2006 年 5 月 31 日 星期三 【晴】

人力資源 - 回憶錄



以上只是部分的內容
要觀看高質素及完整版，請到以下網址下載
http://www.yousendit.com/transfer.php?action=download&ufid=80D82F3C276794B2

>>May 31, 2006 at 4:32:16 PM GMT+8

2006 年 5 月 30 日 星期二 【晴】

今日，我終於都完成左個「人力資源 - 回憶錄」
太感動了

我不停咁整時…有好多人不停支持我
christie、jason、martin、sing
所以要special thanks哩幾個人
特別係整到尾聲
我已經係好累…好累…都係christie同聲係咁msn同我打氣
結果完成左後俾jason approve左一次，太好啦！有佢幫手，我好放心 ^___^

哈哈！另外今晚又去同師父一家人做節


阿b同阿lel同我都係咁玩得哩！
又做埋d好得意既post…哈哈！俾阿姨同阿媽鬧我地影埋d樣衰相 ^___^
左手邊 - 師父既細佬 阿lel，右手就係師父 阿b

但係我地都好欣賞影出來既效果

回家前影左幾張相
一、等緊lift時 二、在lift內 三、我同姐之合照


>>June 1, 2006 at 3:15:19 PM GMT+8

2006 年 5 月 29 日 星期一 【晴】

開始趕製「人力資源 - 回憶錄」
希望星期四踢波日可以整好俾大家睇
搞到3點幾都未有得訓
原來要搵哂大家個樣出來係咁辛苦的
其實到最後我都係覺得欠一兩個人
希望大家唔好介意

搞左兩晚先整左2分鐘
真係唔簡單哩……所以我覺得哩d野！真係……做一次就夠啦！
真係有值得去記念我先會再去整的

最後我都係choose左英文歌來做background！^__^

今晚我好開心呀
因為係炒蜆既生日
我啦、dabby、fion、connie、本源、kimmy、connie、maria、炒蜆
9個人出去左幫炒蜆仔賀壽

大伙兒去左酒樓打邊爐
其實我地已經有6年無去過酒樓打邊爐
次次都係去dabby家，一係就去bbq
所以今次好難得哩 ^^

DABBY仲送左日本手信俾我哩
係木偶仔砌圖呀！呵呵…… (佢知我鍾意木偶仔^__^)
太好啦！係唔係好靚哩？

今晚特別開心，雖然只係得4兄弟 (俊俊同貓頭鷹來唔到)
但係大家都帶伴出來
我？當然有炒蜆同fion陪我啦，哈哈！

哩幾年我地一家人愈來愈大
就算帶伴我地都係好開心架……好融洽的一家人哩 ^______^

今日炒蜆生日，同樣都要賀kimmy 6月1日，同埋dabby 6月7日生日
咁多年我地係第一次同炒蜆做生日架咋！
dabby同kimmy都係…… hehe
所以今日係好特別的一日

我地叫左兩打壽包來慶祝 -- 哈哈！影左好多相呀
仲有炒蜆拎出佢女友送既生日禮物來玩
yeah！好可愛哩！炒蜆好幸福呀……有個咁好既女朋友
我d兄弟哩……真係好有眼光的！希望佢地以後都係咁幸福

兄弟照


開心完，又要一次一個人回家了
哩條橋哩……我已經一個人行左好多次
但夜景依然係好靚的，特別係一個人之時


是夜又繼續做我既 人力資源 - 回憶錄
好累哩！考完試都咁忙……感覺真好……

>>June 1, 2006 at 3:13:59 PM GMT+8

2006 年 5 月 28 日 星期日 【晴】

「人力資源 活動最強」

這句話，行動證明左一切
今日我、cindy、枝、jason、聲
5行人一齊去唱k

正！但非常之唔夠喉…
唱得個2個半小時，真係……未解決！未解決！
好多歌都未唱！
不過幸好最後都唱左兩首大合唱「火熱動感la la la」、「熱力節拍wo bom ba」
大家企哂起身跳哂舞呀！正到爆！真係估唔到大家愛唱k既程度去到咁… ^____^
真係愈來愈鍾意大家！希望你地都係咁覺得

