覺好似仲慘過無人要似的……唉！
哩句說話以前阿南都講過
唉！

今日溫書情緒被 「葡萄成熟時」同「阿牛」打擊了一下
人下沉了！書讀不了……
唔開心！>_<

>>May 22, 2006 at 7:50:12 PM GMT+8

2006 年 5 月 18 日 星期四 【晴】

exam: People Resourcing
但願合格

最開心就係又見到大家
考完見到阿ray都笑笑口
雖然唔知考成點
但笑都總好過唔開心的，笑多d啦同學仔！

是夜到左尖東食飯
5個女人大談女人經……好似開壇似的
但討論都唔關男人事的
都係講下……笑下！到底「蛔蟲」係點樣可以沖出體外的……
我就講了以下一句「因為肚潟，蛔蟲勾唔住，一齊沖左出來！」
哈哈！

三珣姿應該中三時一發現左，就去左買 vivian westwoord啦……抵死！
又同cindy放學，哩d日子得返唔係好多
一想到，考完個日如果可以去唱k 就好了

今夜回家，發覺著來著去都係個幾件訓覺衫
就拎d夏季衫出來
哈哈！好掛住我d世界盃波衫
嘩！我已經有3件9號既波衫啦……yeah！


講左會同yumi分享我的私家床的
但係影完之後我都覺得好……狗竇！ 我張床太細了 >_<
其實係唔多轉到身的，幾闊哩？
有兩尺半。大約係我盤膝而坐時，膝頭同膝頭之距離咁闊…… 好細哩！
所以我既高度或多或少都係因為哩個原因
床大約得5尺3架咋！

實在無咩好影，但都影下床頭同床尾俾你睇下
相片中圈住既，係上年生日dabby同炒蜆送俾我既愛情水晶
個架係放係我個頭頂，要好有技巧先可以訓，唔係起身就會撞頭 ^^

我張床係無人夠膽爬上去的
因為成張床係無腳去支撐的，雖然話就話張床係入牆式的，但係我依然覺得唔安全！
看上去就係得條樓梯撐住的… =.=

床尾個個月歷仲係2005年的，未換過，哈哈！
上面個個係04年我生日時，炒蜆親手雕俾我的木板 (史力奇公仔 ^^ )
真係好亂……！>_<

昨日，我終於都拆開左阿來送俾我既 hat帽手信
影左幾張，呵呵！型哩？？

dabby話我係型哥仔哩…… (太耐無人咁叫我lor！)
哈哈……一直以來，我都係百變架啦！呵呵

到底邊個先係真正既我？真正既我係……hehe

>>May 19, 2006 at 5:30:09 PM GMT+8

2006 年 5 月 17 日 星期三 【晴】

好不安！叫自己集中係好困難的一回事…
實在休息得太少
讀到下午3點半… 我又訓過
6點鐘……唔想再留係家讀，改去自修室
心情唔多好…… 我只choose左3個topic，坦白講，太冒險
到依家我都仲係本著自殺式的心情去讀
我驚架，我係怕死的

3個topic好難讀得入腦
原因，有好多……好似成日發白日夢、自修室係「訓覺」既溫床

冷冷清清的自修室 -


中途出左去食我最愛的麵家 - 沙角麵家
來一客「牛什米」
當我一個人時，想食粉，我就一定會到「沙角麵家」
老媽、姐，不會到此店，原因是…… 嫌牛腩太多
老爸不會來，因為他忘記了有此店
只有我，亦多是當我一個人時，就會來

「沙角麵家」創辦人- 大叔，已經唔會係舖面
改由三個仔去打理
好少機會見到三子同時出現 (所以今日好特別)
我一直都覺得，佢地係三胞胎，因為太似樣
今日三個仔都來款待我
一個幫我落單、一個送麵來、一個找錢俾我

沙角麵家 - 有超好味的牛腩、超正既湯底
但就係 - 一直都無咩客人(今夜都只得我一個)
因為它正正就座落在舊屋村內一個暗角的位置

美味的 - 牛什麵


得我一個客人的麵店


到這店來食野的，大多是一個人
除了中午時份會是中學生的落腳店
夜晚，這裡幫襯的多是 醉酒漢、單身大叔、來外賣的、熟客……
這家店唔會有「歡迎光臨」，亦唔會有「下次再來」等的口號
歡迎你一個人來？還是請你下一次再一個人來？

我，最愛就係坐舖面的卡座位
正正望住門口、望住煮麵師父在充滿蒸氣中的地方工作
而左手面，正正就是收銀機
右手面，牆上有著很簡單的圖案
廿多年，都依然非常乾淨，可見店主對這店的感情……
每個卡位牆上的頂部，都有著很特別的掛燈
但一直以來我都未見過它開著過