未夠2點已經被趕走的我們
決定去買「獨家試愛」vcd返學校library睇
點知…行左3間舖，都係賣哂！真係勢估唔到係咁受歡迎
結果我地買左「得閒飲茶」返poly睇

good！比我想像中好…我仲以為係好廢！無聊的戲…
誰知都頗有深度的 ^^
最深刻林家棟的一句：「愛情上，你唔應該勉強自己，更唔應該妥協。」
「你唔選擇佢並唔係你既錯，只係佢愛錯左你，你有更好的選擇。」

經阿枝同cindy既分析，意思係，
唔需要因為別人好而降低自己對愛情的要求，
你會有更好的選擇。
(希望我無寫錯啦！^^)

估唔到咁都可以同同學一齊睇戲，好抵死既一日！
睇完後同左cindy、聲去行街
我同cindy都各買左少少野…
行到好累就回家了！！

今日，又是行程豐富的一天。thanks
聽日，可以見到dabby等人，太好了……我好掛住大家
後日，同師父一家做節
大後日，人力資源踢波日，勁期待！我都會落埸踢返幾腳！
======================================================================
其實我估唔到仲收到email的，
but anway，thanks for sharig with me

今日收到一句好有意思的說話
李白果首唐詩《月下獨酌》的其中一句 - 「舉杯邀明月，對影成三人」
的確好有意境
意思指 -
明明一個人在飲酒、獨醉之時
但當見到明月和自己的影子
登時變成三人在共酌…與眾同樂之趣

有意思！有意思！多謝哂 ^^

>>May 29, 2006 at 5:36:40 PM GMT+8

2006 年 5 月 27 日 星期六 【晴】

睇日記，打日記，留言，回覆
是我如今每天都做的事
為你們…也是為我自己

今日還是留在家中休息、養聲
終於都好返好多了！
如今我多了個新花名 - 「人力資源的小儀」
哈哈！我將自己同小儀作了個比較……heeh！睇睇都ok似！
哈哈！好抵死呀

其實我好想出街的
但就係個人懶洋洋唔想出
留在家中煲返之前既「火舞黃沙」
正呀！得別係春分同閻少奶奶係後巷傾計的一段話
「我寧願我自己係有錯，我仲可以改，咁我仲知我以後應該點做。」

哩句說話，估唔到有人會把它寫成戲中的一句
所以我一聽之後，就忍唔住回帶再回帶的聽住這句說話
正正就是春分一點都無錯，所以佢一直都唔知自己應該點做
不過有一點不同的，我的的確確知道自己有錯
所以相對起來，我還是比較幸運哩^^
起碼，我知我日後應該點做！

整返少少昨日大家既少movie！

哈哈！好似又成功左一項創舉似的 ^^

今晚開返web cam，同左二家姐、君良、聲玩左一陣
dabby又打來同我傾左一會
依家我都唔知聽日去唔去買材料好哩？
星期二晚dinner時我可以整得切嗎？？唉！真有點擔心！
================================================================================
昨天，打返ocean may的日記
感覺 - 早知唔好玩得咁盡！要打返出來好辛苦>_<
但其實，當打完後再回味，感覺是 - 好滿足！

為何要寫得咁詳細？
因為我怕 ，我會忘記
我好清楚，開心快樂的回憶永遠教人容易忘記
而最深刻的事情，永遠是最傷心的事
所以，我更要寫清楚開心的時刻
就算幾瑣碎的，都要把它記下來

傷心的，我可以簡單幾句來描述
但開心的，我更希望能細仔地描寫
他日我再回味，
傷心的，希望是 - 有點印象
快樂的，希望是 - 盼能重溫

所以我花時間、心思，來寫下和你們的一切，點點滴滴……
假使有日你忘記了，到我這裡來，希望能成為可喚起，
一些值得你去懷念的記憶，與及值得懷念的人和事。

>>May 28, 2006 at 5:25:46 PM GMT+8

2006 年 5 月 26 日 星期五 【晴】

已經過了3萬人次瀏覽過盈盈的日記
真係……勁！完成唔知邊個係第三萬個人次！否則我會送佢一份禮物
唯有等……4萬人次先啦！^^
好啦！睇返之前既日記，原來已經寫左千多篇日記了……三年多！三年多！
想不到自己有這樣的恆心

剛打返昨日既日記
好長好長！可以再加上相片就更好……
我會再收集d相後整成movie大家都個記念
所以，快d load哂上網等我去搞啦 ^^ 哈哈！

仲有，邊個想要整個個filmloop的就話我知啦 (我個名下面個個 film)
我已經為大家整左個 教學法！應該一學就識的 ^^
所以話我知就ok，我可以send俾你地的！

今日個喉嚨好痛
一出聲就痛，啦啦臨食藥…
本來都想一個人出去行下的，但係我都係選擇左大昏迷！
一訓就訓到食飯！累死！但訓完後我舒服左好多，個喉嚨都無咁痛了
休息埋聽日先，之後星期一唱k！yeah yeah yeah！

幸好臨時記得要send msm俾君良兄祝佢「贏多d」
之後佢唔知reply個咩外星密碼來「q q」，我實在係「破解唔到君良兄密碼」
哈哈！原來係 thankyou！

本來今日同阿聲唱k的，都係去唔到，真係唔好意思啦！
昨晚同阿聲係度分享日記，都發覺我真係有一段時候無咩寫文了
真係日記多左好多！d文采都唔知走左去邊似的！

to 枝：多謝你睇完後覺得感動呀！
to rachel：我都信「會過去的」
to fanny：我提你啦！你都來留下言哩！仲有…快d整返個日記！
to alice：我寫好被你被點名既野了！

「阿盈愛‧愛阿盈」
愛的食物: 媽煮的、sushi、印度薄餅 、肉醬意粉、(太多啦！)
愛的音樂: 好聽既music，無分中西
愛的店鋪: 書店(因為夠靜，可以睇幾耐都得)、精品店 (可以update一下有d咩新野！)
愛的顏色: colorful - 粉紅色
愛的國家: 香港
愛的汽車: figure算唔算？ 法拉利lego (想買、想擁有，但無能力、而且無位)
愛的休聞: 聽歌、玩電腦、行街、看戲、篤波、入元朗、唱k、一個人
愛的科目: 美術史‧
愛的甜食: 少食甜品！但我多愛中式甜品，南瓜西米露、燉蛋、芒果布甸……
愛的個性: 愛笑‧嚴己寬人‧愛分享‧愛有內涵‧愛聽別人說話‧愛做角色扮演‧愛唱歌‧愛傻
愛的口頭禪: 係咩？唔係呀
愛的小動作: 托眼鏡 (成日帶con時都會無啦啦做左托眼鏡既動作！
愛的習慣: 回家第一時間一定係沖涼
愛的季節: 秋天‧以前係夏天！但係依家怕行雷，唔鍾意夏天了！但我想游水的
愛的女人: 媽‧二姐‧其實我對女性係好好的
愛的男人: 爸‧我愛過既男人‧好兄弟們 (包括：俊俊、炒蜆、dabby、kimmy、本源、榮榮……)
愛的節日: 我的生日‧因為我會收到大家既禮物‧大家的生日‧愛為朋友安排開心的生日會
愛的香水: moschino‧victoria's sercret
愛的運動: 篤波‧行街‧擁抱
愛的定義: 被需要的感覺 (因為我自卑‧總覺得你唔需要我的時間‧我就會走」
愛我的人: 父母‧親戚‧朋友
愛過我的人：都係個兩個，我估佢兩個都有愛過我的！

我唔打算點邊個人既名，因為我唔怕「拍拖中的人會分手,單身的會一年內交不到男/女朋友」的報應 ^^
我得到報應好耐啦~~

>>May 27, 2006 at 3:13:36 PM GMT+8

2006 年 5 月 25 日 星期四 【晴】

「Ocean May」

「ocean may」前 - 錯有錯著
8點半出門，其實都已經知會遲到 >.<
但我都係等巴士……一等，就等左15分鐘都未有車
打俾阿男 (平時佢都係搭哩個時間巴士的)
佢話佢著埋條褲就衝落來…
結果timing剛剛好！上到巴士 ^^

去到金鐘，去錯左阿魚所講個間大快活
但係就……錯有錯著！俾我係去錯個間大快活，撞到家姐同同事食早餐
cool！真奇妙

「Ocean MAY」 - 豐盛的一天

出發了！一行8個人 - cindy、yumi、jason、alice、我、魚、君良、rachel
一齊「去玩，去癲，來ocean park」
哈哈！一入去大家就不停咁影相，擺post
絕對係為我地開始的一天來個warm up
哩張影得我跳得勁高呀！

去到出前一丁的展覽
聞說rachel見到巨形杯麵太激動的關係
一下子就沖左埋去攬住，但結果佢係無為意有塊大膠玻璃係度而撞左上了！砰！
事後的樣子……無事嗎？ ^___^