由細到大，我看著它，它又陪住我長大

>>May 23, 2006 at 4:10:59 AM GMT+8

2006 年 5 月 16 日 星期二 【晴】

早晨！我有無訓過？有。但訓得唔好
因為d藥令個胃唔多好
結果，唉……

昨晚阿媽問我借幾張相
佢話今日會見返佢d小學同學仔
就打算帶家人既相去，順便幫我「做媒」 =.=
結果我俾左張同媽、婆婆係ive畢業時既相佢

深宵時，竟然俾我發現一件事
我記得之前都同yumi研究過的，因為我地發現相片入面有幾個之前唔識既人
依家竟然就係unn既同學！！！
大家睇睇，左邊個個，似唔似阿魚？右面既就應該係未電髮既三珣芝？
哈哈！竟然來搶鏡 ^______^


再睇下睇下，發現一個仲離譜的人
你地睇睇認唔認得佢係邊個？？


frankie足足出現左3次
而以下哩張係最最最……成個人入哂鏡！哈哈！

呵呵，阿魚見到會唔會好失望哩？？hehe

我一發現左就好開心！真的……好似世界好細，點估到日後睇返d相
竟然會發現，當初既陌生人，原來今日係識的
唔知大家既ive畢業相又有無見到我哩？
定係仲見到有其他人哩？？ 我搵極都搵唔到rachel同cathy

邊個搵到最多呀？話我知啦 ^^

>>May 17, 2006 at 1:00:32 AM GMT+8

2006 年 5 月 15 日 星期一 【晴】

忘記教鬧醒，訓到2點先知
起身頭暈，落床時叉錯腳係樓梯滑了下來，痛！
咩原因頭暈，我估係因為飲左益力多
唔知WHY前日阿媽見就到期就叫我幫手飲哂佢
我諗佢應該係完全唔記得左 =.=

有點發燒，食藥 +上網，發現左一件好得意的 photofilm
我太有interest去研究，結果當然係浪費左唔少時間……
但係我真係好鍾意哩個film呀 ^^



真係好過癮呀！我覺得自己勁叻，哈哈！
有得有失，我仲未讀PEOPLE RESOUCRING >_<'

原來cindy都會來留言的，我太開心了！
剛才見哩個野咁好用，就整左我地last day既相，我盡哂力搵哂咁多人既相出來同大家分享
其實我係想放係「心情摘記」個名下面的
但係我整極都整唔到……慢慢學吧！^^

HAHA... 成功啦！
就決定放係哩度一排啦 ^^
定係放d color既相好哩？？ 不過大家咁珍貴既相，真係好想大家分享一下
就俾我又任性下啦，嘻嘻

>>May 16, 2006 at 4:53:36 PM GMT+8

2006 年 5 月 14 日 星期日 【晴】

strategy exam
預期：合格

今日忘記左自己錯咩位
一見到門口睇下個人名表，仲以為frankie同阿ray會同我坐
即時成個人有一刻醒左架，哈哈！
但係入到去，變左個女仔既 >_<
當我準備寫名時，發覺自己原來坐錯位！
我其實係要坐係frankie隔離的，呵呵！！

真係大檸樂，一開波花左唔少時間搞第一條
仆街！明明我係睇住佢問success，但係我死唔信佢係問success lor
所以我係答埋failure多過success
條問題真係問得唔係咁好
但係我依家都幾動搖我之前既答案
而且我答得唔太好呀！
time management！死哂！

最後得返1個鐘去寫stakeholder
真係好彩阿聲前日問我mitchell et al個個model點解
我又無聊咁去睇資料
結果今日倆個人大步檻過左
不過講真，本身已經放棄左唔讀internatization~~
如果唔係咁岩得岩橋睇左d supplementary information
我睇到個legitimate都會企左係度，真係要還神！

estella唔知搞咩，咁鬼準時叫pens down
有無搞錯呀！明明就係遲開左，但係仲非常嚴謹地睇住個鐘到搭半
真係，俾多我2分鐘寫埋個conclusion都好嘛
唔制呀！

我以為自己都算係寫得密架啦d notes
嘩！一望過去frankie個張！藍色架，好多字呀！
真係……勁！

唉……依家完成左一科，已經豁左出去！點都要死埋其他個d

整理返昨日既相 -
灣仔的景象…… (睇唔睇到d太陽既光線？)


巴士站度有個傻婆的拍照相……(但本人好欣賞自己既傑作)

睇下！我match埋隻手架
點呀？我既動作同後面盒野係唔係好match？邊個係天才？白痴？哈哈

PHOTOWORK - 用燈光做出來的效果 (似唔似水母？) (By 聲)