哈哈！同左海洋公園好多公仔影相！有鯊魚大話王、仲有龜龜……
我地要求公仔擺post等我地跟佢一齊做 ^^ ，睇下大家都好可愛哩

之後又去玩動感影院來個warm up
已經叫死左……總之同cindy、yumi走係一齊，就係「喪」！
呵呵……alice戴左我對太陽眼鏡後，十足十明星
而我哩？？戴左就十足十童星… =.=

搭纜車時又不停同d途人揮手say hi
同左大家去到纜車的另一端 - 機動遊戲、展覽館

到步第一站就去左玩 滑浪飛船 ^^
為左令君良兄安心去玩，我地突地為佢安排一下熱身站
滑浪船……係最刺激的！(我呃佢架咋！)
哈哈！見到個個都玩到濕哂身，正好來個夏水禮似的
其實未滑下來之時，君良兄、yumi同cindy已經濕哂
因為有我係最後不停咁向大家潑水
哈哈！jason濕身後，褲係變左漸變色似的，而君良兄……濕左既部位比較尷尬哩！呵呵

玩完之後，睇怕君良兄都熱身完畢啦！cindy佢地就趁有時間玩埋個太空摩天輪
順便濕身後來個乾衣功能！！
但由於我怕暈，所以我、魚、君良兄就留守埸外打氣
哈哈！當然我同阿魚都趁時間一齊影下相啦
之後就直擊 大家係太空完後的情況…… 「3號機係yumi、5號係rachel、6號就係cindy……jason同alice就係另一邊！」哈哈

玩之後又上返去來個「戲肉」 - 越礦飛車
未玩前我地係扶手電梯影相，alice做千手觀音，我地係外面加手，效果…perfect！
完全睇唔到外面既我們……哩度證明左一個事實！其實我地同alice係一樣瘦的！哈哈


哈哈！ 越礦飛車 - 哩個係我覺得最可怕既遊戲，因為衝落來個下要擺post一d都唔易！
未玩前，除左君良兄外，大家都好雀躍
君良兄驚到不停咁按住自己個心……神情非常凝重
當然我地在旁都不停咁安慰著君良兄！ (都擔心佢真係玩完會嘔)
佢個樣……真係非常「15/16，唔玩勁舒服！」
講完哩句，alice話我同君良兄好似「森美、小儀」^_^
(事後我同佢都影左張俾大家研究一下) -->
係哩！我地既高度係剛剛好欠一尺之距離
但我今日係肩負起照顧君良兄既工作 (哈哈！)
上左飛車後，就不停咁叫佢嗌出來，結果到我聽到既係：「wor！」
哈哈！嗌出來係唔係好好多哩？
起碼唔會嘔嘛！

剛完飛車，阿星就到啦！great！
我同阿星都好懶，所以將個bag bag放左係君良兄個背囊中，yeah！yeah！
之後一齊去左食lunch先！仲玩左一d玩遊戲贏公仔既遊戲
但唔知why！射籃球係咁難的，我同jason兩份玩，都係入得一球……bad！
食左m記大餐，估唔到杯奶昔要14蚊！
cindy、yumi、星、阿魚、君良就醒哩，5個人買左珍寶可樂都係16蚊！但真係好大杯哩！
飲杯！！！

我地食完就要抖一抖，哩個時間我地去左 鯊魚館、水母萬花筒走走
cool！好靚呀！特別係個海底世界同埋水母真係好鬼正！
我地仲影左大家係度拍水母個個影哩 ^^
認唔認得佢地係邊個？？
呵呵！中途仲係個個日本花園拍左好多張相 ^^，哈哈！


cool！抖夠就可以再開動玩機動游戲！
我地先挑戰 過出車 - 但係哩個上次玩時「搖」到我個頭好痛
所以今次，我、阿魚、君良兄都係棄權唔玩的

等大家返落來，唷！阿星睇來被搖到個肚有dd唔舒服wor
哈哈！無事既無事既！吸一口氣我地又去玩海盜船
哩個未玩，君良兄又係非常沈重！簡直好似係去上刑埸似的
見阿星又未抖夠，我就同左君良兄、阿星 一組 坐尾二個排
cindy、alice、jason、阿魚就對面個後排
哈哈！我同阿星就夾住君良兄係中間，不時問佢掂唔掂！
佢仲問我同阿星：「你地點解可以舉起哂手架！嘩~~~」

哈哈！之後我就拎起佢一隻手來feel下 …… free嗎？

可能都係驚啦！君良兄都係 猶有如悸似的，驚驚地！哈哈…
但係睇返rachel同yumi影d相
又唔係咁驚者！哈哈~~~~ 君良兄結果獻出左好多個第一次俾我地，名副其實 - 「處男下海」

到左「必玩跳樓機」- 今日大家期待已久的節目！yes！yes！
哩一個，我地就唔會迫大家玩啦！始終唔係人人都夠膽！所以阿星同君良兄只係陪我地一齊排隊
睇完好多國內同胞，中年人仕都玩到面不改容
明明打算搵定出口既君良兄
最後都決定同阿星一齊加入我地
結果9個人去，9個人玩！真係大紀錄……！

由於阿星同君良都唔係太敢
結果君良就坐我同cindy中間，星就坐rachel同魚中間
臨上時，我同我yumi、cindy講左句「我愛你呀」，哈哈

我就坐係君良兄隔離…所以全程我都好清楚
原來choose望海個邊真係幾驚的，之後上到去不停數住「1,2,3,4……」
數住真係無咁驚的……衝落來個下！cool~~~叫啦叫啦！哈哈！
果然！君良兄又戰勝左一大挑戰
真係唔可以睇少自己既潛能……又一證明 - everything is possible, nothing is impossible
睇！我地既戰前戰後既樣子……哈哈


無咩可以挑戰lu！都已經5點半啦……我地見太多人就唔搭纜車返過去lu
改去集古村作最終站！
但我們見都未同過阿星玩滑浪飛船
又一行人衝左去玩多次！哈哈！今次我、cindy、yumi、阿星4個人一組 (來個21319 team)
jason無見玩，所以佢負責幫我地拍片！
9個人，好明顯比上一次濕得多了！看rachel & alice

哈哈！今次結果好利害，仲濕過上次
但係都唔夠君良兄個邊，可能strategy錯左，真係唔應該將重力放係船頭
結果佢地成team濕身程度達80%
聰明既alice雖然被波及，但佢係有衫換
反而阿魚就無啦，要著外套免得凍親哩
哈哈！

去到集古村……只係借左個廁所用，根本無野睇！
但係我地都發揮左小宇宙，係度拍左一後 - 姑娘記
哈哈！6個人拎住條手巾仔企係樓梯上揮手巾……估唔估到我地會做咩？
有我同cindy係度，有咩係無可能的？哈哈……扮姑娘拉客！哈哈
之後仲用手巾來扮 南韓農民，邊個最惡？

alice仲叫我地落力d嗌tim，嘻嘻 (原來alice都好玩得的！)
坦白講，我識左cindy之後，先知，原來斯文並唔代表係唔玩得的！nothing is impossible

臨走時，再來個大合照！今次有阿星啦 ^^

今日盡興而回，係巴士站影下相，之後搭返車出來再join返fanny打邊邊
cool~~ 點知係車上遇上大塞車
但係偏偏塞車就令我地係車上都玩得好開心
rachel既魔術表演真係叫人拍案叫絕！而且仲睇到其他乘客好開心
而且玩tamama既鎖匙扣都玩左一段時間，笑死！
明明係好累的，但始終係唔想訓！哈哈~~

終於都8點幾去到旺角join fanny
明明係決定左去打邊邊，最後都係食左korean bbq！哈哈
yumi終於都食到佢想食既咖哩蟹…
我就唔得啦！個喉嚨已經開始痛痛地，而且對腳真係累到唔想郁
所以我大部分時間都係坐同食…… 接受yumi同fanny既廚藝及奉獻！呵呵
之後枝姐10點幾來埋……wor！我估唔到佢食得哂阿魚為佢燒既食物
真係……太可怕了！

一邊傾一邊食，講下賤man！哈哈……好搞笑！
對足大家15個鐘都唔覺得悶，我真係好開心呀 ^^


fanny你唔來實在太可惜了，仲有cathy都係 (好返d未？)
阿枝、阿聲……唔來太太太可惜啦！
今日玩得太盡興……快d睇返d相就好了

ocean may - 玩後感
to all：
多謝哂咁多位！俾左個咁開心既日子我哩……我玩得好開心、盡興而歸！
多得大家，我全日都無唔開心！yeah！yeah！yeah！
期待星期一的karaoke之行…