老娘的鐵窗邊緣照 - 我覺得影完似白粉婆，呵呵


>>May 15, 2006 at 7:15:45 PM GMT+8

2006 年 5 月 13 日 星期六 【晴】

現時，3點39分……今日一直在埋頭苦幹著

剛過去的一日裡
母親節，同左家人、婆婆、伯娘家、舅母 一同去食lunch buffet
見到大家是開心的！有時，就算都係食同一樣東西，但見面還是最主要的目的。

早走回校讀書，在等巴士途中影了好多相
包括我最鬼馬的大特照 (聽日再補上)
阿聲同學仲話好得tim！岩哂位！哈哈
今日係意甲球季最後一埸，今晚一定要睇科倫天拿
計劃好讀到下半埸就去睇
整個下午，埋頭！苦幹！但效率唔錯！決定開始寫個4版restrictive notes
寫死人哩！情況就似要將廿幾版既notes寫入去四版內
感覺……手好痛 (因為要就住d字體，唔可以「哂」位！)、眼累 (太集中了！)
踏入意甲足球中埸之時間 9:45pm
極快行去馬會睇live，點知原來馬會唔播！
同阿聲搵左幾間茶餐廳、bar，都係播緊祖記同ac milan，無奈！
不過當時fiorentina係領先0:1的
買唔到波，我估哂波膽同主客和lu，希望唔中同時fiorentina又win ball就好 ^^

無波睇就去左食金太朗
梗係必食燒三文魚頭啦！都係俾我拆骨拆到體無完膚…
聽日要考試啦，仲拉左阿聲同學同左我睇波，諗返都有點不好意思

呀！今日有d笑料，話就外國遊客有人問路附近有無starbucks
當然高身材既人就一馬當先回答了 (不過我自己都唔係好知個邊where有starbucks)
但係其實當時都好夜了，11點幾，係唔會有得飲starbucks coffee (i like 焦糖coffee，但都戒左coffee好耐)
明明係右手邊的，但聲就話左left，我即時提出糾正！哈哈！我想起…認字特警
真係笑死我！

考試時候都仲可以咁笑法，真係好！
壓力無咁大tim，我係好鍾意哩種考試氣氛的，雖然係好辛苦，
但係有d同學一齊hea下，鼓勵下，係我最大既動力…

上年讀ive時，仲係可以聽日考試，今日去游水曬太陽tim！^^ 真係想起當時係幾咁威水
威水並唔係因為我懶呀，係因為讀完唔想再讀！
但，「往事只能回味」 ，不過咁經典，我一定會記住的

當時，同今日一樣，都係好辛苦的，但係今日當然辛苦好多
罰抄都抄死人！
聽日strategy exam，亦係我人生第一次大學的考試，cool~ hope to enjoy it！
我完全無讀過 internatlization，聲話我太冒險，但係我情願…冒險一點
留多d時間prepare個case…

唔好意思！容我長氣的想講聲thankyou！學期尾最後一日先識到，都真係唔算遲
多一個好玩的同學，好！

恭賀fiorentina大勝2比0，出線進入07歐冠盃 ^^ 哈哈！ (我應該無搞錯呱)

>>May 14, 2006 at 8:19:24 PM GMT+8

2006 年 5 月 12 日 星期五 【晴】

剛講甚麼先？
最後家中有很多事發生左……

老媽 - 買劉家昌演唱會飛事件
被無理既朋友話我媽唔幫佢買哩…… 過份！
但係……就因為咁，老媽不斷的向朋友們傾訴
這兩天，我耳邊不斷聽著這個故事，重覆著
今日，已經係第五次了 >.<

老爹 - 手機報銷
一早老爸向老媽報案，手機跌左落馬桶內
吹乾都無用，決定報銷！

婆婆 - 渡輪遊
話說，昨天婆婆睇完醫生搭船返坪洲
佢坐左係下層座位，太累睡著了
結果無人發現她的存在
到她醒來時，船已經再次起航出中環lu！
返到中環時，婆婆再轉坐另一艘船，不幸的，係一架 豪華船！
結果又要俾一次雙陪錢返坪洲 >_<

哈哈！幸好論盡事今次無我份，yeah！
今日，同左同班同學 - 聲，返學讀書
又係奇怪的組合哩？ 無錯！msn 一傾就收唔到口
咩都傾一餐，因為咁岩有好多共同話題
夜晚10點幾去晚餐，落左尖東食小菜
好食呀！我第一次見有男仔可以食野食得咁……慢……
係慢到，成個鐘先食完一碗飯 =.= 哈哈！

嘩！發現左poly u出既 mini 大富翁，真係幾抵死
勁想將入面一格格變成大家個樣來玩
哈哈！一定會係好過癮……

呀！仲有呀……昨日睇娛樂大搜查哩
見到繼「男人魅」之後出左「金牌女兒紅」
個post紅到殺死人，想扮都扮唔到
=======================================================================
你們有錯過甚麼嗎？

再反問自己，我有錯過甚麼嗎？
都有的……可能係當阿麻同阿公走的時候
我都未能在身旁

但我覺得我無錯過的，實在有太多太多
無錯過的，給自己去愛身邊的人！
也無錯過，你們對我的愛，因為我真係感受到的！

>>May 13, 2006 at 6:22:06 PM GMT+8