大家都來寫一日玩後感啦！^_^ 集合之後我會放係日記的

>>May 27, 2006 at 5:50:47 PM GMT+8

2006 年 5 月 24 日 星期三 【晴】

終於，考完了
終於，結束了
終於，捱過了
終於，決提了…

今日，最後一科的考試，International Human Resources Management
付出幾多，自己知
就係答到幾多……
答得唔好已經係事實
但最重要，我畢業了！無論我最後是拎咩grade，我終歸是畢業的
最後一個字，寫得好慢！因為這可能係我告別校園的最後一個字
也為我的大學生涯畫上一個句號

這一年，好漫長……感覺仿如隔世
第一個最想攬既人係cindy，可惜佢當時掛住收錢
可能就是這樣，我忍住了
第二個想攬的，係yumi，但係……聽日又見吧！所以又唔駛攬
我，還是忍下去

不過…走出班房，大家都在笑時，我在喊是否好傻？
喊，不是因為考得唔好
喊，是因為我盡哂力
喊，是因為我一個人去捱完整個學年
喊，是因為同大家分別
喊，是因為你離開了我

不知何解，就是收不起、禁不住眼淚如泉水般傾瀉下來
這大半年，你我都不知大家的生活
要問一句「你好嗎？」 - 該令人多麼無奈的問候
「你好嗎？」 - 正代表我倆已成陌生
也正代表多久沒有聯絡？

但，還是願你過得比我好

對唔住！嚇親好多人……

關於我被點名既…要聽日先寫lu！累…要訓！
多謝各位！
=========================================================
阿聲 (佢話要提一提佢wor)

>>May 25, 2006 at 6:29:49 PM GMT+8

2006 年 5 月 23 日 星期二 【晴】

今日好多事情想記下
11點幾起身之後
我讀讀下書發現本影印書無左好重要既兩版 p.90-91
啦啦臨打俾neol借書先 ^^
哈哈！朋友有時真係救急既良藥
家附近有阿雯、有男哥、又有neol……真係唔駛多！已經好夠

(唔係有人睇完真係去搵下p90-91係咩呀？？唔好傻wor ^^ )
woooor！真係住係家附近哩，就特別街坊look
neol今日著左條超短熱褲
6尺高既身材盡現眼前！！真係不禁要「v ~v~」
如果佢係女仔，我係唔會vv架，我會叫佢著返長d短褲啦，嘻嘻

眼前一亮之後，就去自修室讀書啦
今日多左好多陪我讀……個個都拎住本中史書
真係……可憐！
讀到咁上下就去左買小食……太想食了
所以我又忍唔住食之前幫佢影左相，順便又同大家分享一下我愛食既野先，哈哈！無聊哩……

我好鍾意食蛋韃，特別係酥皮蛋韃，因為酥皮一層層好難整得好食
今日哩個……就係唔好食！
都係家樓下的「凱施」最好食，$3.6，真係貴得有道理！

哈哈！仲有好多野想講
cindy既「ocean may」真係好爛，但係非常貼題，而且好有意思，我好by this name哩 ^^

今日天氣唔好boo
但唔駛擔心！我睇過天文台，星期五天色晴朗，係我地約會既好日子！
大家俾心機讀埋佢，聽日笑住答問題，之後我地去狂歡吧

都係因為昨晚食足兩餐水餃，我今日屙左3次！唉……
食得太多啦…下次都係唔好同阿媽玩得咁盡！

點解會有個「救救枝姐大行動」？？ 我要釋法呀！
我resistant to change wor ^^

結果，我實在係唔忍心呀…我這個人好心軟的。所以我係決定左去睇x-men架！
睇來真係好想我去boo，我係幾有吸引力既！
但係我依然想同cindy、fanny、yumi等人dinner的，可以嗎？

>>May 24, 2006 at 4:22:23 PM GMT+8

2006 年 5 月 22 日 星期一 【晴】

今日……幹了甚麼事情？
家中好靜，一個人都沒有
我安份的在家中讀書、睇電視
中午仲食左我既水餃宴 - 10隻

我其實係煮左20隻的
要留返10隻聽日食，咁我聽日就唔駛諗食咩 ^^
點知夜晚阿媽見到
覺得我個新食法非常好
就決定左是夜晚餐都係 水餃宴

結果，我真係食左一日既水餃宴lu ^^
唔緊要啦！難得我媽by我條食法…

>>May 24, 2006 at 7:34:28 PM GMT+8